San Juan 15:1 - Tz'utujil (Ja Cꞌacꞌa Chominem)

¹ Cꞌacꞌariꞌ xcꞌambej tzij chiquewach, quewaꞌ xbij chique riꞌ: —Wqꞌuin anin nelto wiꞌ ja cꞌaslemal ja katzij chi cꞌaslemal, anin in junan ruqꞌuin ja rkan jun mocaj uva. Ja cꞌa Nataꞌ arjaꞌ junan ruqꞌuin ja nbano cuenta ja uva in njoskꞌij.

Tz'utujil NT

¹ C'jara' xbij jun c'ambal tzij y cawra xbij: —Wq'uin anen nel twa' c'aslemal che ktzitzij c'aslemal, anen en rkan jumlaj uva y Nedta' arja' jnebnowa cwent uva y njosk'ij.

San Juan 15:1 Iomraidhean Croise

San Mateo 15:13

In bix chique rmal ja Jesús: —Ja tijonem, xa nak ta chi tijonemal, ja Nataꞌ ja cꞌo chilaꞌ chicaj wi ma arjaꞌ ta ticyon rxin jariꞌ tijonem xa nyoji caniꞌ nba̱n tre kꞌayis xa nboki.

San Mateo 20:1

Ja gobierno xin chilaꞌ chicaj queriꞌ rbanic caniꞌ xuban jun tatixel jutij, pa jun akꞌabil chanim xelel, be chi quicanoxic juleꞌ rmoso chi nesamaj chipan ja rtijcoꞌm.

San Mateo 21:33

Camic tecꞌwaxaj chic jun ja cꞌambal tzij ja xtinbij chewe riꞌ. Cꞌo jun tatixel cꞌo jun rchenoj, uva rticon chwach. Xucoj pa qꞌuexton, xucꞌot jun jul chipan ja bar nlasax wiꞌ ja riyaꞌl uva. Ja cꞌa chenoj xuyic jun torre chipan ja nqꞌuejeꞌ chajinel parwiꞌ. Cꞌacꞌariꞌ xuyaꞌ pa kajonem chique juleꞌ ajchonlaꞌiꞌ in be chipan jun tinamit congana nat.

Marcos 12:1

Cꞌacꞌariꞌ xumaj chic tzij cuqꞌuin pro pa tak cꞌambal tzij ntzijon chic wiꞌ cuqꞌuin. Quewaꞌ jun cꞌambal tzij xbij chique riꞌ: —Cꞌo jun achi cꞌo jun rchenoj, uva rticon chwach. Ja tok tictaj rmal xucoj pa qꞌuexton, xucꞌot jun jul chipan ja bar nlasax wiꞌ ja riyaꞌl uva. Ja cꞌa chenoj xuyic jun torre chipan ja nqꞌuejeꞌ chajinel parwiꞌ. Ja cꞌa rchenoj xuyaꞌ pa kajonem chique juleꞌ ajchonlaꞌiꞌ in be chipan jun tinamit congana nat.

San Lucas 13:6

Cꞌo jun cꞌambal tzij xbij chique chakajaꞌ, quewaꞌ xbij chique riꞌ: —Cꞌo jun achi cꞌo jun mocaj higo rticon pa rchenoj. Ja cꞌa rachi arjaꞌ be ruqꞌuin ja cheꞌ nertzꞌataꞌ ja wi cꞌo rwach pro ja tok xekaji ni majun rwach ja cheꞌ.

San Juan 1:17

Ja Moisés arjaꞌ yowi ja ley xin Dios pro ja Jesucristo arjaꞌ cꞌamyonto ja rutzil ja nsipaj ja Dios, arjaꞌ cꞌamyonto ja totajem ja ni katzij wiꞌ chi totajem.

San Juan 1:9

Jariꞌ luz ja kas mero luz xin Dios pi waweꞌ chwachꞌulew, arjaꞌ ja nsakirsani quewiꞌ canma ja winak canojelal.

San Juan 15:2

Arjaꞌ nkupijel ja rkꞌaꞌ uva nojelal ja mta rwach nuyaꞌ, ejeꞌeꞌ cꞌariꞌ ja winak ja chaka ecꞌoloc wqꞌuin. Pro ja rkꞌaꞌ uva ja nwachini jariꞌ njoskꞌix rmal ja Nataꞌ utzcꞌa chi nwachin más.

San Juan 6:32

Bix chic chique rmal ja Jesús: —Ni katzij wiꞌ ja xtinbij chic chewe riꞌ, ja way ja pi chicaj ma ja ta Moisés yowi, ja nataꞌ Dios arjaꞌ yowi in ja way xin chilaꞌ chicaj ja ni katzij wiꞌ chi way ni ja wiꞌ nataꞌ Dios nyowi chakajaꞌ.

San Juan 6:55

Como ja ncuerpo anin jariꞌ ja mero way in ja nquiqꞌuel jariꞌ ja mero camsbal chakichiꞌ.

Romanos 11:17

Ecꞌo juleꞌ chique ja tinamit Israel ja xeya̱ꞌ can rmal ja Dios, ban chique e caniꞌ rukꞌaꞌ jun cheꞌ olivo pro juleꞌ rukꞌaꞌ ja chꞌakixto. Ja cꞌa rixix ja ma ix aj Israel ta ix caniꞌ rukꞌaꞌ jun chic cheꞌ olivo pro jun cheꞌ ja ma ticon ta, jun cheꞌ ja xa ruyon penak. Ja xuban ja Dios chewe, xixrucoj como ix cachbil ja tinamit Israel ja ma xeruyaꞌ can ta, caniꞌ xixruban ingertar ruqꞌuin jun cheꞌ olivo pro jun cheꞌ arjaꞌ ticyon in camic xa jun chic ebanon cuqꞌuin ja tinamit Israel chi rtijic ja utzlaj cꞌaslemal ja penak ruqꞌuin ja rcꞌamal jawaꞌ cheꞌ riꞌ.

1 Corintios 3:9

Queriꞌ nbij chewe como ja Dios arjaꞌ yoyon chake nojel awaꞌ wariꞌ, arjaꞌ yoyon chake chi nkachbilaj kiꞌ chi rbanic ja rsamaj, arjaꞌ yoyon chewe chi ixocnak ix caniꞌ rtijcoꞌm in chakajaꞌ arjaꞌ yoyon chewe chi ixocnak ix caniꞌ rochoch.

1 Juan 2:8

Pro nkabij tre chakajaꞌ chi cꞌacꞌa mandamiento como ja rcꞌaslemal ja Jesucristo nucꞌut chikawach nak rbanic ja nawajoꞌ awiꞌ in queriꞌ tre ja recꞌaslemal ixix chakajaꞌ janiꞌ chi la newajoꞌ ewiꞌ. Queriꞌ nkabij como ja rajoben riꞌil ja rcꞌamonto ja Jesucristo ni katzij wiꞌ chi ruqꞌuin Dios penak wiꞌ, okryaꞌon chic pa sakil caniꞌ nuban kꞌij tok npi rsakaric, ja cꞌa kꞌekumal xin ojer ntajini nqꞌuisi.