San Juan 14:9 - Tz'utujil (Ja Cꞌacꞌa Chominem)

⁹ Ja cꞌa Jesús xbij tre: —Felipe ¿nak tre tok nabij queriꞌ chwe chi anin ncꞌut chewach ja Tatixel pro tuban waꞌan qꞌuiylaj tiempo incꞌol ewqꞌuin, la majaꞌn cꞌa tichꞌobtaj amwal ariꞌ nak nbanic? pro ja reꞌotakyon nwach jariꞌ cotak cꞌa rwach ariꞌ ja Tatixel.

Tz'utujil NT

⁹ —Felipe ¿nak tzra tak nabij chwa chquenc'ut Ttixel? Per najru'la tiemp enc'ola ewq'uin. ¿Lq'uemja'n c'ara' tch'obtaja awmal nak nbanic? Nak wnak rutkin nwech rutkin c'ara' rwech Ttixel.

San Juan 14:9 Iomraidhean Croise

Marcos 9:19

Ja cꞌa Jesús tok cꞌaxtaj rmal ja bix tre rmal ja rachi quewaꞌ xbij riꞌ: —Ixix ja rix aj Israel ni takaꞌan mta wiꞌ ja yukulbal ecꞌuꞌx wqꞌuin. Taqꞌue titzuri ja nsamaj checojol, cꞌayew chwe chi ncochꞌ más ja matiyukeꞌ ecꞌuꞌx wqꞌuin. Camic tecꞌamaꞌto ja ralaꞌ wqꞌuin, neꞌ chique.

San Lucas 12:56

Cacaꞌ epalaj, ixix bien nchꞌobtaj emwal nak rcꞌamonto ja netzꞌat jeꞌe chicaj in ja netzꞌat jeꞌe chwach ja rwachꞌulew pro ¿nak cꞌa tre ja tok matichꞌobtaj emwal nak rcꞌamonto ja ntajini nuban ja Dios chewach chipan ja tiempo ja rokcꞌo wiꞌ riꞌ?

San Juan 1:14

Ja Ralcꞌwalaxel ja nkꞌalasani janiꞌ rnaꞌoj ja Dios arjaꞌ kajto, xoc kach winak, qꞌuejeꞌ chikacojol. Katzꞌat ruqꞌuin kawach chi ja rcꞌaslemal arjaꞌ mero rcꞌaslemal ja Dios, junan ruqꞌuin ja rcꞌaslemal Dios Tatixel, mchita jun ralcꞌwal ja Tatixel ja queriꞌ chi ta. Arjaꞌ nojnak ja rutzil xin Dios pa ranma, nojel ja nuchꞌob, nojel ja nbij in nojel ja nuban ni katzij wiꞌ.

San Juan 10:30

Anin xa ok junan ruqꞌuin ja Tatixel, neꞌe ja Jesús chique.

San Juan 12:45

Ja winak ja retzꞌatyon nwach quitzꞌaton cꞌa rwach ariꞌ chakajaꞌ ja rintakyonto.

San Juan 14:20

Ja cꞌa tok xtipeti ja rEspíritu Santo jariꞌ bien nchꞌobtaj chic emwal chi anin xa jun kabanon ruqꞌuin ja Tatixel, bien nchꞌobtaj chic emwal triꞌ chi ixix xa jun ebanon wqꞌuin in anin chakajaꞌ xa jun nbanon ewqꞌuin.

San Juan 14:7

Ja wixta chꞌobtajnakto emwal nabey nak ja kas mero nbanic chꞌobtajnak ta cꞌariꞌ emwal chakajaꞌ nak rbanic ja Nataꞌ pro ja camic riꞌ xtichꞌobtajel emwal nak rbanic ja Nataꞌ in etzꞌaton chic rwach chakajaꞌ, neꞌe ja Jesús chique.

San Juan 8:19

—¿Bar cꞌa cꞌo wariꞌ ja ratataꞌ? xecheꞌ tre. —Ja rixix ni ma chꞌobtajnak ta wiꞌ emwal nak inocnak wiꞌ in nixtacꞌa ja ta ja Nataꞌ chakajaꞌ chꞌobtajnak ta emwal nak rbanic. Ja wixta chꞌobtajnak emwal nak nbanic anin chꞌobtajnak ta cꞌariꞌ emwal nak rbanic ja Nataꞌ chakajaꞌ, neꞌe ja Jesús chique.

1 Corintios 15:12

Ja cꞌa wi nkayaꞌ rbixic ja Cristo chi cꞌastajnak rwach chiquicojol camnakiꞌ ¿nak cꞌa tre tok ecꞌoli chewe ja nebini chi: —Mta moda xticꞌastaj ta quewach ja camnakiꞌ, necheꞌe?

Filipenses 2:6

Arjaꞌ xuban tinoꞌy pro makanaꞌ maquita Dios. Arjaꞌ masqui xa e junan ruqꞌuin ja Dios chilaꞌ chicaj pro ma xpokonaj ta xuyaꞌ can, peti waweꞌ chwachꞌulew.

Colosenses 1:15

Ruqꞌuin ja Ralcꞌwal Dios nkatzꞌat wiꞌ janiꞌ ja kas mero rbanic ja Dios ja matitzꞌattaji. Mchita jun nak chi ta nim ta rukꞌij chwach ja Ralcꞌwal Dios.

Hebreos 1:3

Caniꞌ tre ja ruchꞌaꞌ kꞌij ruqꞌuin nkatzꞌat wiꞌ nak rbanic ja kꞌij in queriꞌ cꞌa tre ja Ralcꞌwal Dios chakajaꞌ ruqꞌuin nkatzꞌat wiꞌ chi janila nim rukꞌij ja Dios. Ja Dios in ja Ralcꞌwal ni junan quinaꞌoj chi e caꞌiꞌ, ni majun nak ta rjalben ta riꞌ. Ja Ralcꞌwal Dios mta nak ta ja winakarsan jeꞌe ja maquita arjaꞌ chapyon rxin utzcꞌa chi matichictaji in matiyojtaji, ja cꞌa nchapbej jariꞌ ja rtzobal como ja tzij nbij congana poder rcꞌan. Ja cꞌa xuban nabey peti, xokurchꞌachꞌojirsaj chipan ja kil kamac cꞌacꞌariꞌ be chilaꞌ chicaj, xetzꞌabeꞌ pa riquikꞌaꞌ ja nimlaj katataꞌ Dios.

1 Juan 5:20

In kotak chakajaꞌ chi ja Jesús ja Ralcꞌwal Dios peti waweꞌ chwachꞌulew in xuyaꞌ chake chi kotakij rwach ja Dios ja katzij chi Dios. In ajoj xa jun kabanon ruqꞌuin ja Dios ja katzij chi Dios in xa jun kabanon ruqꞌuin ja Jesucristo ja Ralcꞌwal, ruyon arjaꞌ ja Dios ja katzij chi Dios, ruyon arjaꞌ nyowi ja utzlaj cꞌaslemal ja mta qꞌuisic trij.