San Juan 14:27 - Tz'utujil (Ja Cꞌacꞌa Chominem)

²⁷ Anin ninbe pro kas tiquicot can ja rewanma. Anin cꞌo jun quicotemal wqꞌuin jariꞌ nyaꞌ can chewe pro jariꞌ ma junan ta ruqꞌuin ja quicotemal ja xa xin rwachꞌulew. Maxta ticapuj ecꞌuꞌx in maxta texbej ewiꞌ chakajaꞌ.

Tz'utujil NT

²⁷ Anen quenba per quenya' cana chewa che qui'il nec'je'a ewanm chwech Dios ajni' nebnon anen. Per jara' mjunam ta ruq'uin ajni' nuya' rwech ruch'lew. Me tyo'j ta ec'u'x y mtexibej ta ewi' chka'.

San Juan 14:27 Iomraidhean Croise

San Mateo 10:26

Rmalcꞌariꞌ nbij chewe, ma texbej ta ewiꞌ chiquewach. Queriꞌ nbij chewe como nojel ja ma kꞌalajinnak ta jeꞌe jariꞌ nerilaꞌ na jun kꞌij tok xtikꞌalajini in nojel ja rawatal jeꞌe jariꞌ nel na pa sakil, notakix na.

San Lucas 1:79

Ja cꞌa Toꞌonel arjaꞌ neruyaꞌ na pa sakil ja winak ja recꞌo pa kꞌekumal ja nquixbej quiꞌ chwach ja camíc in nokrucꞌaj na chipan jun bey ja rcꞌan quicotemal. Queriꞌ xbij ja Zacarías.

San Lucas 10:5

Ja tok nixoc chipan jun jay, tok neꞌekꞌijlaꞌ ja winak quewaꞌ ja kas nebij chique nabey riꞌ: —Ja quicotemal xin Dios tiqꞌuejeꞌ pan ewochoch, quixcheꞌ chique.

San Lucas 12:4

Camic nbij chewe ja rix wamigo, ma texbej ta ewiꞌ chiquewach ja winak ja xa ruyon ecuerpo necowini nquicamsaj como ja tok nixcamstaj cumal mchita nak chi ta necowini nqueban chewe.

San Lucas 2:14

—Ja camic janila majtajnak chic ryaꞌic rukꞌij ja Dios chilaꞌ chicaj in ja waweꞌ chwachꞌulew cꞌo chic ja quicotemal, cꞌo chic ja rutzil xin Dios cuqꞌuin ja winak, necheꞌe.

San Juan 14:1

Cꞌacꞌariꞌ xbij chic chique: —Maxta ticapuj ecꞌuꞌx, ni tiyukeꞌ wiꞌ ecꞌuꞌx ruqꞌuin ja Dios in wqꞌuin anin chakajaꞌ.

San Juan 16:33

Nojel awaꞌ ja xinbij chewe chipan awaꞌ jun tucwakꞌabil riꞌ utzcꞌa chi nyataj na chewe ja quicotemal xin Dios ja tok xa jun chic ebanon wqꞌuin. Ja chipan awaꞌ rwachꞌulew riꞌ congana rpokonal xtetij na pro quixquicoti como ja ritzelal rxin ja rwachꞌulew jariꞌ ni ma cowinnak ta wiꞌ chwij, nij anin wiꞌ inchꞌocmajnak. Queriꞌ xbij ja Jesús chique ja rdiscípulo.

San Juan 20:19

Jariꞌ kꞌij domingo, ja cꞌa discípulo como ejeꞌeꞌ nquixbej quiꞌ chiquewach ja cach tak aj Israel chewiꞌ tok quimolon quiꞌ pa jay, quitzꞌapinto quechiꞌ. Ja cꞌa tok xoc akꞌaꞌ xekaji ja Jesús cuqꞌuin, peꞌi chiquicojol in quewaꞌ xbij chique riꞌ: —Ja quicotemal xin Dios tiqꞌuejeꞌ checojol, neꞌ chique.

San Juan 20:21

Ja cꞌa Jesús xbij chic jutij chique: —Ja quicotemal xin Dios tiqꞌuejeꞌ checojol. Ja Nataꞌ arjaꞌ xinrutakto waweꞌ chwachꞌulew in queriꞌ cꞌa nban chic chewe ixix chakajaꞌ, nixnutakel chi nebanaꞌ ja nsamaj, neꞌ chique.

San Juan 20:26

Ja cꞌa cha jun domingo chic quimolon chic jutij quiꞌ ja discípulo chipan ja jay cachbil ja Tomás. Tzꞌapali ja chiꞌjay pro chaka jalal tok xekaji ja Jesús, peꞌi chiquicojol in quewaꞌ xbij chique riꞌ: —Ja quicotemal xin Dios tiqꞌuejeꞌ checojol, neꞌ chique.

Hechos 10:36

Xutakto ja Jesucristo ja kajaw kanojelal ja rok winak, kuqꞌuin ajoj xutakto wiꞌ ja rok aj Israel chi xuryaꞌaꞌ rbixic ja utzlaj tzij chake ja rcꞌamonto quicotemal.

Hechos 18:9

Ja cꞌa Pablo cꞌoli ja xutzꞌat chakꞌaꞌ caniꞌ pan achicꞌ in quewaꞌ bix tre rmal ja kajaw Jesucristo riꞌ: —Ma taxbej ta awiꞌ chi nayaꞌ más rbixic ja ntzobal, maxta tacajbaꞌ rbixic

Romanos 1:7

Jawaꞌ carta riꞌ ewxin ewanojelal wachꞌalal. Ixix janila nixrajoꞌ ja Dios arjaꞌ xixsiqꞌuini chi ixocnak ix tinamit rxin. Ja rutzil ja nsipaj ja Dios chake rachbil ja quicotemal xin Dios, ja tariꞌ xtecochij más tre ja katataꞌ Dios in tre ja kajaw Jesucristo.

Romanos 15:13

Ja Dios arjaꞌ nyoꞌ chake chi nokquicoti chi raybexic nojel ja rtzujun can chake. Arjaꞌ ta cꞌa xtiyoꞌ chewe chi nnoji ja quicotemal pa tak ewanma, arjaꞌ ta xtiyoꞌ chewe chi xa jun neban, jariꞌ nuyaꞌ chake ja tok yukul kacꞌuꞌx ruqꞌuin ja Jesucristo. Quirtacꞌariꞌ neban utzcꞌa chi nsamaji ja poder rxin ja rEspíritu Santo pa tak ewanma in rmaltariꞌ kas ta npulinto ja quicotemal pa tak ewanma chi raybexic nojel ja rtzujun can chake ja Dios.

Romanos 5:1

Queriꞌ cꞌa rbanic, rumac ja yukulbal kacꞌuꞌx ruqꞌuin ja Dios chewiꞌ tok nba̱n chic chake rmal ja Dios caniꞌ mta kil kamac kabanon in rmalariꞌ tok oktzurnak chic ruqꞌuin ja Dios pro xa rmal ja kajaw Jesucristo tok banon queriꞌ chake.

Romanos 5:10

Ja Dios xa ok rcꞌulel ja tok peti ja Ralcꞌwal, xurcam kaj pa kacuenta in ja rcamic jariꞌ tzursan kaxin ruqꞌuin ja Dios. Ja Dios wi conforme xuban queriꞌ chake tok xa ok rcꞌulel más chi na conforme chi nokrutoꞌ camic. Como ja camic oktzurnak chic ruqꞌuin ja Dios in rmalariꞌ tok bien kotak chi ni xtiyataj na wiꞌ chake ja totajem xin Dios como cꞌastajnak chic ja Ralcꞌwal.

Romanos 8:6

Ja wi jaꞌ nachꞌob ja cꞌo rgana ja tzabuklaj cꞌaslemal chawe chi naban jariꞌ xa pa camíc natrucꞌamel wiꞌ pro ja wi jaꞌ nachꞌob ja cꞌo rgana ja rEspíritu Santo chawe chi naban jariꞌ pa jun cꞌacꞌa cꞌaslemal natrucꞌamel wiꞌ, ja rawanma janila quiꞌil nunaꞌ rmal.

1 Corintios 1:3

Ja rutzil ja nsipaj ja Dios chake rachbil ja quicotemal xin Dios ja tariꞌ xtecochij más tre ja katataꞌ Dios in tre ja kajaw Jesucristo.

Gálatas 1:3

Ja rutzil ja nsipaj ja Dios chake rachbil ja quicotemal xin Dios ja tariꞌ xtecochij más tre ja katataꞌ Dios in tre ja kajaw Jesucristo.

Gálatas 5:22

Pro ja rEspíritu Santo quewaꞌ nwachij pa tak kacꞌaslemal riꞌ, nkajoꞌ kiꞌ, cꞌoli ja quicotemal xin Dios pa tak kanma, mta chꞌaꞌoj nkaban, cꞌo kapaciencia, cꞌo jun quiꞌlaj anma kucꞌan, nkatoꞌ kiꞌ chibil tak kiꞌ, nkaban cumplir ja nkatzujuj,

Gálatas 6:16

Jariꞌ ja kas mero rubey in canojel ja winak ja cucꞌan awaꞌ jun bey riꞌ xtiyataj ta chique ja nimlaj quicotemal xin Dios in Dios ta xtipokonan quewach chakajaꞌ. Ejeꞌeꞌ riꞌ winak e tinamit xin Dios ja katzij chi e rtinamit Dios.

Filipenses 4:7

Ja wi neyaꞌ pan oración nojelal jariꞌ nyataj chewe ja quicotemal xin Dios pro jun quicotemal ja más kꞌaxnak chi na, makocowini nkachꞌob janila nim, jun quicotemal ja nsamaji pa tak ewiꞌ pa tak ewanma chi echajixic pro xa rumac ja xa jun ebanon ruqꞌuin ja Cristo Jesús tok nba̱n queriꞌ chewe.

Colosenses 1:2

in ntakel ewqꞌuin wachꞌalal ja rix aj Colosas. Ixix ix tinamit xin Dios, cꞌoli ja yukulbal ecꞌuꞌx ruqꞌuin ja Cristo Jesús, xa jun ebanon ruqꞌuin. Ja rutzil ja nsipaj ja Dios chake rachbil ja quicotemal xin Dios ja tariꞌ xtecochij más tre ja katataꞌ Dios in tre ja kajaw Jesucristo.

Colosenses 1:20

Ja Dios xutakto ja Ralcꞌwal chi rchomarsaxic nojelal tanto tre ja cꞌo jeꞌe chwachꞌulew in tre chakajaꞌ ja cꞌo jeꞌe chicaj. Peti ja Ralcꞌwalaxel, xutix ja rquiqꞌuel chwach cruz in xokchomtaj ruqꞌuin ja katataꞌ Dios rmal chi nimlaj kanojelal.

Colosenses 3:15

Xtiqꞌuejeꞌ ta ja quicotemal xin Dios pa tak ewanma, ja tariꞌ xtucꞌan ewxin. Como ja Dios arjaꞌ xixruchaꞌ utzcꞌa chi nqꞌuejeꞌe ja quicotemal xin Dios checojol como arjaꞌ xa jun rbanon chewe, xa jun cuerpo ebanon. Maxta maquita nemaltioxij tre ja Dios ja rbanon chewe.

2 Tesalonicenses 1:2

Ja rutzil ja nsipaj ja Dios chake rachbil ja quicotemal xin Dios ja tariꞌ xtecochij más tre ja katataꞌ Dios in tre ja kajaw Jesucristo.

2 Tesalonicenses 3:16

Ja kajaw Jesucristo arjaꞌ nyowi ja quicotemal, arjaꞌ xtuyaꞌ ta chewe ja quicotemal nojel tiempo xa nak ta npi chewij, xtiqꞌuejeꞌ ta ewqꞌuin ewanojelal.

2 Timoteo 1:7

Como ja rEspíritu Santo ja yatajnak chake rmal ja Dios ma ja ta xbeben riꞌil rcꞌamonto chake pro quewaꞌ rcꞌamonto chake riꞌ, nuyaꞌ kachokꞌakꞌ, nuyaꞌ ja rajoben riꞌil xin Dios pa tak kacꞌaslemal in nuyaꞌ chake chi bien nkachꞌob ja nkaban.

Hebreos 13:20

Ja Dios arjaꞌ Yoꞌl quicotemal, arjaꞌ yico rxin ja kajaw Jesús chipan ja camíc. Ja Jesús arjaꞌ lokꞌlaj Pastor, arjaꞌ yukꞌul kaxin ja rok caniꞌ tak rcarnelo. Rmal ja rquiqꞌuel ja xutix chwach cruz chewiꞌ tok queriꞌ rbanon. Jariꞌ quicꞌ yaꞌbal rseguro ja chominem ja ni mta wiꞌ qꞌuisic trij ja chomarsax rmal ja Dios.

Hebreos 7:2

In chakajaꞌ nojel rwach ja mebaꞌil ja xuchꞌecto pa quekꞌaꞌ ja rey xlasaj na rdiezmo tre in ja diezmo xujach tre ja Melquisedec. Ja Melquisedec cꞌoli nbij ja rubiꞌ, jun rey utzlaj cucꞌaxic winak nuban, queriꞌ rcꞌamonto ja rubiꞌ. Arjaꞌ rey xin Salem chakajaꞌ cꞌoli nbij, jun rey yoꞌl quicotemal, queriꞌ rcꞌamonto.

Apocalipsis 1:4

Jawaꞌ ja nmajon rtzꞌibaxic ntakel ewqꞌuin ja rix wukuꞌ iglesia ja rixcꞌo chipan ja departamento Asia. Ja rutzil ja nsipaj ja Dios rachbil ja quicotemal xin Dios ja tariꞌ xtecochij más tre ja Dios, jariꞌ Dios mta jutij ja maquita cꞌoli, arjaꞌ cꞌoli camic, ni cꞌo wiꞌ ojer in ni cꞌo wiꞌ chwak cabij in chijutij, in xtecochij ta chique chakajaꞌ ja wukuꞌ espíritu ja recꞌoloc chwach ja trono rxin Dios,

Apocalipsis 2:10

Ma texbej ta ewiꞌ chwach ja rpokonal ja nixkꞌax na chipan. Bien tecꞌwaxaj ja xtinbij chewe riꞌ, ecꞌoli chewe ja diablo arjaꞌ nerucoj na pa cheꞌ jariꞌ nixrtakchibej chi neyaꞌ can ja yukulbal ecꞌuꞌx ruqꞌuin ja Dios in lajuj kꞌij nixqꞌuejeꞌ na chipan ja rpokonal. Ni ta yukul wiꞌ ecꞌuꞌx ruqꞌuin ja Dios chijutij, ni ta quirwariꞌ ebanon ja tok xquixcami. Ja wi queriꞌ neban cꞌo jun corona ja nyataj chewe jariꞌ ja utzlaj cꞌaslemal ja mta qꞌuisic trij.

Apocalipsis 21:8

Pro ja xa nquixbej quiꞌ nqueban chꞌaꞌoj ruqꞌuin ja ritzelal ejeꞌeꞌ nebe chipan ja yaꞌ ja yujun juleꞌ caniꞌ kꞌol ruqꞌuin rmajon cꞌatem, jariꞌ ja rcaꞌmul camíc. In queriꞌ nba̱n chique chakajaꞌ ja ma yukul ta quecꞌuꞌx ruqꞌuin ja Jesucristo in chique ja xa quitzꞌilorsaj ja canma chipan ja ritzelal in chique ja camsanelaꞌ in chique ja banol il mac ja rachiꞌiꞌ cuqꞌuin ixokiꞌ in chique ajꞌitzaꞌ in chique ja nexuqueꞌ chiquewach cachbal tak winak in chwach rachbal tak nakun jeꞌe in chique canojel ja tzꞌakol tak tzij.