San Juan 14:26 - Tz'utujil (Ja Cꞌacꞌa Chominem)

²⁶ Pro ja cꞌa tok ma incꞌo chi ta checojol tokocꞌariꞌ cꞌo chi na jun nta̱kpi na ewqꞌuin chi etoꞌic jariꞌ ja rEspíritu Santo. Arjaꞌ nta̱kto na rmal ja Nataꞌ in pa nubiꞌ anin tok xtitakto. Arjaꞌ xticꞌutu chic chewach nojelal, arjaꞌ nnatan chic chewe nojel ja nbin can chewe.

Tz'utujil NT

²⁶ Per tak xtquenel ela checjol c'jara' nta'k pchic jun ewq'uin tzan eto'ic y jara' Espíritu Santo, arja' nta'k ta rmal Nedta' y pnubi' anen nta'k twa'. Arja' nec'tuwa chewech njelal achnak y nnataj na njelal achnak je nbin cana chewa.

San Juan 14:26 Iomraidhean Croise

San Mateo 1:18

Ja Jesucristo tok xalaxi quewaꞌ rbanic riꞌ. Ja María ja ruteꞌ arjaꞌ ryaꞌon chic ruchiꞌ tre ja José chi ncꞌuleꞌ ruqꞌuin. Pro ja tok majaꞌn tiquecꞌam quiꞌ chaka jalal tok xotakixi chi yawaꞌ chic ja María chi nqꞌuejeꞌ jun ti ral. Pro rmal ja rEspíritu Santo samaji chewiꞌ tok queriꞌ xuban.

San Mateo 1:20

Pro kas cꞌa queriꞌ rmajon rchꞌobic ja tok chaka jalal winakar jun ángel rxin ja kajaw Dios pa rwaram in xbij tre: —José ja rat riy rumam can ja rojer rey David, ma taxbej ta awiꞌ, tacꞌamaꞌ ja María como ja tacꞌal ja cꞌo pa gracia, Espíritu Santo samajin rxin.

San Mateo 28:19

Rmalcꞌariꞌ nbij chewe, jix cuqꞌuin ja winak ja recꞌo nojel tak nación, queꞌetijoj utzcꞌa chi neꞌoc ndiscípulo, queꞌebanaꞌ bautizar pa rubiꞌ ja Tatixel, ja Ralcꞌwalaxel in ja rEspíritu Santo.

San Mateo 3:11

Anin, yaꞌ ncoj ja nixnbanbej bautizar in tok nixban bautizar jariꞌ retal chi echꞌobon chic chi neqꞌuex ja renaꞌoj in neyaꞌ can ja ritzelal. Pro cꞌo chi na jun penak ja xajalal majaꞌn tumaj ja rsamaj, arjaꞌ más chi na nim ja poder cꞌo pa rukꞌaꞌ chinwach anin. Anin ma yatal ta chwij xquintiloc ta ruqꞌuin nixtacꞌa chi rucꞌaxic ja rxajab. Arjaꞌ nixruban bautizar pro Espíritu Santo in kꞌakꞌ ja nixrbanbej bautizar.

Marcos 12:36

Queriꞌ nbij chewe como ja David xuban jutij ucꞌan rmal ja rEspíritu Santo in quewaꞌ xbij riꞌ: —Ja kajaw Dios quewaꞌ xbij tre ja Wajaw riꞌ: —Cattzꞌabeꞌe waweꞌ pa wiquikꞌaꞌ, waweꞌ natqꞌuejeꞌ wiꞌ in nenucoj na pan awakan ja netzelan awxin, neꞌ tre. Queriꞌ rbin can ja David.

Marcos 13:11

Ja cꞌa tok xquixcꞌamarel chiquewach chi nixjach pa quekꞌaꞌ maxta quixoclaꞌ il tre ja nebij ja netobej ewiꞌ chiquewach. Pro como chipan ariꞌ hora cꞌoli xtiyataj chewe ja xtebij chique, ja ta cꞌariꞌ xtebij chique. Queriꞌ nbij chewe como ma ixix ta ja nixtzijoni triꞌ pro ja rEspíritu Santo arjaꞌ nyoꞌ chewe nak ja xtebij chique.

San Lucas 1:15

Como ja talaꞌ arjaꞌ congana nim rukꞌij ntzꞌa̱t na rmal ja Dios. Ni majun vino xtutij ta nixtacꞌa xtutij ta nak chi ta ja natkꞌabar rmal. Majaꞌn talaxi ja tok xtinoji ja rEspíritu Santo pa ranma.

San Lucas 1:35

Quewaꞌ bix chic tre rmal ja ángel riꞌ: —Ja rEspíritu Santo arjaꞌ nkajto na awqꞌuin in ja poder rxin ja nimlaj Dios jariꞌ nsamaj na awqꞌuin rmalcꞌariꞌ tok ja santilaj acꞌal ja xtiqꞌuejeꞌ chwiakꞌaꞌ Ralcꞌwal Dios xtibinaꞌax tre.

San Lucas 1:41

Ja cꞌa rElisabet ja tok xcꞌaxaj ja rutzil rwach yaꞌ rmal ja María chaka jalal tok xunaꞌ ja ti ral ja cꞌo pa gracia chi congana xusil riꞌ in noji ja rEspíritu Santo pa ranma ja rElisabet.

San Lucas 1:67

Ja cꞌa Zacarías ja rtataꞌ ja ti yaquiꞌ arjaꞌ noji ja rEspíritu Santo pa ranma in xumaj rbixic juleꞌ tzij ja yataj tre rmal ja Dios chi nbij tre ja Cristo ja xajalal majaꞌn talaxi, quewaꞌ xbij riꞌ:

San Lucas 11:13

Ixix masqui ix lawuloꞌ pro ewotak neyaꞌ utzlaj tak nakun chique ja rewalcꞌwal pro pior ta cꞌa ja Tatixel ewxin ja cꞌo chilaꞌ chicaj arjaꞌ nuyaꞌ ja rEspíritu Santo chique ja necꞌutun tre. Queriꞌ xbij ja Jesús chique ja rdiscípulo tre ja banoj oración.

San Lucas 2:25

Cꞌo cꞌa jun achi pa Jerusalén, Simeón rubiꞌ. Ja cꞌa Simeón arjaꞌ congana utzlaj achi, ni nuban wiꞌ respetar ja Dios in ni rayben wiꞌ ja kꞌij ja tok xtipeti ja Toꞌonel chi quitoꞌic ja tinamit Israel. Cꞌoli ja rEspíritu Santo ruqꞌuin.

San Lucas 24:49

Bien tecꞌwaxaj ja xtinbij chic chewe riꞌ, anin ntakto na ja rEspíritu Santo ewqꞌuin ja caniꞌ tzujunto rmal ja nataꞌ Dios. Pro quixqꞌuejeꞌ waweꞌ chipan ja tinamit Jerusalén, cꞌa tokoriꞌ nixel chipan ja tok xtiyataj chewe ja poder rxin ja rEspíritu Santo ja xtikajto chilaꞌ chicaj, neꞌe ja Jesús chique.

San Lucas 3:22

in kajto ja rEspíritu Santo ruqꞌuin. Ja cꞌa rEspíritu Santo caniꞌ jun ajsakaxicꞌ ja tok kajto ruqꞌuin. Cꞌacꞌariꞌ cꞌo jun kulaj penak chilaꞌ chicaj cꞌaxaxi, quewaꞌ xbij tre ja Jesús riꞌ: —Atat ja rat chakꞌlaj Walcꞌwal, congana ninquicot chawij, neꞌe ja kulaj xin Dios tre.

San Juan 1:33

Pro ja nabey mta nnaben chi arjaꞌ ja Toꞌonel ja takonto rmal ja Dios pro jariꞌ kꞌalasax chinwach rmal ja Dios. Ja cꞌa Dios arjaꞌ intakyonto chi nenuban bautizar ja winak tre yaꞌ in quewaꞌ xbij chwe riꞌ: —Ja tok xtatzꞌat ja rachi ja xtikajto ja rEspíritu Santo trij in xtiqꞌuejeꞌ ruqꞌuin, arjaꞌ cꞌariꞌ xtibano bautizar quixin ja winak tre ja rEspíritu Santo. Queriꞌ xbij chwe,

San Juan 12:16

Pro ja cꞌa rdiscípulo ja Jesús ejeꞌeꞌ xa matichꞌobtaj cumal nabey nojel awaꞌ wariꞌ ja ntajini nuban ja Jesús. Ja tok cꞌastaji ja Jesús chiquicojol ja camnakiꞌ in tok joteꞌ chilaꞌ chicaj cꞌa tokocꞌariꞌ chꞌobtaj cumal in xurkaj chique chi tzꞌibtal can ojer chipan ja rtzobal Dios nojel awaꞌ wariꞌ ja xuban ja Jesús in caniꞌ tzꞌibtal can ni queriꞌ ja ban tre.

San Juan 14:16

Ja cꞌa ranin ncꞌutuj na tre ja Tatixel chi arjaꞌ nutakto jun chic ja ntoꞌo ewxin ja nqꞌuejeꞌ ewqꞌuin pro ni chijutij.

San Juan 14:25

Nojel awaꞌ nbin chewe como cꞌa incꞌo na checojol.

San Juan 15:26

Pro ja jun chic Toꞌonel ja cꞌo ruqꞌuin ja Nataꞌ arjaꞌ nkajto na ewqꞌuin como anin xquintakoto rxin. Arjaꞌ ja rEspíritu Santo pro jun Espíritu ja ni katzij wiꞌ nojel ja nbij, jun Espíritu ja ruqꞌuin Nataꞌ npi wiꞌ. Ja tok xturkaj ewqꞌuin arjaꞌ nkꞌalasaj na chiquewach ja winak nak inocnak wiꞌ anin.

San Juan 16:7

Pro nojel ja nmajon rbixic chewe ni katzij wiꞌ. Ja ninel checojol jariꞌ cꞌoli rcꞌamonto chewe. Ja wixta maquinbe maquita nkajto ariꞌ ewqꞌuin ja jun chic Toꞌonel pro ja wi ninbe, anin ninetakoto rxin ewqꞌuin.

San Juan 2:22

Ja cꞌa tok cꞌastajnak chic chiquicojol camnakiꞌ bien xurkaj chique ja rdiscípulo ja rbin can tre ja templo chi xa chi oxiꞌ kꞌij nuyic chi wiꞌ jutij. Quinimaj ja tzꞌibtal can chipan ja rtzobal Dios ojer in quinimaj chakajaꞌ ja tzij ja rbin can ja Jesús.

San Juan 20:22

Ja cꞌa tok bitaji tzij rmal cꞌacꞌariꞌ xerxupuj in quewaꞌ xbij chique riꞌ: —Camic, tecꞌuluꞌ ja rEspíritu Santo.

San Juan 6:45

Caniꞌ tzꞌibtal can chipan ja libro quixin profeta quewaꞌ nbij riꞌ: —Nerilaꞌ na jun tiempo chi canojelal netijox na rmal ja Dios, neꞌe. Rmalcꞌariꞌ nbij chewe chi canojel ja winak ja quiyaꞌon quixquin tre ja Tatixel in wi cotakin ja cꞌutun chiquewach rmal ejeꞌeꞌ riꞌ ja neꞌurkaj wqꞌuin chi nyukeꞌ quecꞌuꞌx wqꞌuin.

San Juan 7:39

Queriꞌ xbij chique como jariꞌ nnatbej rxin ja rEspíritu Santo ja nyataj na chique ja winak ja yukul quecꞌuꞌx ruqꞌuin ja Jesús. Pro ja rEspíritu Santo majaꞌn titakto triꞌ como ja Jesús majaꞌn tibe ruqꞌuin ja Tatixel pa gloria.

Hechos 1:2

Xintzꞌibaj ja bar xumajto wiꞌ ja rsamaj in bar xerqꞌuisaꞌ wiꞌ tokoriꞌ tok joteꞌ chilaꞌ chicaj. Ja tok majaꞌn tibe chilaꞌ chicaj xeruchaꞌ ja rapóstol in xuchꞌob chiquewach nak nqueban can ja tok xtibe. Ja xbij chique jaꞌ Espíritu Santo ucꞌayon rxin chi rbixic.

Hechos 1:4

Ja tok cꞌa cꞌo na chiquicojol ja rapóstol quewaꞌ xbij chique riꞌ: —Ma quixel ta na chipan ja tinamit Jerusalén. Ja Nataꞌ arjaꞌ rtzujun chwe chi ntakpi na ja rEspíritu Santo ewqꞌuin ja caniꞌ nbin chic chewe, ja cꞌariꞌ ja tewaybej chipan ja tinamit Jerusalén.

Hechos 1:8

Pro ja tok xtikajto ja rEspíritu Santo ewqꞌuin tokoriꞌ cꞌoli poder xin Dios ja xtecochij tre. Tokocꞌariꞌ nixbe in nemaj rbixic chique ja winak nojel ja retzꞌaton in nojel ja recꞌwaxan ja xinban chewach. Nemajel rbixic pa Jerusalén in nixbe chi rbixic chipan nojel tinamit ja cꞌo pa rcuenta Judea in nixbe chi rbixic chipan ja departamento Samaria chakajaꞌ. Cꞌacꞌariꞌ nixbe chi rbixic nojel nat nakaj tre ja rwachꞌulew, neꞌe ja Jesús chique.

Hechos 11:16

Cꞌacꞌariꞌ xurkaj chwe ja rbin can chake ja kajaw Jesucristo quewariꞌ: —Ja Juan Bautista yaꞌ xucoj ja tok xeruban bautizar ja winak, ja cꞌa rixix ntakto na ja rEspíritu Santo ewqꞌuin in jariꞌ nixbanbex bautizar, neꞌ chake.

Hechos 13:2

Queban cꞌa jutij quimolon quiꞌ chi ryaꞌic rukꞌij ja Dios, quimajon rbanic ja rayuno ja tok cꞌoli bix chique rmal ja rEspíritu Santo quewariꞌ: —Anin enchaꞌon ja Bernabé in Saulo chi rbanic jun samaj. Camic queꞌepartiꞌij chi nequibanaꞌ ja samaj, queriꞌ bix chique.

Hechos 13:4

Queriꞌ queban ja Bernabé in Saulo, xetakel rmal ja rEspíritu Santo, xebe, xeꞌekaj chipan ja tinamit Seleucia, cachbilanel ja Juan ja cꞌo chic jun rubiꞌ Marcos. Ja cꞌa Juan arjaꞌ nerutoꞌ chipan ja samaj. Cꞌacꞌariꞌ xeꞌoquel chipan jun lancha, xebe chic chipan jun lugar Chipre rubiꞌ, cꞌo pa mar. Xeꞌekaj chipan ja tinamit Salamina ja cꞌo pa rcuenta Chipre. Triꞌ cꞌa quemaj wiꞌ rbixic ja rtzobal Dios pa tak jay xin molbal riꞌil ja bar nquemol wiꞌ quiꞌ ja raj Israel.

Hechos 15:28

Como ja rEspíritu Santo arjaꞌ nbini chi xa jun caꞌiꞌ punto ja rjawaxic chi nkayaꞌ chi ekul in ma rubey ta xtikayaꞌ ta caniꞌ jun nimlaj ijkaꞌm chewij in queriꞌ nkachꞌob ajoj chakajaꞌ.

Hechos 15:8

Ja Dios arjaꞌ bien rotak rwach ja kanma ja rok winak, xutakto ja rEspíritu Santo cuqꞌuin ejeꞌeꞌ ja caniꞌ xuban ajoj chake nabey jariꞌ xcꞌutbej chiquewach chi nerucꞌul ejeꞌeꞌ chakajaꞌ.

Hechos 16:6

Ja cꞌa Pablo in Silas ejeꞌeꞌ laj xebe chipan ja departamento Asia chi nqueyaꞌ rbixic ja rtzobal Dios pro ma xyataj ta lugar chique rmal ja rEspíritu Santo. Cꞌacꞌariꞌ xekꞌax pa tak lugar ja cꞌo pa rcuenta Frigia in pa tak lugar ja cꞌo pa rcuenta Galacia.

Hechos 2:33

Cꞌacꞌariꞌ jotbax chilaꞌ chicaj rmal ja Dios in yataj tre rmal ja Tatixel chi xutakto ja rEspíritu Santo waweꞌ chwachꞌulew ja caniꞌ tzujun tre ojer. Ja cꞌa rixix, ja remajon rtzꞌatic camic in ja remajon rcꞌaxaxic jariꞌ Espíritu Santo banowi.

Hechos 2:4

Cꞌacꞌariꞌ noji ja rEspíritu Santo pa tak canma canojelal in quemaj tzij chipan chic juleꞌ tzobal ja caniꞌ yataj chique chiquijujunal rmal ja rEspíritu Santo.

Hechos 20:28

Rmalcꞌariꞌ ja tok nbij chewe, tebanaꞌ cuenta ewiꞌ in queꞌechajij ja kachꞌalal canojelal como yatajnak chewe rmal ja rEspíritu Santo chi neꞌechajij. Queꞌetzukuꞌ tre ja rtzobal Dios como ejeꞌeꞌ e iglesia xin Dios, e rxin chic ja kajaw Jesucristo como arjaꞌ xutix rquiqꞌuel chwach cruz jariꞌ xerlokꞌbej.

Hechos 20:35

Queriꞌ xinban utzcꞌa chi newotakij chi congana rjawaxic noksamaji, nkachꞌec kapwok jariꞌ nekatobej ja cꞌo rjawaxic chique. Cꞌo jun tzij congana xinnataj chewe ja bin can rmal ja kajaw Jesús, quewaꞌ nbij riꞌ: —Ja tok cꞌoli nasipaj chique ja winak jariꞌ más na quicotemal xin Dios rcꞌamonto chawe chwach ja tok cꞌoli nsipax chawe atat, neꞌe. Queriꞌ xbij ja Pablo chique ja ranciano.

Hechos 28:25

Ma junan ta nquechꞌob. Kas benam nqueban ja tok quewaꞌ bix chique rmal ja Pablo riꞌ: —Ja rEspíritu Santo cꞌo jun mensaje xuyaꞌ tre ja profeta Isaías ojer chi jaꞌ Isaías nbij chic chique ja katiꞌt kamamaꞌ in ni rubey wiꞌ ja xbij. Quewaꞌ xbij tre ja rIsaías riꞌ:

Hechos 5:3

Ja cꞌa tok jachtaj rmal quewaꞌ bix tre rmal ja Pedro riꞌ: —Ananías, cꞌo jalal rjil ja rulew qꞌuejeꞌ can awqꞌuin. ¿Nak tre ja tok xaban queriꞌ? ¿Nak tre ja tok xayaꞌ lugar tre ja Satanás chi xoc pan awanma in xatrtakchiꞌij chi xatzꞌak tzij chwach ja rEspíritu Santo?

Hechos 7:51

In xbij chic chique: —Ixix ni mta wiꞌ egana ruqꞌuin ja rvoluntad Dios, xa ix junan cuqꞌuin ja winak ja ma cotak ta rwach ja Dios como mateyaꞌ lugar tre ja rtzobal Dios chi xtoc ta pa tak ewanma nixtacꞌa pa tak ewxquin ta chakajaꞌ. Ni mateyaꞌ wiꞌ ewiꞌ tre ja rEspíritu Santo chi arjaꞌ xtucꞌan ta ewxin. Ja caniꞌ queban ja rewatiꞌt emamaꞌ ojer ni queriꞌ neban chic ixix camic.

Hechos 7:55

Pro ja rEsteban arjaꞌ nojnak ja rEspíritu Santo pa ranma, kas ntzꞌelwachij ja caj ja tok xutzꞌat ja gloria xin Dios in xutzꞌat ja Jesús, pa riquikꞌaꞌ ja Dios paꞌl wiꞌ.

Romanos 14:17

Queriꞌ nbij chewe como ja tok nokqꞌuejeꞌ chipan ja gobierno xin Dios ma ja ta nrajoꞌ chi noktzijon tre nak ja nkatiꞌ in nak ja matikatiꞌ, ma queriꞌ ta. Pro ja tok nokqꞌuejeꞌ chipan ja gobierno xin Dios quewaꞌ nrajoꞌ riꞌ, chi nkucꞌaj jun utzlaj cꞌaslemal, in jun chic, chi mta sícꞌ chꞌaꞌoj nkaban chibil tak kiꞌ, in jun chic, chi xa jun nkaban ruqꞌuin ja rEspíritu Santo in nkanaꞌ ja quicotemal xin Dios rmal.

Romanos 15:13

Ja Dios arjaꞌ nyoꞌ chake chi nokquicoti chi raybexic nojel ja rtzujun can chake. Arjaꞌ ta cꞌa xtiyoꞌ chewe chi nnoji ja quicotemal pa tak ewanma, arjaꞌ ta xtiyoꞌ chewe chi xa jun neban, jariꞌ nuyaꞌ chake ja tok yukul kacꞌuꞌx ruqꞌuin ja Jesucristo. Quirtacꞌariꞌ neban utzcꞌa chi nsamaji ja poder rxin ja rEspíritu Santo pa tak ewanma in rmaltariꞌ kas ta npulinto ja quicotemal pa tak ewanma chi raybexic nojel ja rtzujun can chake ja Dios.

Romanos 15:16

Ja Dios ryaꞌon chwe chi nintajini nban ja samaj xin Jesucristo chiquicojol ja winak ja ma e aj Israel ta, ryaꞌon chwe chi nchꞌob chiquewach ja utzlaj tzij xin Dios. Jariꞌ samaj ryaꞌon ja Dios chwe utzcꞌa chi nenujach ja ma e aj Israel ta pa rukꞌaꞌ utzcꞌa chi neꞌoc e caniꞌ jun sacrificio ja nentzujuj chwach ja Dios pro jun sacrificio ja utz ntzꞌa̱t rmal ja Dios, jun sacrificio ja chꞌachꞌojirsan rmal ja rEspíritu Santo.

Romanos 5:5

In nojel ja kayben ja rtzujun chake ja Dios mta moda ja maquita xtuyaꞌ in xtikayaꞌ ta kaqꞌuix rmal. Mta moda como ja Dios arjaꞌ bien rkꞌalasan chic chikawach chi congana nokrajoꞌ. Arjaꞌ xutakto ja rEspíritu Santo kuqꞌuin in xa janiꞌ nojnak ja rajoben riꞌil xin Dios pa tak kanma rmal.

1 Corintios 12:3

Rmalcꞌariꞌ ja tok anin nchꞌob na chewach camic nak rbanic ja rEspíritu Santo. Ja tok cꞌo jun winak rmajon tzij xa nak ta chi winakil ja wi Espíritu Santo ucꞌayon rxin chi rbixic ja tzij arjaꞌ mta moda itzel ta xtitzijon ta tre ja Jesús. In chakajaꞌ ni majun winak xticowin ta xtibij ta tre ja Jesús chi arjaꞌ rajaw nojelal, xticheꞌ ta tre, ja wi maquita cꞌoli ja rEspíritu Santo ucꞌayon rxin chi rbixic.

1 Corintios 6:19

¿La ma ewotak ta cꞌa chi ja recuerpo jariꞌ ocnak rochoch ja rEspíritu Santo in ja rEspíritu Santo arjaꞌ xa jun rbanon ewqꞌuin? ¿La ma ewotak ta cꞌa chi Dios yoyon chewe chi queriꞌ ebanon in mta ekꞌaꞌ ixix tre ja recuerpo?

2 Corintios 13:14

Ja rutzil ja nsipaj ja kajaw Jesucristo rachbil ja rajoben riꞌil xin Dios jariꞌ xtiqꞌuejeꞌ ta ewqꞌuin ewanojelal in xtiqꞌuejeꞌ ta ja rEspíritu Santo ewqꞌuin chakajaꞌ, xta jun xtuban chewe ewanojelal. Amén.

2 Corintios 6:6

Ni kucꞌan wiꞌ jun chꞌajchꞌojlaj anma, bien nchꞌobtaj kumal ja rtzobal Dios, cꞌo kapaciencia, kacꞌutun ja kutzil chiquewach ja winak, okucꞌan rmal ja rEspíritu Santo in cꞌo jun ajoben riꞌil xin Dios chake ja ni katzij wiꞌ, ma chaka ta chi kachiꞌ cꞌo wiꞌ.

Efesios 1:13

In yukeꞌ ecꞌuꞌx ixix ruqꞌuin ja Cristo chakajaꞌ tokoriꞌ tok xecꞌwaxaj ja tzij ja ni katzij wiꞌ chi tzij xin Dios, jariꞌ ja utzlaj tzij ja rcꞌamonto ja totajem xin Dios chewe. Queriꞌ xeban, yukeꞌ ecꞌuꞌx ruqꞌuin ja Cristo in xa jun xeban ruqꞌuin in rmalariꞌ tok cꞌo jun retal yataj chewe, jun retal ja ncꞌutu ewxin chi ix xin Dios. Ja cꞌa retal ja yataj chewe jariꞌ tok kajto ja rEspíritu Santo pa tak ewanma ja ni tzujunto wiꞌ ojer rmal ja Dios.

Efesios 1:17

Nintzijon ruqꞌuin ja Dios rxin ja kajaw Jesucristo, jariꞌ Dios ja Tatixel ja ni rxin wiꞌ chi congana nim rukꞌij. Anin ncꞌutuj tre chi arjaꞌ nuyaꞌ chewe chi ja rEspíritu Santo nucoj ja naꞌoj xin Dios pa tak ewiꞌ pa tak ewanma in ncꞌutuj tre chakajaꞌ chi bien nkꞌalasaj chewach nak ja kas mero rbanic ja Dios.

Efesios 4:30

In maxta cꞌoli teban ja xa nuyaꞌ bis tre ja rEspíritu Santo xin Dios como ja rEspíritu Santo arjaꞌ kajto pa tak ewanma in rmalariꞌ tok yatajnak chewe ja retal chi ix rxin chic ja Dios in cꞌol eseguro chi newilaꞌ na ja kꞌij ja tok xtitzꞌakat na chake chijutij ja totajem xin Dios.

1 Tesalonicenses 4:8

Rmalcꞌariꞌ tok nbij chewe, ja wi cꞌo jun matinimaj jawaꞌ ja tijonem ja xintzꞌibaj riꞌ ma winak ta ja maquernimaj, Dios ja matinimaj como ja Dios arjaꞌ yoyon chake ja santilaj Espíritu rxin utzcꞌa chi jaꞌ Espíritu Santo nucꞌan kaxin chipan jun santilaj cꞌaslemal.

2 Timoteo 1:14

Tabanaꞌ cuenta nojel ja ban recomendar chawe rmal ja Dios, ja rEspíritu Santo arjaꞌ ni cꞌo wiꞌ kuqꞌuin, arjaꞌ ta xcattoꞌowi chi rbanic cuenta.

Tito 3:5

In tok xuban queriꞌ tokocꞌariꞌ xokrutoꞌ kanojelal pro ma rmal ta chi cꞌoli kachꞌecbej tok xuban queriꞌ chake, xa rmal xpokonaj kawach. Ja tok xokchꞌachꞌojirsaxi rmal ja xokalax chic jutij tokoriꞌ xoktotaji in rmal ja rEspíritu Santo kawil ja cꞌacꞌa cꞌaslemal.

Hebreos 10:15

In queriꞌ binto chake chakajaꞌ rmal ja rEspíritu Santo ja nabey, quewaꞌ xbij riꞌ:

Hebreos 2:4

Ja katataꞌ Dios cꞌoli xuban chakajaꞌ ja xcꞌutbej chi ni katzij wiꞌ ja totajem ja queyaꞌ rbixic chake caniꞌ tre milagro qꞌuiy rwach ja xuban. In caniꞌ tre chakajaꞌ ja samaj ja xecowini queban ja kachꞌalal ja yataj chique rmal ja rEspíritu Santo. Jariꞌ Dios chomini nak chi samajil yataj chique chiquijujunal.

Hebreos 3:7

Rmalcꞌariꞌ nbij chewe, kayaꞌaꞌ jutzꞌit kaxquin tre ja nbix chipan ja rtzobal Dios rmal ja Espíritu Santo quewariꞌ: —Ja wi camic ntzijoni ja Dios ewqꞌuin tenimaj cꞌa chanim,

Hebreos 9:8

Jawaꞌ ja cꞌa xinbij chewe riꞌ cꞌoli nucꞌut chikawach ja nkꞌalasax chikawach rmal ja rEspíritu Santo, quewaꞌ nucꞌut chikawach riꞌ, ja nabey cuarto tok majaꞌn tocꞌo rukꞌij cꞌa tzꞌapal na chikawach ja santilaj lugar ja bar cꞌo wiꞌ ja Dios.

1 Pedro 1:12

Ja Dios arjaꞌ xkꞌalasaj chiquewach chi cꞌa pa katiempo ajoj nuryataj wiꞌ chijutij ja totajem ja yaꞌto rbixic cumal, ma pa quitiempo ta ejeꞌeꞌ. Jariꞌ totajem ecꞌwaxan chic nak rbanic como bin chic chewe cumal ja kachꞌalal ja xeyoꞌ rbixic chewe ja utzlaj tzij xin Jesucristo. Ja rEspíritu Santo ja takonto chilaꞌ chicaj arjaꞌ cꞌayon quixin chi rbixic. Jariꞌ totajem ja ángel congana nquiyarij nquechꞌob nak rbanic.

2 Pedro 1:21

Ma jun winak ta xucꞌan quixin ja profeta ojer chi rbixic ja tzꞌibtal can, ejeꞌeꞌ xechaꞌi rmal ja Dios in jaꞌ Espíritu Santo xucꞌan quixin chi rbixic.

1 Juan 2:20

Pro ja cꞌa rixix chꞌobtajnak chic emwal ewanojel nak rbanic ja utzlaj tzij xin Jesucristo. Ma chaka ta chꞌobtajnak emwal como ja Cristo arjaꞌ rtakonto ja rEspíritu Santo ewqꞌuin.

1 Juan 2:27

Pro ixix cꞌo chic ja rEspíritu Santo takonto ewqꞌuin rmal ja Jesucristo, arjaꞌ cꞌo chic pa tak ewanma. Rmalcꞌariꞌ ja tok ma rjawaxic ta chewe xquixtijox chi ta cumal juleꞌ winak, jaꞌ Espíritu Santo cꞌol ewqꞌuin jariꞌ nixtijoni, arjaꞌ nchꞌobo chewach nojelal. Ja tijonem nuyaꞌ arjaꞌ chewe ni katzij wiꞌ, majun tzꞌakoj tzij rcꞌamonto. In caniꞌ nuchꞌob arjaꞌ chewach ni ta queriꞌ neban, quixqꞌuejeꞌ pa ranma ja Jesucristo.

1 Juan 5:7

E oxiꞌ ja recꞌo chilaꞌ chicaj ja xa junan nquibij tre ja Jesús chi arjaꞌ Ralcꞌwal Dios, jun, Dios ja Tatixel, in jun chic, ja Ralcꞌwalaxel ja nkꞌalasani janiꞌ rnaꞌoj ja Dios, in jun chic, ja rEspíritu Santo.

Judas 1:20

Pro ja cꞌa chewe ixix chakꞌlaj wachꞌalal, ja ta neban nixqꞌuiyi in nixtiqueꞌe chi utz chipan ja tijonem xin Jesucristo, jariꞌ tijonem mero ruqꞌuin Dios penak wiꞌ. In jun chic, xta jun neban ruqꞌuin ja rEspíritu Santo chi rbanic ja roración.

Apocalipsis 2:11

Ja cꞌo quixquin tiquicꞌaxaj cꞌa ja ntajini nbij ja rEspíritu Santo chique ja riglesia. Xa nak ta ja nechꞌocmaji in matiqueyaꞌ quiꞌ tre ja ritzelal chi xqueruchꞌec ta ejeꞌeꞌ mta rukꞌaꞌ ja rcab camíc chique xtuban ta pokon chique. Queriꞌ ja natzꞌibajel tre ja ángel rxin ja riglesia ja cꞌo pan Esmirna, neꞌ chwe.