San Juan 14:24 - Tz'utujil (Ja Cꞌacꞌa Chominem)

²⁴ Ja winak ja maqueꞌajoꞌn wxin matiquinimaj cꞌariꞌ ja ntzobal. Ja cꞌa ntzobal ja remajon rcꞌaxaxic camic ma anin ta inwinakarsyon nojoj nuyon, ja Tatixel ja takyonpi wxin arjaꞌ biyon chwe.

Tz'utujil NT

²⁴ Je' wnak jmajo'n quencajo' ta majo'n necnimaj ta ntzojbal, y jtzij je emjon rc'axic camic manen ta enwankersyona, ja' Ttixel jtakyon pa wxin jara' biyona chwa.

San Juan 14:24 Iomraidhean Croise

San Mateo 19:21

—Ja wi nawajoꞌ nawcꞌaj jun cꞌaslemal ja ni majun nak ta ja maquita tzꞌakat tre, ja naban, jat, tacꞌayij can nojel ja cꞌol awqꞌuin, ja cꞌa rjil tayaꞌaꞌ can chique ja tak mebaꞌiꞌ. Ja wi queriꞌ naban jariꞌ cꞌoli ja ramebaꞌil nyataj na chawe chilaꞌ chicaj. In jun chic, catoc ndiscípulo, joꞌ cattreꞌ chwij, neꞌxi.

San Juan 14:10

¿La matanimaj chi anin xa jun nbanon ruqꞌuin ja Tatixel in ja Tatixel arjaꞌ xa jun rbanon wqꞌuin chakajaꞌ? Nojel ja tzij ja nbij chewe ma chaka ta nwinakarsan nojoj nuyon, ja Tatixel ja cꞌo pa wanma arjaꞌ nsamaj pa wanma chi rbanic nojel ja nmajon rbanic.

San Juan 14:15

Ja wi ni katzij wiꞌ chi ninewajoꞌ jariꞌ nenimaj ja nbij chewe chi neban.

San Juan 14:25

Nojel awaꞌ nbin chewe como cꞌa incꞌo na checojol.

San Juan 3:11

Pro ajoj bien kotak nak rbanic ja kamajon rbixic, bien katzꞌaton ja kamajon rkꞌalasaxic chewach pro ja rixix xa matenimaj ja nkabij chewe.

San Juan 3:34

Dios takyonto rxin ja Ralcꞌwalaxel in como ruqꞌuin ja Dios penak wiꞌ chewiꞌ tok tzij xin Dios ja nbij. Queriꞌ nuban como ja Dios nutakto ja rEspíritu Santo ruqꞌuin in ni nojnak wiꞌ ja rEspíritu Santo pa ranma, majutij ja maquita ucꞌan rmal.

San Juan 5:19

Cꞌacꞌariꞌ ja Jesús xbij chique: —Ni katzij wiꞌ ja xtinbij chewe riꞌ, ja Ralcꞌwalaxel arjaꞌ mta moda ja chaka ta ruyon xtuban kaj ja cꞌo rgana nuban, ni ja wiꞌ ja rejemplo rxin ja Tatixel nucꞌam. Caniꞌ nuban ja Tatixel jariꞌ nban anin chakajaꞌ ja rin Alcꞌwalaxel.

San Juan 5:38

In chakajaꞌ ma eyaꞌon ta lugar tre ja rtzobal chi ocnak ta pa tak ewanma. Ni kꞌalaj wiꞌ chi ma eyaꞌon ta lugar tre como arjaꞌ takyonto wxin in ixix ni majun egana xtiyukeꞌ ta ecꞌuꞌx wqꞌuin.

San Juan 7:16

Ja cꞌa Jesús xbij chique: —Ja tijonem nyaꞌ anin ma anin ta inwinakarsyon, ja winakarsyon jariꞌ ja Tatixel ja takyonpi wxin.

San Juan 7:28

Ja cꞌa Jesús rmajon quitijoxic ja winak chipan ja nimlaj templo xin Dios in quewaꞌ xbij chique riꞌ: —Ixix ewotak nwach in ewotak chakajaꞌ ja bar inpenak wiꞌ. Pro cꞌo jun ja rintakyonto, arjaꞌ ni katzij wiꞌ chi cꞌaslic Dios pro jariꞌ ma ewotak ta rwach. Ja ranin ma chaka ta xinban mandar wiꞌ nuyon chi xinpeti.

San Juan 8:26

Cꞌa cꞌo na ja rebanon ja majaꞌn tinchꞌaꞌ chewe ja nixbanbex condenar. Pro ja takyonto wxin arjaꞌ ni katzij wiꞌ nojel ja nbij in ja rbin arjaꞌ chwe jariꞌ nmajon rbixic anin chique ja winak waweꞌ chwachꞌulew, neꞌe ja Jesús chique.

San Juan 8:28

Cꞌacꞌariꞌ xbij chic jutij chique: —Ja Ralcꞌwalaxel ja xoc alaxic cuqꞌuin ja winak tok xtejotbaꞌ chwach jun cruz tokoriꞌ newotakij na nak inocnak wiꞌ chi nij in quirwariꞌ ja caniꞌ nbinto chewe in newotakij na chakajaꞌ chi nojel ja nmajon rbanic ma chaka ta nuyon kaj nban como nojel ja nmajon rbixic, ja Nataꞌ arjaꞌ cꞌutyon chinwach.

San Juan 8:38

Nojel ja nmajon rbixic anin jariꞌ ruqꞌuin Nataꞌ ntzꞌaton wiꞌ. Pro nojel ja remajon rbanic ixix jariꞌ etataꞌ ixix biyon chewe chi neban. Queriꞌ xbij ja Jesús chique.

San Juan 8:42

Ja cꞌa Jesús xbij chic chique: —Ja wixta katzij chi ja Dios arjaꞌ Tatixel ewxin ninewajoꞌ ta cꞌa anin ariꞌ chakajaꞌ. Queriꞌ nbij chewe como anin pa ranma ja Dios inelnakto wiꞌ, ruqꞌuin arjaꞌ inpenak wiꞌ. Ma chaka ta ngana inpenak, arjaꞌ takyonto wxin.