San Juan 14:23 - Tz'utujil (Ja Cꞌacꞌa Chominem)

²³ —Ja winak wi ni katzij wiꞌ chi nincajoꞌ nquinimaj cꞌariꞌ ja ntzobal. Ja wi queriꞌ nqueban neꞌajoꞌx cꞌariꞌ rmal ja Nataꞌ, ok caꞌiꞌ ruqꞌuin ja Nataꞌ nokekaj cuqꞌuin in noqui ja canma como kochoch in nokqꞌuejeꞌ chipan.

Tz'utujil NT

²³ —Je' wnak ne ktzitzij quencajo' necnimaj c'ara' ntzojbal. Wcara' nqueban nquejo'x c'ara' rmal Nedta' y ok c-e' ruq'uin Nedta' nokekaja cuq'uin y jcanm noca kuchoch y chpam nokq'ue' wa'.

San Juan 14:23 Iomraidhean Croise

San Juan 10:30

Anin xa ok junan ruqꞌuin ja Tatixel, neꞌe ja Jesús chique.

San Juan 14:15

Ja wi ni katzij wiꞌ chi ninewajoꞌ jariꞌ nenimaj ja nbij chewe chi neban.

San Juan 14:17

Ja nta̱kto chic ewqꞌuin jariꞌ ja rEspíritu Santo ja ni katzij wiꞌ nojel ja nbij. Ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ maquecowini nquechꞌob nak rbanic ja rEspíritu Santo in matiquecꞌul. Como ejeꞌeꞌ matiquetzꞌat rwach in nixtacꞌa cotak ta rwach chewiꞌ tok queriꞌ nqueban. Pro ja rixix ewotak rwach como arjaꞌ cꞌol ewqꞌuin in nqꞌuejeꞌ na pa tak ewanma.

San Juan 14:21

Ja winak ja necꞌolowi ja ntzobal pa tak canma in wi nquinimaj ja ntzobal triꞌ netzꞌa̱t wiꞌ chi ni katzij wiꞌ chi nincajoꞌ. Ja winak ja neꞌajoꞌn wxin neꞌajoꞌx cꞌa ejeꞌeꞌ ariꞌ rmal ja Nataꞌ in neꞌajoꞌx mwal anin chakajaꞌ in xtinkꞌalasaj wiꞌ chiquewach. Queriꞌ xbij ja Jesús chique.

San Juan 14:24

Ja winak ja maqueꞌajoꞌn wxin matiquinimaj cꞌariꞌ ja ntzobal. Ja cꞌa ntzobal ja remajon rcꞌaxaxic camic ma anin ta inwinakarsyon nojoj nuyon, ja Tatixel ja takyonpi wxin arjaꞌ biyon chwe.

San Juan 15:10

Ja wi ni nenimaj wiꞌ ja nbij chewe chi neban jariꞌ ni nixqꞌuejeꞌ wiꞌ chipan ja rajoben riꞌil wxin, caniꞌ nbanon anin, ni nniman wiꞌ ja bin chwe rmal ja Nataꞌ chi nban in nij incꞌo wiꞌ chipan ja rajoben riꞌil rxin ja Nataꞌ.

San Juan 16:27

Arjaꞌ nuyaꞌ chewe como nixrajoꞌ xa chewiꞌ tok nuyaꞌ chewe. Queriꞌ nuban chewe como ixix ninewajoꞌ in chakajaꞌ nenimaj chi ruqꞌuin ja Dios inpenak wiꞌ.

San Juan 6:56

Ja netijowi ja ncuerpo rachbil ja nquiqꞌuel ejeꞌeꞌ neqꞌuejeꞌ pa wanma anin in anin chakajaꞌ ninqꞌuejeꞌ pa tak canma ejeꞌeꞌ.

San Juan 8:51

Ni katzij wiꞌ ja xtinbij chewe riꞌ, ja wi cꞌo jun nnimaj ja ntzobal jariꞌ ni mta wiꞌ camíc trij, neꞌ chique.

San Juan 8:52

Ja cꞌa raj Israel ejeꞌeꞌ quibij chic jutij tre: —Camic bien kꞌalaj chi cꞌo jun demonio ucꞌayon awxin como atat nabij chi ni mta wiꞌ camíc trij jun winak wi arjaꞌ nnimaj ja ratzobal pro ¿la ma xcam ta laꞌan ja rAbraham ojer in la ma xecam ta laꞌan ja rojer tak profeta chakajaꞌ?

2 Corintios 6:16

In jun chic, ja cachbal tak winak owi rachbal tak nakun ja nexuqueꞌ winak chiquewach ni ma rubey ta wiꞌ ja xqueco̱j ta chipan ja rochoch Dios. Queriꞌ nbij chewe como ix rochoch ja cꞌaslic Dios ja caniꞌ bitajnak can rmal ja Dios quewariꞌ: —Noc na wochoch ja canma in ninqꞌuejeꞌ na chiquicojol. Ja tok xterilaꞌ riꞌ tiempo anin in Dios chic quixin, ja cꞌa rejeꞌeꞌ e ntinamit chic triꞌ, neꞌe.

Efesios 3:17

Ni ta xtiyukeꞌ wiꞌ ecꞌuꞌx ruqꞌuin ja Cristo in rmaltariꞌ ni ta xtiqꞌuejeꞌ wiꞌ ja Cristo pa tak ewanma. Ja wi queriꞌ neban jariꞌ nixtiqueꞌe chi utz chipan ja rajoben riꞌil xin Dios caniꞌ rbanic jun cheꞌ ja nat benak ja rcꞌamal pa tokꞌulew in caniꞌ rbanic jun jay ja bien tzꞌubul parwiꞌ ja rsimientoꞌil.

1 Juan 2:24

Rmalcꞌariꞌ tok nbij chewe, teyaꞌaꞌ lugar tre ja utzlaj tijonem ja kas xecꞌwaxajto nabey chi nqꞌuejeꞌ pa tak ewanma. Ja wi queriꞌ xteban jariꞌ nixqꞌuejeꞌ pa ranma ja Ralcꞌwalaxel in pa ranma ja Tatixel chakajaꞌ.

1 Juan 2:5

Pro ja winak ja nenimani ja rmandamiento ejeꞌeꞌ riꞌ ja qꞌuiynak chic in wachinnak chic ja rajoben riꞌil xin Dios pa tak canma. Ja wi queriꞌ kabanon triꞌ nkatzꞌat wiꞌ chi xa jun kabanon ruqꞌuin.

1 Juan 4:4

Chakꞌlaj walcꞌwal, ixix ixcꞌo pa rcuenta ja Dios. Ja maestro ja ma Dios ta ecꞌayon ejeꞌeꞌ ma xecowin ta chewij, ixix xixchꞌeco quixin. Queriꞌ xeban como ja Dios ja cꞌo pa tak ewanma ixix más chi na kꞌaxnak rchokꞌakꞌ chwach ja diablo ja cꞌo pa tak canma ja winak ja xa ruqꞌuin rwachꞌulew yukul wiꞌ quecꞌuꞌx.

1 Juan 5:3

Ja wi nkanimaj ja mandamiento xin Dios jariꞌ nkacꞌutbej chi nkajoꞌ ja Dios chakajaꞌ. Ja cꞌa mandamiento xin Dios ma al ta rcꞌaxic

2 Juan 1:6

Ja cꞌa rajoben riꞌil xin Dios quewaꞌ rbanic riꞌ, jariꞌ ja naban cumplir ja mandamiento ja yaꞌon jeꞌe chake rmal ja Dios. Ja cꞌa mandamiento xin Dios jariꞌ ja nij ecꞌwaxanto wiꞌ nabey in quewaꞌ nbij riꞌ: —Tewajoꞌ ewiꞌ, neꞌe.

Apocalipsis 21:22

Ja tinamit mta jun templo xintzꞌat chipan como ja kajaw Dios ja ni majun poder ja maquita cꞌo pa rukꞌaꞌ, arjaꞌ rachbil ja Carnelo ejeꞌeꞌ eꞌocnak templo rxin ja tinamit.

Apocalipsis 21:3

Cꞌo cꞌa jun kulaj xincꞌwaxaj penak chilaꞌ chicaj congana nim rukul, quewaꞌ nbij riꞌ: —Camic ja Dios ni chiquicojol ja winak nqꞌuejeꞌ chi wiꞌ. Arjaꞌ nqꞌuejeꞌ cuqꞌuin in ejeꞌeꞌ nij e tinamit wiꞌ rxin. Dios mismo ja nqꞌuejeꞌ cuqꞌuin, arjaꞌ Dios quixin.

Apocalipsis 22:3

Ja triꞌ mchita maldición. Ja cꞌa trono rxin ja Dios in rxin ja Carnelo jariꞌ nqꞌuejeꞌ chipan ja tinamit in ja rajsamajelaꞌ xin Dios ejeꞌeꞌ ni nqueyaꞌ wiꞌ rukꞌij ja Dios.