San Juan 14:21 - Tz'utujil (Ja Cꞌacꞌa Chominem)

²¹ Ja winak ja necꞌolowi ja ntzobal pa tak canma in wi nquinimaj ja ntzobal triꞌ netzꞌa̱t wiꞌ chi ni katzij wiꞌ chi nincajoꞌ. Ja winak ja neꞌajoꞌn wxin neꞌajoꞌx cꞌa ejeꞌeꞌ ariꞌ rmal ja Nataꞌ in neꞌajoꞌx mwal anin chakajaꞌ in xtinkꞌalasaj wiꞌ chiquewach. Queriꞌ xbij ja Jesús chique.

Tz'utujil NT

²¹ Je' wnak jnecnimaj ntzojbal y nqueyic ptak canm, tzra' nquetz'e't wa' che ktzitzij quencajo'. Je' wnak jquencajo' nquejo'x c'a arj-e' chka' rmal Nedta', y quenwajo' anen chka' y quenk'alsaj wi' chquewech.

San Juan 14:21 Iomraidhean Croise

San Lucas 11:28

Pro ja cꞌa Jesús quewaꞌ xbij tre riꞌ: —Más na quiꞌil chique ja winak ja necꞌaxani ja rtzobal Dios in nqueban cumplir ja nbij chique chi nqueban, neꞌ tre.

San Juan 14:15

Ja wi ni katzij wiꞌ chi ninewajoꞌ jariꞌ nenimaj ja nbij chewe chi neban.

San Juan 14:18

Anin ninbe pro matinban can chewe ix caniꞌ tak acꞌalaꞌ ja chaka nemalataji, can ninmelojpi chic jutij ewqꞌuin.

San Juan 15:14

Ja cꞌa rixix ix wamigo ja wi nenimaj ja nbij chewe chi neban.

San Juan 16:14

Ja cꞌa tok xtipeti jariꞌ nukꞌij anin nuryaꞌaꞌ como arjaꞌ nucꞌamto na ja cꞌo pa nukꞌaꞌ anin chi nurkꞌalasaj chewach nak rbanic.

San Juan 16:27

Arjaꞌ nuyaꞌ chewe como nixrajoꞌ xa chewiꞌ tok nuyaꞌ chewe. Queriꞌ nuban chewe como ixix ninewajoꞌ in chakajaꞌ nenimaj chi ruqꞌuin ja Dios inpenak wiꞌ.

San Juan 17:23

Quewaꞌ neli riꞌ, anin xa jun nban cuqꞌuin in atat chakajaꞌ xa jun naban wqꞌuin utzcꞌa tok xtiqꞌuiswani mta ariꞌ ja maquita jun nqueban. Queriꞌ nwajoꞌ utzcꞌa ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ xticotakij na chi atat attakyonto wxin utzcꞌa chi xticotakij na chakajaꞌ chi congana neꞌawajoꞌ ja winak ja xa jun quibanon wqꞌuin ja caniꞌ abanon chwe como congana ninawajoꞌ.

Hechos 22:18

Xintzꞌat ja kajaw Jesucristo, quewaꞌ xbij chwe riꞌ: —Camic tachomlaꞌ awiꞌ chanim, catelel chipan ja tinamit Jerusalén como ja winak waweꞌ ejeꞌeꞌ mta quigana nquicꞌaxaj ja tok xtamaj rkꞌalasaxic chiquewach nak nbanic, neꞌ chwe.

2 Corintios 12:8

Ja cꞌa ranin oxmul xincꞌutuj tre ja kajaw Jesucristo chi arjaꞌ nwasaj chwe ja banyon pokon tre ja ncuerpo.

2 Corintios 3:18

In ajoj kanojelal ja yukul kacꞌuꞌx ruqꞌuin ja kajaw Jesucristo majun nak ta botzben ta kapalaj, kamajon rtzꞌatic camic ja kajaw Jesucristo chi más kꞌaxnak chi na ruchꞌaꞌ Dios cꞌo ruqꞌuin. In como kamajon rtzꞌatic chi congana nim rukꞌij chewiꞌ tok noktajini nokqꞌuextaji, ntajini noqui ja kanaꞌoj ajoj ja caniꞌ rnaꞌoj arjaꞌ, xa janiꞌ npi más npi más ja ruchꞌaꞌ pa tak kanma. In nojel ariꞌ ruqꞌuin ja rEspíritu rxin ja kajaw Jesucristo npi wiꞌ.

2 Corintios 4:6

Queriꞌ kabanon como ja Dios arjaꞌ cꞌo jun luz rtakonto pa tak kanma ja caniꞌ xuban ojer tok xbij chi: —Tiwinakari ja luz, neꞌe, in winakari ja luz chipan ja kꞌekumal. Queriꞌ rbanon chake utzcꞌa chi nchꞌaꞌani ja luz xin Dios pa tak kanma in rmalariꞌ ja winak xticotakij na chi ruqꞌuin ja Jesucristo natzꞌat wiꞌ chi janila nim rukꞌij ja Dios.

2 Tesalonicenses 2:16

Ja katataꞌ Dios congana nokrajoꞌ in rmal ja rutzil chijutij xyukbaꞌ kacꞌuꞌx in xuyaꞌ chake chi nokquicoti nkaybej más ja rutzil. Ja ngana anin ja kajaw Jesucristo in ja katataꞌ Dios nquiyukbaꞌ ta ecꞌuꞌx in nqueyaꞌ ta ewachokꞌakꞌ chipan ja utzlaj tzij ja remajon rbixic in tre nojel ja rutzil ja remajon rbanic.

2 Timoteo 4:22

Kas ta xtiqꞌuejeꞌe pan awanma ja kajaw Jesucristo. Kas ta xtiqꞌuejeꞌe ja rutzil xin Dios awqꞌuin. Amén.

1 Juan 2:5

Pro ja winak ja nenimani ja rmandamiento ejeꞌeꞌ riꞌ ja qꞌuiynak chic in wachinnak chic ja rajoben riꞌil xin Dios pa tak canma. Ja wi queriꞌ kabanon triꞌ nkatzꞌat wiꞌ chi xa jun kabanon ruqꞌuin.

1 Juan 3:1

Janila nokrajoꞌ ja Dios ja Tatixel. Arjaꞌ nbij chake chi ok ralcꞌwal, triꞌ cꞌa nkatzꞌat wiꞌ chi congana nokrajoꞌ in ni katzij wiꞌ chi ok ralcꞌwal. Ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ matichꞌobtaj cumal janiꞌ rnaꞌoj ja Dios in rmalariꞌ matichꞌobtaj cumal nak kabanic ajoj chakajaꞌ.

1 Juan 5:3

Ja wi nkanimaj ja mandamiento xin Dios jariꞌ nkacꞌutbej chi nkajoꞌ ja Dios chakajaꞌ. Ja cꞌa mandamiento xin Dios ma al ta rcꞌaxic

2 Juan 1:6

Ja cꞌa rajoben riꞌil xin Dios quewaꞌ rbanic riꞌ, jariꞌ ja naban cumplir ja mandamiento ja yaꞌon jeꞌe chake rmal ja Dios. Ja cꞌa mandamiento xin Dios jariꞌ ja nij ecꞌwaxanto wiꞌ nabey in quewaꞌ nbij riꞌ: —Tewajoꞌ ewiꞌ, neꞌe.

Apocalipsis 2:17

Ja cꞌo quixquin tiquicꞌaxaj cꞌa ja ntajini nbij ja rEspíritu Santo chique ja riglesia. Xa nak ta ja nechꞌocmaji in matiqueyaꞌ quiꞌ tre ja ritzelal chi xqueruchꞌec ta, anin nyaꞌ na chique chi nquetij ja maná ja rawatali in nyaꞌ na jujun abaj sak chique chakajaꞌ in jariꞌ abaj cꞌo jun biꞌaj cꞌacꞌa tzꞌibtal chwach ja majun otakyon, xa ruyon ja njach wiꞌ ja rabaj arjaꞌ notakini. Queriꞌ ja natzꞌibajel tre ja ángel rxin ja riglesia ja cꞌo Pérgamo, neꞌ chwe.

Apocalipsis 22:14

Congana quiꞌil chique ja nquechꞌaj quitziak chipan ja rquiqꞌuel ja Carnelo utzcꞌa chi cꞌo quekꞌaꞌ tre ja cheꞌ ja rcꞌamonto ja utzlaj cꞌaslemal ja mta qꞌuisic trij utzcꞌa chakajaꞌ ja tok neꞌekaj chuchiꞌ ja puerta rxin ja tinamit nya̱ꞌ lugar chique chi neꞌoc chipan.

Apocalipsis 3:20

Bien tecꞌwaxaj, anin inpaꞌl chuchiꞌ ja puerta rxin ja rewanma in ncꞌoncꞌoꞌoc ja puerta. Xa nak ta ncꞌaxani ja nukul in nujak rpuertaꞌil ja ranma chinwach jariꞌ ninoc chipan ja ranma in xa junan nokwaꞌ ruqꞌuin.