San Juan 14:20 - Tz'utujil (Ja Cꞌacꞌa Chominem)

²⁰ Ja cꞌa tok xtipeti ja rEspíritu Santo jariꞌ bien nchꞌobtaj chic emwal chi anin xa jun kabanon ruqꞌuin ja Tatixel, bien nchꞌobtaj chic emwal triꞌ chi ixix xa jun ebanon wqꞌuin in anin chakajaꞌ xa jun nbanon ewqꞌuin.

Tz'utujil NT

²⁰ Tak xtpeta Espíritu Santo jara' bien nch'obtaj chic ewmal chanen xjun kabnon ruq'uin Ttixel, y nch'obtaja ewmal chka' xjun chic ebnon wq'uin y anen xjun nebnon ewq'uin.

San Juan 14:20 Iomraidhean Croise

San Juan 10:38

Pro wi xin nataꞌ Dios ja samaj ja nmajon rbanic tenimaj cꞌa chi rxin arjaꞌ masqui matiyukeꞌ ecꞌuꞌx wqꞌuin anin. Queriꞌ nwajoꞌ chewe utzcꞌa chi newotakij na chi ja Tatixel xa jun rbanon wqꞌuin in anin chakajaꞌ xa jun nbanon ruqꞌuin utzcꞌa chi nyukeꞌ ecꞌuꞌx wqꞌuin. Queriꞌ xbij chique.

San Juan 14:10

¿La matanimaj chi anin xa jun nbanon ruqꞌuin ja Tatixel in ja Tatixel arjaꞌ xa jun rbanon wqꞌuin chakajaꞌ? Nojel ja tzij ja nbij chewe ma chaka ta nwinakarsan nojoj nuyon, ja Tatixel ja cꞌo pa wanma arjaꞌ nsamaj pa wanma chi rbanic nojel ja nmajon rbanic.

San Juan 14:11

Tenimaj ja nbij chewe chi anin xa jun nbanon ruqꞌuin ja Tatixel in jaꞌ Tatixel xa jun rbanon wqꞌuin anin chakajaꞌ. Owi matenimaj ja chaka tzij nban ewqꞌuin como cꞌo cꞌa ja nimak tak milagro nbanon chewach rmaltariꞌ xtenimaj.

San Juan 16:23

Ja cꞌa tok xterilaꞌ riꞌ kꞌij tokoriꞌ ma rjawaxic chi ta chewe chi cꞌo chi ta xtecꞌwaxaj chi ta chwe. Ni katzij wiꞌ ja xtinbij chewe riꞌ, xa nak ta ja xtecꞌutuj tre ja Tatixel wi pa nubiꞌ anin necꞌutuj wi yukul ecꞌuꞌx wqꞌuin chi rcꞌutuxic arjaꞌ nuyaꞌ chewe.

San Juan 16:26

Ja cꞌa tok xterilaꞌ ja kꞌij tokoriꞌ tok pa nubiꞌ anin necꞌutuj tre ja Tatixel nak ja kas newajoꞌ. Pro ma rjawaxic ta ja kas ta na nbochiꞌij ja Tatixel chi nuyaꞌ chewe ja necꞌutuj tre.

San Juan 17:11

Padre Santo, camic maquinqꞌuejeꞌ chic más waweꞌ chwachꞌulew pro ja rejeꞌeꞌ neqꞌuejeꞌ na pro ja ranin ninmeloj chic jutij awqꞌuin. Pan abiꞌ atat queꞌachajij can queꞌawaraj can ja reꞌayaꞌon chwe utzcꞌa xta jun xtiqueban ja caniꞌ kabanon ajoj awqꞌuin xa jun kabanon.

San Juan 17:26

Anin nkꞌalasan chic chiquewach janiꞌ ja ranaꞌoj in can nkꞌalasaj na más chiquewach chakajaꞌ. Queriꞌ xtinban chique utzcꞌa chi nqꞌuejeꞌ pa tak canma ja mismo ajoben riꞌil ja caniꞌ inawajoben anin utzcꞌa chi ninqꞌuejeꞌ anin pa tak canma chakajaꞌ. Queriꞌ xbij ja Jesús tre ja Tatixel.

San Juan 17:7

Ejeꞌeꞌ cotak chic camic chi awqꞌuin atat penak wiꞌ nojel ja xinban ja rayaꞌon chwe chi xinban.

San Juan 6:56

Ja netijowi ja ncuerpo rachbil ja nquiqꞌuel ejeꞌeꞌ neqꞌuejeꞌ pa wanma anin in anin chakajaꞌ ninqꞌuejeꞌ pa tak canma ejeꞌeꞌ.

Romanos 16:7

Teyaꞌaꞌ rutzil rwach ja rAndrónico rachbil Junias, ejeꞌeꞌ e wach tak aj tinamit in kaban jutij xa junan katij pa cheꞌ cuqꞌuin. Kas lokꞌ nenaꞌi ja rAndrónico in Junias chiquicojol ja rapóstol in chakajaꞌ yukeꞌ quecꞌuꞌx ejeꞌeꞌ nabey ruqꞌuin ja Cristo chinwach anin.

Romanos 8:1

Rmalcꞌariꞌ nbij chewe, ja camic chic kanojel ja xa jun kabanon ruqꞌuin ja Cristo Jesús okwasanel chic libre chipan ja kil kamac in ma xkorutakel ta ja Dios chipan ja nimlaj rpokonal. Ajoj cꞌariꞌ ja matikayaꞌ chic rgana ja tzabuklaj cꞌaslemal kucꞌan pro ja nkayaꞌ chic rgana ja rEspíritu Santo chi arjaꞌ nsamaj pa tak kacꞌaslemal.

1 Corintios 1:30

Dios cꞌa yoyon chewe nojelal. Arjaꞌ yoyon chewe jun cꞌacꞌa cꞌaslemal pro xa rmal ja Cristo Jesús chewiꞌ tok ryaꞌon chewe. Arjaꞌ takoto rxin ja Cristo chi katoꞌic in xa rmal ja Cristo ja tok yatajnak chake ja naꞌoj xin Dios in xa rmal ja Cristo chakajaꞌ tok Dios nokrucꞌul in nuban chake caniꞌ mta kil kamac in xa rmal ja Cristo chakajaꞌ tok kꞌij kꞌij noc más chꞌajchꞌoj ja kanma in xa rmal ja Cristo chakajaꞌ tok ma ok preso chi ta pa rukꞌaꞌ ja il mac in noketotaj na chijutij.

2 Corintios 12:2

Anin cꞌo jun achi wotak rwach, arjaꞌ xa jun quibanon ruqꞌuin ja Cristo. Ja cꞌa rachi arjaꞌ tuban catorce junaꞌ ja cꞌoli xuban, chaka jalal tok cꞌamarel chilaꞌ chicaj in cꞌa chi rox caj xekaj wiꞌ. Ja wi ni rachbil rcuerpo tok cꞌamarel owi ma rachbil ta jariꞌ ma wotak ta, solo Dios otakyon.

2 Corintios 13:5

Bien cꞌa tecꞌambajaj kaj ewiꞌ eyon, ixix cꞌa quixtzꞌatowi ja wi ni katzij wiꞌ chi cꞌoli ja yukulbal ecꞌuꞌx ruqꞌuin ja Jesucristo. ¿La ma ewotak ta cꞌa chi cꞌoli ja Jesucristo pa tak ewanma? Queriꞌ rbanic ja wi ni katzij wiꞌ chi ix xin Cristo.

2 Corintios 5:17

Queriꞌ cꞌa rbanic, ja wi xa jun abanon ruqꞌuin ja Cristo jariꞌ at cꞌacꞌa winak chic, ja tzabuklaj tak naꞌoj awcꞌan nabey jariꞌ kꞌaxnak can chic, cꞌacꞌa chic nojelal.

2 Corintios 5:19

Queriꞌ cꞌa rbanic, ja Dios arjaꞌ xa jun quibanon ruqꞌuin ja Cristo, xa jun quibanon ruqꞌuin chwach cruz rmalariꞌ tok nokchomtaj ruqꞌuin ja rok winak in rmalariꞌ chakajaꞌ tok ncuyi ja kil kamac in camic chi kakul ajoj ryaꞌon wiꞌ chi nkayaꞌ rbixic nak rbanic ja tok natchomtaj ruqꞌuin.

Gálatas 2:20

Ja chwe anin, anin jun xincamsax ruqꞌuin ja Cristo chwach ja cruz. Ja cꞌaslemal ja cꞌo chic chwe camic jariꞌ ma anin chi ta ja rincꞌasli, Cristo chic ja cꞌas pa wanma. Ja yukulbal nucꞌuꞌx ruqꞌuin ja Cristo ja Ralcꞌwal Dios jariꞌ cꞌayon chic wxin chipan awaꞌ cꞌaslemal ja cꞌo chic chwe waweꞌ chwachꞌulew. Janila ninrajoꞌ ja Cristo como arjaꞌ ma xpokonaj ta xuyaꞌ riꞌ pa camíc mwal.

Efesios 2:10

Queriꞌ nbij chewe como ja utzlaj cꞌaslemal ja kucꞌan camic Dios winakarsyon, ma ajoj ta como arjaꞌ xuyaꞌ jun cꞌacꞌa cꞌaslemal chake, tokoriꞌ xuyaꞌ chake ja tok xa jun kaban ruqꞌuin ja Cristo Jesús. Xuyaꞌ jun cꞌacꞌa cꞌaslemal chake utzcꞌa chi nkaban chic ja rutzil pro juleꞌ utzil ja ni rchominto wiꞌ ojer chi nkaban.

Colosenses 1:19

Queriꞌ rbanic como nojelal ja nojnak pa ranma ja katataꞌ Dios jariꞌ nojnak pa ranma ja Ralcꞌwal Dios chakajaꞌ como queriꞌ rvoluntad ja Dios.

Colosenses 1:27

como ja Dios arjaꞌ rchꞌobon chic chiquewach ja rtinamit chi cꞌo chic ja Cristo pa tak ewanma ja ma ix aj Israel ta in rmalariꞌ ewotak chic chi nixeqꞌuejeꞌ na pa gloria ruqꞌuin ja Dios. Jawaꞌ ja cꞌa xinbij chewe riꞌ xa awatali nabey pro ja Dios rkꞌalasan chic chikawach camic utzcꞌa chi triꞌ nkatzꞌat wiꞌ chi janila nim ja gloria xin Dios ja nsamaji checojol ixix ja ma ix aj Israel ta.

Colosenses 2:9

Maxta quixban engañar como xa ruqꞌuin Cristo nkatzꞌat wiꞌ nak ja kas mero rbanic ja Dios como arjaꞌ ocnak kach winak in nojel ja cꞌo pa ranma ja Dios ni majun ja maquita cꞌo pa ranma ja Cristo chakajaꞌ.

1 Juan 4:12

Ja Dios majun nak ta tzꞌatyon rxin pro wi nkajoꞌ kiꞌ jariꞌ nqꞌuejeꞌ pa tak kanma ja Dios in chakajaꞌ nqꞌuiyi nwachini pa tak kanma ja rajoben riꞌil rxin.