San Juan 14:2 - Tz'utujil (Ja Cꞌacꞌa Chominem)

² Ja chi rochoch ja Nataꞌ sobre ja lugar cꞌo chilaꞌ. Ja wixta ma queriꞌ ta xinbij ta cꞌariꞌ chewe chakajaꞌ. Anin ninbe camic nenchomarsaj na ja lugar ewxin.

Tz'utujil NT

² Pruchoch Nedta' congan q'uiy je' lwar tzra', per che mquita cara' mquita xenbij chewa. Anen quenba camic cnechumsaj jun elwar.

San Juan 14:2 Iomraidhean Croise

San Lucas 14:22

Queriꞌ cꞌa xuban ja moso ja caniꞌ bixel tre. Ja cꞌa tok melojto chic quewaꞌ xbij tre ja rpatrón riꞌ: —Taꞌ, xenbanaꞌ ja caniꞌ xabij chwe pro ja tzꞌulbal cꞌa cꞌo na ja mta rajaw, neꞌ tre.

San Juan 13:33

Chakꞌlaj walcꞌwal, anin xa jun ti tiempo chic ninqꞌuejeꞌ checojol. Ninecanoj chi na pro caniꞌ xinbij chique ja juleꞌ chic aj Israel queriꞌ nbij chic chewe ixix camic quewariꞌ, ja bar xquinbe chi wiꞌ maquixcowin ixix nixekaj triꞌ.

San Juan 13:36

Ja cꞌa Simón Pedro arjaꞌ xbij tre: —Kajaw ¿bar cꞌa triꞌ natbe wiꞌ? neꞌ tre. —Ja bar xquinbe wiꞌ, atat macatcowini nattreꞌ chwij camic pro nerilaꞌ na jun kꞌij ja tok xcattreꞌ na chwij, neꞌxi rmal ja Jesús.

San Juan 14:28

Ixix xecꞌwaxaj ja tok quewaꞌ xinbij chewe riꞌ: —Anin ninbe pro ninmelojpi chi na jutij ewqꞌuin. Ruqꞌuin ja Nataꞌ ninbe wiꞌ, xincheꞌ chewe. Ja wixta congana ninewajoꞌ xixquicot ta cꞌariꞌ ja tok xinbij chewe chi ruqꞌuin ja Nataꞌ ninbe wiꞌ como ja Nataꞌ arjaꞌ más na nim rukꞌij chinwach anin.

San Juan 16:4

Nojel awaꞌ ja xinyaꞌ pon rbixic chewe riꞌ utzcꞌa tok xtibantaji quewaꞌ nebij riꞌ: —Ja cꞌawaꞌ bin can chake rmal ja Jesús, xquixcheꞌ na. Ma xinbij ta chewe nabey nojel awaꞌ wariꞌ como cꞌa incꞌo na checojol.

San Juan 17:24

Nataꞌ, ja winak ja reꞌayaꞌon chwe cꞌo ngana chi triꞌ neꞌeqꞌuejeꞌ wiꞌ ja bar xquineqꞌuejeꞌ wiꞌ anin. Queriꞌ nwajoꞌ chique utzcꞌa chi necowini nquetzꞌat ja nimlaj gloria xin Dios wcꞌan ja caniꞌ ayaꞌon chwe. Como atat nij inawajoꞌonto wiꞌ ja tok majaꞌn titzꞌucarsaxto ja rwachꞌulew.

Hechos 9:16

Como anin nchꞌobo chwach chi congana rpokonal nutij na pa nubiꞌ, neꞌe ja kajaw Jesucristo tre.

2 Corintios 5:1

Ja cꞌa kacuerpo jariꞌ ocnak caniꞌ rochoch ja kanma waweꞌ chwachꞌulew in wi xa nyojtaji jariꞌ bien kotak chi cꞌo chi na jun rochoch ja kanma chilaꞌ chicaj ja nyataj chi na chake rmal ja Dios pro jun jay ja ma winak ta ebanyon in ni mta wiꞌ qꞌuisic trij.

1 Tesalonicenses 5:9

Como ja Dios arjaꞌ okrchaꞌon utzcꞌa chi nkawil ja totajem ja rcꞌamonto ja kajaw Jesucristo, ma xuchꞌob ta ja Dios chakij chi nokruyaꞌ pa rcꞌayewal.

Tito 1:2

In triꞌ cꞌa ncotakij wiꞌ más chi cꞌo jun utzlaj cꞌaslemal ja mta qꞌuisic trij in nequicoti chi raybexic. Jariꞌ ja utzlaj cꞌaslemal ja Dios ojer rtzujunto. Majaꞌn titzꞌucari ja rwachꞌulew tok rtzujun in ni nuyaꞌ wiꞌ como ja Dios arjaꞌ ma tzꞌakol tzij ta.

Hebreos 11:10

Ja tinamit ja kas rayben ja rAbraham jariꞌ ja tinamit ja xin chilaꞌ chicaj ja cꞌo jun rsimientoꞌil ja ni mta wiꞌ qꞌuisic trij, jariꞌ tinamit Dios chomarsani in Dios banowi.

Hebreos 13:14

Ja cꞌa waweꞌ chwachꞌulew mta jun katinamit ja maquita nkꞌaxi pro cꞌo jun ja katinamit ja majaꞌn tiyaꞌ chake jariꞌ kayben camic.

Hebreos 6:20

Cꞌa triꞌ ekajnak wiꞌ ja Jesús nabeyal chikawach, rjakon jun bey chikawach. Arjaꞌ ocnak lokꞌlaj sacerdote pro ni chijutij, ja cꞌa rsacerdoteꞌil arjaꞌ ni mta wiꞌ qꞌuisic trij, xa junan ruqꞌuin ja rsacerdoteꞌil ja Melquisedec.

Hebreos 9:8

Jawaꞌ ja cꞌa xinbij chewe riꞌ cꞌoli nucꞌut chikawach ja nkꞌalasax chikawach rmal ja rEspíritu Santo, quewaꞌ nucꞌut chikawach riꞌ, ja nabey cuarto tok majaꞌn tocꞌo rukꞌij cꞌa tzꞌapal na chikawach ja santilaj lugar ja bar cꞌo wiꞌ ja Dios.

Apocalipsis 1:5

in xtecochij ta tre chakajaꞌ ja Jesucristo, arjaꞌ ocnak testigo xin Dios in ni katzij wiꞌ ja testigoꞌil nuyaꞌ, arjaꞌ ja Ralcꞌwalaxel nabey winak ja cꞌastaji chiquicojol ja camnakiꞌ, arjaꞌ cꞌo rukꞌaꞌ chique ja rey xin rwachꞌulew chi neruban mandar. Arjaꞌ janila xokrajoꞌ, xuchꞌaj ja kil kamac tre ja rquiqꞌuel

Apocalipsis 21:2

Anin in Juan xintzꞌat ja tinamit xin Dios, jariꞌ ja cꞌacꞌa Jerusalén, ntajini nkajto chilaꞌ chicaj, ruqꞌuin ja Dios penak wiꞌ, congana rwekon riꞌ caniꞌ nuban jun xtan tok ncꞌuleꞌe, arjaꞌ congana nuwek riꞌ utzcꞌa chi ja rchajil nquicot trij.

Apocalipsis 3:12

Ja nechꞌocmaji in matiqueyaꞌ quiꞌ tre ja ritzelal chi xqueruchꞌec ta, anin nyaꞌ na chique chi neꞌoqui e caniꞌ rkan tak jay rxin ja templo rxin ja nDios, xajutij neqꞌuejeꞌ triꞌ, ni majun nak ta xtilasan ta quixin chipan. In jun chic, can ntzꞌibaj na rubiꞌ ja nDios chiquij in ntzꞌibaj rubiꞌ ja tinamit rxin ja nDios chiquij chakajaꞌ. Jawaꞌ tinamit riꞌ jariꞌ ja cꞌacꞌa Jerusalén ja nelto chicaj ruqꞌuin ja nDios in nkajto cꞌa chwach ja rwachꞌulew. In cꞌo jun biꞌaj cꞌacꞌa wxin jariꞌ ntzꞌibaj chiquij chakajaꞌ.

Apocalipsis 3:21

Ja nechꞌocmaji in matiqueyaꞌ quiꞌ tre ja ritzelal chi xqueruchꞌec ta, anin nyaꞌ na chique chi neꞌoc wach tak kꞌetol tzij, nincachbilaj chipan ja ntrono caniꞌ xinban anin xinchꞌocmaji in xinwachbilaj ja nataꞌ Dios chipan ja rtrono.