San Juan 14:19 - Tz'utujil (Ja Cꞌacꞌa Chominem)

¹⁹ Xajalal majaꞌn quinbe. Ja cꞌa tok xquinbe maquinquetzꞌat chic ja winak ja xa ruqꞌuin rwachꞌulew yukul wiꞌ quecꞌuꞌx pro ja rixix ninetzꞌat chi na. Como anin wcꞌan ja utzlaj cꞌaslemal ja mta qꞌuisic trij rmalariꞌ newcꞌaj na ixix chakajaꞌ ja utzlaj cꞌaslemal ja mta qꞌuisic trij.

Tz'utujil NT

¹⁹ Xjarlal q'uemja'na quenba, per tak xtenba majo'n quenquetz'et chta je' wnak xruq'uin rwech ruch'lew ykul wa' quec'u'x, per ixix cnetz'et na. Com anen newc'an utzlaj c'aslemal je rxin junlic rmal c'ara' newc'aj na ixix chka' utzlaj c'aslemal je rxin junlic.

San Juan 14:19 Iomraidhean Croise

San Juan 11:25

Ja cꞌa Jesús xbij tre: —Pro nij anin wiꞌ ninyico quixin ja winak chipan ja camíc, nij anin wiꞌ ninyowi ja utzlaj cꞌaslemal ja mta qꞌuisic trij. Xa nak ta ja yukul rucꞌuꞌx wqꞌuin arjaꞌ masqui cami pro jariꞌ ma chijutij ta, ncꞌaseꞌ chi na jutij.

San Juan 12:35

Ja cꞌa Jesús xbij chic chique: —Ja nsakirsan ebey camic arjaꞌ xa jun caꞌiꞌ kꞌij nqꞌuejeꞌ chi na checojol rmalcꞌariꞌ nbij chewe, como cꞌa cꞌo na ja luz checojol teyaꞌaꞌ lugar tre chi noc pa tak ewanma utzcꞌa chi matoqui ja kꞌekumal pa tak ewanma. Ja winak ja xa pa kꞌekumal nebin wiꞌ ejeꞌeꞌ ma cotak ta bar xqueꞌekaj wiꞌ.

San Juan 13:33

Chakꞌlaj walcꞌwal, anin xa jun ti tiempo chic ninqꞌuejeꞌ checojol. Ninecanoj chi na pro caniꞌ xinbij chique ja juleꞌ chic aj Israel queriꞌ nbij chic chewe ixix camic quewariꞌ, ja bar xquinbe chi wiꞌ maquixcowin ixix nixekaj triꞌ.

San Juan 14:6

—Pro anin cꞌa ja rin bey, wqꞌuin anin niltaj wiꞌ nojelal ja ni katzij wiꞌ ja ni majun engaño rcꞌan in anin ninyowi ja utzlaj cꞌaslemal ja mta qꞌuisic trij. Mta jun nak ta xtekaj ta ruqꞌuin ja Tatixel ja maquita yukul rucꞌuꞌx wqꞌuin.

San Juan 16:16

Xa jurata chic ninqꞌuejeꞌ checojol in maquinetzꞌat chic pro xa ma nim ta ja tiempo ja maquinetzꞌat cꞌacꞌariꞌ ninetzꞌat chi na jutij. Queriꞌ nbij chewe como ninbe ruqꞌuin ja Tatixel. Queriꞌ xbij ja Jesús chique.

San Juan 16:22

Queriꞌ cꞌa chewe ixix chakajaꞌ camic, emajon bis pro nutzꞌat chi na jutij riꞌ kawach ewqꞌuin, janila xquixquicot rmal pro jun quicotemal ja majun nak ta xtiwasan ta chewe.

San Juan 6:40

Ja Tatixel ja takyonpi wxin quewaꞌ rvoluntad riꞌ, chi canojel ja winak ja ncotakij rwach ja Ralcꞌwalaxel in nyukeꞌ quecꞌuꞌx ruqꞌuin ejeꞌeꞌ nyataj chique ja utzlaj cꞌaslemal ja mta qꞌuisic trij. Ja cꞌa tok xterilaꞌ ja qꞌuisbal tiempo anin ninyico quixin chipan ja camíc. Queriꞌ xbij ja Jesús chique.

San Juan 7:33

Ja cꞌa Jesús arjaꞌ tzijon más cuqꞌuin ja winak, quewaꞌ xbij chic chique riꞌ: —Anin xa jun ti tiempo chic ninqꞌuejeꞌ checojol como ninmeloj ruqꞌuin ja rintakyonto.

San Juan 8:21

Xumaj chic jutij tzij cuqꞌuin: —Anin ninmeloji ja bar inpenak wiꞌ. Ja cꞌa rixix ninecanoj chi na pro maquinewil chic, chipan ja rewil emac nixcam wiꞌ. Ja bar xquinbe chi wiꞌ maquixcowin ixix nixekaj ta triꞌ.

Hechos 10:41

Ma chiquewach ta canojel ja xucꞌut wiꞌ riꞌ pro chikawach ajoj ja rokchaꞌon rmal ja Dios utzcꞌa chi nkayaꞌ rbixic ja rcꞌastajic como ajoj tok cꞌastajnak chic chiquicojol camnakiꞌ xokwaꞌ chi na ruqꞌuin.

Romanos 5:10

Ja Dios xa ok rcꞌulel ja tok peti ja Ralcꞌwal, xurcam kaj pa kacuenta in ja rcamic jariꞌ tzursan kaxin ruqꞌuin ja Dios. Ja Dios wi conforme xuban queriꞌ chake tok xa ok rcꞌulel más chi na conforme chi nokrutoꞌ camic. Como ja camic oktzurnak chic ruqꞌuin ja Dios in rmalariꞌ tok bien kotak chi ni xtiyataj na wiꞌ chake ja totajem xin Dios como cꞌastajnak chic ja Ralcꞌwal.

Romanos 8:34

¿La cꞌo ta cꞌa jun xtibij ta chake chi: —Rjawaxic netoj ja rewil emac, xticheꞌ ta chake? Mta como ja Cristo Jesús arjaꞌ mismo camsax chwach cruz chi rtojic ja kil kamac in ja camic pa riquikꞌaꞌ ja Dios cꞌo wiꞌ in triꞌ ntajin wiꞌ nuban orar pa kacuenta.

1 Corintios 15:20

Pro ja Cristo jariꞌ cꞌastajnak chic rwach. Ja tok cꞌastaj rwach jariꞌ caniꞌ jun tijcoꞌm chꞌupi nabey rwach pro cꞌa cꞌo na ja majaꞌn tikꞌenari, cꞌa nchꞌup na, ejeꞌeꞌ riꞌ ja camnakiꞌ ja caniꞌ waram quibanon.

1 Corintios 15:45

Caniꞌ tzꞌibtal can chipan ja rtzobal Dios quewaꞌ nbij riꞌ: —Ja tok winakarsaxi ja nabey achi rbinaꞌan Adán arjaꞌ yataj tre jun cꞌaslemal xin waweꞌ chwachꞌulew, neꞌe. Ja cꞌa tok peti ja Cristo ja qꞌuisbal Adán nokcheꞌ tre, arjaꞌ yataj tre chi ncowini nuyaꞌ cꞌaslemal pro jun cꞌacꞌa cꞌaslemal xin chilaꞌ chicaj.

Hebreos 7:25

Rmalcꞌariꞌ tok ncowini nokrutoꞌ chijutij ja yukul kacꞌuꞌx ruqꞌuin chi arjaꞌ ncojo kaxin chwach ja Dios. Arjaꞌ ni cꞌas wiꞌ chijutij chi rbanic orar pa kacuenta chewiꞌ tok ncowini nokrutoꞌ chijutij.

Apocalipsis 20:4

Cꞌacꞌariꞌ cꞌo juleꞌ trono xintzꞌat in ecꞌoli ja retzꞌubul chipan, yatajnak chique chi xeꞌoc e kꞌetol tak tzij. In xintzꞌat ja canma ja winak ja lasax quewiꞌ ja xecamsax rmal ja testigoꞌil ja queyaꞌ trij ja Jesús in rmal ja rtzobal Dios. Ejeꞌeꞌ riꞌ ja ma xexuqueꞌ ta chwach ja ritzel chicop nixtacꞌa chwach ta ja rachbal in ma xqueyaꞌ ta lugar tre chi coj retal chi quipalaj in nixtacꞌa chi quekꞌaꞌ ta chakajaꞌ. In xecꞌastaji, xeꞌoc e rach kꞌetol tak tzij ja Cristo tre jun mil junaꞌ.