San Juan 14:16 - Tz'utujil (Ja Cꞌacꞌa Chominem)

¹⁶ Ja cꞌa ranin ncꞌutuj na tre ja Tatixel chi arjaꞌ nutakto jun chic ja ntoꞌo ewxin ja nqꞌuejeꞌ ewqꞌuin pro ni chijutij.

Tz'utujil NT

¹⁶ Y anen quenc'utuj tzra Ttixel che arja' nutak ta jun chic To'onel ewxin y nec'je'a ewq'uin junlic.

San Juan 14:16 Iomraidhean Croise

San Mateo 28:20

Techꞌoboꞌ chiquewach nak nqueban chi rnimaxic nojel ja mandamiento ja nyaꞌon chewe. In bien turkaj chewe chi anin ni mta wiꞌ jun kꞌij ja maquita incꞌol ewqꞌuin in nij incꞌo wiꞌ ewqꞌuin ja tok xterilaꞌ ja qꞌuisbal kꞌij rxin ja rwachꞌulew. Amén.

San Juan 14:14

In jutij chic nbij chewe, xa nak ta ja xtecꞌutuj in wi yukul ecꞌuꞌx wqꞌuin chi rcꞌutuxic, anin ninyoꞌ chewe ja necꞌutuj.

San Juan 14:18

Anin ninbe pro matinban can chewe ix caniꞌ tak acꞌalaꞌ ja chaka nemalataji, can ninmelojpi chic jutij ewqꞌuin.

San Juan 14:26

Pro ja cꞌa tok ma incꞌo chi ta checojol tokocꞌariꞌ cꞌo chi na jun nta̱kpi na ewqꞌuin chi etoꞌic jariꞌ ja rEspíritu Santo. Arjaꞌ nta̱kto na rmal ja Nataꞌ in pa nubiꞌ anin tok xtitakto. Arjaꞌ xticꞌutu chic chewach nojelal, arjaꞌ nnatan chic chewe nojel ja nbin can chewe.

San Juan 15:26

Pro ja jun chic Toꞌonel ja cꞌo ruqꞌuin ja Nataꞌ arjaꞌ nkajto na ewqꞌuin como anin xquintakoto rxin. Arjaꞌ ja rEspíritu Santo pro jun Espíritu ja ni katzij wiꞌ nojel ja nbij, jun Espíritu ja ruqꞌuin Nataꞌ npi wiꞌ. Ja tok xturkaj ewqꞌuin arjaꞌ nkꞌalasaj na chiquewach ja winak nak inocnak wiꞌ anin.

San Juan 16:22

Queriꞌ cꞌa chewe ixix chakajaꞌ camic, emajon bis pro nutzꞌat chi na jutij riꞌ kawach ewqꞌuin, janila xquixquicot rmal pro jun quicotemal ja majun nak ta xtiwasan ta chewe.

San Juan 17:15

Ma ja ta ncꞌutuj chawe chi neꞌawasajel waweꞌ chwachꞌulew xquebe ta awqꞌuin camic riꞌ, ja nwajoꞌ chawe chi neꞌaban cuenta waweꞌ chwachꞌulew utzcꞌa chi maquechꞌac rmal ja ritzelal.

San Juan 17:20

Pro ma queyon ta ejeꞌeꞌ nmajon rbanic oración pa quicuenta como ejeꞌeꞌ nqueyaꞌ na nbixic chique juleꞌ chic in rmal ja xtiquibij ecꞌo chi na juleꞌ ja xtiyukeꞌ na quecꞌuꞌx wqꞌuin in camic nban orar pa quicuenta ejeꞌeꞌ chakajaꞌ.

San Juan 4:14

Pro ja ntijowi ja yaꞌ ja nyaꞌ anin jariꞌ ni mchita wiꞌ jutij nchakij ta ruchiꞌ. Pro ja yaꞌ ja nyaꞌ anin tre jariꞌ congana npulinto pa ranma caniꞌ nuban jun tzꞌuquel yaꞌ in rcꞌamonto tre ja utzlaj cꞌaslemal pro jun cꞌaslemal ja ni mta wiꞌ qꞌuisic trij, neꞌ tre.

San Juan 7:39

Queriꞌ xbij chique como jariꞌ nnatbej rxin ja rEspíritu Santo ja nyataj na chique ja winak ja yukul quecꞌuꞌx ruqꞌuin ja Jesús. Pro ja rEspíritu Santo majaꞌn titakto triꞌ como ja Jesús majaꞌn tibe ruqꞌuin ja Tatixel pa gloria.

Hechos 1:4

Ja tok cꞌa cꞌo na chiquicojol ja rapóstol quewaꞌ xbij chique riꞌ: —Ma quixel ta na chipan ja tinamit Jerusalén. Ja Nataꞌ arjaꞌ rtzujun chwe chi ntakpi na ja rEspíritu Santo ewqꞌuin ja caniꞌ nbin chic chewe, ja cꞌariꞌ ja tewaybej chipan ja tinamit Jerusalén.

Hechos 13:52

Pro ja winak ja yukeꞌ quecꞌuꞌx ruqꞌuin ja Jesucristo ejeꞌeꞌ congana nequicoti in nojnak ja rEspíritu Santo pa tak canma.

Hechos 9:31

Ja cꞌa riglesia ejeꞌeꞌ mchita pokon ban chique tanto chique ja recꞌo chipan ja departamento Judea in chique ja recꞌo chipan ja departamento Galilea in chique chakajaꞌ ja recꞌo chipan ja departamento Samaria. Xeqꞌuiy más chipan ja rtzobal Dios. Nquixbej quiꞌ chwach ja kajaw Dios. Ja rEspíritu Santo arjaꞌ toꞌo quixin in xebe más pa nim rmal.

Romanos 14:17

Queriꞌ nbij chewe como ja tok nokqꞌuejeꞌ chipan ja gobierno xin Dios ma ja ta nrajoꞌ chi noktzijon tre nak ja nkatiꞌ in nak ja matikatiꞌ, ma queriꞌ ta. Pro ja tok nokqꞌuejeꞌ chipan ja gobierno xin Dios quewaꞌ nrajoꞌ riꞌ, chi nkucꞌaj jun utzlaj cꞌaslemal, in jun chic, chi mta sícꞌ chꞌaꞌoj nkaban chibil tak kiꞌ, in jun chic, chi xa jun nkaban ruqꞌuin ja rEspíritu Santo in nkanaꞌ ja quicotemal xin Dios rmal.

Romanos 15:13

Ja Dios arjaꞌ nyoꞌ chake chi nokquicoti chi raybexic nojel ja rtzujun can chake. Arjaꞌ ta cꞌa xtiyoꞌ chewe chi nnoji ja quicotemal pa tak ewanma, arjaꞌ ta xtiyoꞌ chewe chi xa jun neban, jariꞌ nuyaꞌ chake ja tok yukul kacꞌuꞌx ruqꞌuin ja Jesucristo. Quirtacꞌariꞌ neban utzcꞌa chi nsamaji ja poder rxin ja rEspíritu Santo pa tak ewanma in rmaltariꞌ kas ta npulinto ja quicotemal pa tak ewanma chi raybexic nojel ja rtzujun can chake ja Dios.

Romanos 5:5

In nojel ja kayben ja rtzujun chake ja Dios mta moda ja maquita xtuyaꞌ in xtikayaꞌ ta kaqꞌuix rmal. Mta moda como ja Dios arjaꞌ bien rkꞌalasan chic chikawach chi congana nokrajoꞌ. Arjaꞌ xutakto ja rEspíritu Santo kuqꞌuin in xa janiꞌ nojnak ja rajoben riꞌil xin Dios pa tak kanma rmal.

Romanos 8:34

¿La cꞌo ta cꞌa jun xtibij ta chake chi: —Rjawaxic netoj ja rewil emac, xticheꞌ ta chake? Mta como ja Cristo Jesús arjaꞌ mismo camsax chwach cruz chi rtojic ja kil kamac in ja camic pa riquikꞌaꞌ ja Dios cꞌo wiꞌ in triꞌ ntajin wiꞌ nuban orar pa kacuenta.

Gálatas 5:22

Pro ja rEspíritu Santo quewaꞌ nwachij pa tak kacꞌaslemal riꞌ, nkajoꞌ kiꞌ, cꞌoli ja quicotemal xin Dios pa tak kanma, mta chꞌaꞌoj nkaban, cꞌo kapaciencia, cꞌo jun quiꞌlaj anma kucꞌan, nkatoꞌ kiꞌ chibil tak kiꞌ, nkaban cumplir ja nkatzujuj,

Filipenses 2:1

Wachꞌalal, ja tok xa jun kabanon ruqꞌuin ja Cristo ¿la matiyukbaꞌ cꞌa riꞌ kacꞌuꞌx ariꞌ rmal? ¿La matikanaꞌ cꞌariꞌ ja rajoben riꞌil xin Dios ja rcꞌamonto chake in nxucꞌuxuꞌi kanma rmal? ¿La makoquicot cꞌariꞌ rmal ja rEspíritu Santo chi arjaꞌ nokrachbilaj? ¿La ma lokꞌ ta cꞌa nkanaꞌ kiꞌ ariꞌ, la matipokonaj cꞌa riꞌ kawach ariꞌ rmal?

2 Tesalonicenses 2:16

Ja katataꞌ Dios congana nokrajoꞌ in rmal ja rutzil chijutij xyukbaꞌ kacꞌuꞌx in xuyaꞌ chake chi nokquicoti nkaybej más ja rutzil. Ja ngana anin ja kajaw Jesucristo in ja katataꞌ Dios nquiyukbaꞌ ta ecꞌuꞌx in nqueyaꞌ ta ewachokꞌakꞌ chipan ja utzlaj tzij ja remajon rbixic in tre nojel ja rutzil ja remajon rbanic.

Hebreos 7:25

Rmalcꞌariꞌ tok ncowini nokrutoꞌ chijutij ja yukul kacꞌuꞌx ruqꞌuin chi arjaꞌ ncojo kaxin chwach ja Dios. Arjaꞌ ni cꞌas wiꞌ chijutij chi rbanic orar pa kacuenta chewiꞌ tok ncowini nokrutoꞌ chijutij.

1 Juan 2:1

Chakꞌlaj walcꞌwal, jawaꞌ jun carta ja ntakel ewqꞌuin riꞌ utzcꞌa chi maquixmacuni. Pro wi cꞌo jun chewe chaka jalal xuban ril bien kotak chi cꞌo jun ja nsamaj pa kacuenta chwach Dios ja Tatixel jariꞌ ja Jesucristo, arjaꞌ ni utz wiꞌ ja nuban.

1 Juan 2:27

Pro ixix cꞌo chic ja rEspíritu Santo takonto ewqꞌuin rmal ja Jesucristo, arjaꞌ cꞌo chic pa tak ewanma. Rmalcꞌariꞌ ja tok ma rjawaxic ta chewe xquixtijox chi ta cumal juleꞌ winak, jaꞌ Espíritu Santo cꞌol ewqꞌuin jariꞌ nixtijoni, arjaꞌ nchꞌobo chewach nojelal. Ja tijonem nuyaꞌ arjaꞌ chewe ni katzij wiꞌ, majun tzꞌakoj tzij rcꞌamonto. In caniꞌ nuchꞌob arjaꞌ chewach ni ta queriꞌ neban, quixqꞌuejeꞌ pa ranma ja Jesucristo.

2 Juan 1:2

Rumac ja utzlaj tijonem ja rcꞌamonto ja Jesucristo chewiꞌ tok nixwajoꞌ, jariꞌ tijonem cꞌo chic pa tak kanma in mta ariꞌ ja maquita xtiqꞌuejeꞌ kuqꞌuin.