San Juan 14:12 - Tz'utujil (Ja Cꞌacꞌa Chominem)

¹² Ni katzij wiꞌ ja xtinbij chewe riꞌ, ja winak ja nyukeꞌ quecꞌuꞌx wqꞌuin ejeꞌeꞌ xtiyataj na chique chakajaꞌ chi nqueban ja nimak tak milagro ja caniꞌ nban anin. Xtiyataj na chique chi más chi na nimak tak milagro xtiqueban chwach ja caniꞌ nbanon anin. Queriꞌ nbij chewe como anin ninbe ruqꞌuin ja Tatixel rmalcꞌariꞌ tok xtiyataj na chique chi queriꞌ nqueban.

Tz'utujil NT

¹² Ne ktzitzij wa' je xtenbij chewa, je' wnak je xteyke'a quec'u'x wq'uin j-e' c'ara' nyataja chca che nqueban nmak tak milagro ajni' xenban anen, y xtyataj na chca che más na nmak tak milagro xtqueban que chwech ajni' xenban anen. Cara' quenbij chewa com anen quenba ruq'uin Ttixel rmal c'ara' tak nyataja chca chcara' nqueban.

San Juan 14:12 Iomraidhean Croise

San Mateo 21:21

—Ni katzij wiꞌ ja xtinbij chewe riꞌ, ja wi cꞌo yukulbal ecꞌuꞌx ruqꞌuin ja Dios in wi matuban caꞌiꞌ acꞌuꞌx jariꞌ nixcowini neban ixix ja caniꞌ xinban anin tre ja cheꞌ riꞌ. In ma ruyon tariꞌ pro nixcowini chakajaꞌ nebij trelaꞌ ja jun jayuꞌ leꞌ chi neli, nerqꞌuiakaꞌ riꞌ pa yaꞌ in nbe, nixrnimaj.

Marcos 11:13

In xutzꞌat pon jun mocaj higuera. Ja cheꞌ cꞌo ruxak in be ja Jesús ruqꞌuin, nertzꞌataꞌ ja wi cꞌo rwach. Pro ja tok xekaj ruqꞌuin ni majun rwach, xa ruyon ruxak como majaꞌn terilaꞌ tiempo rxin ja cosecha xin higo.

Marcos 16:17

Ja xtiyukeꞌ quecꞌuꞌx wqꞌuin cꞌo jeꞌe ja xtiyataj na chique ja ncꞌutuwi ja poder xin Dios quewariꞌ, jun, pa nubiꞌ anin nequilasajel itzel tak espíritu chique winak, in jun chic, netzijon chipan juleꞌ chic tzobal ja ma cotakin ta,

San Juan 14:28

Ixix xecꞌwaxaj ja tok quewaꞌ xinbij chewe riꞌ: —Anin ninbe pro ninmelojpi chi na jutij ewqꞌuin. Ruqꞌuin ja Nataꞌ ninbe wiꞌ, xincheꞌ chewe. Ja wixta congana ninewajoꞌ xixquicot ta cꞌariꞌ ja tok xinbij chewe chi ruqꞌuin ja Nataꞌ ninbe wiꞌ como ja Nataꞌ arjaꞌ más na nim rukꞌij chinwach anin.

San Juan 16:7

Pro nojel ja nmajon rbixic chewe ni katzij wiꞌ. Ja ninel checojol jariꞌ cꞌoli rcꞌamonto chewe. Ja wixta maquinbe maquita nkajto ariꞌ ewqꞌuin ja jun chic Toꞌonel pro ja wi ninbe, anin ninetakoto rxin ewqꞌuin.

San Juan 4:37

Queriꞌ rbanic caniꞌ nbij ja jun tzij kacꞌaxan quewariꞌ: —Cꞌoli nticowi ja rijaꞌtz in cꞌoli ja nbano cosechar rwach, queriꞌ nbij.

San Juan 5:20

Ja Tatixel como arjaꞌ nrajoꞌ ja Ralcꞌwalaxel chewiꞌ tok nucꞌut chwach nojel rwach ja samaj ja nuban. In cꞌa cꞌo na juleꞌ chic ja samaj ja majaꞌn tucꞌut chwach ja más chi na nimak tak samaj chwach ja caniꞌ emajon rtzꞌatic camic riꞌ. Queriꞌ cꞌa xtuban utzcꞌa chi ixix kas xticꞌascꞌoꞌi xtetzꞌat.

San Juan 7:33

Ja cꞌa Jesús arjaꞌ tzijon más cuqꞌuin ja winak, quewaꞌ xbij chic chique riꞌ: —Anin xa jun ti tiempo chic ninqꞌuejeꞌ checojol como ninmeloj ruqꞌuin ja rintakyonto.

San Juan 7:39

Queriꞌ xbij chique como jariꞌ nnatbej rxin ja rEspíritu Santo ja nyataj na chique ja winak ja yukul quecꞌuꞌx ruqꞌuin ja Jesús. Pro ja rEspíritu Santo majaꞌn titakto triꞌ como ja Jesús majaꞌn tibe ruqꞌuin ja Tatixel pa gloria.

Hechos 10:46

Como ja ma e aj Israel ta ejeꞌeꞌ quimajon tzij chipan juleꞌ chic tzobal ja ma cotakin ta, quimajon ryaꞌic rukꞌij ja Dios.

Hechos 16:18

Qꞌuiylaj kꞌij xuban queriꞌ chake. Ja tok qꞌuiswani ja Pablo arjaꞌ xocꞌo rucꞌuꞌx rmal, xuyaꞌ vuelta in quewaꞌ xbij tre ja ritzel espíritu riꞌ: —Pa rubiꞌ ja Jesucristo nbij chawe, catel pa ranma ja xtan, neꞌ tre. Ja cꞌa ritzel espíritu ni jariꞌ hora xeli, xuyaꞌ can ja xtan.

Hechos 19:12

Ja winak cꞌo jeꞌe quecꞌamel suꞌt ruqꞌuin ja Pablo owi tziak utzcꞌa chi nuchap. Ja tok nchaptaj rmal cꞌacꞌariꞌ nquecꞌamel chic cuqꞌuin ja yawaꞌiꞌ in netzuri ja yawaꞌiꞌ rmal. Ja recꞌol itzel tak espíritu pa tak canma ejeꞌeꞌ neꞌeli ja ritzel tak espíritu chique.

Hechos 2:33

Cꞌacꞌariꞌ jotbax chilaꞌ chicaj rmal ja Dios in yataj tre rmal ja Tatixel chi xutakto ja rEspíritu Santo waweꞌ chwachꞌulew ja caniꞌ tzujun tre ojer. Ja cꞌa rixix, ja remajon rtzꞌatic camic in ja remajon rcꞌaxaxic jariꞌ Espíritu Santo banowi.

Hechos 2:41

Ja winak ja utz quicꞌaxaj ja xbij ja Pedro ejeꞌeꞌ xeba̱n bautizar in jariꞌ mismo kꞌij ecꞌo la oxiꞌ mil ja xeꞌoc cachbil ja kachꞌalal.

Hechos 4:16

Quewaꞌ quibij chibil tak quiꞌ riꞌ: —¿Nak cꞌa nkaban chique ja rachiꞌiꞌ? Como ja winak ja recꞌo pa Jerusalén bien kꞌalaj chiquewach canojel chi cꞌo jun nimlaj milagro queban in mta moda xtikawawaj ta.

Hechos 4:33

Ja rapóstol kꞌij kꞌij ni nqueyaꞌ wiꞌ rbixic ja quitzꞌaton tre ja rcꞌastajic ja Jesús, congana poder xin Dios cꞌo cuqꞌuin in cꞌoli ja rutzil xin Dios pa quewiꞌ canojelal.

Hechos 4:4

Pro ja winak ja xecꞌaxani rtzobal Dios e qꞌuiy chique yukeꞌ quecꞌuꞌx ruqꞌuin ja Jesús. Ecꞌo chi la joꞌoꞌ mil canojelal ja yukul chic quecꞌuꞌx ruqꞌuin ja Jesús ja xa queyon achiꞌiꞌ.

Hechos 5:15

Ecꞌoli ja yawaꞌiꞌ xelasaxel pa tak bey eyaꞌon chwach tak quiwarbal. Queriꞌ ban chique utzcꞌa ja Pedro tok npeti masqui xa rnatuꞌ nkꞌax chiquij ni netzuri.

Hechos 6:7

Ja cꞌa rtzobal Dios xa janiꞌ be más pa nim in congana xeqꞌuiyir más ja kachꞌalal pa Jerusalén. Congana e qꞌuiy chique ja sacerdote quinimaj ja rtzobal Dios chakajaꞌ in yukeꞌ quecꞌuꞌx ruqꞌuin ja Jesucristo.

Hechos 8:7

Como e qꞌuiy ja winak xetzuri ja recꞌol itzel tak espíritu chique. Ja cꞌa ritzel tak espíritu ja tok xeꞌeli congana nquerak quechiꞌ. In ecꞌo juleꞌ tak sicaꞌ e cachbil tak cojo xetzuri chakajaꞌ.

Hechos 9:34

Ja cꞌa Pedro xbij tre: —Eneas, camic ja Jesucristo natrtzursaj. Catyictaji, tachomij ja rawarbal, neꞌ tre. In queriꞌ xuban ja rEneas yictaji.

Hechos 9:40

Ja cꞌa Pedro arjaꞌ xerlasajel canojel ja recꞌo chipan ja cuarto. Ja tok xelastajel rmal xuqueꞌe in xuban jun oración. Cꞌacꞌariꞌ be ruqꞌuin ja camnak in quewaꞌ xbij riꞌ: —Tabita, catyictaji, neꞌ tre. Ja cꞌa Dorcas arjaꞌ xujak rwach in tok xutzꞌat ja Pedro tzꞌabeꞌ nojoj.

Romanos 15:19

Ja Cristo xuyaꞌ chwe chi xinban nimak tak milagro in xuyaꞌ chwe chakajaꞌ chi congana samaji ja poder rxin ja rEspíritu Santo chipan ja samaj xinban. Queriꞌ cꞌa rbanic ja samaj nbanon, nojel nat nakaj xinbij wiꞌ ja utzlaj tzij xin Jesucristo, xinmajel rbixic pa Jerusalén in xinekaji cꞌa pan Ilírico.