San Juan 14:1 - Tz'utujil (Ja Cꞌacꞌa Chominem)

¹ Cꞌacꞌariꞌ xbij chic chique: —Maxta ticapuj ecꞌuꞌx, ni tiyukeꞌ wiꞌ ecꞌuꞌx ruqꞌuin ja Dios in wqꞌuin anin chakajaꞌ.

Tz'utujil NT

¹ C'jara' xbij chic chca: —Me tyojtaj ta ewanm, teyke'a ec'u'x ruq'uin Dios y wq'uin anen chka'.

San Juan 14:1 Iomraidhean Croise

San Juan 11:33

Ja cꞌa Jesús tok xutzꞌat ja María chi rmajon okꞌej in ja juleꞌ chic aj Israel e rachbil chakajaꞌ quimajon okꞌej arjaꞌ congana junwiꞌ xunaꞌ, congana xkꞌututuj riꞌ ja ranma rmal bis

San Juan 12:27

Camic congana ntiꞌoni ja wanma, ni lawuloꞌ nban rmal pro ¿nak cꞌa nban? ¿La xtinbij ta cꞌa tre ja Nataꞌ chi arjaꞌ ninrutoꞌ utzcꞌa chi maquita ninkꞌax chipan ja rpokonal ja penak chinwach riꞌ? Jariꞌ ma can ta como ja penak chinwach riꞌ xa rmalariꞌ tok inpenak anin waweꞌ chi ninkꞌax chipan.

San Juan 12:44

Xumaj chic jutij tzij ja Jesús, cow tzijoni in quewaꞌ xbij riꞌ: —Ja winak ja yukul quecꞌuꞌx wqꞌuin jariꞌ yukul cꞌa quecꞌuꞌx ariꞌ chakajaꞌ ruqꞌuin ja rintakyonto, ma ruyon ta wqꞌuin anin.

San Juan 13:19

Ja xinbij chewe riꞌ masqui majaꞌn tibantaji pro nbij chewe camic chi ni nbantaj na wiꞌ. Queriꞌ nbij chewe utzcꞌa ja tok xtibantaji tokoriꞌ bien nchꞌobtaj emwal nak inocnak wiꞌ utzcꞌa nenimaj chi nij in quirwariꞌ ja caniꞌ nbinto chewe.

San Juan 16:24

Ja caniꞌ ebanonto mta ecꞌutun pan oración ja pa nubiꞌ ta anin. Pro ja camic anin nbij chewe, tecꞌutuj in nyataj chewe. Quirtariꞌ neban utzcꞌa chi xtinoj ta ja quicotemal xin Dios pa tak ewanma.

San Juan 16:3

Queriꞌ xtiqueban chewe como ejeꞌeꞌ xa ma cotak ta janiꞌ rnaꞌoj ja Tatixel in nixtacꞌa cotak ta ja nnaꞌoj anin chakajaꞌ.

San Juan 16:6

Pro ja rebanon, nojnak ja bis pa tak ewanma rmal ja xinbij chewe.

San Juan 5:23

Queriꞌ rbanon ja Tatixel utzcꞌa chi xtiyaꞌ na rukꞌij ja Ralcꞌwalaxel cumal canojelal ja winak ja caniꞌ nba̱n arjaꞌ tre ja Tatixel. Ja wi matayaꞌ rukꞌij ja Ralcꞌwalaxel jariꞌ matayaꞌ rukꞌij ja Tatixel chakajaꞌ como ja Tatixel arjaꞌ takyonto rxin ja Ralcꞌwalaxel.

San Juan 6:40

Ja Tatixel ja takyonpi wxin quewaꞌ rvoluntad riꞌ, chi canojel ja winak ja ncotakij rwach ja Ralcꞌwalaxel in nyukeꞌ quecꞌuꞌx ruqꞌuin ejeꞌeꞌ nyataj chique ja utzlaj cꞌaslemal ja mta qꞌuisic trij. Ja cꞌa tok xterilaꞌ ja qꞌuisbal tiempo anin ninyico quixin chipan ja camíc. Queriꞌ xbij ja Jesús chique.

2 Corintios 2:7

Ja cꞌa neban tre camic, tecuyuꞌ in teyukbaꞌ rucꞌuꞌx. Quirtariꞌ neban jutzꞌit tre utzcꞌa chi maticapuj rucꞌuꞌx chijutij rmal ja bis.

Efesios 1:15

Rmal cꞌa ja cꞌa xinbij kaj chewe riꞌ xajutij nmajon rmaltioxixic tre ja Dios emwal como xurkaj rbixic wqꞌuin chi ixix bien yukul ecꞌuꞌx ruqꞌuin ja kajaw Jesús in congana neꞌewajoꞌ canojel ja kachꞌalal ja re xin Dios. Ni nixnnataj wiꞌ pan oración.

2 Tesalonicenses 2:2

Maxta teqꞌuex maxta tisach enaꞌoj rmal juleꞌ tzij ja necꞌwaxaj chi xurwilaꞌ ja tiempo chi npeti ja kajaw Jesucristo. Masqui cꞌo jun nbij chewe: —Dios rkꞌalasan chinwach chi xurwilaꞌ ja tiempo, wi neꞌe, pro ma tenimaj ta. Owi cꞌo jun mensaje necꞌwaxaj chi xurwilaꞌ ja tiempo owi nekaj jun carta ewqꞌuin caniꞌ ajoj okbanyon in nbij chi xurwilaꞌ ja tiempo pro ni ma tenimaj ta wiꞌ.

1 Pedro 1:21

Rmal ja Cristo chewiꞌ tok yukul chic ecꞌuꞌx ruqꞌuin ja Dios. Jariꞌ mismo Dios ja xuyaꞌ tre ja Cristo chi cꞌastaji chiquicojol ja camnakiꞌ in xuyaꞌ tre chakajaꞌ chi congana nim chic rukꞌij. Rmalcꞌariꞌ tok ruqꞌuin ja Dios yukul wiꞌ ecꞌuꞌx, rmalcꞌariꞌ chakajaꞌ tok ewotak chi ja Dios arjaꞌ nyowi ja rutzil ja rewayben.