San Juan 13:5 - Tz'utujil (Ja Cꞌacꞌa Chominem)

⁵ Cꞌacꞌariꞌ xchomij jun palangana yaꞌ in xumaj rchꞌajic cakan ja rdiscípulo. Ja cꞌa tok nchꞌajtaji nusuꞌ tre ja tziak ja rcojon xeꞌ rupan.

Tz'utujil NT

⁵ C'jara' xchumij jun plangan ya' y xumaj rch'ajic ckan rdiscípulo. Tak nch'ajtaja akan rmal nusu' tzan toay jrey-on xe' rpam.

San Juan 13:5 Iomraidhean Croise

San Lucas 7:38

Ja cꞌa tok xekaj ruqꞌuin ja Jesús xuqueꞌe in xumaj okꞌej. Ja cꞌa riyaꞌl rwach congana kaj chi rkan ja Jesús in ja rsamal rwiꞌ jariꞌ xsubej. Ja tok sutaj rmal cꞌacꞌariꞌ xtzꞌubaj ja rkan in xuyaꞌ ja rakꞌom trij.

San Lucas 7:44

Cꞌacꞌariꞌ ja Jesús xuyaꞌ vuelta, nutzꞌat ja rixok in quewaꞌ xbij chic tre ja Simón riꞌ: —Tatzꞌataꞌ mpeꞌ ja rixok riꞌ. Atat tok xinocto pan awochoch mta chꞌajbal wakan xayaꞌ chwe chi ncꞌulic pro jawaꞌ ixok riꞌ arjaꞌ xuchꞌaj wakan chi riyaꞌl rwach in rsamal rwiꞌ xsubej.

San Juan 13:10

Ja cꞌa Jesús xbij chic tre: —Jun achi wi rtijon chic atinem jariꞌ chꞌajchꞌoj chic, ma rjawaxic chi ta tre chi njoskꞌix chic, xa ruyon chic rkan nchꞌaji, in queriꞌ chewe ixix, ix chꞌajchꞌojiꞌ chic pro ma ewanojelal ta, neꞌ tre.

San Juan 13:6

Ja cꞌa tok xekaj ruqꞌuin ja Simón Pedro chi nuchꞌaj ja rkan quewaꞌ bix tre rmal ja Pedro riꞌ: —Wajaw, takaꞌan nachꞌaj wakan, neꞌxi.

San Juan 13:8

—Ma can ta, atat ni ma yatal ta wiꞌ chawij chi xtachꞌaj ta wakan, neꞌe ja Pedro tre. —Ja wi matinchꞌaj jariꞌ ma at wachbil chi ta cꞌariꞌ, neꞌe ja Jesús tre.

San Juan 19:34

Pro cꞌo jun chique ja soldado, arjaꞌ xumin jun lanza pa rupox ja Jesús in chanim xelto juleꞌ quicꞌ rachbil yaꞌ.

Hechos 22:16

Camic ma tayaꞌ ta cꞌa tiempo tre, catyictaji in catban bautizar in quirtawaꞌ nabij tre ja kajaw Jesucristo riꞌ: —Wajaw, tajoskꞌij ja wanma, tacuyuꞌ ja wil numac, catcheꞌ tre. Queriꞌ xbij ja rAnanías chwe.

1 Corintios 6:11

In ecꞌoli chewe ja re quitakariꞌ nabey ja caniꞌ cꞌa xinbij kaj. Pro ja camic chꞌachꞌojirsan chic ja rewanma, camic ixpartiꞌin chic chi neban ja samaj xin Dios in camic ixcꞌulun chic rmal ja Dios, arjaꞌ rbanon chic chewe caniꞌ mta ewil emac ebanon. Pro xa rmal ja xa jun ebanon ruqꞌuin ja kajaw Jesucristo chewiꞌ tok banon queriꞌ chewe in rmal chakajaꞌ ja samaji pa tak ewanma ja rEspíritu Santo ja takonto rmal ja katataꞌ Dios.

Efesios 5:26

Queriꞌ xuban utzcꞌa chi xokoc ok tinamit xin Dios como arjaꞌ xchꞌachꞌojirsaj ja kanma. Queriꞌ kaban, kanimaj ja utzlaj tzij in xokban bautizar jariꞌ xchꞌachꞌojirsbej ja kanma.

1 Timoteo 5:10

In rjawaxic chi nbix chique chi e utzlaj tak ixokiꞌ in utz quiqꞌuittzixic ja cal quibanon, in quiyaꞌon quiposada ja cꞌo rjawaxic chique, in ma quipokonan ta quilixic ja kachꞌalal caniꞌ tre ja chꞌajoj cakan, in equitoꞌon ja quitijon rpokonal in congana quicꞌutun ja cutzil chiquewach ja winak.

Hebreos 10:22

Koꞌekaj cꞌa chwach ja Dios, maxta tikanaꞌ kiꞌ pro nojel ta kanma, ni ta yukul wiꞌ kacꞌuꞌx ruqꞌuin. Quirtariꞌ nkaban jutzꞌit como kotak chi chꞌachꞌojirsan chic ja kanma chipan ja kil kamac in matitiꞌon chic ja kaconciencia rmal. Kotak chakajaꞌ chi chꞌachꞌojirsan chic ja kacuerpo tre jun chꞌajchꞌojlaj yaꞌ ja ni majun tzꞌil nak ta rcꞌan.

1 Juan 1:7

Pro wi sakil cꞌayon kaxin caniꞌ tre ja Dios arjaꞌ ni pa sakil wiꞌ cꞌo wiꞌ, ja wi queriꞌ kabanon xcꞌa jun kabanon ariꞌ. Ja wi queriꞌ kabanon ja rquiqꞌuel ja Jesucristo ja Ralcꞌwal jariꞌ nchꞌachꞌojirsaj nojel ja kil kamac nkaban.

1 Juan 5:6

Ja tok peti ja Jesucristo cꞌoli kꞌalasan rxin chi Ralcꞌwal Dios jariꞌ tok ban bautizar in tok camsaxi xutix ja rquiqꞌuel chwach cruz. Ma chaka ta ruyon ariꞌ ja ban bautizar pro xutix ja rquiqꞌuel chwach cruz chakajaꞌ. Ja rEspíritu Santo arjaꞌ nbini chakajaꞌ chi ja Jesucristo arjaꞌ Ralcꞌwal Dios. Ja rEspíritu Santo ni rxin wiꞌ chi katzij nojel ja nbij.

Apocalipsis 1:5

in xtecochij ta tre chakajaꞌ ja Jesucristo, arjaꞌ ocnak testigo xin Dios in ni katzij wiꞌ ja testigoꞌil nuyaꞌ, arjaꞌ ja Ralcꞌwalaxel nabey winak ja cꞌastaji chiquicojol ja camnakiꞌ, arjaꞌ cꞌo rukꞌaꞌ chique ja rey xin rwachꞌulew chi neruban mandar. Arjaꞌ janila xokrajoꞌ, xuchꞌaj ja kil kamac tre ja rquiqꞌuel

Apocalipsis 7:14

—Señor, jariꞌ atat atotakyon, xincheꞌ tre. In xbij chic chwe: —Ejeꞌeꞌ laꞌ ja rekꞌaxnakto chipan ja nimlaj rpokonal. Ja quitziak sak como quichꞌajon chipan ja rquiqꞌuel ja Carnelo.