San Juan 13:33 - Tz'utujil (Ja Cꞌacꞌa Chominem)

³³ Chakꞌlaj walcꞌwal, anin xa jun ti tiempo chic ninqꞌuejeꞌ checojol. Ninecanoj chi na pro caniꞌ xinbij chique ja juleꞌ chic aj Israel queriꞌ nbij chic chewe ixix camic quewariꞌ, ja bar xquinbe chi wiꞌ maquixcowin ixix nixekaj triꞌ.

Tz'utujil NT

³³ Ch'tak wlec'wal, anen majru' xta k'ij enc'ola checjol. Ixix cnecanoj chna per abar xtenba wa' anen mesquier nquixecwina nquixekaja tzra', jawra tzij ajni' xenbij chca jle' aj Israel.

San Juan 13:33 Iomraidhean Croise

San Juan 13:36

Ja cꞌa Simón Pedro arjaꞌ xbij tre: —Kajaw ¿bar cꞌa triꞌ natbe wiꞌ? neꞌ tre. —Ja bar xquinbe wiꞌ, atat macatcowini nattreꞌ chwij camic pro nerilaꞌ na jun kꞌij ja tok xcattreꞌ na chwij, neꞌxi rmal ja Jesús.

San Juan 14:19

Xajalal majaꞌn quinbe. Ja cꞌa tok xquinbe maquinquetzꞌat chic ja winak ja xa ruqꞌuin rwachꞌulew yukul wiꞌ quecꞌuꞌx pro ja rixix ninetzꞌat chi na. Como anin wcꞌan ja utzlaj cꞌaslemal ja mta qꞌuisic trij rmalariꞌ newcꞌaj na ixix chakajaꞌ ja utzlaj cꞌaslemal ja mta qꞌuisic trij.

San Juan 14:2

Ja chi rochoch ja Nataꞌ sobre ja lugar cꞌo chilaꞌ. Ja wixta ma queriꞌ ta xinbij ta cꞌariꞌ chewe chakajaꞌ. Anin ninbe camic nenchomarsaj na ja lugar ewxin.

San Juan 7:36

¿Nak tibij cꞌariꞌ ja xbij chake chi nkacanoj pro matikawil in chakajaꞌ ja bar cꞌo wiꞌ arjaꞌ makocowin ajoj nokekaj chic triꞌ? queriꞌ quibij.

Gálatas 4:19

Chakꞌlaj tak walcꞌwal, jutij chic inmajtajnak rmal ja rpokonal emwal ixix. Caniꞌ tre jun ixok tok majaꞌn talaxi ti ral arjaꞌ nmajtaj rmal ja rpokonal in queriꞌ cꞌa chwe anin chakajaꞌ congana ntiꞌon chwe chi raybexic nak kꞌij xtiqꞌuiyi chi utz ja Cristo pa tak ewanma.

1 Juan 2:1

Chakꞌlaj walcꞌwal, jawaꞌ jun carta ja ntakel ewqꞌuin riꞌ utzcꞌa chi maquixmacuni. Pro wi cꞌo jun chewe chaka jalal xuban ril bien kotak chi cꞌo jun ja nsamaj pa kacuenta chwach Dios ja Tatixel jariꞌ ja Jesucristo, arjaꞌ ni utz wiꞌ ja nuban.

1 Juan 4:4

Chakꞌlaj walcꞌwal, ixix ixcꞌo pa rcuenta ja Dios. Ja maestro ja ma Dios ta ecꞌayon ejeꞌeꞌ ma xecowin ta chewij, ixix xixchꞌeco quixin. Queriꞌ xeban como ja Dios ja cꞌo pa tak ewanma ixix más chi na kꞌaxnak rchokꞌakꞌ chwach ja diablo ja cꞌo pa tak canma ja winak ja xa ruqꞌuin rwachꞌulew yukul wiꞌ quecꞌuꞌx.

1 Juan 5:21

Chakꞌlaj walcꞌwal, tebanaꞌ cuenta ewiꞌ, maxta tiyukeꞌ ecꞌuꞌx cuqꞌuin ja cachbal tak winak nixtacꞌa ruqꞌuin ta ja rachbal tak nakun. Amén.