San Juan 13:14 - Tz'utujil (Ja Cꞌacꞌa Chominem)

¹⁴ Anin in Ewajaw, in Emaestro chakajaꞌ pro ma xinpokonaj ta xinchꞌaj ja rewakan in queriꞌ cꞌa chewe ixix chakajaꞌ rjawaxic chi matepokonaj nechꞌaj ja rewakan chibil tak ewiꞌ.

Tz'utujil NT

¹⁴ Anen en Ewajaw, en Emaestro chka', per mxenpoknaj ta wi' xench'aj ewkan. Cara' c'a chewa ixix chka', nc'atzina majo'n nepoknaj ta ewi' nech'aj ewkan chbil tak ewi'.

San Juan 13:14 Iomraidhean Croise

San Juan 11:2

Jariꞌ María ja xuban jutij xucꞌam juleꞌ akꞌom quiꞌ rxulaꞌ, xucoj chi rkan ja kajaw Jesús in xusuꞌ chi rsamal rwiꞌ.

Hechos 20:35

Queriꞌ xinban utzcꞌa chi newotakij chi congana rjawaxic noksamaji, nkachꞌec kapwok jariꞌ nekatobej ja cꞌo rjawaxic chique. Cꞌo jun tzij congana xinnataj chewe ja bin can rmal ja kajaw Jesús, quewaꞌ nbij riꞌ: —Ja tok cꞌoli nasipaj chique ja winak jariꞌ más na quicotemal xin Dios rcꞌamonto chawe chwach ja tok cꞌoli nsipax chawe atat, neꞌe. Queriꞌ xbij ja Pablo chique ja ranciano.

Romanos 12:10

Caniꞌ nuban jun winak lokꞌ nerunaꞌ ja rchꞌalal queriꞌ ta cꞌa neban ixix chakajaꞌ kas lokꞌ tenaꞌaꞌ ewiꞌ chibil tak ewiꞌ in tebanaꞌ respetar ewiꞌ chibil tak ewiꞌ chakajaꞌ.

Romanos 12:16

Xta jun neban ewanojelal, xta jun nechꞌob. Maxta congana ix nimak tenaꞌ kaj pro ja neban, kas tel ecꞌuꞌx chiquij ja re tak sencillo chi neꞌewachbilaj. Maxta xa ix kꞌolaꞌ, maxta techꞌob chi congana ewotak.

1 Corintios 12:3

Rmalcꞌariꞌ ja tok anin nchꞌob na chewach camic nak rbanic ja rEspíritu Santo. Ja tok cꞌo jun winak rmajon tzij xa nak ta chi winakil ja wi Espíritu Santo ucꞌayon rxin chi rbixic ja tzij arjaꞌ mta moda itzel ta xtitzijon ta tre ja Jesús. In chakajaꞌ ni majun winak xticowin ta xtibij ta tre ja Jesús chi arjaꞌ rajaw nojelal, xticheꞌ ta tre, ja wi maquita cꞌoli ja rEspíritu Santo ucꞌayon rxin chi rbixic.

1 Corintios 8:13

Rmalcꞌariꞌ nbij chewe chi anin in conforme ruqꞌuin ja ni mchita wiꞌ tiꞌij xtintij ta chwach ja xtiyojtaji ranma jun wachꞌalal mwal. Ja wachꞌalal wi cꞌo jun comida nuchꞌob chi xajan nutiꞌ jariꞌ mta moda xtintakchiꞌij ta chi rtiꞌic.

2 Corintios 10:1

Camic nwajoꞌ nintzijon ewqꞌuin chique ja winak ja xa netajini nquilasaj ntzijoxic, quewaꞌ nquibij chwe riꞌ: —Ja Pablo tok cꞌoli chikacojol congana nuban tinoꞌy pro ja cꞌa tok mchita chikacojol cꞌa tokoriꞌ nucoj cowlaj tak tzij chakij, necheꞌe. Pro anin ja rin Pablo congana nban recomendar chewe, kas tinataj jutzꞌit emwal ja rejemplo ja xuyaꞌ can ja Cristo como arjaꞌ xuban tinoꞌy, nojel xujach pa rukꞌaꞌ ja Dios in congana rpaciencia cuqꞌuin ja winak.

2 Corintios 8:9

Como ixix bien ewotak chi ja kajaw Jesucristo congana samaji ja rutzil xin Dios pa ranma. Como arjaꞌ masqui congana biyom nabey pro ma xpokonaj ta xuyaꞌ can ja rbiyomal, ma xpokonaj ta xoc mebaꞌ pro emwal ixix tok xuban queriꞌ. Arjaꞌ xoc mebaꞌ utzcꞌa chi xa rmal ja rpobreꞌil tok nyataj ixix chewe ja biyomal xin Dios.

Gálatas 5:13

Queriꞌ nbij chewe wachꞌalal como ja Dios xixrsiqꞌuij chi nixqꞌuejeꞌ libre. Pro ma ruqꞌuin ta ja rix libre ja chaka ta nojel ta xteban ja cꞌol egana neban. Pro ja cꞌa neban, tetoꞌoꞌ ewiꞌ chibil tak ewiꞌ pro ruqꞌuin ta ja rajoben riꞌil xin Dios.

Filipenses 2:11

Queriꞌ rbanon ja Dios utzcꞌa chi canojelal ja winak quewaꞌ xtiquibij riꞌ: —Ja Jesucristo arjaꞌ Rajaw nojelal. Queriꞌ xtiquibij na tre xa nak ta chi tzobalil netzijon wiꞌ. Ja tok queriꞌ nqueban jariꞌ noc yaꞌbal rukꞌij ja Dios ja Tatixel.

1 Timoteo 5:10

In rjawaxic chi nbix chique chi e utzlaj tak ixokiꞌ in utz quiqꞌuittzixic ja cal quibanon, in quiyaꞌon quiposada ja cꞌo rjawaxic chique, in ma quipokonan ta quilixic ja kachꞌalal caniꞌ tre ja chꞌajoj cakan, in equitoꞌon ja quitijon rpokonal in congana quicꞌutun ja cutzil chiquewach ja winak.

Hebreos 12:2

Katzꞌelwachij cꞌa ja Jesús, arjaꞌ nwinakarsani ja yukulbal kacꞌuꞌx ruqꞌuin ja Dios in arjaꞌ ntzꞌakatsan na chakajaꞌ. Arjaꞌ cꞌo jun nimlaj quicotemal rayben chewiꞌ tok ma xpokonaj ta camsax chwa cruz, jariꞌ congana qꞌuixbal pro xucochꞌ nojel ja ban tre. Ja cꞌa camic janiꞌ chi la kas nim rukꞌij, ja bar tzꞌubul wiꞌ ja katataꞌ Dios triꞌ tzꞌubul wiꞌ ja Jesús chakajaꞌ pa riquikꞌaꞌ.

1 Pedro 4:1

Ja Cristo arjaꞌ como winak xutij ja rpokonal kumal. In queriꞌ ta cꞌa neban ixix chakajaꞌ ja caniꞌ xuban ja Jesucristo, techomij ewiꞌ utzcꞌa chi nixcowini necochꞌ ja rpokonal ja npi chewij. Ja wi atijon ja rpokonal waweꞌ chwachꞌulew ja npi chawij rmal ja Jesucristo jariꞌ matayaꞌ chic awiꞌ tre ja il mac chi xcatrumel chi ta.

1 Pedro 5:5

In ixix chakajaꞌ ja rix jóvenes, queꞌebanaꞌ respetar ja kachꞌalal ja recꞌayon ewxin. Xta jun neban ewanojel, tebanaꞌ respetar ewiꞌ, maxta teyaꞌ ekꞌij. Ja cꞌa Dios arjaꞌ itzel nerutzꞌat ja nqueyaꞌ quekꞌij pro nuyaꞌ rutzil chique ja matiqueyaꞌ quekꞌij.