San Juan 13:1 - Tz'utujil (Ja Cꞌacꞌa Chominem)

¹ Xerilaꞌ ja pispra rxin ja nmakꞌij pascua. Ja cꞌa Jesús arjaꞌ rotak chi xurwilaꞌ ja hora chi nuyaꞌ can ja rwachꞌulew in nmeloj ruqꞌuin ja Tatixel. Caniꞌ rbanonto chique ja rdiscípulo waweꞌ chwachꞌulew nij erajoꞌonto wiꞌ in niquirwariꞌ xuban can chic chique, cꞌoli ja xcꞌutbej chic chiquewach chi ni nerajoꞌ wiꞌ.

Tz'utujil NT

¹ Xerla' bispr rxin nimk'ij pascua. Ja' Jesús rutkin chic che xerla' hor rxin chnuya' cana rwech ruch'lew y nemloja ruq'uin Ttixel. Ajni' rebnon chca rdiscípulo wawe' chwech ruch'lew ncongan nquerajo' y ne nquerajo' wa' tak xcoma.

San Juan 13:1 Iomraidhean Croise

San Mateo 26:45

Cꞌacꞌariꞌ melojpi chic jutij cuqꞌuin ja discípulo in quewaꞌ xbij chique riꞌ: —Camic quixwar cꞌa, quixxulaꞌn cꞌa. Bien tecꞌwaxaj chi xurwilaꞌ ja hora, ja Ralcꞌwalaxel ja xoc alaxic cuqꞌuin ja winak, camic nja̱ch pa quekꞌaꞌ ja rajꞌil ajmaquiꞌ chi nquicamsaj.

San Mateo 28:20

Techꞌoboꞌ chiquewach nak nqueban chi rnimaxic nojel ja mandamiento ja nyaꞌon chewe. In bien turkaj chewe chi anin ni mta wiꞌ jun kꞌij ja maquita incꞌol ewqꞌuin in nij incꞌo wiꞌ ewqꞌuin ja tok xterilaꞌ ja qꞌuisbal kꞌij rxin ja rwachꞌulew. Amén.

San Lucas 22:53

Pro anin kꞌij kꞌij xinqꞌuejeꞌ checojol chipan ja nimlaj templo xin Dios pro ma xinechap ta waꞌan triꞌ. Pro jawaꞌ hora ja rokcꞌo wiꞌ riꞌ jawaꞌ yatajnak chewe chi nixban mandar rmal ja diablo ja nbano mandar chipan ja kꞌekumal, neꞌe ja Jesús chique.

San Lucas 9:51

Ja cꞌa Jesús tok nakajinto ja kꞌij ja xticꞌamarel wiꞌ chilaꞌ chicaj arjaꞌ xujic ja rviaje chi nbe ja pa Jerusalén.

San Juan 11:55

Xa nnakajinto ja nmakꞌij quixin ja raj Israel rbinaꞌan pascua. E qꞌuiy ja winak ja tok xajalal majaꞌn terilaꞌ ja nmakꞌij xeꞌelto pa tak quitinamit, xebe pa Jerusalén chi rbanic juleꞌ costumbre ja nquichꞌachꞌojirsbej pon quiꞌ caniꞌ nrajoꞌ ja quireligión.

San Juan 12:23

Ja cꞌa Jesús tok xcꞌaxaj ja bix tre quewaꞌ xbij chique riꞌ: —Camic ja Ralcꞌwalaxel ja xoc alaxic cuqꞌuin ja winak xurwilaꞌ ja tiempo chi congana nya̱ꞌ rukꞌij.

San Juan 13:29

Ecꞌoli chique, ejeꞌeꞌ quechꞌob kaj chi ja Judas bix tre chi nbe, nerlokꞌoꞌ ja ncꞌatzin tre ja waꞌim xin nmakꞌij owi nta̱kel chi nersipaj jun ti ayuda chique ja tak mebaꞌiꞌ como ja Judas ruqꞌuin arjaꞌ cꞌo wiꞌ caja xin pwok.

San Juan 13:3

Ja cꞌa Jesús arjaꞌ bien rotak chi jachon pa rukꞌaꞌ nojelal rmal ja Tatixel in bien rotak chakajaꞌ chi arjaꞌ ruqꞌuin ja Dios penak wiꞌ in ruqꞌuin nmeloj chi wiꞌ jutij.

San Juan 13:34

Cꞌo jun cꞌacꞌa mandamiento nbij can chewe riꞌ, tewajoꞌ ewiꞌ. Caniꞌ nbanonto anin chewe nij ixnwajoꞌonto wiꞌ queriꞌ cꞌa tebanaꞌ ixix chakajaꞌ ni tewajoꞌ wiꞌ ewiꞌ. Jariꞌ ja cꞌacꞌa mandamiento nyaꞌ can chewe.

San Juan 14:28

Ixix xecꞌwaxaj ja tok quewaꞌ xinbij chewe riꞌ: —Anin ninbe pro ninmelojpi chi na jutij ewqꞌuin. Ruqꞌuin ja Nataꞌ ninbe wiꞌ, xincheꞌ chewe. Ja wixta congana ninewajoꞌ xixquicot ta cꞌariꞌ ja tok xinbij chewe chi ruqꞌuin ja Nataꞌ ninbe wiꞌ como ja Nataꞌ arjaꞌ más na nim rukꞌij chinwach anin.

San Juan 14:31

Xarwariꞌ anin nyaꞌ wiꞌ pa rukꞌaꞌ utzcꞌa chi ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ bien ncotakij na chi congana nwajoꞌ ja Tatixel utzcꞌa bien ncotakij na chi nnimaj ja bin chwe rmal ja Tatixel chi nunbanaꞌ kaj. Camic quixyictaji, joꞌ, koꞌel chipan ja lugar riꞌ, neꞌ chique.

San Juan 16:28

Ruqꞌuin ja Tatixel inelnakto wiꞌ, inpenak waweꞌ chwachꞌulew in camic nyaꞌ can ja rwachꞌulew, ninmeloj chic jutij ruqꞌuin ja Tatixel. Queriꞌ xbij ja Jesús chique.

San Juan 17:1

Ja Jesús tok bitaj rmal ja tzij riꞌ caꞌy chicaj in xumaj chic rbanic oración, quewaꞌ xbij tre ja Tatixel riꞌ: —Nataꞌ, camic xurwilaꞌ ja hora, tabanaꞌ cꞌa chwe ja nakꞌalasbej chiquewach ja winak chi congana nim nukꞌij ja rin Alcꞌwalaxel, queriꞌ ta naban chwe utzcꞌa chi anin natnkꞌalasaj chic atat chiquewach chakajaꞌ chi congana nim akꞌij.

San Juan 17:16

Ejeꞌeꞌ ma ruqꞌuin ta rwachꞌulew yukul wiꞌ quecꞌuꞌx caniꞌ chwe anin chakajaꞌ ma ruqꞌuin ta rwachꞌulew yukul wiꞌ nucꞌuꞌx.

San Juan 17:26

Anin nkꞌalasan chic chiquewach janiꞌ ja ranaꞌoj in can nkꞌalasaj na más chiquewach chakajaꞌ. Queriꞌ xtinban chique utzcꞌa chi nqꞌuejeꞌ pa tak canma ja mismo ajoben riꞌil ja caniꞌ inawajoben anin utzcꞌa chi ninqꞌuejeꞌ anin pa tak canma chakajaꞌ. Queriꞌ xbij ja Jesús tre ja Tatixel.

San Juan 17:5

Camic Nataꞌ, tayaꞌaꞌ chwe chi queriꞌ nkaban chic awqꞌuin pa gloria ja caniꞌ kabanon nabey ja tok majaꞌn titzꞌucarsaxi ja rwachꞌulew, congana nim nukꞌij triꞌ. Tayaꞌaꞌ chwe chi ninbe chic jutij awqꞌuin pa gloria ja bar nkꞌalajin wiꞌ chi congana nim nukꞌij.

San Juan 18:4

Ja cꞌa tok xeꞌekaji xelto ja Jesús xeꞌurcꞌuluꞌ como arjaꞌ bien rotak chic nojel ja majaꞌn tiban tre. Quewaꞌ xbij ja Jesús chique riꞌ: —¿Nak necanoj? neꞌ chique.

San Juan 19:28

Ja Jesús arjaꞌ rotak chi tzurnak chic rmal nojelal ja samaj ja yatajnak tre chi nurbanaꞌ cꞌacꞌariꞌ xbij: —Chakichiꞌ nnaꞌ, neꞌe. Ja tok xbij awaꞌ tzij riꞌ triꞌ bantaj wiꞌ cumplir ja tzꞌibtal can ojer chipan ja rtzobal Dios.

San Juan 2:13

Ja tok nnakajinto ja nmakꞌij pascua quixin ja raj Israel be ja Jesús pa Jerusalén.

San Juan 6:4

Xa nnakajinto ja nmakꞌij pascua ja ncꞌu̱l cumal ja raj Israel.

San Juan 7:30

Rmalcꞌariꞌ ja xbij chique xa chewiꞌ ja tok laj quechap chi nquecoj preso pro majun nak ta chique chapo ta rxin como majaꞌn terilaꞌ ja hora rxin chi nchapi.

San Juan 7:6

Ja cꞌa Jesús xbij chique: —Ja ranin majaꞌn terilaꞌ ja ntiempo chi ninbe pro ja chewe ixix nixcowini nixbe xa nak ta chi tiempoꞌal.

San Juan 8:20

Queriꞌ cꞌa rbanic ja juleꞌ tzij xuban ja Jesús chipan ja nimlaj templo xin Dios ja tok arjaꞌ rmajon quitijoxic ja winak. Triꞌ paꞌl wiꞌ ja bar nqueyaꞌ can wiꞌ ja quiꞌofrenda ja winak pro ni majun nak ta chapo ta rxin como majaꞌn terilaꞌ ja hora chi nchapi.

Romanos 8:37

Pro masqui nba̱n chake nojel awaꞌ ja cꞌa xinbij chewe riꞌ pro nij ajoj wiꞌ nokchꞌocmaji como ja Jesucristo nokrajoꞌ, cam pa kacuenta in nuyaꞌ chake chi nokchꞌocmaji.

1 Corintios 1:8

Ja Dios arjaꞌ ni mta wiꞌ ja maquita xtiqꞌuejeꞌ ewqꞌuin maquita xtuyaꞌ chewe chi cow nixpeꞌi. Queriꞌ nuban chewe utzcꞌa chi majun nak ta xquixchapbexi ja tok xtipi chic jutij ja kajaw Jesucristo.

Hebreos 3:14

Caniꞌ kabanonto ja kas nabey yukul kacꞌuꞌx ruqꞌuin ja Jesucristo, ja cꞌa wi ni cow wiꞌ xkopeꞌi chi ryukbaxic kacꞌuꞌx ruqꞌuin, ja wi ni matikayaꞌ can wiꞌ jariꞌ ni katzij wiꞌ chi xa jun kabanon ruqꞌuin.

Hebreos 3:6

Ja cꞌa Cristo chakajaꞌ xuban cumplir ja samaj xin Dios, arjaꞌ cꞌayon ja tinamit xin Dios pro ma moso ta, arjaꞌ Alcꞌwalaxel. In ajoj ok tinamit xin Dios ja wi cow xkopeꞌi, ja wi ni ma xtikayaꞌ can ta wiꞌ ja yukulbal kacꞌuꞌx ruqꞌuin, ja wi ni xkoquicot wiꞌ chi raybexic ja Jesús.

Hebreos 6:11

Ja cꞌa nwajoꞌ chewe camic chejujunal, tetijaꞌ ekꞌij chakajaꞌ chi rchꞌobic ja tzujun can chake rmal ja Dios ja kayben camic. Tiyukeꞌ ecꞌuꞌx chijutij ruqꞌuin ja rtzujun can chake. Ni ta quirwariꞌ ebanon ja tok xtipi chic jutij ja Jesucristo.

1 Pedro 1:13

Rmalcꞌariꞌ tok nbij chewe, quixcꞌascꞌoti, bien techꞌoboꞌ ja neban. Nojel ta ecꞌuꞌx nojel ta ewanma newaybej ja rutzil xin Dios ja xtiyataj na chewe ja tok xtipi chic jutij ja Jesucristo.

1 Juan 4:19

Ja Dios arjaꞌ xokrajoꞌ ajoj nabey rmalcꞌariꞌ tok nkajoꞌ arjaꞌ chakajaꞌ.

Apocalipsis 1:5

in xtecochij ta tre chakajaꞌ ja Jesucristo, arjaꞌ ocnak testigo xin Dios in ni katzij wiꞌ ja testigoꞌil nuyaꞌ, arjaꞌ ja Ralcꞌwalaxel nabey winak ja cꞌastaji chiquicojol ja camnakiꞌ, arjaꞌ cꞌo rukꞌaꞌ chique ja rey xin rwachꞌulew chi neruban mandar. Arjaꞌ janila xokrajoꞌ, xuchꞌaj ja kil kamac tre ja rquiqꞌuel