San Juan 12:50 - Tz'utujil (Ja Cꞌacꞌa Chominem)

⁵⁰ in ja tijonem ja yaꞌon chwe rmal ja Tatixel bien wotak chi jariꞌ cꞌamyonto ja utzlaj cꞌaslemal ja mta qꞌuisic trij. Queriꞌ rbanic, nojel ja tzij nbij, xa nak ta chi tzijal, jaꞌ Tatixel biyon chwe. Queriꞌ xbij ja Jesús.

Tz'utujil NT

⁵⁰ Y jtijonem je y-on chwa rmal Ttixel wutkin chja' c'amyon ta utzlaj c'aslemal je rxin junlic. Cara' rbanic, njelal tzij jquenbij, ja' Ttixel biyona chwa, cara' xbij Jesús.

San Juan 12:50 Iomraidhean Croise

San Juan 17:3

Ja utzlaj cꞌaslemal ja mta qꞌuisic trij quewaꞌ rbanic riꞌ, ja winak tok cotak janiꞌ ja ranaꞌoj atat ja xa ayon chi ni katzij wiꞌ chi at Dios in tok cotak janiꞌ nnaꞌoj anin ja rin Jesucristo ja rinatakonto waweꞌ chwachꞌulew jariꞌ cucꞌan ja utzlaj cꞌaslemal ja mta qꞌuisic trij.

San Juan 20:31

Pro cꞌoli ja xintzꞌibaj chipan awaꞌ jun libro riꞌ utzcꞌa chi nenimaj ja Jesús chi arjaꞌ ja Cristo ja Ralcꞌwal Dios in tok queriꞌ nenimaj jariꞌ nyataj chewe ja utzlaj cꞌaslemal ja mta qꞌuisic trij como jariꞌ nyataj chake ja tok xa jun nkaban ruqꞌuin.

San Juan 5:19

Cꞌacꞌariꞌ ja Jesús xbij chique: —Ni katzij wiꞌ ja xtinbij chewe riꞌ, ja Ralcꞌwalaxel arjaꞌ mta moda ja chaka ta ruyon xtuban kaj ja cꞌo rgana nuban, ni ja wiꞌ ja rejemplo rxin ja Tatixel nucꞌam. Caniꞌ nuban ja Tatixel jariꞌ nban anin chakajaꞌ ja rin Alcꞌwalaxel.

San Juan 6:63

Ja rEspíritu arjaꞌ nyowi ja utzlaj cꞌaslemal ja mta qꞌuisic trij, ma ja ta ja cuerpo xin jun winak nyowi. Ja tijonem xinyaꞌ chewe jariꞌ xin ewanma, jun tijonem ja nuyaꞌ chewe ja utzlaj cꞌaslemal ja mta qꞌuisic trij.

San Juan 6:68

Ja cꞌa Simón Pedro quewaꞌ xbij tre riꞌ: —Wajaw ¿bar cꞌa nokbe chi wiꞌ? como xa ayon atat natyowi ja tijonem ja rcꞌamonto ja utzlaj cꞌaslemal ja mta qꞌuisic trij

San Juan 8:28

Cꞌacꞌariꞌ xbij chic jutij chique: —Ja Ralcꞌwalaxel ja xoc alaxic cuqꞌuin ja winak tok xtejotbaꞌ chwach jun cruz tokoriꞌ newotakij na nak inocnak wiꞌ chi nij in quirwariꞌ ja caniꞌ nbinto chewe in newotakij na chakajaꞌ chi nojel ja nmajon rbanic ma chaka ta nuyon kaj nban como nojel ja nmajon rbixic, ja Nataꞌ arjaꞌ cꞌutyon chinwach.

1 Timoteo 1:16

Pro ja Jesucristo arjaꞌ congana xpokonaj nwach masqui in nimlaj ajꞌil in ajmac chiquewach canojelal ja winak. Arjaꞌ xucuy ja wil numac in jariꞌ xcꞌutbej chiquewach ja winak chi cꞌo rpaciencia chi nerucuy ja rajꞌil ja rajmaquiꞌ. Queriꞌ xuban, xucuy ja wil numac jariꞌ xcꞌutbej chi ni nerucuy wiꞌ ja juleꞌ chic nak xqueniman rxin ja nquewil na ja utzlaj cꞌaslemal ja mta qꞌuisic trij.

1 Juan 2:25

In quewaꞌ rtzujun can chake riꞌ, jun utzlaj cꞌaslemal ja mta qꞌuisic trij.

1 Juan 5:20

In kotak chakajaꞌ chi ja Jesús ja Ralcꞌwal Dios peti waweꞌ chwachꞌulew in xuyaꞌ chake chi kotakij rwach ja Dios ja katzij chi Dios. In ajoj xa jun kabanon ruqꞌuin ja Dios ja katzij chi Dios in xa jun kabanon ruqꞌuin ja Jesucristo ja Ralcꞌwal, ruyon arjaꞌ ja Dios ja katzij chi Dios, ruyon arjaꞌ nyowi ja utzlaj cꞌaslemal ja mta qꞌuisic trij.