San Juan 12:48 - Tz'utujil (Ja Cꞌacꞌa Chominem)

⁴⁸ Ja wi maticajoꞌ nyukeꞌ quecꞌuꞌx wqꞌuin in wi maticajoꞌ nquinimaj ja nbin chique jariꞌ cꞌoli ja nkꞌetbex tzij chiquij como ja tzij ja xinbij chique jariꞌ nkꞌetbex tzij chiquij tokoriꞌ tok xterilaꞌ ja nimlaj juicio xin qꞌuisbal kꞌij.

Tz'utujil NT

⁴⁸ Per wmajo'n ncajo' ta neyke'a quec'u'x wq'uin y wmajo'n necnimaj ta jquenbij chca jara' c'ola nk'atbexa tzij chquij, com jtzij jxenbij chca jara' nk'atbexa tzij chquij tak xterla' jnimlaj juicio rxin q'uisbal k'ij.

San Juan 12:48 Iomraidhean Croise

San Mateo 10:15

Ni katzij wiꞌ ja nbij chewe riꞌ, ja tok xterilaꞌ ja nimlaj kꞌij xin juicio congana lawuloꞌ tre ja tinamit ja maquecꞌulu ewxin, más na lawuloꞌ ja rpokonal xtiquetij chwach ja xtiquetij ja ritzel tak winak ja raj Sodoma in Gomorra ojer.

San Mateo 21:42

Ja cꞌa Jesús arjaꞌ xbij chic chique: —¿La mta cꞌa jutij esiqꞌuin chipan ja rtzobal Dios jawaꞌ jun tzij riꞌ? —Ja banol jay cꞌo jun abaj ja mta quigana ruqꞌuin in quechꞌaꞌ pro jariꞌ abaj cojon chic chi rbanic ja jay, arjaꞌ ja más nim rukꞌij como arjaꞌ nchapowi ja resquinaꞌil. Jariꞌ samaj kajaw Dios banowi in kas ncꞌascꞌoꞌi nkatzꞌat, neꞌe.

San Mateo 25:31

Ja Ralcꞌwalaxel ja xoc alaxic cuqꞌuin ja winak arjaꞌ npi chi na jutij, janila nim chic rukꞌij, erachbilanto canojel ja ángel. Tokocꞌariꞌ xtitzꞌabeꞌ chipan ja rtzꞌulibal, jariꞌ tzꞌulbal xin Rey in janila nim rukꞌij.

Marcos 12:10

¿La mta cꞌa jutij esiqꞌuin chipan ja rtzobal Dios jawaꞌ jun tzij riꞌ? —Ja banol jay cꞌo jun abaj ja mta quigana ruqꞌuin in quechꞌaꞌ pro jariꞌ abaj cojon chic chi rbanic ja jay, arjaꞌ ja más nim rukꞌij como arjaꞌ nchapowi ja resquinaꞌil.

Marcos 16:16

Canojel ja winak ja xtiyukeꞌ quecꞌuꞌx wqꞌuin in neba̱n bautizar ejeꞌeꞌ nquewil ja totajem xin Dios. Ja cꞌa ma xtiyukeꞌ ta quecꞌuꞌx wqꞌuin ejeꞌeꞌ nkꞌe̱t tzij chiquij in neta̱kel chipan ja nimlaj rpokonal.

Marcos 8:31

Cꞌacꞌariꞌ xumaj rkꞌalasaxic chiquewach ja rdiscípulo nak xtiban na tre, quewaꞌ xbij chique riꞌ: —Anin ja rin Alcꞌwalaxel ja xinoc alaxic cuqꞌuin ja winak qꞌuiy rwach ja rpokonal ntij na, xa itzel ninquetzꞌat na ja principaliꞌ xin tinamit e cachbil ja jefe quixin sacerdote e cachbil chakajaꞌ ja maestro ja netijon quixin ja winak tre ja ley xin Dios, nincamsax na in chi rox kꞌij nincꞌastaj na, neꞌ chique.

San Lucas 10:16

In xumaj chic jutij tzij cuqꞌuin ja setenta discípulo: —Ja winak ja neniman rxin ja xtebij chique, anin cꞌariꞌ ja ninquinimaj. Ja cꞌa winak ja maquecꞌulu ewxin, anin cꞌariꞌ ja maquinquecꞌul in ja winak ja maquecꞌulu wxin, Nataꞌ cꞌariꞌ ja takyonto wxin ja matiquecꞌul. Queriꞌ xbijel ja Jesús chique ja setenta discípulo in xebe, xequibanaꞌ ja bixel chique.

San Lucas 17:25

Pro ja Ralcꞌwalaxel rjawaxic chi congana nutij na ja rpokonal nabey, rjawaxic chi ntzelax na nabey cumal ja winak ja recꞌo chipan awaꞌ tiempo ja rokcꞌo wiꞌ riꞌ.

San Lucas 20:17

Ja cꞌa Jesús kas xertzꞌelwachij in quewaꞌ xbij chique riꞌ: —¿Nak moda ja maquita xtibantaj cumplir como quewaꞌ tzꞌibtal can chipan ja rtzobal Dios riꞌ: —Ja banol jay cꞌo jun abaj ja mta quigana ruqꞌuin in quechꞌaꞌ pro jariꞌ abaj cojon chic chi rbanic ja jay, arjaꞌ ja más nim rukꞌij como arjaꞌ nchapowi ja resquinaꞌil, queriꞌ nbij ja rtzobal Dios.

San Lucas 7:30

Pro ja cꞌa fariseo e cachbil ja maestro ja netijon quixin ja winak tre ja ley xin Dios ejeꞌeꞌ ma xcajoꞌ ta xeba̱n ta bautizar rmal ja Juan, jariꞌ xa nquechꞌaꞌ ja rvoluntad Dios pa tak quicꞌaslemal.

San Lucas 9:22

Anin ja rin Alcꞌwalaxel ja xinoc alaxic cuqꞌuin ja winak qꞌuiy rwach ja rpokonal ntij na, xa itzel ninquetzꞌat na ja principaliꞌ xin tinamit e cachbil ja jefe quixin sacerdote e cachbil chakajaꞌ ja maestro ja netijon quixin ja winak tre ja ley xin Dios, nincamsax na in chi rox kꞌij nincꞌastaj na, neꞌ chique.

San Lucas 9:26

Queriꞌ nbij chewe como ja winak xa nak ta chi winakil wi xa qꞌuixbal nquenaꞌ nquecoj quiꞌ wqꞌuin in wi xa qꞌuixbal nquenaꞌ rmal ja ntzobal, anin chakajaꞌ qꞌuixbal nnaꞌ chi xquenucoj ta pa ncuenta. Anin ja rin Alcꞌwalaxel ja xinoc alaxic cuqꞌuin ja winak xa qꞌuixbal nnaꞌ chi xquenucoj ta pa ncuenta tokoriꞌ tok xquinpi chic jutij, congana nim chic nukꞌij triꞌ in congana nchꞌaꞌan chic chwij ja gloria xin Dios in chakajaꞌ ewachbilanto ja santilaj tak ángel xin Dios.

San Juan 11:24

Ja cꞌa Marta xbij chic tre: —Anin wotak chi ncꞌastaj na pro tokoriꞌ tok xquecꞌastaji ja camnakiꞌ chipan ja qꞌuisbal kꞌij, neꞌ tre.

San Juan 5:45

Pro maxta techꞌob chi anin xquinyoꞌ parte chewij chwach ja Tatixel. Ja nyoꞌ parte chewij jariꞌ ja Moisés in ixix nebij chi congana yukul ecꞌuꞌx ruqꞌuin ja Moisés.

San Juan 6:39

Ja Tatixel ja takyonpi wxin quewaꞌ rvoluntad riꞌ, chi canojel ja reyaꞌon chwe rmal ni majun chique xtintzꞌilaꞌ ta in tok xterilaꞌ ja qꞌuisbal tiempo nenuyic canojelal chipan ja camíc.

San Juan 8:47

Ja ralcꞌwal Dios ejeꞌeꞌ nqueyaꞌ quixquin tre ja nbix chique rmal ja Dios pro ja rixix mateyaꞌ ewxquin tre ja nbix chewe rmal como ma ix ralcꞌwal Dios ta chewiꞌ. Queriꞌ xbij ja Jesús chique.

Hechos 17:31

Como arjaꞌ cꞌo jun kꞌij rchomin ja nukꞌet wiꞌ tzij chiquij canojelal ja winak in nij utzlaj kꞌetoj tzij wiꞌ ja nuban. Arjaꞌ cꞌo jun achi rchaꞌon ja xtibanowi ja kꞌetoj tzij, Jesús rubiꞌ, in xuyaꞌ tre chi cꞌastaj chiquicojol camnakiꞌ jariꞌ xcꞌutbej chikawach kanojelal chi Jesús ja rchaꞌon chi noc Kꞌetol Tzij. Queriꞌ xbij ja Pablo chique.

Hechos 3:23

Xa nak ta ja mta rgana ncꞌaxaj ja nbij ja profeta ejeꞌeꞌ cꞌo jun juicio npi na chiquij in nelasaxi chijutij chiquicojol ja tinamit xin Dios. Queriꞌ rbin can ja Moisés, neꞌe ja Pedro chique.

Romanos 2:16

Ja tok xterilaꞌ ja nimlaj kꞌij xin juicio tokoriꞌ xtibantaj cumplir nojel awaꞌ ja cꞌa xinbij kaj chewe riꞌ. Ja cꞌa tok xterilaꞌ riꞌ kꞌij ja Dios arjaꞌ xtucoj ja Jesucristo chi rkꞌetic tzij chiquij ja winak, xtucoj chi rkꞌalasaxic nojel ja quichꞌobon in nojel ja quibanon ja xa quiwawan pa tak canma. Queriꞌ nucꞌut chikawach ja utzlaj tzij xin Jesucristo ja ni nmajonto wiꞌ rbixic anin.

2 Corintios 4:3

Pro ja utzlaj tzij xin Cristo ja nkayaꞌ rbixic wi ecꞌoli winak ja matichꞌobtaj cumal xa ni queyon wariꞌ ja netajini nebe chipan ja nimlaj rpokonal.

2 Tesalonicenses 1:8

Arjaꞌ nuryaꞌaꞌ rjil rcꞌaxel chique ja winak ja ma xcajoꞌ ta cotakij rwach ja Dios in ma xquinimaj ta ja utzlaj tzij rxin ja kajaw Jesucristo.

Hebreos 10:25

Ecꞌoli ja maqueꞌurkaj chic ja tok nkamol kiꞌ, maxta cꞌa queriꞌ tikaban ajoj. Ja kas takal chakij chi nkaban, kapaxbaj kiꞌ, kabanaꞌ animar kiꞌ. Jariꞌ más chi na rjawaxic chi nkaban como ixix netzꞌat chi xa nnakajinto ja nimlaj kꞌij ja tok xtipi chic jutij ja kajaw Jesucristo.

Hebreos 12:25

Rmalcꞌawaꞌ nojel ja xintzꞌibaj chewe riꞌ camic nbij chewe, tebanaꞌ cꞌa cuenta ewiꞌ, maxta ticowir ewiꞌ ewanma ixix chi matecꞌwaxaj ja rmajon rbixic ja Dios chewe camic. Ja raj Israel ojer ma xcajoꞌ ta quicꞌaxaj ja bix chique rmal ja tzijon cuqꞌuin waweꞌ chwachꞌulew in lawuloꞌ ban chique rmal, majun quitobej quiꞌ. Pior cꞌa ajoj wi matikajoꞌ nkacꞌaxaj ja nbix chake rmal ja ntzijonto kuqꞌuin chilaꞌ chicaj tewotakij chi más chi na lawuloꞌ ja xtiban na chake, majun nkatobej kiꞌ.

Hebreos 2:3

In queriꞌ chake ajoj camic chakajaꞌ, ja lokꞌlaj totajem xin Dios ja rcꞌamonto ja Ralcꞌwal ja wi nkaban tre ni ma vale ta chikawach jariꞌ majun nkatobej kiꞌ. Jariꞌ totajem yaꞌ rbixic nabey rmal ja kajaw Jesucristo in bix chic ajoj chake cumal ja xecꞌaxan rxin, quechꞌob chikawach chi jun totajem ja ni katzij wiꞌ chi totajem.

Hebreos 4:12

Ja cꞌa rtzobal Dios jariꞌ ma camnak ta rwach pro cꞌo rchokꞌakꞌ, nuban ja rsamaj. Ni ma cꞌayew ta nekaji cꞌa chipan ja rawanma chwach jun espada ja congana is rutzaꞌm in caꞌiꞌ rwarey. Ni majun ja maquita ncowini noc wiꞌ chawe, wi pan apensar, wi pan awanma, wi pan abakil, nojel noc wiꞌ. Nerkꞌalasajto nak ja nanaꞌ kaj in nak ja nachꞌob kaj pan awanma.

1 Pedro 1:5

Ja herencia ewxin ixix ja yukul ecꞌuꞌx ruqꞌuin ja Jesucristo in rmal ja yukulbal ecꞌuꞌx tok Dios nixrchajij chi utz. Arjaꞌ ni matuyaꞌ can wiꞌ ja rechajixic in nerilaꞌ na jun kꞌij ja tok xquixtotaji chijutij. Ja retoꞌic chomarsan chic rmal ja Dios jariꞌ nkꞌalajin na ja tok xterilaꞌ ja qꞌuisbal kꞌij xin rwachꞌulew.

2 Pedro 3:3

Congana rjawaxic chi nchꞌobtaj emwal chi ja pa rqꞌuisbal tak kꞌij ecꞌoli winak ja nepi na xa e yokꞌonelaꞌ, xa nqueyaꞌ quiꞌ tre ja ritzel tak yarinem ja cꞌo pa tak canma.

2 Pedro 3:7

In rmal chakajaꞌ ja rbin can ja Dios ja caj in rwachꞌulew ja cꞌoli camic xa cꞌatic xa poroxic rayben. Tokoriꞌ xticꞌati ja tok xterilaꞌ ja nimlaj kꞌij xin juicio in canojel ja ritzel tak winak nebe chipan ja nimlaj rpokonal.