San Juan 12:38 - Tz'utujil (Ja Cꞌacꞌa Chominem)

³⁸ Queriꞌ queban utzcꞌa chi nbantaj cumplir ja bitajnak can rmal ja profeta Isaías ojer quewariꞌ: —Wajaw, xa ma e nim ta ja xenimani ja ratzobal ja kayaꞌ rbixic, xa ma e nim ta ja chꞌobtaj cumal nak rbanic ja nimak tak milagro naban chiquewach. Queriꞌ tzꞌibtal can.

Tz'utujil NT

³⁸ Cara' xqueban ch-utz c'ara' nbantaja ajni' tz'ibtanak cana rmal profeta Isaías ojer jcawra nbij: —Wajaw, me q'uiy ta xenimana atzojbal je xkaya' rbixic, me q'uiy ta je xch'obtaja cmal nak rbanic nmak tak milagro naban chquewech. Cara' tz'ibtanak cana.

San Juan 12:38 Iomraidhean Croise

San Mateo 15:7

Cacaꞌ epalaj, bien ntakeꞌ chewe ja binto chewe ojer rmal ja profeta Isaías, quewaꞌ xbij riꞌ:

San Mateo 16:17

Ja cꞌa Jesús arjaꞌ xbij tre: —Congana quiꞌil chawe Simón ja rat rcꞌajol Jonás como ja cꞌa xabij kaj chwe ma winak ta xekꞌalasan ta chawach, ja Nataꞌ ja cꞌo chilaꞌ chicaj arjaꞌ kꞌalasan chawach.

San Mateo 27:35

Ja cꞌa tok riptaj cumal chwach cruz quemaj rbanic suerte trij ja rtziak nak xtichꞌeco chique in quejach chiquewach. Queriꞌ bantaji utzcꞌa chi triꞌ bantaj wiꞌ cumplir ja bitajnak can rmal ja profeta quewariꞌ: —Queban suerte trij ja ntziak in quejach chiquewach, queriꞌ ja bitajnak can ojer.

San Juan 12:37

Ja Jesús masqui congana qꞌuiy ja milagro rbanon chic ja rcꞌutben chiquewach nak ja rocnak wiꞌ pro ejeꞌeꞌ ni ma xyukeꞌ ta wiꞌ quecꞌuꞌx ruqꞌuin.

San Juan 12:39

Rmalcꞌariꞌ ma xecowin ta ja winak yukeꞌ ta quecꞌuꞌx ruqꞌuin ja Jesús. Queriꞌ queban como cꞌo chic juleꞌ tzij bitajnak can rmal ja rIsaías quewariꞌ:

San Juan 15:25

Queriꞌ nqueban utzcꞌa chi nbantaj cumplir ja tzꞌibtal can chwe chipan ja ley xin Dios ja cꞌo cuqꞌuin, quewaꞌ nbij riꞌ: —Ejeꞌeꞌ xa itzel xinquetzꞌat pro chaka queriꞌ mta wil, mta xinban chique. Queriꞌ ja tzꞌibtal can.

San Juan 17:12

Anin tok xinqꞌuejeꞌ cuqꞌuin waweꞌ chwachꞌulew pan abiꞌ atat xenuban cuenta, majun nak ta chique xtzꞌilaꞌ ta riꞌ, xa jun chique ja xtzꞌilaꞌ riꞌ pro jariꞌ ja ni yatal wiꞌ trij chi nutij pokon chipan ja juicio. Queriꞌ xuban utzcꞌa chi nbantaj cumplir ja tzꞌibtal can ojer chipan ja rtzobal Dios.

San Juan 19:24

Rmalcꞌariꞌ ja soldado quewaꞌ quibij chibil tak quiꞌ riꞌ: —Mejor matikarak ja wariꞌ, kabanaꞌ suerte trij nak xtikajben chake, xecheꞌe. Queriꞌ queban in triꞌ bantaj wiꞌ cumplir ja tzꞌibtal can ojer chipan ja rtzobal Dios, quewaꞌ nbij riꞌ: —Quejach ja ntziak chiquewach in cꞌo jun ja ntziak queban suerte trij, queriꞌ ja tzꞌibtal can in ni queriꞌ queban ja soldado.

Romanos 10:16

Pro ecꞌoli ja ma xqueyaꞌ ta quixquin tre ja utzlaj tzij xin Dios, caniꞌ tzꞌibtal can ojer rmal ja profeta Isaías, quewaꞌ nbij riꞌ: —Kajaw Dios, xa ma e nim ta ja winak ja quiniman ja utzlaj tzij ja kabij chique, neꞌe.

Romanos 10:20

In chakajaꞌ ja rojer profeta Isaías cꞌoli xbij chique ja raj Israel in ma xbej ta riꞌ chi rbixic chique: —Quewaꞌ nbij ja Dios chewe riꞌ, neꞌe ja rIsaías: —Ecꞌo juleꞌ tinamit ja mta nak ta queban chi rotakixic janiꞌ ja nnaꞌoj pro ja camic cotak chic. Ejeꞌeꞌ ma xquicꞌutuj ta chwe chi ninqꞌuejeꞌ chiquicojol pro ja camic nkꞌalasan wiꞌ chiquewach.

1 Corintios 1:24

Pro ja chake ajoj ja rokchaꞌon rmal ja Dios wi ok aj Israel owi ma ok aj Israel ta bien kotak chi ja Cristo ja camsax chwach cruz ruqꞌuin arjaꞌ nkawil wiꞌ ja poder xin Dios in ruqꞌuin arjaꞌ nkawil wiꞌ chakajaꞌ ja naꞌoj xin Dios.