San Juan 12:34 - Tz'utujil (Ja Cꞌacꞌa Chominem)

³⁴ Ja cꞌa winak quewaꞌ quibij tre riꞌ: —Pro kacꞌaxan waꞌan chipan ja rtzobal Dios chi tok xtipeti ja Cristo arjaꞌ ni mta wiꞌ camíc trij ¿nak cꞌa tre tok nabij atat chi ja Ralcꞌwalaxel ja xoc alaxic cuqꞌuin ja winak chi rjawaxic chi njecbax na chicaj? ¿Nak cꞌa ja ralcꞌwalaxel ja nabij leꞌ? xecheꞌ tre.

Tz'utujil NT

³⁴ Je' wnak cawra xecbij ra': —Per kc'axan wan chpam rtzojbal Dios, tak xtpeta Cristo jara' majo'n cmic tzrij y nec'se'a rxin junlic. ¿Nak tzra c'ara' tak nabij che njotbax na Rlec'walxel jxoca alxic cuq'uin wnak? ¿Nak wnak c'ara' rlec'walxel jnabij kaja?

San Juan 12:34 Iomraidhean Croise

San Mateo 16:13

Ja cꞌa Jesús tok xeꞌekaj chinakaj ja tinamit Cesarea ja cꞌo pa rcuenta Filipo arjaꞌ xcꞌaxaj chique ja rdiscípulo: —Anin ja rin Alcꞌwalaxel ja xinoc alaxic cuqꞌuin ja winak ¿nak inocnak wiꞌ ja nquibij chwe ja winak? neꞌ chique.

San Mateo 21:10

Ja cꞌa tok xoc chipan ja tinamit Jerusalén xeyictaji ja tinamit pro canojel in quewaꞌ nquibij riꞌ: —¿Nak cꞌa chi achiꞌal alaꞌ ja xurkaji leꞌ? xecheꞌe.

San Mateo 8:20

In bix tre rmal ja Jesús: —Ja rutiwaꞌ cꞌo quicꞌolibal ja bar newar wiꞌ in chakajaꞌ ja tak tzꞌiquin cꞌo quesoc pro ja chwe anin ja rin Alcꞌwalaxel ja xinoc alaxic cuqꞌuin ja winak mta wochoch ja ni ta wxin wiꞌ anin ninwar wiꞌ, neꞌxi.

San Juan 10:34

Ja cꞌa Jesús xbij chic chique: —¿La ma tzꞌibtal can ta cꞌa chipan ja ley xin Dios ja cꞌol ewqꞌuin chi ja Dios arjaꞌ quewaꞌ xbij chique juleꞌ winak riꞌ? —Anin xinbij chewe chi ix dios, neꞌe ja Dios chique, queriꞌ tzꞌibtal can.

San Juan 12:32

Pro ja chwe anin ja tok xquinjecbaxi jariꞌ nenujicꞌ canojelal ja winak xa nak ta chi winakil utzcꞌa chi nyukeꞌ quecꞌuꞌx wqꞌuin. Queriꞌ xbij ja Jesús.

San Juan 15:25

Queriꞌ nqueban utzcꞌa chi nbantaj cumplir ja tzꞌibtal can chwe chipan ja ley xin Dios ja cꞌo cuqꞌuin, quewaꞌ nbij riꞌ: —Ejeꞌeꞌ xa itzel xinquetzꞌat pro chaka queriꞌ mta wil, mta xinban chique. Queriꞌ ja tzꞌibtal can.

San Juan 8:28

Cꞌacꞌariꞌ xbij chic jutij chique: —Ja Ralcꞌwalaxel ja xoc alaxic cuqꞌuin ja winak tok xtejotbaꞌ chwach jun cruz tokoriꞌ newotakij na nak inocnak wiꞌ chi nij in quirwariꞌ ja caniꞌ nbinto chewe in newotakij na chakajaꞌ chi nojel ja nmajon rbanic ma chaka ta nuyon kaj nban como nojel ja nmajon rbixic, ja Nataꞌ arjaꞌ cꞌutyon chinwach.

Romanos 3:19

Queriꞌ cꞌa nbij ja ley xin Dios in bien kotak chi chique nbij wiꞌ ja re aj Israel como ejeꞌeꞌ ecꞌo pa rukꞌaꞌ ja ley. Queriꞌ cꞌa rbanic utzcꞌa ja winak ni majun chique ja xticanoy chi ta rmal nak la chi tzijal xtibij ta ja xtitobej chi ta riꞌ chwach ja Dios in xticotakij na canojel chi e ajꞌil e ajmaquiꞌ pro ni canojelal in puersa nquejach na cuenta chwach ja Dios chi aj Israel chi ma aj Israel ta.

Romanos 5:18

Queriꞌ cꞌa rbanic, caniꞌ tre ja jun achi rbinaꞌan Adán arjaꞌ xuban jun il mac in rmal ja il mac xuban chewiꞌ tok itzel xokrutzꞌat ja Dios kanojel ja rok winak. In queriꞌ cꞌa tre ja jun chic achi rbinaꞌan Jesucristo chakajaꞌ arjaꞌ xuban jun utzlaj samaj in rmal ja utzlaj samaj xuban chewiꞌ tok nyataj chake kanojel camic chi utz chic nokrutzꞌat ja Dios chipan jun cꞌacꞌa cꞌaslemal.

Hebreos 7:24

Ja cꞌa tre ja Jesús jariꞌ mchita camíc trij chewiꞌ cꞌa tok ni mta wiꞌ qꞌuisic trij ja rsacerdoteꞌil arjaꞌ.