San Juan 12:27 - Tz'utujil (Ja Cꞌacꞌa Chominem)

²⁷ Camic congana ntiꞌoni ja wanma, ni lawuloꞌ nban rmal pro ¿nak cꞌa nban? ¿La xtinbij ta cꞌa tre ja Nataꞌ chi arjaꞌ ninrutoꞌ utzcꞌa chi maquita ninkꞌax chipan ja rpokonal ja penak chinwach riꞌ? Jariꞌ ma can ta como ja penak chinwach riꞌ xa rmalariꞌ tok inpenak anin waweꞌ chi ninkꞌax chipan.

Tz'utujil NT

²⁷ Camic congan nti'ona wanm, nlowlo' nba'na chwa. ¿Per nak xtenban? ¿Xtenbij tc'a tzra Nedta' xtquenruto' ta ch-utz c'ara' mquita xtenk'axa chpam nimlaj lowlo' jpenak chenwech? Jara' mesquier xtencwin ta xtenban. Perc lowlo' jpenak chenwech, xe rmal c'ara' enpenak wawe' chwech ruch'lew che quenk'axa chpam.

San Juan 12:27 Iomraidhean Croise

San Mateo 11:25

Cꞌacꞌariꞌ ja Jesús arjaꞌ tzijon ruqꞌuin ja Tatixel ja cꞌo chilaꞌ chicaj, quewaꞌ xbij tre riꞌ: —Nataꞌ, atat at Rajaw caj at Rajaw rwachꞌulew, congana nmaltioxij chawe como ja winak ja nquechꞌob kaj pa tak canma chi congana cotak in congana quinaꞌoj ma chiquewach ta ejeꞌeꞌ akꞌalasan wiꞌ nak rbanic nojel awaꞌ ja nmajon rbanic in nojel ja nmajon rbixic pro ja rakꞌalasan wiꞌ, chiquewach ja winak ja quibanon taknoꞌy chawach.

San Mateo 11:26

Queriꞌ abanon chique Nataꞌ como queriꞌ ja ravoluntad, neꞌ tre.

San Mateo 26:42

Cꞌacꞌariꞌ meloj chic jutij chi rbanic ja roración: —Nataꞌ, ja wi ni mta wiꞌ moda ja maquita xquinkꞌax chipan ja rpokonal riꞌ xtibantaj ta cꞌa ja ravoluntad, neꞌ chic tre ja Tatixel.

San Mateo 26:45

Cꞌacꞌariꞌ melojpi chic jutij cuqꞌuin ja discípulo in quewaꞌ xbij chique riꞌ: —Camic quixwar cꞌa, quixxulaꞌn cꞌa. Bien tecꞌwaxaj chi xurwilaꞌ ja hora, ja Ralcꞌwalaxel ja xoc alaxic cuqꞌuin ja winak, camic nja̱ch pa quekꞌaꞌ ja rajꞌil ajmaquiꞌ chi nquicamsaj.

San Lucas 22:44

Como majtajnak rmal jun nimlaj rpokonal xa chewiꞌ tok más chi na xuban ja roración. Cꞌoli ja yaꞌ nel chi rpalaj caniꞌ nimak tak jutzꞌuj quicꞌ nkaj pa tokꞌulew.

San Lucas 22:53

Pro anin kꞌij kꞌij xinqꞌuejeꞌ checojol chipan ja nimlaj templo xin Dios pro ma xinechap ta waꞌan triꞌ. Pro jawaꞌ hora ja rokcꞌo wiꞌ riꞌ jawaꞌ yatajnak chewe chi nixban mandar rmal ja diablo ja nbano mandar chipan ja kꞌekumal, neꞌe ja Jesús chique.

San Juan 11:41

Cꞌacꞌariꞌ quiwasaj ja rabaj chuchiꞌ ja jul ja bar mukun wiꞌ ja camnak. Ja cꞌa Jesús caꞌy chicaj in quewaꞌ xbij riꞌ: —Nataꞌ, anin nmaltioxij chawe chi xacꞌwaxaj ja xincꞌutuj chawe.

San Juan 12:23

Ja cꞌa Jesús tok xcꞌaxaj ja bix tre quewaꞌ xbij chique riꞌ: —Camic ja Ralcꞌwalaxel ja xoc alaxic cuqꞌuin ja winak xurwilaꞌ ja tiempo chi congana nya̱ꞌ rukꞌij.

San Juan 13:21

Ja tok bitaji tzij riꞌ rmal cꞌacꞌariꞌ xumaj jun nimlaj bis, congana lawuloꞌ nuban ranma rmal in xbij chic chique: —Ni katzij wiꞌ ja xtinbij chewe riꞌ, cꞌo jun chewe, arjaꞌ njacho na wxin pa quekꞌaꞌ ja winak ja netzelan wxin, neꞌ chique.

San Juan 18:37

—¿La katzij chi at rey? neꞌe ja Pilato tre. Ja cꞌa Jesús xbij chic tre: —In rey nacꞌa caniꞌ cꞌa xabij kaj, xcꞌa rmalariꞌ tok inpenak waweꞌ chwachꞌulew, xcꞌa rmalariꞌ chakajaꞌ tok xinalaxi. Inpenak chi rkꞌalasaxic chiquewach ja winak nak ja kas mero rbey Dios. Canojel ja winak ja cꞌo quigana ruqꞌuin ja rbey Dios ejeꞌeꞌ nqueyaꞌ quixquin tre chi rcꞌaxaxic ja nmajon rbixic chique, neꞌ tre.

1 Timoteo 1:15

Ja Cristo Jesús arjaꞌ pi waweꞌ chwachꞌulew chi katoꞌic ja rok ajꞌil ja rok ajmaquiꞌ. Jariꞌ tzij ni katzij wiꞌ in yatal chique canojelal ja winak chi nquinimaj. In anin más na nim ja wil numac chiquewach canojelal.

Hebreos 2:14

Como ja rok alcꞌwalaxelaꞌ xa junan rwach ja kaquiqꞌuel, xa junan rwach ja kachꞌacul in queriꞌ cꞌa tre ja Jesús chakajaꞌ arjaꞌ xoc kach winak, kꞌax chipan ja camíc jariꞌ xkasbej ja diablo ja yoꞌl camíc.

Hebreos 5:7

Ja tok cꞌoli ja Jesús waweꞌ chwachꞌulew arjaꞌ xuban ja roración, congana xcꞌutuj ja rtoꞌic tre ja Dios como bien rotak chi ncowini ja Dios nutoꞌ chipan ja camíc. Majtaj rmal ja nimak tak bis ja cꞌo pa ranma, xurak na ruchiꞌ, xokꞌ na rmal. Cꞌaxaxi ja roración como arjaꞌ congana nuban respetar ja Dios.