San Juan 12:26 - Tz'utujil (Ja Cꞌacꞌa Chominem)

²⁶ Ja winak ja neniman wxin rjawaxic chi triꞌ nekꞌax wiꞌ ja bar ninkꞌax wiꞌ anin in chakajaꞌ triꞌ neꞌeqꞌuejeꞌ wiꞌ ja bar incꞌo wiꞌ anin. Xa nak ta ja neniman wxin ejeꞌeꞌ nya̱ꞌ na quekꞌij rmal ja Nataꞌ.

Tz'utujil NT

²⁶ Je' wnak je nquenimana wxin nc'atzina nquek'axa tzra' abar enk'axnak wa' anen, y chka' tzra' nquec'je' wa' abar enc'ol wa' anen. Je' wnak xtquenimana wxin ajni'la nya'a quek'ij rmal Nedta'.

San Juan 12:26 Iomraidhean Croise

San Mateo 16:24

Cꞌacꞌariꞌ ja Jesús xbij chique ja rdiscípulo: —Xa nak ta ja cꞌo rgana nyukeꞌ rucꞌuꞌx wqꞌuin rjawaxic chi matuyaꞌ rgana ja tzabuklaj cꞌaslemal rcꞌan. Rjawaxic chakajaꞌ chi matipokonaj nutij ja rpokonal mwal in ntreꞌel chwij. Jariꞌ caniꞌ jun cruz nya̱ꞌ trij pro matipokonaj nucꞌam ja cruz, nrijkajel in nbe ja bar necamsax wiꞌ.

San Mateo 25:21

In bix tre rmal ja rpatrón: —Utz xaban tre ja samaj, atat at jun utzlaj moso, janila naban cumplir ruqꞌuin ja rasamaj. Xa ti ma nim ta ja xinyaꞌ can chawe pro xaban cumplir. Camic, más chi na qꞌuiy xtinyaꞌ chawe chi nasamajij. Camic catajoꞌ, ninawachbilaj chipan ja quicotemal, neꞌxi.

Marcos 8:34

Cꞌacꞌariꞌ ja Jesús xersiqꞌuij pon ja rdiscípulo e cachbil ja juleꞌ chic winak ja recꞌo triꞌ, quewaꞌ xbij chique riꞌ: —Xa nak ta ja cꞌo rgana nyukeꞌ rucꞌuꞌx wqꞌuin rjawaxic chi matuyaꞌ rgana ja tzabuklaj cꞌaslemal rcꞌan. Rjawaxic chakajaꞌ chi matipokonaj nutij ja rpokonal mwal in ntreꞌel chwij. Jariꞌ caniꞌ jun cruz nya̱ꞌ trij pro matipokonaj nucꞌam ja cruz, nrijkajel in nbe ja bar necamsax wiꞌ.

San Lucas 12:37

Congana quiꞌil chique ja rajsamajelaꞌ ja recꞌascꞌotnak chi raybexic ja quipatrón ja tok xturkaji. Ni katzij wiꞌ nbij chewe, ja patrón arjaꞌ nchomarslaꞌ riꞌ chanim, nertzꞌubaꞌ pa mesa in numaj quilixic.

San Lucas 6:46

¿Nak tre tok quewaꞌ nebij chwe riꞌ: —Kajaw, Kajaw, kas nixcheꞌ chwe, pro xa mateban ja nbij chewe chi neban?

San Lucas 9:23

Cꞌacꞌariꞌ xumaj chic tzij cuqꞌuin canojelal, quewaꞌ xbij chique riꞌ: —Xa nak ta ja cꞌo rgana nyukeꞌ rucꞌuꞌx wqꞌuin rjawaxic chi matuyaꞌ rgana ja tzabuklaj cꞌaslemal rcꞌan. Rjawaxic chakajaꞌ chi kꞌij kꞌij ni matipokonaj wiꞌ nutij ja rpokonal mwal in ntreꞌel chwij. Jariꞌ caniꞌ jun cruz nya̱ꞌ trij pro matipokonaj nucꞌam ja cruz, nrijkajel in nbe ja bar necamsax wiꞌ.

San Juan 10:27

Ja tak ncarnelo ejeꞌeꞌ nquicꞌaxaj ja nukul in ninquinimaj, anin nenwajoꞌ, bien wotak janiꞌ quinaꞌoj in ejeꞌeꞌ netreꞌ chwij.

San Juan 13:16

Ni katzij wiꞌ ja xtinbij chewe riꞌ, jun ilinel ¿la nim ta cꞌa rukꞌij chwach ja rajaw in jun banol takquil la nim ta cꞌa rukꞌij chwach ja takyonel rxin?

San Juan 14:15

Ja wi ni katzij wiꞌ chi ninewajoꞌ jariꞌ nenimaj ja nbij chewe chi neban.

San Juan 14:3

In como xinbij chewe chi ninbe chi nenchomarsaj ja relugar pro ninmelojpi chic jutij nixuncꞌamaꞌ kaj utzcꞌa chi nixqꞌuejeꞌ chic wqꞌuin. Queriꞌ nban utzcꞌa ja bar xquinqꞌuejeꞌ wiꞌ anin triꞌ nixqꞌuejeꞌ wiꞌ ixix chakajaꞌ.

San Juan 15:20

Turkaj chewe jun tzij ja xinbij chewe quewariꞌ: —Jun moso arjaꞌ ma nim ta rukꞌij chwach ja rpatrón, xincheꞌ chewe. Tibij cꞌa tzij ariꞌ ja wi cꞌo pokon quibanon anin chwe cꞌo cꞌa pokon xtiqueban ariꞌ chewe ixix chakajaꞌ. Ja cꞌa wi quinimaj ja ntzobal ja xinbij chique jariꞌ xtiquinimaj ja xtebij ixix chique chakajaꞌ.

San Juan 17:24

Nataꞌ, ja winak ja reꞌayaꞌon chwe cꞌo ngana chi triꞌ neꞌeqꞌuejeꞌ wiꞌ ja bar xquineqꞌuejeꞌ wiꞌ anin. Queriꞌ nwajoꞌ chique utzcꞌa chi necowini nquetzꞌat ja nimlaj gloria xin Dios wcꞌan ja caniꞌ ayaꞌon chwe. Como atat nij inawajoꞌonto wiꞌ ja tok majaꞌn titzꞌucarsaxto ja rwachꞌulew.

San Juan 21:22

—Ja wi cꞌo ngana chi cꞌa cꞌas na arjaꞌ ja tok xquinmeloj chic jutij jariꞌ mta akꞌaꞌ atat tre pro xar ja naban atat, ni quinawachbilaj wiꞌ, neꞌxi ja Pedro rmal ja Jesús.

Romanos 1:1

Anin ja rin Pablo camic ntzꞌibajel jawaꞌ carta riꞌ chewe ixix wachꞌalal ja rixcꞌo pa Roma. Anin in ajsamajel rxin ja Jesucristo. Ja Dios arjaꞌ xinsiqꞌuini chi xinoc apóstol, arjaꞌ xinchaꞌowi chi ninbe cuqꞌuin ja winak chi nenyaꞌaꞌ rbixic chique ja utzlaj tzij xin Jesucristo ja rtakonto waweꞌ chwachꞌulew.

Romanos 14:18

Queriꞌ nrajoꞌ ja Cristo chake chi nkaban in wi nkanimaj jariꞌ nel rucꞌux ja Dios chakij rmal in ja winak utz nokquetzꞌat rmal chakajaꞌ.

2 Corintios 4:5

Como ni ja wiꞌ ja Jesucristo nkanataj tok nkayaꞌ rbixic ja utzlaj tzij, arjaꞌ Rajaw nojelal, nokcheꞌ tre, ma ajoj ta nkanataj kaj ta kiꞌ kayon. Ja cꞌa rajoj ok ilinelaꞌ ewxin pro rumac ja Jesús ja tok kabanon queriꞌ.

2 Corintios 5:8

Pro ni yukul wiꞌ kacꞌuꞌx ruqꞌuin ja Dios in como kotak chi matutzꞌat riꞌ kawach ruqꞌuin ja kajaw Jesucristo chipan awaꞌ jun cuerpo ja kucꞌan camic xa chewiꞌ tok más na kagana ja nkayaꞌ can awaꞌ jun cuerpo ja kucꞌan riꞌ in nokbe ruqꞌuin ja kajaw Jesucristo ja bar cꞌo wiꞌ ja mero kochoch.

Gálatas 1:10

Ja cꞌa xinbij chewe riꞌ triꞌ cꞌa netzꞌat wiꞌ chi ma ja ta ninoclaꞌ il tre ja xtinchꞌec ta quigana winak pro ja nintajini nyaꞌ rgana jariꞌ ja Dios. Ja wixta cꞌa ninoclaꞌ il tre ja xtinchꞌec quigana winak jariꞌ ma in ajsamajel ta cꞌariꞌ rxin ja Cristo.

Filipenses 1:23

Xarwariꞌ cꞌo ngana nincami in nineqꞌuejeꞌ ruqꞌuin ja Cristo jariꞌ más chi na utz ja nnaꞌ anin.

Colosenses 3:24

Queriꞌ nbij chewe como ixix bien ewotak chi ruqꞌuin ja kajaw Jesucristo npi wiꞌ ja kas mero rtojbalil jariꞌ ja herencia ja rtzujun chake como ja Cristo ja kajaw jariꞌ ja kas mero Epatrón.

Colosenses 4:12

Ja kachꞌalal Epafras arjaꞌ ewach aj tinamit, arjaꞌ jun ajsamajel rxin ja Cristo in nutakel rutzil ewach chakajaꞌ. Arjaꞌ congana nutij rukꞌij chi rbanic orar pan ecuenta, ni nixrnataj wiꞌ pan oración. Queriꞌ nuban utzcꞌa chi cow nixpeꞌi utzcꞌa chi nixqꞌuiyi chi utz in nixwachini chipan ja rtzobal Dios utzcꞌa chi ni ta ja wiꞌ neban ja xa nak ta nrajoꞌ ja Dios chewe chi neban.

2 Pedro 1:1

Anin in Simón Pedro, in ajsamajel rxin ja Jesucristo in chakajaꞌ in apóstol rxin. Anin ntzꞌibaj ja carta riꞌ in ntakel ewqꞌuin ixix ja rewilon chic ja lokꞌlaj yukulbal ecꞌuꞌx ruqꞌuin ja Jesucristo. Ja yukulbal ecꞌuꞌx ruqꞌuin ja Jesús nim rukꞌij, junan ruqꞌuin ja caniꞌ kawilon ajoj. Ja Jesucristo arjaꞌ Dios, arjaꞌ Toꞌonel kaxin in rmal ja rutzil rcꞌamonto tok nokcꞌuli rmal ja Dios in rmalariꞌ tok ewilon chic ja yukulbal ecꞌuꞌx ruqꞌuin.

1 Juan 5:3

Ja wi nkanimaj ja mandamiento xin Dios jariꞌ nkacꞌutbej chi nkajoꞌ ja Dios chakajaꞌ. Ja cꞌa mandamiento xin Dios ma al ta rcꞌaxic

Judas 1:1

Anin in Judas, in ajsamajel rxin ja Jesucristo, in rchꞌalal ja Jacobo. Anin ntzꞌibaj ja carta chewe riꞌ ja rixsiqꞌuin rmal ja Dios, ja rixchaꞌon rmal ja Dios ja Tatixel chi ixocnak ix tinamit rxin, ja bien ixbanon cuenta rmal ja Jesucristo rumac ja xa jun ebanon ruqꞌuin.

Apocalipsis 14:4

Ejeꞌeꞌ riꞌ ja ma emacunnak ta cuqꞌuin ixokiꞌ como ejeꞌeꞌ chꞌajchꞌoj ja quicꞌaslemal. Ejeꞌeꞌ ja ni netreꞌ wiꞌ trij ja Carnelo xa bar ta triꞌ nbe wiꞌ. Xelokꞌi xetotaji chiquicojol ja winak, eꞌocnak e caniꞌ nabey tak cosecha ja ntzujux tre ja Dios in tre ja Carnelo.