San Juan 12:25 - Tz'utujil (Ja Cꞌacꞌa Chominem)

²⁵ Ja wi napokonaj nayaꞌ can ja racꞌaslemal waweꞌ chwachꞌulew jariꞌ natzꞌilaꞌ ja utzlaj cꞌaslemal pro wi matapokonaj nayaꞌ can ja racꞌaslemal waweꞌ chwachꞌulew jariꞌ nij awcꞌan wiꞌ ja utzlaj cꞌaslemal in jariꞌ cꞌaslemal ni mta wiꞌ qꞌuisic trij.

Tz'utujil NT

²⁵ Wnapoknaj naya' cana ac'aslemal wawe' chwech ruch'lew jara' natz'ila' ac'aslemal, per wmajo'n napoknaj ta naya' cana ac'aslemal rxin wawe' chuch'lew jara' awc'an utzlaj c'aslemal rxin Dios je rxin junlic.

San Juan 12:25 Iomraidhean Croise

San Mateo 10:39

Ja winak ja nquipokonaj nqueyaꞌ can ja quicꞌaslemal jariꞌ nquitzꞌilaꞌ ja utzlaj cꞌaslemal ja mta qꞌuisic trij. Pro ja winak ja matiquipokonaj nqueyaꞌ can ja quicꞌaslemal mwal anin jariꞌ nquewil na ja utzlaj cꞌaslemal ja mta qꞌuisic trij.

San Mateo 16:25

Queriꞌ nbij chewe como xa nak ta ja npokonaj nuyaꞌ can ja rcꞌaslemal jariꞌ ni matuwil wiꞌ ja utzlaj cꞌaslemal ja mta qꞌuisic trij. Pro xa nak ta ja matipokonaj nuyaꞌ can ja rcꞌaslemal mwal jariꞌ nuwil ja utzlaj cꞌaslemal ja mta qꞌuisic trij.

San Mateo 19:29

In ja winak xa nak ta chi winakil ja wi cꞌoli quiyaꞌon can caniꞌ tre cochoch owi caniꞌ chique quinimal owi quechakꞌ owi canaꞌ owi caniꞌ chique quitataꞌ queteꞌ owi caniꞌ chique quixjayilal owi calcꞌwal owi caniꞌ tre culew, ja cꞌa wi mwal anin ja tok quiyaꞌon can jariꞌ más chi na qꞌuiy ja xtiyataj na chique chwach ja caniꞌ quiyaꞌon can. In chakajaꞌ cꞌo jun herencia nyataj chique jariꞌ ja utzlaj cꞌaslemal ja mta qꞌuisic trij.

Marcos 8:35

Queriꞌ nbij chewe como xa nak ta ja npokonaj nuyaꞌ can ja rcꞌaslemal jariꞌ matuwil cꞌariꞌ ja utzlaj cꞌaslemal ja mta qꞌuisic trij. Pro xa nak ta ja matipokonaj nuyaꞌ can ja rcꞌaslemal mwal anin in rmal ja utzlaj tzij ja ncꞌamonto jariꞌ can nuwil ja utzlaj cꞌaslemal ja mta qꞌuisic trij.

San Lucas 14:26

—Xa nak ta ja cꞌo rgana noc ndiscípulo rjawaxic chi más na ninrajoꞌ anin chwach ja rtataꞌ owi ruteꞌ owi rxjayil owi chiquewach tak ralcꞌwal owi rnimal owi tak ruchakꞌ owi tak ranaꞌ. Rjawaxic chi más na ninrajoꞌ anin chwach ja nrajoꞌ kaj riꞌ arjaꞌ ruyon. Ja wi más na nerajoꞌ ejeꞌeꞌ chinwach anin jariꞌ mta moda xtoc ta ndiscípulo.

San Lucas 17:33

Xa nak ta ja npokonaj nuyaꞌ can ja rcꞌaslemal jariꞌ matuwil cꞌariꞌ ja utzlaj cꞌaslemal ja mta qꞌuisic trij. Pro xa nak ta ja matipokonaj nuyaꞌ can ja rcꞌaslemal jariꞌ nuwil ja utzlaj cꞌaslemal ja mta qꞌuisic trij.

Hechos 20:24

Pro anin matinxbej wiꞌ chwach ja npi chwij, matinpokonaj nyaꞌ wiꞌ pa camíc como jariꞌ nqꞌuisbej ja nsamaj in congana ninquicot rmal. Xarwariꞌ congana ngana nqꞌuis ja samaj ja yaꞌon chi nukul rmal ja kajaw Jesús como arjaꞌ ryaꞌon chi nukul chi nyaꞌ rbixic ja utzlaj tzij xin Jesucristo ja nucꞌut chikawach nak rbanic ja rutzil ja nsipax chake rmal ja Dios.

Hechos 21:13

Pro ja Pablo xbij chake: —¿Nak tre ja tok nixokꞌi? Xa bis neyaꞌ chwe ja neban quelaꞌ. Ja chwe anin in conforme chi nquebacꞌ nukꞌaꞌ wakan triꞌ pa Jerusalén, in conforme chi ninquicamsaj triꞌ chakajaꞌ pro rmal ja kajaw Jesús ja tok xtiban queriꞌ chwe, neꞌ chake.

Hebreos 11:35

Ecꞌo jeꞌe ixokiꞌ chakajaꞌ, rmal ja yukulbal quecꞌuꞌx ruqꞌuin ja Dios tok yataj jeꞌe chique chi xecꞌastaji camnakiꞌ cuqꞌuin. Ecꞌo juleꞌ chic ja winak, rmal ja yukulbal quecꞌuꞌx tok xechapi, más kꞌaxnak chi na ja rpokonal ban chique in bix chique chi nesokpixel pro wi nqueyaꞌ can ja Dios. Pro ejeꞌeꞌ ma xeniman ta: —Mejor nokcamsaxi, xecheꞌe. Queriꞌ queban utzcꞌa chi nquewil ja cꞌaslemal ja más utz chi na.

Apocalipsis 12:11

Pro ja rejeꞌeꞌ quechꞌec ja Diablo, ja quichꞌecbej rxin jariꞌ ja rquiqꞌuel ja Carnelo in chakajaꞌ ja testigoꞌil queyaꞌ tre ja Jesucristo in ma xquipokonaj ta queyaꞌ quiꞌ pa camíc rmal.