San Juan 12:20 - Tz'utujil (Ja Cꞌacꞌa Chominem)

²⁰ Ecꞌo cꞌa juleꞌ winak aj Grecia, ejeꞌeꞌ eꞌurkajnak pa Jerusalén, epenak chi ryaꞌic rukꞌij ja Dios chipan ja nmakꞌij pascua.

Tz'utujil NT

²⁰ Ec'ola nic'aj wnak epenak chpam nación Grecia, erkanak pJerusalén, epenak e y-ol ruk'ij Dios chpam nimk'ij pascua.

San Juan 12:20 Iomraidhean Croise

San Juan 12:1

Wakiꞌ kꞌij cꞌo chi wiꞌ ja nmakꞌij pascua tok be chic jutij ja Jesús pa Betania ja bar cꞌo wiꞌ ja Lázaro. Jariꞌ mismo Lázaro ja yataj tre rmal ja Jesús chi cꞌastaj chiquicojol camnakiꞌ.

San Juan 12:19

Ja cꞌa fariseo xa pokon quenaꞌ rmal in quemaj rbixic chibil tak quiꞌ: —Queꞌetzꞌataꞌ mpeꞌ ja winak leꞌ xebe ruqꞌuin ja Jesús pro ni canojelal, camic majun nokcowini nkaban chic tre, xecheꞌe.

San Juan 7:35

Ja cꞌa raj Israel ejeꞌeꞌ quemaj chic tzij tre ja cꞌa bix chique rmal ja Jesús: —¿Bar cꞌa xtibe wiꞌ ja rachi leꞌ in makocowini nkawil chic? ¿La nbe cuqꞌuin ja kach tak aj Israel ja recꞌo pa tak tinamit quixin ja winak ja ma e aj Israel ta, la triꞌ nbe wiꞌ chi neꞌertijoj ja ma e aj Israel ta?

Hechos 14:1

Ja cꞌa Pablo rachbil Bernabé ja tok xeꞌekaj chipan ja tinamit Iconio xeꞌoc chipan ja jay xin molbal riꞌil quixin ja raj Israel. Quemaj rbixic ja utzlaj tzij in congana e qꞌuiy ja winak yukeꞌ quecꞌuꞌx ruqꞌuin ja Jesucristo rmal tanto chique ja raj Israel in chique ja ma e aj Israel ta chakajaꞌ.

Hechos 16:1

Quemaj chic jutij quebey, xebe chipan ja caꞌiꞌ tinamit Derbe in Listra. Ja cꞌa tok xeꞌekaji triꞌ quewil wiꞌ jun alaꞌ Timoteo rubiꞌ. Ja cꞌa Timoteo arjaꞌ ajsamajel rxin ja Jesucristo. Ja ruteꞌ arjaꞌ aj Israel in yukul chic rucꞌuꞌx ruqꞌuin ja Jesucristo pro ja rtataꞌ ma aj Israel ta, griego.

Hechos 17:4

Ja cꞌa raj Israel ecꞌoli chique yukeꞌ quecꞌuꞌx ruqꞌuin ja Jesucristo in xeꞌoc cachbil ja Pablo in Silas. Ecꞌo juleꞌ griego ja nqueban respetar ja Dios e qꞌuiy chique yukeꞌ quecꞌuꞌx ruqꞌuin ja Jesucristo chakajaꞌ. Ecꞌo juleꞌ ixokiꞌ ja nimak quekꞌij e qꞌuiy chique queriꞌ queban chakajaꞌ.

Hechos 20:21

Xixnpaxbaj ewanojel chi ix wach tak aj Israel chi ma ix aj Israel ta, xinbij chewe chi rjawaxic neqꞌuex ja renaꞌoj in nenimaj ja Dios in nyukeꞌ ecꞌuꞌx ruqꞌuin ja kajaw Jesucristo.

Hechos 21:28

Quemaj rakic quechiꞌ, quewaꞌ quibij chique ja winak riꞌ: —Achiꞌiꞌ ja rix kach tak aj Israel, katoꞌoꞌ kiꞌ. Jawaꞌ jun achi riꞌ benak nojel nat nakaj chi quitijoxic ja winak pro xa ma utz ta ja tijonem ja nuyaꞌ chique. Como arjaꞌ xa itzel ntzijon tre ja katinamit, xa itzel ntzijon tre ja kaley in tre ja katemplo riꞌ chakajaꞌ. In ma ruyon tariꞌ pro ecꞌo juleꞌ achiꞌiꞌ ercojonto chipan ja templo pro ma e aj Israel ta in ixix bien ewotak chi xajan neꞌoqui winak chipan awaꞌ santilaj templo riꞌ ja wi ma e aj Israel ta, xecheꞌ chique.

Hechos 8:27

Yictaji ja Felipe in be. Kas cꞌa rmajon binem ja tok cꞌo jun achi xutzꞌat pon cꞌo chipan jun careta ja chararan cumal quiej. Ja cꞌa rachi arjaꞌ aj Etiopía, jun achi eunuco neꞌxi. Nim rukꞌij ja rachi como arjaꞌ ocnak tesorero chipan ja gobierno rxin ja Candace ja reina xin Etiopía. Ja rachi arjaꞌ rbanon jun viaje pa Jerusalén ja bar xuyaꞌ wiꞌ rukꞌij ja Dios

Romanos 1:16

Queriꞌ nbij chewe como ja utzlaj tzij xin Cristo, anin ma qꞌuixbal ta nnaꞌ nyaꞌ rbixic. Ma qꞌuixbal ta como ja utzlaj tzij xin Cristo jariꞌ ja nimlaj poder xin Dios, nerutoꞌ ja winak chipan ja quil quemac, nerutoꞌ xa nak ta chi winakil ja nyukeꞌ quecꞌuꞌx ruqꞌuin ja Jesucristo. Cuqꞌuin ja raj Israel xekaj wiꞌ rbixic nabey in chakajaꞌ ntajini nekaji camic cuqꞌuin ja ma e aj Israel ta.

Romanos 10:12

in queriꞌ nbij como xa ok jun chwach ja Dios wi ok aj Israel owi ma ok aj Israel ta como ja kajaw Jesucristo arjaꞌ kajaw chi nimlaj kanojelal. Arjaꞌ nuyaꞌ ja mebaꞌil xin Dios chique xa nak ta chi winakil ja necꞌutun quitoꞌic tre.

Gálatas 2:3

Ejeꞌeꞌ chꞌobtaj cumal ja xinbij chique como ja Tito ja wachbil arjaꞌ ma aj Israel ta in tok laj ban puersa tre chi nba̱n circuncidar pro nixtacꞌa yataj ta lugar chique chi queban ta circuncidar.

Gálatas 3:28

Xa ix jun chic chi ix aj Israel chi ma ix aj Israel ta, chi ix esclavo chi ix libre, chi ix achiꞌiꞌ chi ix ixokiꞌ, xa ix jun chic ewanojelal como xa jun chic ebanon ruqꞌuin ja Cristo Jesús.

Colosenses 3:11

Xa ok jun kanojelal ja kucꞌan jawaꞌ cꞌacꞌa cꞌaslemal ja cꞌa xinbij kaj chewe riꞌ wi ok aj Israel owi ma ok aj Israel ta, wi okbanon circuncidar owi ma okbanon ta circuncidar, wi makocowini noktzijon pa griego, wi congana lawuloꞌ ja tinamit ja rokpenak wiꞌ, wi ok libre owi ok esclavo, pro xa ok jun kanojelal ja kucꞌan ja cꞌacꞌa cꞌaslemal como ja Cristo arjaꞌ nqꞌuejeꞌ pa tak kanma kanojelal in nuban jun chake, solo Cristo ja nim rukꞌij.