San Juan 12:17 - Tz'utujil (Ja Cꞌacꞌa Chominem)

¹⁷ Triꞌ ecꞌo wiꞌ juleꞌ winak ja xetzꞌato rxin ja Jesús tok xuyic ja Lázaro chiquicojol ja camnakiꞌ, ejeꞌeꞌ quetzꞌat ja xuban ja tok xbij tre ja Lázaro chi nelto chipan ja jul ja bar mukun wiꞌ. Jawaꞌ winak riꞌ ejeꞌeꞌ quimajon rbixic chique ja juleꞌ chic winak ja quetzꞌat.

Tz'utujil NT

¹⁷ Tzra' ec'ol wa' jle' jxetz'towa rxin Jesús tak xuyic Lázaro chquecjol cnomki' y j-e' xecc'axaj nak xbij tzra Lázaro che nel ta chpam jul abar mkun wa'. J-ewra wnak xquemaj rbixic chca jle' chic wnak njelal je xquetz'et.

San Juan 12:17 Iomraidhean Croise

San Juan 1:19

Ja Juan arjaꞌ xeta̱kel juleꞌ achiꞌiꞌ ruqꞌuin cumal ja raj Israel chi necꞌaxax tre nak ja rocnak wiꞌ. Pa Jerusalén xeꞌelel wiꞌ ja rachiꞌiꞌ, juleꞌ chique e sacerdote in juleꞌ chic chique e levita. Ja tok xeꞌekaj ruqꞌuin ja Juan quewaꞌ quibij tre riꞌ: —¿Nak chi at achiꞌal? xecheꞌ tre.

San Juan 1:32

In xbij chic chique: —Anin xintzꞌat ja rEspíritu Santo penak chicaj caniꞌ jun ajsakaxicꞌ kajto trij in qꞌuejeꞌ ruqꞌuin.

San Juan 1:34

in caniꞌ xbij chwe ni queriꞌ xintzꞌat in camic nbij chewe chi jalaꞌ jun achi leꞌ arjaꞌ ja Ralcꞌwal Dios. Queriꞌ xbij ja Juan chique ja winak.

San Juan 11:31

Ja cꞌa raj Israel ja recꞌo pa jay ruqꞌuin ja María chi ryukbaxic rucꞌuꞌx tok quetzꞌat chi yictaji alnak ja María in be ejeꞌeꞌ xetreꞌel trij chakajaꞌ in quewaꞌ quibij chibil tak quiꞌ riꞌ: —Triꞌ nbe wiꞌ ja bar mukun wiꞌ ja camnak, triꞌ neꞌokꞌ chi wiꞌ, xecheꞌe.

San Juan 11:42

Pro anin bien wotak chi ni nacꞌwaxaj wiꞌ ja ncꞌutuj chawe xarwariꞌ quewaꞌ nbij chawe camic utzcꞌa ja winak ja quimolon quiꞌ riꞌ ejeꞌeꞌ nquicꞌaxaj ja nintajini nbij chawe in nquinimaj chi atat attakyonpi wxin, neꞌ tre ja Tatixel.

San Juan 12:9

Congana e qꞌuiy chique ja raj Israel tok quicꞌaxaj chi cꞌo chic pa Betania ja Jesús, triꞌ xebe wiꞌ nequitzꞌataꞌ rwach pro ma ruyon ta ja Jesús como cꞌo quigana nequitzꞌataꞌ rwach ja Lázaro chakajaꞌ. Jariꞌ mismo Lázaro ja yataj tre rmal ja Jesús chi cꞌastaji chiquicojol ja camnakiꞌ.

San Juan 19:35

Jawaꞌ ja bantaji riꞌ anin xintzꞌat ruqꞌuin nwach in ja xintzꞌat jariꞌ nyaꞌon chic rbixic in bien wotak chi ni katzij wiꞌ in camic nbij chic chewe utzcꞌa chi nenimaj ixix chakajaꞌ.

San Juan 21:24

Jariꞌ mismo discípulo arjaꞌ ntajini nkꞌalasaj nojel awaꞌ ja bantaji riꞌ, arjaꞌ tzꞌibyon nojel ja cꞌo chipan awaꞌ jun libro riꞌ in bien kotak chi ni katzij wiꞌ ja nbij.

Hechos 1:22

Ja cꞌa tok ban bautizar ja Jesús rmal ja Juan Bautista ecꞌo kuqꞌuin triꞌ in tok joteꞌ chilaꞌ chicaj nij ecꞌo wiꞌ kuqꞌuin chakajaꞌ. Ja camic rjawaxic chi cꞌo jun chique nchaꞌi chi noc kach apóstol in nel chi rbixic nak rbanic ja rcꞌastajic ja Jesús. Queriꞌ xbij ja Pedro chique.

Hechos 5:32

Nojel ja cꞌa kabij kaj chewe riꞌ jariꞌ katzꞌaton in kacꞌaxan in chakajaꞌ ja rEspíritu Santo arjaꞌ rmajon rkꞌalasaxic chi ni katzij wiꞌ. Ja Dios arjaꞌ rtakonto ja rEspíritu Santo kuqꞌuin kanojel ja nokniman rxin. Queriꞌ quibij ja rapóstol chique.

Apocalipsis 1:2

Anin nyaꞌon testigoꞌil trij ja rtzobal Dios, nyaꞌon testigoꞌil trij ja kꞌalasan rmal ja Jesucristo, nojel ja xintzꞌat nyaꞌon testigoꞌil trij.