San Juan 12:16 - Tz'utujil (Ja Cꞌacꞌa Chominem)

¹⁶ Pro ja cꞌa rdiscípulo ja Jesús ejeꞌeꞌ xa matichꞌobtaj cumal nabey nojel awaꞌ wariꞌ ja ntajini nuban ja Jesús. Ja tok cꞌastaji ja Jesús chiquicojol ja camnakiꞌ in tok joteꞌ chilaꞌ chicaj cꞌa tokocꞌariꞌ chꞌobtaj cumal in xurkaj chique chi tzꞌibtal can ojer chipan ja rtzobal Dios nojel awaꞌ wariꞌ ja xuban ja Jesús in caniꞌ tzꞌibtal can ni queriꞌ ja ban tre.

Tz'utujil NT

¹⁶ Per je rdiscípulo Jesús mesquier nch'obtaja cmal nabey njelal jawrara je ntajina nuban Jesús. Tak xc'astaja Jesús chquecjol cnomki' y tak xojte'a chcaj c'jara' xch'obtaja cmal y xerkaja pquewá' jtz'iban cana ojer chpam rtzojbal Dios je njelal jxuban Jesús, ajni' tz'iban cana y ncara' xba'na tzra.

San Juan 12:16 Iomraidhean Croise

Marcos 16:19

Ja cꞌa kajaw Jesús tok tzuri tzij rmal cuqꞌuin ja rdiscípulo arjaꞌ cꞌamarel chilaꞌ chicaj, xetzꞌabeꞌ pa riquikꞌaꞌ ja Dios.

Marcos 9:32

Pro ja rejeꞌeꞌ ma xchꞌobtaj ta cumal ja xbij chique in xa nquixbej quiꞌ xtiquicꞌaxaj ta tre nak rbanic.

San Lucas 18:34

Ja cꞌa rapóstol ejeꞌeꞌ nixtacꞌa chꞌobtaj ta jutzꞌit cumal ja juleꞌ tzij riꞌ, xa wawan chiquewach, ma xoc ta pa tak quixquin.

San Lucas 24:25

Ja cꞌa Jesús quewaꞌ xbij chique riꞌ: —Ixix xa matichꞌobtaj emwal nojel ja quibin can ja rojer tak profeta xin Dios, ma nojel ta ecꞌuꞌx ma nojel ta ewanma eniman nojel ja tzꞌibtal can cumal chipan ja rtzobal Dios.

San Lucas 24:45

Cꞌacꞌariꞌ xuchꞌob más chiquewach ja rtzobal Dios,

San Lucas 9:45

Pro ja rejeꞌeꞌ xa ma xchꞌobtaj ta cumal ja xbij chique, xa wawan chiquewach utzcꞌa chi matichꞌobtaj cumal nak rbanic. Ja rejeꞌeꞌ xa nquixbej quiꞌ xtiquicꞌaxaj ta tre nak rbanic.

San Juan 12:23

Ja cꞌa Jesús tok xcꞌaxaj ja bix tre quewaꞌ xbij chique riꞌ: —Camic ja Ralcꞌwalaxel ja xoc alaxic cuqꞌuin ja winak xurwilaꞌ ja tiempo chi congana nya̱ꞌ rukꞌij.

San Juan 14:26

Pro ja cꞌa tok ma incꞌo chi ta checojol tokocꞌariꞌ cꞌo chi na jun nta̱kpi na ewqꞌuin chi etoꞌic jariꞌ ja rEspíritu Santo. Arjaꞌ nta̱kto na rmal ja Nataꞌ in pa nubiꞌ anin tok xtitakto. Arjaꞌ xticꞌutu chic chewach nojelal, arjaꞌ nnatan chic chewe nojel ja nbin can chewe.

San Juan 16:4

Nojel awaꞌ ja xinyaꞌ pon rbixic chewe riꞌ utzcꞌa tok xtibantaji quewaꞌ nebij riꞌ: —Ja cꞌawaꞌ bin can chake rmal ja Jesús, xquixcheꞌ na. Ma xinbij ta chewe nabey nojel awaꞌ wariꞌ como cꞌa incꞌo na checojol.

San Juan 17:5

Camic Nataꞌ, tayaꞌaꞌ chwe chi queriꞌ nkaban chic awqꞌuin pa gloria ja caniꞌ kabanon nabey ja tok majaꞌn titzꞌucarsaxi ja rwachꞌulew, congana nim nukꞌij triꞌ. Tayaꞌaꞌ chwe chi ninbe chic jutij awqꞌuin pa gloria ja bar nkꞌalajin wiꞌ chi congana nim nukꞌij.

San Juan 2:22

Ja cꞌa tok cꞌastajnak chic chiquicojol camnakiꞌ bien xurkaj chique ja rdiscípulo ja rbin can tre ja templo chi xa chi oxiꞌ kꞌij nuyic chi wiꞌ jutij. Quinimaj ja tzꞌibtal can chipan ja rtzobal Dios ojer in quinimaj chakajaꞌ ja tzij ja rbin can ja Jesús.

San Juan 7:39

Queriꞌ xbij chique como jariꞌ nnatbej rxin ja rEspíritu Santo ja nyataj na chique ja winak ja yukul quecꞌuꞌx ruqꞌuin ja Jesús. Pro ja rEspíritu Santo majaꞌn titakto triꞌ como ja Jesús majaꞌn tibe ruqꞌuin ja Tatixel pa gloria.

Hechos 2:33

Cꞌacꞌariꞌ jotbax chilaꞌ chicaj rmal ja Dios in yataj tre rmal ja Tatixel chi xutakto ja rEspíritu Santo waweꞌ chwachꞌulew ja caniꞌ tzujun tre ojer. Ja cꞌa rixix, ja remajon rtzꞌatic camic in ja remajon rcꞌaxaxic jariꞌ Espíritu Santo banowi.

Hechos 2:36

Rmalcꞌariꞌ tok nbij chewe, ja Jesús arjaꞌ rip chwa cruz como ixix xixcꞌutuni ja camíc trij pro jariꞌ mismo Jesús cojon chic rmal ja Dios como Rajaw nojelal, cojon chic rmal como Cristo. Bien tewotakij ja cꞌa xinbij chewe riꞌ in bien ticotakij chakajaꞌ ja kach tak aj Israel pro ni canojelal. Queriꞌ xbij ja Pedro chique.

Hechos 3:13

Ja Dios quixin ja rAbraham, ja rIsaac in Jacob, ja Dios quixin ja katiꞌt kamamaꞌ arjaꞌ bien xkꞌalasaj chi congana nim rukꞌij ja Jesús ja Ralcꞌwal. Pro ixix xejach ja Jesús pa quekꞌaꞌ ja kꞌetol tak tzij. Ja Pilato arjaꞌ rajoꞌ ta xsokpijel pro ma xewajoꞌ ta ixix.

Hebreos 12:2

Katzꞌelwachij cꞌa ja Jesús, arjaꞌ nwinakarsani ja yukulbal kacꞌuꞌx ruqꞌuin ja Dios in arjaꞌ ntzꞌakatsan na chakajaꞌ. Arjaꞌ cꞌo jun nimlaj quicotemal rayben chewiꞌ tok ma xpokonaj ta camsax chwa cruz, jariꞌ congana qꞌuixbal pro xucochꞌ nojel ja ban tre. Ja cꞌa camic janiꞌ chi la kas nim rukꞌij, ja bar tzꞌubul wiꞌ ja katataꞌ Dios triꞌ tzꞌubul wiꞌ ja Jesús chakajaꞌ pa riquikꞌaꞌ.

Hebreos 8:1

Queriꞌ cꞌa rbanic ja lokꞌlaj sacerdote kaxin, jariꞌ ja más na rjawaxic chi nchꞌobtaj emwal. Arjaꞌ cꞌa chilaꞌ chicaj xekaj wiꞌ, triꞌ xetzꞌabeꞌ wiꞌ pa riquikꞌaꞌ ja bar tzꞌubul wiꞌ ja Dios.