San Juan 12:10 - Tz'utujil (Ja Cꞌacꞌa Chominem)

¹⁰ Ja cꞌa jefe quixin sacerdote ejeꞌeꞌ quemol quiꞌ chi rchomarsaxic nak nqueban tre ja Lázaro chi nquicamsaj arjaꞌ chakajaꞌ.

Tz'utujil NT

¹⁰ J-e' c'a cjefe sacerdote xquemol qui' che rchumsic nak nqueban tzra Lázaro che neccamsaj chka'.

San Juan 12:10 Iomraidhean Croise

San Mateo 12:14

Ja cꞌa fariseo ejeꞌeꞌ xebe, xequimoloꞌ quiꞌ in quemaj rchꞌobic nak nqueban tre ja Jesús chi nquicamsaj.

San Mateo 2:16

Ja cꞌa Herodes tok xutzꞌat chi ban can tre ni mta cumal ja magos congana kuluj rmal ja ryewal. Xuyaꞌel jun orden chi necamsaxi ja racꞌalaꞌ ja tak alaꞌiꞌ ja recꞌo pa Belén in chakajaꞌ ja recꞌo pa tak lugar chinakaj ja Belén. Canojel ja quimajon jujun cacaꞌ tak quijunaꞌ necamsaxi. Como ja Herodes bin tre cumal ja magos nak tiempo kas winakarnakto ja chꞌumil jariꞌ tiempo xoc rbase jaruꞌ tak quijunaꞌ ja necamsaxi.

San Lucas 16:31

Ja cꞌa rAbraham quewaꞌ xbij chic tre riꞌ: —Ja wi matiqueyaꞌ quixquin tre ja rtzobal Dios ja tzꞌibtal can rmal ja Moisés in cumal ja juleꞌ chic profeta jariꞌ ni maqueniman wiꞌ chakajaꞌ masqui cꞌo jun camnak xticꞌastaj chiquicojol ja camnakiꞌ, neꞌ tre. Queriꞌ ja cꞌambal tzij ja xbij ja Jesús chique.

San Juan 11:57

Ja cꞌa jefe quixin sacerdote e cachbil ja fariseo cꞌo chic jun orden quiyaꞌon, quewaꞌ nbij ja orden riꞌ: —Xa nak ta xtotakini bar cꞌo wiꞌ ja Jesús tiyaꞌaꞌ rbixic chake. Queriꞌ queban utzcꞌa chi nquechap ja Jesús in nquecoj preso.

San Juan 12:11

Queriꞌ queban como rumac ja Lázaro chewiꞌ tok e qꞌuiy chique ja cach tak aj Israel xeꞌelel cuqꞌuin ejeꞌeꞌ in yukeꞌ chic quecꞌuꞌx ruqꞌuin ja Jesús.

San Juan 12:9

Congana e qꞌuiy chique ja raj Israel tok quicꞌaxaj chi cꞌo chic pa Betania ja Jesús, triꞌ xebe wiꞌ nequitzꞌataꞌ rwach pro ma ruyon ta ja Jesús como cꞌo quigana nequitzꞌataꞌ rwach ja Lázaro chakajaꞌ. Jariꞌ mismo Lázaro ja yataj tre rmal ja Jesús chi cꞌastaji chiquicojol ja camnakiꞌ.