San Juan 11:55 - Tz'utujil (Ja Cꞌacꞌa Chominem)

⁵⁵ Xa nnakajinto ja nmakꞌij quixin ja raj Israel rbinaꞌan pascua. E qꞌuiy ja winak ja tok xajalal majaꞌn terilaꞌ ja nmakꞌij xeꞌelto pa tak quitinamit, xebe pa Jerusalén chi rbanic juleꞌ costumbre ja nquichꞌachꞌojirsbej pon quiꞌ caniꞌ nrajoꞌ ja quireligión.

Tz'utujil NT

⁵⁵ Y xyamer nerla' k'ij rxin jun nimlaj nimk'ij, pascua rubi'. Tak q'uemja'na terla' k'ij rxin nimk'ij e q'uiy je' wnak xe'el ta chpam quetnamet, xeba chpam tnamet Jerusalén e bnoy jle' ccostumbre ch-utz c'ara' nque'oca e ch'ajch'oj ajni' nrajo' creligión.

San Juan 11:55 Iomraidhean Croise

San Mateo 26:1

Ja Jesús ja tok bitaj rmal nojel awaꞌ juleꞌ tzij riꞌ cꞌacꞌariꞌ xbij chic chique ja rdiscípulo:

San Mateo 26:2

—Ixix ewotak chi xa caꞌiꞌ kꞌij chic nrajoꞌ ja ncꞌu̱l wiꞌ ja nmakꞌij pascua in anin ja rin Alcꞌwalaxel ja xinoc alaxic cuqꞌuin ja winak ninjach na pa quekꞌaꞌ ja netzelan wxin chi ninrip chwach cruz, neꞌ chique.

Marcos 14:1

Xa caꞌiꞌ kꞌij chic cꞌo wiꞌ ja nmakꞌij pascua ja tok ntiji ja caxlanway ja mta levadura ruqꞌuin. Ja cꞌa jefe quixin sacerdote e cachbil ja maestro ja netijon quixin ja winak tre ja ley xin Dios ejeꞌeꞌ quimajon rcanoxic rij rwach nak nqueban tre ja Jesús chi nquechap pan ekal in nquicamsaj.

San Lucas 22:1

Xcꞌa nnakajinto ja nmakꞌij ja tok ntiji ja caxlanway ja mta levadura ruqꞌuin jariꞌ nmakꞌij pascua neꞌxi.

San Juan 12:1

Wakiꞌ kꞌij cꞌo chi wiꞌ ja nmakꞌij pascua tok be chic jutij ja Jesús pa Betania ja bar cꞌo wiꞌ ja Lázaro. Jariꞌ mismo Lázaro ja yataj tre rmal ja Jesús chi cꞌastaj chiquicojol camnakiꞌ.

San Juan 13:1

Xerilaꞌ ja pispra rxin ja nmakꞌij pascua. Ja cꞌa Jesús arjaꞌ rotak chi xurwilaꞌ ja hora chi nuyaꞌ can ja rwachꞌulew in nmeloj ruqꞌuin ja Tatixel. Caniꞌ rbanonto chique ja rdiscípulo waweꞌ chwachꞌulew nij erajoꞌonto wiꞌ in niquirwariꞌ xuban can chic chique, cꞌoli ja xcꞌutbej chic chiquewach chi ni nerajoꞌ wiꞌ.

San Juan 18:28

Cꞌacꞌariꞌ quecꞌamel chic jutij ja Jesús, xeꞌelel ruqꞌuin ja Caifás xebe chic ja bar cꞌo wiꞌ ja jay rxin ja gobernador. Kas nsakari xebe. Ja cꞌa tok xeꞌekaji ma xeꞌoc ta chipan ja jay como cꞌo jun costumbre quiniman chi jun aj Israel xajan wi noc pa jay ruqꞌuin jun winak ja ma rach aj Israel ta. In jun chic quiniman, wi xatoqui pa jay ruqꞌuin jariꞌ xajan chic natiꞌ ja ntiꞌi cumal ja raj Israel chipan ja nmakꞌij pascua.

San Juan 2:13

Ja tok nnakajinto ja nmakꞌij pascua quixin ja raj Israel be ja Jesús pa Jerusalén.

San Juan 2:6

Triꞌ cꞌo wiꞌ wakiꞌ rcꞌolbal tak yaꞌ, abaj ocnak, ja jujun cꞌo la wukuꞌ waxakiꞌ cucuꞌ yaꞌ nbe chipan. Ja rsamaj noc wiꞌ ja yaꞌ jariꞌ banbal quicostumbre ja raj Israel ja nquichꞌachꞌojirsbej nakun jeꞌe ja caniꞌ nrajoꞌ ja quireligión chi nqueban.

San Juan 5:1

Xerilaꞌ chic jun ja nmakꞌij ja ncꞌu̱l cumal ja raj Israel in be ja Jesús pa Jerusalén.

San Juan 6:4

Xa nnakajinto ja nmakꞌij pascua ja ncꞌu̱l cumal ja raj Israel.

Hechos 21:24

Ja cꞌa naban, queꞌacꞌamaꞌel ja kachꞌalal in tejoskꞌij ewiꞌ ja caniꞌ nrajoꞌ ja kareligión. Atat ta xcattojowi nojel ja gasto ja xtiqueban. Cꞌacꞌariꞌ necowini nquichꞌupuj ja rsamal quewiꞌ ja caniꞌ nrajoꞌ ja kareligión. Quirtariꞌ naban utzcꞌa chi canojel nqueyaꞌ cuenta chawe chi atat chakajaꞌ nanimaj ja ley xin Moisés in ma katzij ta ja nbix chawe cumal ja winak ja quimajon atzijoxic.

Hechos 21:26

Ja cꞌa Pablo arjaꞌ xerucꞌamel ja quijiꞌ kachꞌalal. Ja cꞌa chi rcab kꞌij quijoskꞌij quiꞌ ja caniꞌ nrajoꞌ ja quireligión. Cꞌacꞌariꞌ xoc chipan ja templo, xerbij chique ja sacerdote chi ja costumbre xin joskꞌinem cꞌa chi wukuꞌ kꞌij xtiban wiꞌ cumplir tokoriꞌ tok cꞌoli ja xtiquitzujuj chwach ja Dios chiquijujunal ja caniꞌ nrajoꞌ ja quireligión.

Hechos 24:18

Kas nmajon rtzujuxic ja wofrenda chipan ja nimlaj templo xin Dios ja tok ecꞌo juleꞌ wach tak aj Israel ja repenak pa tak tinamit ja cꞌo pa rcuenta Asia, ejeꞌeꞌ xinquewil, kas tzur mwal ja rjoskꞌixic wiꞌ ja caniꞌ nrajoꞌ ja kareligión. Pro ma ecꞌo ta winak ja xenumol ta nixtacꞌa cꞌo ta chꞌaꞌoj xintic ta chakajaꞌ.

1 Corintios 11:28

Pro mejor ja neban, tecꞌambajaj kaj ja rewanma eyon janiꞌ ebanon chejujunal, cꞌa tokocꞌariꞌ utz netij ja caxlanway rachbil ja vino.

Santiago 4:8

Quixtiloc ruqꞌuin ja Dios in arjaꞌ chakajaꞌ ntiloc ewqꞌuin. Ja rix ajꞌil ja rix ajmaquiꞌ rjawaxic chi neyaꞌ can ja ritzelal. Ja rixix ja xa cacaꞌ ecꞌuꞌx rjawaxic chi nechꞌachꞌojirsaj ja rewanma.