San Juan 11:4 - Tz'utujil (Ja Cꞌacꞌa Chominem)

⁴ Ja cꞌa Jesús tok xcꞌaxaj ja xebix tre quewaꞌ xbij riꞌ: —Ja yobil tre ja Lázaro ma camíc ta rcꞌamonto pro ja rcꞌamonto quewariꞌ, triꞌ nkꞌalajin na wiꞌ chi ja Dios arjaꞌ congana rchokꞌakꞌ in congana nim rukꞌij, in jun chic, congana nya̱ꞌ na rukꞌij ja Ralcꞌwal Dios rmal, neꞌe.

Tz'utujil NT

⁴ Ja' Jesús tak xc'axaj jxebixa tzra cawra xbij: —Jyubil rc'an Lázaro majo'n cmic rec'mon ta, jrec'mon ta jara' che tzra' ntz'e't wa' che Dios congan rchuk'a' y nim ruk'ij, y chka' congan nya' na ruk'ij Rlec'wal Dios rmal.

San Juan 11:4 Iomraidhean Croise

San Juan 10:38

Pro wi xin nataꞌ Dios ja samaj ja nmajon rbanic tenimaj cꞌa chi rxin arjaꞌ masqui matiyukeꞌ ecꞌuꞌx wqꞌuin anin. Queriꞌ nwajoꞌ chewe utzcꞌa chi newotakij na chi ja Tatixel xa jun rbanon wqꞌuin in anin chakajaꞌ xa jun nbanon ruqꞌuin utzcꞌa chi nyukeꞌ ecꞌuꞌx wqꞌuin. Queriꞌ xbij chique.

San Juan 11:40

—¿La ma xinbij ta cꞌa chawe ja wi nyukeꞌ acꞌuꞌx wqꞌuin natzꞌat na chi ja Dios congana rchokꞌakꞌ in congana nim rukꞌij? neꞌe ja Jesús tre.

San Juan 12:28

Xarwariꞌ nbij chawe Nataꞌ, takꞌalasaj chiquewach ja winak chi congana nim akꞌij atat. Queriꞌ xbij ja Jesús. Cꞌacꞌariꞌ cꞌo jun kulaj cꞌaxaxi penak chilaꞌ chicaj quewaꞌ xbij riꞌ: —Jariꞌ nkꞌalasan chic in nkꞌalasaj chi na más chakajaꞌ, neꞌe ja kulaj rxin ja Tatixel.

San Juan 17:1

Ja Jesús tok bitaj rmal ja tzij riꞌ caꞌy chicaj in xumaj chic rbanic oración, quewaꞌ xbij tre ja Tatixel riꞌ: —Nataꞌ, camic xurwilaꞌ ja hora, tabanaꞌ cꞌa chwe ja nakꞌalasbej chiquewach ja winak chi congana nim nukꞌij ja rin Alcꞌwalaxel, queriꞌ ta naban chwe utzcꞌa chi anin natnkꞌalasaj chic atat chiquewach chakajaꞌ chi congana nim akꞌij.

San Juan 17:10

Canojel ja re wxin anin e awxin atat chakajaꞌ, canojel ja re awxin atat e wxin anin chakajaꞌ. Como xa jun kabanon cuqꞌuin chewiꞌ tok ruqꞌuin ja quicꞌaslemal ntzꞌattaj wiꞌ chi janila nim nukꞌij.

San Juan 17:5

Camic Nataꞌ, tayaꞌaꞌ chwe chi queriꞌ nkaban chic awqꞌuin pa gloria ja caniꞌ kabanon nabey ja tok majaꞌn titzꞌucarsaxi ja rwachꞌulew, congana nim nukꞌij triꞌ. Tayaꞌaꞌ chwe chi ninbe chic jutij awqꞌuin pa gloria ja bar nkꞌalajin wiꞌ chi congana nim nukꞌij.

San Juan 2:11

Jawaꞌ nabey milagro xuban ja Jesús, pa Caná xuban wiꞌ ja cꞌo pa rcuenta Galilea, jawaꞌ xcꞌutbej chiquewach ja rdiscípulo chi congana nim rukꞌij in yukeꞌ quecꞌuꞌx ruqꞌuin.

San Juan 5:23

Queriꞌ rbanon ja Tatixel utzcꞌa chi xtiyaꞌ na rukꞌij ja Ralcꞌwalaxel cumal canojelal ja winak ja caniꞌ nba̱n arjaꞌ tre ja Tatixel. Ja wi matayaꞌ rukꞌij ja Ralcꞌwalaxel jariꞌ matayaꞌ rukꞌij ja Tatixel chakajaꞌ como ja Tatixel arjaꞌ takyonto rxin ja Ralcꞌwalaxel.

San Juan 8:54

Ja cꞌa Jesús xbij chique: —Ja ranin wixta xa nyaꞌ nojoj nukꞌij nuyon jariꞌ mta noc wiꞌ pro ja Nataꞌ arjaꞌ nyoꞌ nukꞌij in ixix nebij tre ja Nataꞌ chi arjaꞌ Dios ewxin.

San Juan 9:24

Cꞌacꞌariꞌ xecꞌamar chic jutij ja rachi ja moy nabey in quewaꞌ quibij tre riꞌ: —Chwach Dios tabij ja kas mero rubey como ajoj kotak chi ja rachi rbinaꞌan Jesús arjaꞌ xa il mac ja nuban, xecheꞌ tre.

San Juan 9:3

Ja cꞌa Jesús xbij chique: —Ma queriꞌ ta, ma ril ta arjaꞌ chewiꞌ tok rbanon quelaꞌ nixtacꞌa quil rtataꞌ ruteꞌ chakajaꞌ. Quelaꞌ rbanon ja rachi leꞌ utzcꞌa chi cꞌo jun nimlaj samaj xin Dios nkꞌalajin na ja tok xtitzuri.

Romanos 11:11

Queriꞌ cꞌa queban ja tinamit Israel, ma xquewil ta ja totajem xin Dios pro ¿la tibij cꞌa tzij ariꞌ chi ni mchita wiꞌ chomtajic chiquij? ¿La queriꞌ ja rchominto ja Dios? Jariꞌ ma queriꞌ ta pro quewaꞌ rbanic riꞌ. Ja raj Israel tok ma xquinimaj ta ja Jesucristo rmalcꞌariꞌ tok xekaj chic rbixic ja totajem xin Dios cuqꞌuin ja winak ja ma e aj Israel ta. Queriꞌ rchominto ja Dios utzcꞌa chi ja raj Israel pokon xtiquenaꞌ rmal utzcꞌa chi npi chic jutij quigana chi nquinimaj ja Jesucristo.

Filipenses 1:11

Kas ta xtinoji pa tak ewanma nojel rwach ja rutzil xin Dios ja nyataj chake rmal ja Jesucristo, kas ta xtiyaꞌ rukꞌij ja Dios cumal winak emwal.

Filipenses 1:20

Ja kas ngana anin maquita cꞌoli nak ta xtinban ja xtinyabej ta nuqꞌuix chwach ja Dios pro ni ta cow wiꞌ xquinpeꞌi chi ryaꞌic rukꞌij ja Jesucristo. Ja caniꞌ nbanonto jotolto ni ta quirwariꞌ xtinban chic camic chakajaꞌ. Ja wi nincꞌaseꞌ na más rmal ta ja ncꞌaslemal xtiyaꞌ ta rukꞌij ja Cristo owi nincami rmal ta ja ncamic xtiyaꞌ ta rukꞌij chakajaꞌ.

1 Pedro 1:21

Rmal ja Cristo chewiꞌ tok yukul chic ecꞌuꞌx ruqꞌuin ja Dios. Jariꞌ mismo Dios ja xuyaꞌ tre ja Cristo chi cꞌastaji chiquicojol ja camnakiꞌ in xuyaꞌ tre chakajaꞌ chi congana nim chic rukꞌij. Rmalcꞌariꞌ tok ruqꞌuin ja Dios yukul wiꞌ ecꞌuꞌx, rmalcꞌariꞌ chakajaꞌ tok ewotak chi ja Dios arjaꞌ nyowi ja rutzil ja rewayben.

1 Pedro 4:11

Ecꞌoli chewe quicochin tre ja Dios chi necowini nqueyaꞌ mensaje, kas turkaj chique chi rtzobal Dios ja nquecoj, ma quinaꞌoj ta winak ja nquecoj. In chakajaꞌ ecꞌoli ja yatajnak chique chi necowini nequetoꞌ winak, kas turkaj chique chi ja Dios arjaꞌ yoyon chique chi necowini nequetoꞌ. Rmal ja Jesucristo chewiꞌ tok qꞌuiy rwach ja yatajnak chewe ja recochin tre ja Dios, tebanaꞌ cꞌa nojelal chi nyabex rukꞌij. Ni ta xtiyaꞌ wiꞌ rukꞌij, ni ta xtinatax wiꞌ chi pa rukꞌaꞌ cꞌo wiꞌ nojelal camic, chwak in chijutij. Amén.

1 Pedro 4:14

Ja wi rmal ja yukulbal ecꞌuꞌx ruqꞌuin ja Cristo tok nixtzꞌuji in tok nixyokꞌi jariꞌ cꞌoli rcꞌamonto chewe. Ja wi queriꞌ nba̱n chewe jariꞌ ni kꞌalaj wiꞌ chi cꞌol ewqꞌuin ja lokꞌlaj Espíritu Santo xin Dios. Ja nebano pokon chewe ejeꞌeꞌ xa itzel netzijon tre ja rEspíritu Santo pro ja rixix neyaꞌ rukꞌij.