San Juan 11:38 - Tz'utujil (Ja Cꞌacꞌa Chominem)

³⁸ Jutij chic ja Jesús congana junwiꞌ xunaꞌ rumac bis in be ja bar mukun wiꞌ ja Lázaro. Cꞌo jun jul cꞌoton chwach jun jayuꞌ, chipan mukun wiꞌ in tzꞌapin ruchiꞌ tre jun nimlaj abaj.

Tz'utujil NT

³⁸ Wjic chic ja' Jesús junwa' xuna' rmal bis y xba abar mkun wa' Lázaro. C'ola jun jul c'ton chwech jun jyu', chpam mkun wa' y tz'apin ruchi' tzan jun nimlaj abaj.

San Juan 11:38 Iomraidhean Croise

San Mateo 27:60

Ja cꞌa tok bartaj rmal xeryaꞌaꞌ chipan jun panteón cꞌacꞌa rxin arjaꞌ ja rcꞌoton chwach jun portales in xtzꞌapij ruchiꞌ tre jun nimlaj abaj. Cꞌacꞌariꞌ be.

San Mateo 27:66

Cꞌacꞌariꞌ xebe, quichomij ja rabaj ja tzꞌapben ruchiꞌ ja panteón, bien seguro queban tre in xequeyaꞌ can ja guardia chi rchajixic.

Marcos 15:46

Cꞌacꞌariꞌ ja José xulokꞌ jun tziak, be xerkajsaj ja cuerpo rxin ja Jesús chwach cruz in xubar pa jun utzlaj tziak. Ja cꞌa tok bartaj rmal xeryaꞌaꞌ chipan jun panteón ja cꞌoton chwach jun portales in xtzꞌapij ruchiꞌ tre jun nimlaj abaj.

Marcos 8:12

Ja cꞌa Jesús tok xcꞌaxaj ja bix tre, arjaꞌ congana bison cumal in quewaꞌ xbij chique riꞌ: —¿Nak tre tok ixix ja rixcꞌo chipan awaꞌ tiempo riꞌ necꞌutuj jun milagro chwe ja xa necꞌambajbej wxin? Ni katzij wiꞌ ja xtinbij chewe riꞌ, ja rixix ja rixcꞌo chipan awaꞌ tiempo riꞌ mta jun milagro xtinban ta chewach ja caniꞌ necꞌutuj chwe, neꞌ chique.

San Lucas 24:2

Ja tok xeꞌekaji quetzꞌat chi lasan chic ja rabaj ja tzꞌapben ruchiꞌ ja panteón.

San Juan 11:33

Ja cꞌa Jesús tok xutzꞌat ja María chi rmajon okꞌej in ja juleꞌ chic aj Israel e rachbil chakajaꞌ quimajon okꞌej arjaꞌ congana junwiꞌ xunaꞌ, congana xkꞌututuj riꞌ ja ranma rmal bis

San Juan 20:1

Ja cꞌa xin domingo be ja María Magdalena ja bar mukun wiꞌ ja Jesús, chanim be, cꞌa kꞌekuꞌm na. Ja cꞌa tok xekaji xutzꞌat ja nimlaj abaj ja tzꞌapben ruchiꞌ ja panteón, junwiꞌ yaꞌon pon chi wiꞌ.