San Juan 11:25 - Tz'utujil (Ja Cꞌacꞌa Chominem)

²⁵ Ja cꞌa Jesús xbij tre: —Pro nij anin wiꞌ ninyico quixin ja winak chipan ja camíc, nij anin wiꞌ ninyowi ja utzlaj cꞌaslemal ja mta qꞌuisic trij. Xa nak ta ja yukul rucꞌuꞌx wqꞌuin arjaꞌ masqui cami pro jariꞌ ma chijutij ta, ncꞌaseꞌ chi na jutij.

Tz'utujil NT

²⁵ Jesús cawra xbij tzra: —Per anen quenycowa cxin wnak chpam cmic, anen quenyowa utzlaj c'aslemal je rxin junlic. Nak ykula ruc'u'x wq'uin, mesque ncoma per jara' mjunlic ta, nec'se' chna jmul.

San Juan 11:25 Iomraidhean Croise

San Lucas 23:43

Ja cꞌa Jesús xbij tre: —Ni katzij wiꞌ ja xtinbij chawe riꞌ, chipan awaꞌ jun kꞌij ja rokcꞌo wiꞌ riꞌ ok caꞌiꞌ awqꞌuin nokbe chipan ja utzlaj lugar ja bar cꞌo wiꞌ quicotemal, neꞌ tre.

San Juan 1:4

Arjaꞌ Yoꞌl cꞌaslemal in ja cꞌaslemal nuyaꞌ jariꞌ caniꞌ jun nimlaj luz. Jariꞌ luz ni rsakirsanto wiꞌ quebey ja winak ojer

San Juan 14:19

Xajalal majaꞌn quinbe. Ja cꞌa tok xquinbe maquinquetzꞌat chic ja winak ja xa ruqꞌuin rwachꞌulew yukul wiꞌ quecꞌuꞌx pro ja rixix ninetzꞌat chi na. Como anin wcꞌan ja utzlaj cꞌaslemal ja mta qꞌuisic trij rmalariꞌ newcꞌaj na ixix chakajaꞌ ja utzlaj cꞌaslemal ja mta qꞌuisic trij.

San Juan 14:6

—Pro anin cꞌa ja rin bey, wqꞌuin anin niltaj wiꞌ nojelal ja ni katzij wiꞌ ja ni majun engaño rcꞌan in anin ninyowi ja utzlaj cꞌaslemal ja mta qꞌuisic trij. Mta jun nak ta xtekaj ta ruqꞌuin ja Tatixel ja maquita yukul rucꞌuꞌx wqꞌuin.

San Juan 3:16

Ja Dios congana nerajoꞌ canojelal ja winak rmalcꞌariꞌ tok xutakto waweꞌ chwachꞌulew ja Ralcꞌwal, xarariꞌ jun. Queriꞌ xuban utzcꞌa chi canojelal ja winak ja xtiyukeꞌ quecꞌuꞌx ruqꞌuin ejeꞌeꞌ maquetakel chipan ja rpokonal, nyataj na chique jun utzlaj cꞌaslemal ja ni mta wiꞌ qꞌuisic trij.

San Juan 3:36

Ja wi nyukeꞌ acꞌuꞌx ruqꞌuin ja Ralcꞌwalaxel jariꞌ awcꞌan chic ja utzlaj cꞌaslemal ja ni mta wiꞌ qꞌuisic trij. Pro ja wi matanimaj ja Ralcꞌwalaxel jariꞌ ni matawil wiꞌ ja utzlaj cꞌaslemal in ni cꞌo wiꞌ ryewal ja Dios chawij.

San Juan 5:21

Ja Tatixel neruyic camnakiꞌ in nuyaꞌ cꞌacꞌa cꞌaslemal chique in queriꞌ cꞌa nuban ja Ralcꞌwalaxel chakajaꞌ, arjaꞌ nuyaꞌ cꞌacꞌa cꞌaslemal chique ja winak xa nak ta chi winakil ja cꞌo rgana nuyaꞌ chique.

San Juan 5:26

Queriꞌ rbanic como ja Tatixel Yoꞌl cꞌaslemal in ryaꞌon tre ja Ralcꞌwalaxel chi arjaꞌ Yoꞌl cꞌaslemal chakajaꞌ

San Juan 6:35

—Anin cꞌariꞌ ja rin way, anin ninyowi ja utzlaj cꞌaslemal ja mta qꞌuisic trij. Ja winak ja nyukeꞌ quecꞌuꞌx wqꞌuin jariꞌ ni mchita wiꞌ waꞌal xtiquetij ta nixtacꞌa chakichiꞌ ta chakajaꞌ.

San Juan 6:44

Canojel ja winak ja neꞌurkaj wqꞌuin chi nyukeꞌ quecꞌuꞌx wqꞌuin ni majun chique ja xta ruyon nurkaji, ni rjawaxic wiꞌ chi necꞌa̱mto rmal ja Tatixel ja takyonpi wxin. Pro ja neꞌurkaj wqꞌuin, ja tok xterilaꞌ ja qꞌuisbal tiempo anin ninyico quixin chipan ja camíc canojelal.

Hechos 3:15

Xecamsaj ja Jesús ja Yoꞌl cꞌaslemal pro ja Dios arjaꞌ xuyaꞌ tre chi cꞌastaji chiquicojol camnakiꞌ. Jariꞌ katzꞌat ruqꞌuin kawach in kamajon rbixic camic.

Romanos 4:17

Caniꞌ tzꞌibtal can chipan ja rtzobal Dios quewaꞌ xbij ja Dios tre ja rAbraham riꞌ: —Ja camic atncojon chi at tatixel quixin juleꞌ tinamit pro nij e qꞌuiy, neꞌ tre. Jariꞌ Dios ja yukeꞌ wiꞌ rucꞌuꞌx ja rAbraham, jariꞌ Dios nyoꞌ quicꞌaslemal camnakiꞌ in cꞌo jeꞌe ja majaꞌn tibantaji pro arjaꞌ ntzijon tre caniꞌ bantajnak chic como rotak pon chic chi nbantaj na.

Romanos 8:2

Ja poder rxin ja rEspíritu Santo jariꞌ inwasyonel libre. Jariꞌ Espíritu ja yoyon chake jun cꞌacꞌa cꞌaslemal kanojel ja xa jun kabanon ruqꞌuin ja Cristo Jesús in xcꞌa rmal ja poder rxin ja rEspíritu Santo chewiꞌ tok in libre chic pa rukꞌaꞌ ja il mac, in libre chic pa rukꞌaꞌ ja camíc.

1 Corintios 15:18

in ni ta xebe wariꞌ pa kꞌakꞌ chakajaꞌ ja camnakiꞌ ja yukul quecꞌuꞌx ruqꞌuin ja Cristo tok xecami.

1 Corintios 15:29

Pro wi maticꞌastaj quewach ja camnakiꞌ nak la nquechꞌob ja winak ja neba̱n bautizar pa quiqꞌuexwach camnakiꞌ. Ja cꞌa wi maticꞌastaj quewach ja camnakiꞌ ¿nak cꞌa tre tok ecꞌoli ja neba̱n bautizar pa quiqꞌuexwach?

2 Corintios 4:14

Queriꞌ nbij chewe como bien kotak chi ja Dios arjaꞌ nokruyic na chipan ja camíc. Como ja Dios arjaꞌ yico rxin ja kajaw Jesús chipan ja camíc in nokruyic na ajoj chipan chakajaꞌ rumac ja xa jun kabanon ruqꞌuin ja Jesús in nuyaꞌ na chake chi nokekaj na chwach pro ix kachbil chic triꞌ chakajaꞌ.

Filipenses 1:23

Xarwariꞌ cꞌo ngana nincami in nineqꞌuejeꞌ ruqꞌuin ja Cristo jariꞌ más chi na utz ja nnaꞌ anin.

Filipenses 3:10

Queriꞌ nwajoꞌ anin utzcꞌa chi bien nwotakij janiꞌ rnaꞌoj ja wajaw Jesucristo utzcꞌa chi bien nwotakij nak rbanic ja poder xin Dios pro jun poder ja cꞌaso rxin ja Jesucristo chiquicojol camnakiꞌ. Anin nwajoꞌ nwachbilaj ja Jesucristo chi rtijic ja rpokonal, nwajoꞌ nwachbilaj chipan ja rcamic

1 Tesalonicenses 4:14

Caniꞌ kaniman chi cami ja Jesús in cꞌastaji queriꞌ cꞌa kaniman chique chakajaꞌ ja yukul quecꞌuꞌx ruqꞌuin ja Jesús ja re camnak chic, caniꞌ waram quibanon in Dios nuyaꞌ na chique chi nerachbilajto ja Jesús ja tok xtipi chic jutij.

Apocalipsis 1:18

Anin ja nij incꞌas wiꞌ, xincami pro ja camic tatzꞌataꞌ mpeꞌ incꞌas chic in ni mchita wiꞌ camíc chwij, amén. In cꞌo nukꞌaꞌ tre ja camíc in cꞌo nukꞌaꞌ tre chakajaꞌ ja lugar ja bar nqꞌuejeꞌ wiꞌ canma ja camnakiꞌ.

Apocalipsis 20:5

Kas cꞌa ejeꞌeꞌ walaꞌ ja xecꞌastaji nabey chipan ja camíc. Ja cꞌa juleꞌ chic camnakiꞌ jariꞌ ma xecꞌastaj ta, cꞌa tokoriꞌ xecꞌastaji ja tok tzꞌakati ja jun mil junaꞌ.

Apocalipsis 21:4

Arjaꞌ nusuꞌ riyaꞌl quewach pro ni chi nojelal, mchita camíc nixtacꞌa bis okꞌej ta in nixtacꞌa rpokonal ta chakajaꞌ como nojel ja xa rpokonal rcꞌamonto jariꞌ mchita, kꞌaxi, neꞌe.

Apocalipsis 22:1

Cꞌacꞌariꞌ cꞌo jun binelyaꞌ xucꞌut chinwach, jariꞌ yaꞌ ja rcꞌamonto ja utzlaj cꞌaslemal ja mta qꞌuisic trij. Ja yaꞌ congana chꞌajchꞌoj, natcowini natcaꞌy chipan, puro cristal. Ja lugar ja bar nelto wiꞌ ja rkan yaꞌ triꞌ ja bar cꞌo wiꞌ ja trono rxin ja Dios in rxin ja Carnelo.

Apocalipsis 22:17

Ja rEspíritu Santo rachbil ja rxjayil ja Carnelo ejeꞌeꞌ quewaꞌ nquibij riꞌ: —Catpeti Jesús, necheꞌe. In chakajaꞌ ja necꞌaxani quirtawaꞌ xtiquibij riꞌ: —Catpeti Jesús, xquecheꞌ ta. Ja winak ja nquenaꞌ chakichiꞌ quepi cꞌa in xa nak ta ja cꞌo rgana npeti tipeti, turtijaꞌ ja yaꞌ ja rcꞌamonto ja utzlaj cꞌaslemal ja mta qꞌuisic trij in xa sipan ja yaꞌ.