San Juan 11:19 - Tz'utujil (Ja Cꞌacꞌa Chominem)

¹⁹ in e qꞌuiy ja raj Israel eꞌurkajnak cuqꞌuin ja Marta in María chi nurquiyukbaꞌ quecꞌuꞌx rmal ja cami ja quixibal.

Tz'utujil NT

¹⁹ E q'uiy je' aj Israel e'ulnak cuq'uin Marta y María che nercyukba' quec'u'x rmal recmic cxibal.

San Juan 11:19 Iomraidhean Croise

San Lucas 10:39

Ja cꞌa Marta cꞌo jun ruchakꞌ, María rubiꞌ. Ja cꞌa María arjaꞌ tzꞌabeꞌoc chwach ja Jesús in xumaj rcꞌaxaxic nojel ja tijonem ja ntajini nuyaꞌ.

San Lucas 10:42

Pro cꞌo jun ja más na ncꞌatzin chawe chi naban ja más na utz jariꞌ ja ntajini nuban ja María camic in majun nak ta xtilasan ta tre ja tijonem ja ntajini ncꞌaxaj, neꞌxi ja Marta rmal ja Jesús.

San Juan 1:19

Ja Juan arjaꞌ xeta̱kel juleꞌ achiꞌiꞌ ruqꞌuin cumal ja raj Israel chi necꞌaxax tre nak ja rocnak wiꞌ. Pa Jerusalén xeꞌelel wiꞌ ja rachiꞌiꞌ, juleꞌ chique e sacerdote in juleꞌ chic chique e levita. Ja tok xeꞌekaj ruqꞌuin ja Juan quewaꞌ quibij tre riꞌ: —¿Nak chi at achiꞌal? xecheꞌ tre.

San Juan 11:1

Cꞌo cꞌa jun achi rbinaꞌan Lázaro aj Betania, arjaꞌ yawajnak. Ja Lázaro arjaꞌ cꞌo jun ranaꞌ rbinaꞌan María in triꞌ cꞌo wiꞌ ja María pa Betania chakajaꞌ rachbil ja Marta ja rnimal.

San Juan 11:31

Ja cꞌa raj Israel ja recꞌo pa jay ruqꞌuin ja María chi ryukbaxic rucꞌuꞌx tok quetzꞌat chi yictaji alnak ja María in be ejeꞌeꞌ xetreꞌel trij chakajaꞌ in quewaꞌ quibij chibil tak quiꞌ riꞌ: —Triꞌ nbe wiꞌ ja bar mukun wiꞌ ja camnak, triꞌ neꞌokꞌ chi wiꞌ, xecheꞌe.

San Juan 11:33

Ja cꞌa Jesús tok xutzꞌat ja María chi rmajon okꞌej in ja juleꞌ chic aj Israel e rachbil chakajaꞌ quimajon okꞌej arjaꞌ congana junwiꞌ xunaꞌ, congana xkꞌututuj riꞌ ja ranma rmal bis

San Juan 11:36

Ja cꞌa raj Israel tok quetzꞌat chi rmajon okꞌej quewaꞌ quibij riꞌ: —Tetzꞌataꞌ mpeꞌ leꞌ, ni kꞌalaj chi congana nrajoꞌ ja Lázaro, xecheꞌe.

San Juan 11:45

Ja cꞌa raj Israel ja cachbilanel ja María ejeꞌeꞌ tok quetzꞌat ja xuban ja Jesús e qꞌuiy chique yukeꞌ chic quecꞌuꞌx ruqꞌuin.

San Juan 11:8

Ja cꞌa rdiscípulo ejeꞌeꞌ quibij tre: —Rabí, ja raj Israel ja recꞌo triꞌ laj waꞌan xatqueqꞌuiak tzaꞌn abaj in ¿nawajoꞌ cꞌa natbe chic jutij triꞌ? xecheꞌ tre.

Romanos 12:15

Ja tok ecꞌoli nequicoti quixquicot ixix cuqꞌuin chakajaꞌ. Ja cꞌa tok ecꞌoli neꞌokꞌi quixokꞌ ixix cuqꞌuin chakajaꞌ.

2 Corintios 1:4

Ja tok nokqꞌuejeꞌ chipan ja rpokonal xa nak ta rpokonal, arjaꞌ ni nyukbaꞌ wiꞌ kacꞌuꞌx. Queriꞌ nuban chake utzcꞌa chi ajoj tok nekatzꞌat ja winak ja recꞌo chipan ja rpokonal xa nak ta rpokonal nokcowini nkayukbaꞌ quecꞌuꞌx ejeꞌeꞌ chakajaꞌ. Caniꞌ nuban ja Dios chake, arjaꞌ nyukbaꞌ kacꞌuꞌx ajoj queriꞌ cꞌa nkaban chique ja winak, ajoj nkayukbaꞌ chic quecꞌuꞌx ejeꞌeꞌ chakajaꞌ.

1 Tesalonicenses 4:18

Ja cꞌawaꞌ xintzꞌibaj riꞌ teyukbabej ecꞌuꞌx chejujunal.

1 Tesalonicenses 5:11

Rmalcꞌariꞌ tok nbij chewe, teyukbaꞌ ecꞌuꞌx in tetoꞌoꞌ ewiꞌ utzcꞌa chi nqꞌuiy más ja yukulbal ecꞌuꞌx ruqꞌuin ja Jesucristo ja caniꞌ emajon rbanic.