San Juan 10:5 - Tz'utujil (Ja Cꞌacꞌa Chominem)

⁵ Pro wi cꞌo jun nsiqꞌuin quixin ja tak carnelo pro wi ma cotak ta rwach jariꞌ maquetreꞌ trij, ja nqueban neꞌanmajel chwach como ma cotak ta quekul ja winak ja re junwiꞌ chi na.

Tz'utujil NT

⁵ Per wc'ola jun nsiq'uina cxin je' carne'l per mcutkin ta rwech majo'n nquetre' el ta tzrij. Je nqueban, jara' nquenanmaj ela chwech perc mcutkin ta rukul next rwech jara' wnak.

San Juan 10:5 Iomraidhean Croise

Marcos 4:24

In xbij chic chique: —Bien teyaꞌaꞌ ewxquin tre ja remajon rcꞌaxaxic. Ja wi congana neyaꞌ ewxquin tre jariꞌ qꞌuiy xtiyataj chewe chi newotakij nowi ma kas ta neyaꞌ ewxquin tre jariꞌ ma kas ta cꞌoli xtiyataj chewe chi newotakij. In ja cꞌa chewe ixix ja remajon rcꞌaxaxic camic más chi na qꞌuiy xtiyataj chewe chi newotakij.

San Lucas 8:18

Rmalcꞌariꞌ tok nbij chewe, bien teyaꞌaꞌ ewxquin tre ja remajon rcꞌaxaxic como ja winak ja cꞌo jeꞌe yatajnak chique ejeꞌeꞌ nyataj na más chique. Ja cꞌa winak ja mta yatajnak chique pro nquechꞌob chi cꞌoli jariꞌ nlasax chique. Queriꞌ xbij ja Jesús chique ja rdiscípulo.

San Juan 10:16

In chakajaꞌ ecꞌo chi na juleꞌ tak ncarnelo ja ma ecꞌo ta chipan awaꞌ corral riꞌ. Jariꞌ neꞌencꞌamaꞌ na, ja cꞌa tok xtiquicꞌaxaj ja nukul ejeꞌeꞌ nqueyaꞌ caso chwe in xa jun moc xtinban chique canojelal in xa jun ajyukꞌ nyukꞌun quixin.

San Juan 10:4

Ja cꞌa tok nelastajpi rmal nucꞌamel quebey in ja tak carnelo ejeꞌeꞌ netreꞌel trij como ejeꞌeꞌ bien cotak rukul chi arjaꞌ yukꞌul quixin.

2 Timoteo 4:3

Como nerilaꞌ na jun tiempo ja tok matiqueyaꞌ chic quixquin ja winak tre ja utzlaj tijonem, xa jaꞌ chic nel quecꞌuꞌx chi rcꞌaxaxic ja mta rcꞌamonto tre ja quicꞌaslemal. Rmalariꞌ tok e qꞌuiy ja winak nequicanoj na juleꞌ maestro ja netijon quixin pro juleꞌ maestro ja xa nqueyaꞌ quigana.

1 Juan 2:19

Ejeꞌeꞌ riꞌ winak ja xeꞌelel chikacojol in xokqueyaꞌ can, bien kꞌalaj chi ma e kachbil ta. Ja wixta e kachbil maquita xokqueyaꞌ can ariꞌ. Ma chaka ta xeꞌeli, triꞌ ntzꞌa̱t wiꞌ chi ni majun chique kachbil ta.

1 Juan 2:21

Anin ntzꞌibajel ja carta chewe riꞌ pro ma rmal ta chi majaꞌn tichꞌobtaj emwal nak rbanic ja utzlaj tzij pro como chꞌobtajnak chic emwal chewiꞌ tok ntzꞌibajel chewe. Ixix bien ewotak chi ja tzꞌakoj tzij ni matucꞌam wiꞌ riꞌ ruqꞌuin ja utzlaj tzij xin Jesucristo.

Apocalipsis 2:2

—Anin bien wotak ja rebanon, wotak chi janila jun cꞌayewalaj samaj xin Dios ja remajon rbanic, wotak chi janila ecochꞌon ewach chipan in wotak chi ni majun egana cuqꞌuin ja ritzel tak winak pro ja rebanon xeꞌecꞌambajaj ja winak ja nebini chi e apóstol pro ma e apóstol ta in xewotakij chi xa e tzꞌakol tak tzij.