San Juan 10:31 - Tz'utujil (Ja Cꞌacꞌa Chominem)

³¹ Ja cꞌa raj Israel jutij chic quisicꞌlaꞌ abaj, laj queqꞌuiak chic ja Jesús tzaꞌn abaj.

Tz'utujil NT

³¹ J-e' c'a aj Israel xquesic' chic abaj y ncajo' neccamsaj Jesús tzra abaj.

San Juan 10:31 Iomraidhean Croise

San Mateo 12:14

Ja cꞌa fariseo ejeꞌeꞌ xebe, xequimoloꞌ quiꞌ in quemaj rchꞌobic nak nqueban tre ja Jesús chi nquicamsaj.

San Mateo 21:35

Ja rajchonlaꞌiꞌ tok xeꞌekaji ja moso cuqꞌuin xequechap, jun quesoc, jun quicamsaj in jun chic queqꞌuiak tzaꞌn abaj.

San Mateo 23:35

Queriꞌ ja nbantaji utzcꞌa chi chewij ixix nkaj wiꞌ ja rtojbalil ja quicamic canojel ja utzlaj tak winak ja recamsanto chwach ja rwachꞌulew. Ja kas nabey Abel ja camsaxi, congana utzlaj winak ja rAbel. In ja cꞌa qꞌuisbex rcamsaxic Zacarías ja rcꞌajol Berequías. Ja Zacarías arjaꞌ camsax cumal ja rewatiꞌt emamaꞌ in ja camsax wiꞌ, chicojol ja templo in ja raltar ja cꞌo chwach ja templo.

San Juan 1:19

Ja Juan arjaꞌ xeta̱kel juleꞌ achiꞌiꞌ ruqꞌuin cumal ja raj Israel chi necꞌaxax tre nak ja rocnak wiꞌ. Pa Jerusalén xeꞌelel wiꞌ ja rachiꞌiꞌ, juleꞌ chique e sacerdote in juleꞌ chic chique e levita. Ja tok xeꞌekaj ruqꞌuin ja Juan quewaꞌ quibij tre riꞌ: —¿Nak chi at achiꞌal? xecheꞌ tre.

San Juan 10:24

Ja cꞌa raj Israel xequimoloꞌ quiꞌ trij in quibij tre: —¿Nak tre tok matabij rubiꞌ chake? Ja wi atat ja rat Cristo ni takꞌalasaj jutzꞌit chikawach, xecheꞌ tre.

San Juan 10:32

Ja cꞌa Jesús xbij chique: —Anin qꞌuiy rwach ja samaj ja utzlaj samaj nbanon chewach ja yatajnak chwe rmal ja Nataꞌ chi xinban. ¿La xa rumac on jun utzlaj samaj xinban xa chewiꞌ tok newajoꞌ ninecamsaj? neꞌ chique.

San Juan 11:8

Ja cꞌa rdiscípulo ejeꞌeꞌ quibij tre: —Rabí, ja raj Israel ja recꞌo triꞌ laj waꞌan xatqueqꞌuiak tzaꞌn abaj in ¿nawajoꞌ cꞌa natbe chic jutij triꞌ? xecheꞌ tre.

San Juan 5:18

Rmalcꞌariꞌ ja tok más chi na quemaj rchꞌobic nak nqueban tre chi nquicamsaj como caꞌiꞌ chic ja ril ja Jesús nquibij. Jun, xuban ja pa xulaꞌnbal kꞌij ja chꞌaꞌoj rij chi nbani, in jun chic, xucoj ja Dios como rtataꞌ in jariꞌ xa njunsbej riꞌ ruqꞌuin ja Dios.

San Juan 8:59

Ja tok xbij queriꞌ chique ejeꞌeꞌ quisicꞌlaꞌ abaj, laj queqꞌuiak tzaꞌn abaj pro ja Jesús arjaꞌ xrawaj riꞌ, xelel chipan ja templo in be.

Hechos 7:52

Como ejeꞌeꞌ ni majun chique ja rojer tak profeta ja maquita queban pokon tre. Xequicamsaj ja profeta ja xeyoꞌ rbixic chi npi na ja Cristo ja ni majun ril rumac. In tok peti ja Cristo ixix xejach pa quekꞌaꞌ ja winak ja netzelan rxin in xecꞌutuj ja camíc trij.