San Juan 10:28 - Tz'utujil (Ja Cꞌacꞌa Chominem)

²⁸ Anin nyaꞌ chique ja utzlaj cꞌaslemal ja mta qꞌuisic trij, ni maquebe wiꞌ chipan ja nimlaj rpokonal in majun nak ta xquelasan ta pa nukꞌaꞌ.

Tz'utujil NT

²⁸ Anen quenya' chca utzlaj c'aslemal rxin Dios je rxin junlic y nmajo'n nqueba ta chpam nimlaj lowlo' com nquetotaja rxin junlic y next jun xtquelsana pnuk'a'.

San Juan 10:28 Iomraidhean Croise

Marcos 13:22

Queriꞌ nbij chewe como ecꞌoli winak ja nepi na, juleꞌ xtiquecoj quiꞌ chi e Cristo in juleꞌ xtiquecoj quiꞌ chi e profeta xin Dios pro ma katzij ta ja nquibij. Ejeꞌeꞌ cꞌo nimak tak milagro xtiqueban, jutzꞌit laj nequeban engañar ja winak ja rechaꞌon rmal ja Dios pro jariꞌ mta moda xquequechꞌec ta.

San Lucas 23:46

Ja cꞌa Jesús arjaꞌ xurak ruchiꞌ, xuban jun oración quewariꞌ: —Nataꞌ, pan akꞌaꞌ atat njach wiꞌ ja wanma, neꞌ tre ja Tatixel. Ja cꞌa tok bitaj queriꞌ rmal ni cam kaj.

San Juan 10:29

Ja Nataꞌ arjaꞌ xeyoꞌ chwe in arjaꞌ más kꞌaxnak chi na rchokꞌakꞌ chiquewach canojelal in majun nak ta xquelasan ta pa rukꞌaꞌ.

San Juan 11:25

Ja cꞌa Jesús xbij tre: —Pro nij anin wiꞌ ninyico quixin ja winak chipan ja camíc, nij anin wiꞌ ninyowi ja utzlaj cꞌaslemal ja mta qꞌuisic trij. Xa nak ta ja yukul rucꞌuꞌx wqꞌuin arjaꞌ masqui cami pro jariꞌ ma chijutij ta, ncꞌaseꞌ chi na jutij.

San Juan 14:19

Xajalal majaꞌn quinbe. Ja cꞌa tok xquinbe maquinquetzꞌat chic ja winak ja xa ruqꞌuin rwachꞌulew yukul wiꞌ quecꞌuꞌx pro ja rixix ninetzꞌat chi na. Como anin wcꞌan ja utzlaj cꞌaslemal ja mta qꞌuisic trij rmalariꞌ newcꞌaj na ixix chakajaꞌ ja utzlaj cꞌaslemal ja mta qꞌuisic trij.

San Juan 17:2

Como atat ayaꞌon chwe chi cꞌo nukꞌaꞌ chique canojelal ja winak. Queriꞌ abanon chwe utzcꞌa chi anin cꞌoli ja utzlaj cꞌaslemal nyaꞌ chique canojel ja winak ja reꞌayaꞌon chwe pro jun utzlaj cꞌaslemal ja mta qꞌuisic trij.

San Juan 18:9

Queriꞌ xbij chique utzcꞌa chi nbantaj cumplir ja tzij ja xbij tre ja Tatixel quewariꞌ: —Ja reꞌayaꞌon chwe ni majun nak ta chique xinban ta perder, neꞌe.

San Juan 3:36

Ja wi nyukeꞌ acꞌuꞌx ruqꞌuin ja Ralcꞌwalaxel jariꞌ awcꞌan chic ja utzlaj cꞌaslemal ja ni mta wiꞌ qꞌuisic trij. Pro ja wi matanimaj ja Ralcꞌwalaxel jariꞌ ni matawil wiꞌ ja utzlaj cꞌaslemal in ni cꞌo wiꞌ ryewal ja Dios chawij.

San Juan 4:14

Pro ja ntijowi ja yaꞌ ja nyaꞌ anin jariꞌ ni mchita wiꞌ jutij nchakij ta ruchiꞌ. Pro ja yaꞌ ja nyaꞌ anin tre jariꞌ congana npulinto pa ranma caniꞌ nuban jun tzꞌuquel yaꞌ in rcꞌamonto tre ja utzlaj cꞌaslemal pro jun cꞌaslemal ja ni mta wiꞌ qꞌuisic trij, neꞌ tre.

San Juan 5:24

Bien tecꞌwaxaj ja xtinbij chewe riꞌ, ja wi cꞌo jun winak nuyaꞌ rxquin tre ja ntzobal in wi yukul rucꞌuꞌx ruqꞌuin ja Tatixel ja takyonpi wxin jariꞌ rcꞌan chic ja utzlaj cꞌaslemal ja ni mta wiꞌ qꞌuisic trij in matitakel chipan ja nimlaj rpokonal, arjaꞌ kꞌaxnakpi chic chipan ja camíc, jariꞌ rwilon chic ja utzlaj cꞌaslemal.

San Juan 6:27

Ixix congana samaj neban chi rcanoxic ja reway pro juleꞌ way ja xa nocꞌowi pro ma xar tawaꞌ samaj teban. Pro ja neban, congana ta nixsamaji chi rcanoxic ja way ja ni mta wiꞌ ocꞌowem nuban, juleꞌ way ja rcꞌamonto ja utzlaj cꞌaslemal ja mta qꞌuisic trij. Ja Ralcꞌwalaxel ja xoc alaxic cuqꞌuin ja winak arjaꞌ nsipan chewe ja way ja cꞌa xinbij chewe riꞌ. Como Dios ja Tatixel arjaꞌ bien rkꞌalasan chic chi arjaꞌ takyonto rxin ja Ralcꞌwalaxel, xecheꞌxi ja winak rmal ja Jesús.

San Juan 6:37

Canojel ja winak ja neyataj chwe rmal ja Tatixel ejeꞌeꞌ neꞌurkaj wqꞌuin in tok neꞌurkaji mta ariꞌ ja maquita nenucꞌul canojelal.

San Juan 6:47

Ni katzij wiꞌ ja xtinbij chic chewe riꞌ, ja winak ja cꞌo yukulbal quecꞌuꞌx wqꞌuin ejeꞌeꞌ cucꞌan chic ja utzlaj cꞌaslemal ja mta qꞌuisic trij.

San Juan 6:68

Ja cꞌa Simón Pedro quewaꞌ xbij tre riꞌ: —Wajaw ¿bar cꞌa nokbe chi wiꞌ? como xa ayon atat natyowi ja tijonem ja rcꞌamonto ja utzlaj cꞌaslemal ja mta qꞌuisic trij

Hechos 7:59

Ja rEsteban kas majtajnak rqꞌuiakic tzaꞌn abaj ja tok cꞌo jun oración xuban: —Wajaw Jesús, atat ta xcatcꞌulu rxin ja wanma, neꞌe.

Romanos 5:17

Rmal ja il mac ja xuban jun achi chewiꞌ tok xoqui ja camíc chakij ja rok winak in xokqꞌuejeꞌ pa rukꞌaꞌ ja camíc. Pro más chi na xtisamaji ja cꞌacꞌa cꞌaslemal ja nyataj chake rmal ja jun chic achi rbinaꞌan Jesucristo. Ja wi nkacochij tre ja Dios ja nimlaj totajem nuyaꞌ, wi Dios nbij chic chake chi: —Utz chic nixnutzꞌat, wi neꞌ chake, jariꞌ nokoc na rach kꞌetol tak tzij ja Jesucristo chipan jun cꞌacꞌa cꞌaslemal ja mta qꞌuisic trij.

Romanos 5:2

In jun chic, como ruqꞌuin ja Jesucristo yukul wiꞌ kacꞌuꞌx rmalariꞌ tok sipan chake jawaꞌ rutzil xin Dios ja cꞌa xinbij kaj chewe riꞌ in cow okpaꞌl chipan. In kotak chakajaꞌ chi nekachbilaj na ja Dios chipan ja utzlaj cꞌaslemal ja cꞌo wiꞌ arjaꞌ in congana nokquicoti chi raybexic.

Romanos 5:21

Queriꞌ cꞌa rbanic utzcꞌa chi nyataj chic chake ja totajem ja nkacochij tre ja Dios utzcꞌa chi pa rukꞌaꞌ chic nokqꞌuejeꞌ wiꞌ. Caniꞌ tre nabey xa pa rukꞌaꞌ ja camíc xokqꞌuejeꞌ wiꞌ in xa nokcam rmal. Pro ja camic utz chic nokrutzꞌat ja Dios in rmalariꞌ arjaꞌ chijutij rmajon rsipaxic chake ja totajem. Queriꞌ cꞌa nuban chake utzcꞌa chi nokeqꞌuejeꞌ na chipan jun utzlaj cꞌaslemal ja mta qꞌuisic trij. Pro xa rmal ja kajaw Jesucristo tok xtiban queriꞌ chake.

Romanos 5:9

Ja Cristo wi conforme xuban queriꞌ chake ja tok cꞌa okcꞌo na chipan ja kil kamac más chi na conforme chi nokrutoꞌ camic. Como ja camic, rumac ja rquiqꞌuel banon chic chake caniꞌ mta kil kamac kabanon in rmalariꞌ tok bien kotak chi ma xtikaj ta chakij ja ryewal Dios como ja Cristo arjaꞌ xtitoꞌo kaxin chipan.

Romanos 6:23

Queriꞌ nbij chewe como ja tok naban ja il mac jariꞌ camíc nattojbexi pro ja tok nacꞌam ja totajem ja nsipaj ja Dios chake jariꞌ nyataj chawe ja utzlaj cꞌaslemal ja ni mta wiꞌ qꞌuisic trij. Jariꞌ nyataj chawe ja tok xa jun naban ruqꞌuin ja kajaw Jesucristo.

Romanos 8:1

Rmalcꞌariꞌ nbij chewe, ja camic chic kanojel ja xa jun kabanon ruqꞌuin ja Cristo Jesús okwasanel chic libre chipan ja kil kamac in ma xkorutakel ta ja Dios chipan ja nimlaj rpokonal. Ajoj cꞌariꞌ ja matikayaꞌ chic rgana ja tzabuklaj cꞌaslemal kucꞌan pro ja nkayaꞌ chic rgana ja rEspíritu Santo chi arjaꞌ nsamaj pa tak kacꞌaslemal.

Romanos 8:29

Arjaꞌ ni rotakinto wiꞌ okchinatak ja xtiyukeꞌ kacꞌuꞌx ruqꞌuin, ni rchominto wiꞌ ja xtuban chake chi ja kacꞌaslemal ajoj queriꞌ xteli ja caniꞌ rcꞌaslemal ja Jesucristo ja Ralcꞌwal. Queriꞌ xuban chake utzcꞌa chi noqui ja Jesucristo nabey winak in ok qꞌuiy ja nokoc rchꞌalal ja Jesucristo.

Filipenses 1:6

Ja katataꞌ Dios arjaꞌ cꞌo jun utzlaj samaj xumajel pa tak ewanma in bien wotak chi arjaꞌ ntzꞌakatsaj na ja samaj tokoriꞌ tok xtipi chic jutij ja Jesucristo.

2 Tesalonicenses 2:13

Pro ixix wachꞌalal congana nixrajoꞌ ja kajaw Jesucristo in congana rjawaxic chi ni nkamaltioxij wiꞌ tre ja Dios emwal rmal ja rebanon como ja tok majaꞌn titzꞌucarsaxi ja rwachꞌulew Dios xixruchaꞌto chi nixtotaji. Xixchꞌachꞌojirsaxi rmal ja rEspíritu Santo, xenimaj ja utzlaj tzij xin Jesucristo jariꞌ nixtobexi.

1 Timoteo 1:16

Pro ja Jesucristo arjaꞌ congana xpokonaj nwach masqui in nimlaj ajꞌil in ajmac chiquewach canojelal ja winak. Arjaꞌ xucuy ja wil numac in jariꞌ xcꞌutbej chiquewach ja winak chi cꞌo rpaciencia chi nerucuy ja rajꞌil ja rajmaquiꞌ. Queriꞌ xuban, xucuy ja wil numac jariꞌ xcꞌutbej chi ni nerucuy wiꞌ ja juleꞌ chic nak xqueniman rxin ja nquewil na ja utzlaj cꞌaslemal ja mta qꞌuisic trij.

2 Timoteo 1:12

Rmalariꞌ tok incꞌo chipan ja rpokonal camic pro ma qꞌuixbal ta nnaꞌ como anin bien wotak rwach chok qꞌuin yukul wiꞌ nucꞌuꞌx in bien wotak chakajaꞌ chi arjaꞌ ni ninruban wiꞌ cuenta tre nojelal ja njachon pa rukꞌaꞌ. Wotak chi niquirwariꞌ nuban chwe in niquirwariꞌ rbanon chwe ja tok xtipi chic jutij.

Hebreos 7:25

Rmalcꞌariꞌ tok ncowini nokrutoꞌ chijutij ja yukul kacꞌuꞌx ruqꞌuin chi arjaꞌ ncojo kaxin chwach ja Dios. Arjaꞌ ni cꞌas wiꞌ chijutij chi rbanic orar pa kacuenta chewiꞌ tok ncowini nokrutoꞌ chijutij.

1 Pedro 1:5

Ja herencia ewxin ixix ja yukul ecꞌuꞌx ruqꞌuin ja Jesucristo in rmal ja yukulbal ecꞌuꞌx tok Dios nixrchajij chi utz. Arjaꞌ ni matuyaꞌ can wiꞌ ja rechajixic in nerilaꞌ na jun kꞌij ja tok xquixtotaji chijutij. Ja retoꞌic chomarsan chic rmal ja Dios jariꞌ nkꞌalajin na ja tok xterilaꞌ ja qꞌuisbal kꞌij xin rwachꞌulew.

1 Juan 1:2

Ja Yoꞌl cꞌaslemal xerilaꞌ ja kꞌij chi ntzꞌattaji, ajoj katzꞌat in camic kamajon rkꞌalasaxic nak rbanic in jariꞌ nkayaꞌ rbixic chewe. Nabey ni cꞌo wiꞌ ruqꞌuin ja Tatixel pro peti xurcꞌutuꞌ kaj riꞌ chikawach.

1 Juan 2:19

Ejeꞌeꞌ riꞌ winak ja xeꞌelel chikacojol in xokqueyaꞌ can, bien kꞌalaj chi ma e kachbil ta. Ja wixta e kachbil maquita xokqueyaꞌ can ariꞌ. Ma chaka ta xeꞌeli, triꞌ ntzꞌa̱t wiꞌ chi ni majun chique kachbil ta.

1 Juan 2:25

In quewaꞌ rtzujun can chake riꞌ, jun utzlaj cꞌaslemal ja mta qꞌuisic trij.

1 Juan 5:11

Ja testigoꞌil xin Dios quewaꞌ nucꞌut chikawach riꞌ, chi arjaꞌ Dios ryaꞌon chake ja utzlaj cꞌaslemal ja mta qꞌuisic trij in ruqꞌuin ja Ralcꞌwal nkawil wiꞌ.

Judas 1:1

Anin in Judas, in ajsamajel rxin ja Jesucristo, in rchꞌalal ja Jacobo. Anin ntzꞌibaj ja carta chewe riꞌ ja rixsiqꞌuin rmal ja Dios, ja rixchaꞌon rmal ja Dios ja Tatixel chi ixocnak ix tinamit rxin, ja bien ixbanon cuenta rmal ja Jesucristo rumac ja xa jun ebanon ruqꞌuin.

Judas 1:21

Ni ta nixqꞌuejeꞌ wiꞌ chipan ja rajoben riꞌil xin Dios in ni ta ja wariꞌ kꞌij ewayben tok xtipi chic jutij ja kajaw Jesucristo ja tok arjaꞌ npokonaj ewach in chijutij nuyaꞌ chewe ja utzlaj cꞌaslemal ja mta qꞌuisic trij.

Judas 1:24

Ja cꞌa Dios arjaꞌ bien ncowini nixrchajij utzcꞌa chi maquixkaj chipan ja il mac, arjaꞌ ncowini nuyaꞌ chewe chi nixpeꞌe chwach in majun nak ta nixchapbexi, ni chwach nixpeꞌe wiꞌ pa gloria in congana jun nimlaj quicotemal nyataj chewe rmal.