San Juan 10:27 - Tz'utujil (Ja Cꞌacꞌa Chominem)

²⁷ Ja tak ncarnelo ejeꞌeꞌ nquicꞌaxaj ja nukul in ninquinimaj, anin nenwajoꞌ, bien wotak janiꞌ quinaꞌoj in ejeꞌeꞌ netreꞌ chwij.

Tz'utujil NT

²⁷ J-e' ch'tak ncarne'l necc'axaj nukul y quencnimaj. Anen congan quenwajo', wutkin ajni' cna'oj y j-e' nquetre'a chwij.

San Juan 10:27 Iomraidhean Croise

San Mateo 16:24

Cꞌacꞌariꞌ ja Jesús xbij chique ja rdiscípulo: —Xa nak ta ja cꞌo rgana nyukeꞌ rucꞌuꞌx wqꞌuin rjawaxic chi matuyaꞌ rgana ja tzabuklaj cꞌaslemal rcꞌan. Rjawaxic chakajaꞌ chi matipokonaj nutij ja rpokonal mwal in ntreꞌel chwij. Jariꞌ caniꞌ jun cruz nya̱ꞌ trij pro matipokonaj nucꞌam ja cruz, nrijkajel in nbe ja bar necamsax wiꞌ.

San Mateo 17:5

Cꞌa rmajon na tzij ja Pedro tok chaka jalal cꞌo juleꞌ sutzꞌ congana ruchꞌaꞌ xermujaj in cꞌo jun kulaj tzijonto chipan, quewaꞌ xbij chique riꞌ: —Jawaꞌ wariꞌ jawaꞌ chakꞌlaj Walcꞌwal, congana ninquicot trij, teyaꞌaꞌ ewxquin tre nak ja nbij arjaꞌ chewe, neꞌe.

San Mateo 25:12

Pro bixto chique rmal ja rachi: —Ni katzij wiꞌ nbij chewe chi ma wotak ta ewach, xecheꞌxi.

San Mateo 7:23

Ja cꞌa ranin quewaꞌ xtinbij chique riꞌ: —Anin ni ma xinwotakij ta wiꞌ ewach, quixel chinwach ix banol tak itzelal, nincheꞌ na chique.

Marcos 10:21

Ja cꞌa Jesús kas xtzꞌelwachij ja rachi in congana nrajoꞌ in quewaꞌ xbij tre riꞌ: —Pro cꞌa cꞌo na ja ma abanon ta. Camic jat, tacꞌayij can nojel ja cꞌol awqꞌuin, ja cꞌa rjil tayaꞌaꞌ can chique ja tak mebaꞌiꞌ. Ja wi queriꞌ naban jariꞌ cꞌoli ja mebaꞌil ja nyataj na chawe chilaꞌ chicaj. Ja tok xtibantaj amwal ja cꞌa xinbij chawe riꞌ catmelojto wqꞌuin in cattreꞌel chwij pro maxta tapokonaj natij rpokonal mwal caniꞌ nuban jun achi rijkan jun cruz, neꞌ tre.

Marcos 8:34

Cꞌacꞌariꞌ ja Jesús xersiqꞌuij pon ja rdiscípulo e cachbil ja juleꞌ chic winak ja recꞌo triꞌ, quewaꞌ xbij chique riꞌ: —Xa nak ta ja cꞌo rgana nyukeꞌ rucꞌuꞌx wqꞌuin rjawaxic chi matuyaꞌ rgana ja tzabuklaj cꞌaslemal rcꞌan. Rjawaxic chakajaꞌ chi matipokonaj nutij ja rpokonal mwal in ntreꞌel chwij. Jariꞌ caniꞌ jun cruz nya̱ꞌ trij pro matipokonaj nucꞌam ja cruz, nrijkajel in nbe ja bar necamsax wiꞌ.

San Lucas 13:27

—Anin nbij chewe chi ma wotak ta ba la ixpenak wiꞌ. Camic quixel chinwach ewanojel ja rix banol tak itzelal, xticheꞌto chic chewe.

San Lucas 9:23

Cꞌacꞌariꞌ xumaj chic tzij cuqꞌuin canojelal, quewaꞌ xbij chique riꞌ: —Xa nak ta ja cꞌo rgana nyukeꞌ rucꞌuꞌx wqꞌuin rjawaxic chi matuyaꞌ rgana ja tzabuklaj cꞌaslemal rcꞌan. Rjawaxic chakajaꞌ chi kꞌij kꞌij ni matipokonaj wiꞌ nutij ja rpokonal mwal in ntreꞌel chwij. Jariꞌ caniꞌ jun cruz nya̱ꞌ trij pro matipokonaj nucꞌam ja cruz, nrijkajel in nbe ja bar necamsax wiꞌ.

San Juan 10:14

Anin in jun ajyukꞌ ja ni katzij wiꞌ chi in utzlaj ajyukꞌ, nenwajoꞌ ja tak ncarnelo in bien wotak janiꞌ quinaꞌoj in queriꞌ quibanon chwe anin chakajaꞌ,

San Juan 10:16

In chakajaꞌ ecꞌo chi na juleꞌ tak ncarnelo ja ma ecꞌo ta chipan awaꞌ corral riꞌ. Jariꞌ neꞌencꞌamaꞌ na, ja cꞌa tok xtiquicꞌaxaj ja nukul ejeꞌeꞌ nqueyaꞌ caso chwe in xa jun moc xtinban chique canojelal in xa jun ajyukꞌ nyukꞌun quixin.

San Juan 10:8

Canojel ja xepeti ja tok majaꞌn quinpit anin in ma pa rchiꞌ corral ta xeꞌoc wiꞌ ejeꞌeꞌ ariꞌ xa e alakꞌomaꞌ in xa e camsanelaꞌ pro ma xyaꞌ ta caso chique cumal ja tak carnelo.

San Juan 12:26

Ja winak ja neniman wxin rjawaxic chi triꞌ nekꞌax wiꞌ ja bar ninkꞌax wiꞌ anin in chakajaꞌ triꞌ neꞌeqꞌuejeꞌ wiꞌ ja bar incꞌo wiꞌ anin. Xa nak ta ja neniman wxin ejeꞌeꞌ nya̱ꞌ na quekꞌij rmal ja Nataꞌ.

San Juan 21:22

—Ja wi cꞌo ngana chi cꞌa cꞌas na arjaꞌ ja tok xquinmeloj chic jutij jariꞌ mta akꞌaꞌ atat tre pro xar ja naban atat, ni quinawachbilaj wiꞌ, neꞌxi ja Pedro rmal ja Jesús.

San Juan 5:25

Bien tecꞌwaxaj ja xtinbij chewe riꞌ, cꞌo jun tiempo nnakajinto, jariꞌ tiempo ni chwach chic okcꞌo wiꞌ riꞌ in chipan ariꞌ tiempo ja winak ja recamnak chwach ja Dios ejeꞌeꞌ nquicꞌaxaj na rukul ja Ralcꞌwal Dios. Ja necꞌaxani ja rukul ejeꞌeꞌ nyataj chique ja utzlaj cꞌaslemal.

San Juan 8:12

Cꞌacꞌariꞌ tzijon chic jutij ja Jesús cuqꞌuin ja winak in xbij chique: —Anin ja rin luz, nenuyaꞌ pa sakil canojelal ja winak ja recꞌo chwachꞌulew. Canojel ja winak ja nyukeꞌ quecꞌuꞌx wqꞌuin ejeꞌeꞌ maqueqꞌuejeꞌ chipan ja kꞌekumal, nyataj chique ja sakil pro jun sakil ja nuyaꞌ chique ja utzlaj cꞌaslemal ja mta qꞌuisic trij. Queriꞌ xbij chique.

San Juan 8:43

¿Nak cꞌa tre tok matichꞌobtaj emwal ja nbij chewe? Matichꞌobtaji como ja ntzobal mta egana necꞌwaxaj.

Hechos 3:23

Xa nak ta ja mta rgana ncꞌaxaj ja nbij ja profeta ejeꞌeꞌ cꞌo jun juicio npi na chiquij in nelasaxi chijutij chiquicojol ja tinamit xin Dios. Queriꞌ rbin can ja Moisés, neꞌe ja Pedro chique.

1 Corintios 8:3

Pro ja wi nawajoꞌ ja Dios jariꞌ natruban reconocer ja Dios chi at rxin.

Gálatas 4:9

Ja cꞌa camic chic ewotak chic rwach ja Dios, o ja más rubey, arjaꞌ xurotakij kaj ewach nabey pro ¿nak cꞌa nechꞌob ja tok nixmeloj chic jutij chewij como nixtajini nenimaj chic juleꞌ costumbre ja rocꞌowinak chic rtiempo pro jariꞌ majun totajem majun utzil rcꞌamonpi ta chewe? Pro cꞌo takaꞌan egana nixoc chic jutij pa rukꞌaꞌ.

2 Timoteo 2:19

Pro ja chake ajoj ja yukul kacꞌuꞌx ruqꞌuin ja Jesucristo, ja rbanon ja Dios chake ok caniꞌ jun jay bien tiquili ja rsimientoꞌil in mta yojtajic trij in caniꞌ tzꞌibtal chwach ja rsimientoꞌil quewariꞌ: —Ja kajaw Dios arjaꞌ rotak quewach ja winak nak chique ja katzij chi e rxin. In chakajaꞌ caniꞌ tzꞌibtali: —Canojel ja winak ja nquibij chi e xin Cristo rjawaxic chi nqueyaꞌ can ja ritzelal, neꞌe.

Hebreos 3:7

Rmalcꞌariꞌ nbij chewe, kayaꞌaꞌ jutzꞌit kaxquin tre ja nbix chipan ja rtzobal Dios rmal ja Espíritu Santo quewariꞌ: —Ja wi camic ntzijoni ja Dios ewqꞌuin tenimaj cꞌa chanim,

Apocalipsis 14:4

Ejeꞌeꞌ riꞌ ja ma emacunnak ta cuqꞌuin ixokiꞌ como ejeꞌeꞌ chꞌajchꞌoj ja quicꞌaslemal. Ejeꞌeꞌ ja ni netreꞌ wiꞌ trij ja Carnelo xa bar ta triꞌ nbe wiꞌ. Xelokꞌi xetotaji chiquicojol ja winak, eꞌocnak e caniꞌ nabey tak cosecha ja ntzujux tre ja Dios in tre ja Carnelo.

Apocalipsis 3:20

Bien tecꞌwaxaj, anin inpaꞌl chuchiꞌ ja puerta rxin ja rewanma in ncꞌoncꞌoꞌoc ja puerta. Xa nak ta ncꞌaxani ja nukul in nujak rpuertaꞌil ja ranma chinwach jariꞌ ninoc chipan ja ranma in xa junan nokwaꞌ ruqꞌuin.