San Juan 10:2 - Tz'utujil (Ja Cꞌacꞌa Chominem)

² Pro ja noqui ja bar wasan can wiꞌ ruchiꞌ ja corral jariꞌ ni katzij wiꞌ chi arjaꞌ yukꞌul quixin ja tak carnelo.

Tz'utujil NT

² Per jnoca abar lsan wa' ruchi' cc'olibal carne'l jara' ne ktzitzij wa' chja' ajyuk'la' cxin.

San Juan 10:2 Iomraidhean Croise

San Mateo 15:11

Ma ja ta ja noc pan achiꞌ ja ntzꞌilorsani ja rawanma pro ja ntzꞌilorsan rxin jariꞌ ja nelto pan achiꞌ, neꞌ chique.

San Juan 10:14

Anin in jun ajyukꞌ ja ni katzij wiꞌ chi in utzlaj ajyukꞌ, nenwajoꞌ ja tak ncarnelo in bien wotak janiꞌ quinaꞌoj in queriꞌ quibanon chwe anin chakajaꞌ,

San Juan 10:7

Ja cꞌa Jesús xbij chic jutij chique: —Anin cꞌariꞌ ja rin rchiꞌ corral ja bar neꞌoc wiꞌ ja tak carnelo.

San Juan 10:9

Anin cꞌariꞌ ja rin rchiꞌ corral, xcꞌa nak ta ja xturkaj wqꞌuin jariꞌ ntotaji in nyataj tre xa nak ta ja ncꞌatzin tre, caniꞌ chique ja tak carnelo ejeꞌeꞌ nyataj chique chi neꞌeli neꞌoqui chipan ja quicorral, tok neꞌelto nquewil ja buen tak kꞌayis in nquetij.

Hechos 20:28

Rmalcꞌariꞌ ja tok nbij chewe, tebanaꞌ cuenta ewiꞌ in queꞌechajij ja kachꞌalal canojelal como yatajnak chewe rmal ja rEspíritu Santo chi neꞌechajij. Queꞌetzukuꞌ tre ja rtzobal Dios como ejeꞌeꞌ e iglesia xin Dios, e rxin chic ja kajaw Jesucristo como arjaꞌ xutix rquiqꞌuel chwach cruz jariꞌ xerlokꞌbej.

1 Timoteo 4:14

Ma tatzꞌilaꞌ ta tabanaꞌ cuenta ja rutzil ja yatajnak chawe rmal ja Dios tokoriꞌ tok ja ranciano xeꞌucꞌax rmal ja Dios in queyaꞌ quekꞌaꞌ pan awiꞌ tokoriꞌ yataj chawe ja rutzil rmal ja Dios chi natoc jun ajsamajel rxin.

Tito 1:5

Anin xatnuyaꞌ can pa Creta utzcꞌa chi nachomij ja ma chomtajnak ta tre ja samaj xin Dios ja majtajnak. In xinbij can chawe chi nojel tinamit ja recꞌo wiꞌ ja kachꞌalal chi neꞌaban nombrar anciano chiquicojol ja nebano cuenta quixin.

Hebreos 13:20

Ja Dios arjaꞌ Yoꞌl quicotemal, arjaꞌ yico rxin ja kajaw Jesús chipan ja camíc. Ja Jesús arjaꞌ lokꞌlaj Pastor, arjaꞌ yukꞌul kaxin ja rok caniꞌ tak rcarnelo. Rmal ja rquiqꞌuel ja xutix chwach cruz chewiꞌ tok queriꞌ rbanon. Jariꞌ quicꞌ yaꞌbal rseguro ja chominem ja ni mta wiꞌ qꞌuisic trij ja chomarsax rmal ja Dios.

1 Pedro 2:25

Ja cꞌa rixix nabey ix caniꞌ juleꞌ tak carnelo ja retzaknak pro ja camic ixcꞌo chic pa rukꞌaꞌ ja Jesucristo, arjaꞌ chic nyukꞌun ewxin, arjaꞌ nixchajini.

1 Pedro 5:4

Ja Jesucristo arjaꞌ jun Pastor arjaꞌ jun ajyukꞌ ja más nim rukꞌij in tok xtipi chic jutij tokoriꞌ xtiyataj chewe ja rtojbalil ja xtiyabex ekꞌij, jun rtojbalil ja mta qꞌuisic trij.

Apocalipsis 1:20

Camic anin nkꞌalasaj chawach nak quibanic ja wukuꞌ chꞌumil ja xeꞌatzꞌat pa wiquikꞌaꞌ in nkꞌalasaj chawach chakajaꞌ nak rbanic ja wukuꞌ candelero ja oro ocnak. Ja wukuꞌ chꞌumil ejeꞌeꞌ riꞌ ja wukuꞌ ángel ja nechajin quixin ja wukuꞌ iglesia in ja wukuꞌ candelero xatzꞌat jariꞌ ja wukuꞌ iglesia, neꞌe ja Jesucristo chwe.