San Juan 10:11 - Tz'utujil (Ja Cꞌacꞌa Chominem)

¹¹ Anin in ajyukꞌ ja ni katzij wiꞌ chi in utzlaj ajyukꞌ. Ja utzlaj ajyukꞌ arjaꞌ matipokonaj ncam pa quicuenta ja tak carnelo.

Tz'utujil NT

¹¹ Anen en ajyuk'la' per ne ktzitzij wa' che en utzlaj ajyuk'la'. Ja utzlaj ajyuk'la' majo'n npoknaj ta ri' ncoma pquecwent ch'tak rcarne'l.

San Juan 10:11 Iomraidhean Croise

San Mateo 20:28

Caniꞌ xuban ja Ralcꞌwalaxel ja xoc alaxic cuqꞌuin ja winak, arjaꞌ pi waweꞌ chwachꞌulew pro ma rmal ta chi nilix cumal winak pro jariꞌ peti chi arjaꞌ noc jun ilinel quixin ja winak. In peti chakajaꞌ utzcꞌa chi arjaꞌ nuyaꞌ riꞌ pa camíc in ja rcamic e janila ja winak nerlokꞌbej chipan ja quil quemac. Queriꞌ xbij ja Jesús chique.

San Juan 10:2

Pro ja noqui ja bar wasan can wiꞌ ruchiꞌ ja corral jariꞌ ni katzij wiꞌ chi arjaꞌ yukꞌul quixin ja tak carnelo.

San Juan 15:13

Ja tok matapokonaj natcam pa quicuenta ja rawamigo jariꞌ bien kꞌalaj chi congana neꞌawajoꞌ, mta jun ajoben riꞌil ja queriꞌ chi ta.

Efesios 5:2

In tewajoꞌ ewiꞌ caniꞌ xuban ja Cristo chake como arjaꞌ xokrajoꞌ, xuyaꞌ riꞌ pa camíc kumal. Ja tok cam pa kacuenta ja Cristo jariꞌ jun ofrenda, jun sacrificio chwach ja Dios in xel rucꞌuꞌx ja Dios trij.

Tito 2:14

Kumal ajoj tok xujach riꞌ pa quekꞌaꞌ ja winak chi camsaxi, xokrutoꞌ chipan ja kil kamac utzcꞌa chi arjaꞌ nchꞌachꞌojirsaj ja kacꞌaslemal. Queriꞌ xuban utzcꞌa chi nokoc tinamit rxin utzcꞌa chi nel kacꞌuꞌx trij ja banoj utzil.

Hebreos 13:20

Ja Dios arjaꞌ Yoꞌl quicotemal, arjaꞌ yico rxin ja kajaw Jesús chipan ja camíc. Ja Jesús arjaꞌ lokꞌlaj Pastor, arjaꞌ yukꞌul kaxin ja rok caniꞌ tak rcarnelo. Rmal ja rquiqꞌuel ja xutix chwach cruz chewiꞌ tok queriꞌ rbanon. Jariꞌ quicꞌ yaꞌbal rseguro ja chominem ja ni mta wiꞌ qꞌuisic trij ja chomarsax rmal ja Dios.

1 Pedro 5:4

Ja Jesucristo arjaꞌ jun Pastor arjaꞌ jun ajyukꞌ ja más nim rukꞌij in tok xtipi chic jutij tokoriꞌ xtiyataj chewe ja rtojbalil ja xtiyabex ekꞌij, jun rtojbalil ja mta qꞌuisic trij.

1 Juan 3:16

Ja Jesucristo arjaꞌ xuyaꞌ riꞌ chi camsax pa kacuenta, triꞌ nkotakij wiꞌ janiꞌ ja rajoben riꞌil. Queriꞌ chake ajoj chakajaꞌ yatal chakij chi matikapokonaj nkayaꞌ kiꞌ pa camíc pa quicuenta ja kachꞌalal.

Apocalipsis 7:17

Queriꞌ xtiqueban como ja Carnelo ja cꞌo mero pa nicꞌaj ja bar cꞌo wiꞌ ja trono arjaꞌ xtiyukꞌun quixin. Arjaꞌ xquerucꞌaj ja bar cꞌo wiꞌ tzꞌuquel tak yaꞌ pro jariꞌ yaꞌ rcꞌamonto ja utzlaj cꞌaslemal. Ja cꞌa Dios arjaꞌ xtisuꞌuwi ja riyaꞌl quewach pro ni nojelal in ni mchita wiꞌ okꞌej xtiqueban. Queriꞌ xbij chwe ja ranciano.