San Juan 10:1 - Tz'utujil (Ja Cꞌacꞌa Chominem)

¹ Cꞌacꞌariꞌ xbij chic: —Ja tzij xtinbij chewe riꞌ ni katzij wiꞌ, tok cꞌo jun nrajoꞌ noc chipan jun corral quixin tak carnelo pro wi ma triꞌ ta noc wiꞌ ja bar wasan can wiꞌ ruchiꞌ ja corral, ja wi xa junwiꞌ njoteꞌ wiꞌ in nkaj chipan jariꞌ xa jun alakꞌom in camsanel chakajaꞌ.

Tz'utujil NT

¹ C'jara' xbij chic: —Ne ktzitzij wa' je' tzij xtenbij chewa camic ra. Tak c'ola jun nrajo' noca chpam cc'olibal ch'tak carne'l per me tzra' ta noc wa' abar lsan wa' ruchi' y xjic nojte'a pe rwá' y nkaj kaja, jara' jun acha xe elk'om y xcamsanel chka'.

San Juan 10:1 Iomraidhean Croise

San Mateo 7:15

Tebanaꞌ cuenta ewiꞌ chiquewach ja winak ja profeta necheꞌxi, pro ma katzij ta chi e profeta. Ejeꞌeꞌ tok neꞌekaj ewqꞌuin nquikꞌalasaj quiꞌ chewach chi majun nak ta itzel nqueban chewe, e caniꞌ tak carnelo netzꞌati pro ja pa tak canma e caniꞌ utiwaꞌ ja maxcoꞌ chi camíc nqueban.

San Juan 10:7

Ja cꞌa Jesús xbij chic jutij chique: —Anin cꞌariꞌ ja rin rchiꞌ corral ja bar neꞌoc wiꞌ ja tak carnelo.

San Juan 3:3

Ja cꞌa Jesús xbij tre: —Ni katzij wiꞌ ja xtinbij chawe riꞌ, ja winak rjawaxic chique chi neꞌalax chic jutij nowi maqueꞌalax chic jutij jariꞌ ni matichꞌobtaj wiꞌ cumal nak rbanic ja natoc chipan ja gobierno xin Dios, neꞌ tre.

Romanos 10:15

In ¿nak moda xquebe ta winak cuqꞌuin chi xtequiyaꞌaꞌ ta rbixic chique ja wi mta netakoꞌel cuqꞌuin? Caniꞌ tzꞌibtal can chipan ja rtzobal Dios, quewaꞌ nbij riꞌ: —Congana quiꞌil ja tok cꞌo jun nekaji chiquicojol winak in numaj rbixic chique ja utzlaj tzij xin Dios ja rcꞌamonto quicotemal, neꞌe.

Romanos 16:18

Ejeꞌeꞌ riꞌ winak ma ja ta ja kajaw Jesucristo nquinimaj pro xa quivoluntad ejeꞌeꞌ nqueban kaj queyon. Congana buen tak tzij nquibij, kas nekꞌoloni pro jariꞌ xa nequibanbej engañar ja kachꞌalal ja re tak sencillo.

Tito 1:11

Jariꞌ winak queꞌakꞌilaꞌ como ejeꞌeꞌ ni pa tak familia nequeyoj ja winak pa tak cochoch, xa itzel tak tijonem nquecꞌut chiquewach. Jariꞌ nquichꞌecbej ja quipwok pro ma utz ta rchꞌaquic nqueban.

Hebreos 5:4

Queriꞌ rbanic ja samaj nuban jun lokꞌlaj sacerdote, congana nim rukꞌij, mta moda ja chaka ta xtamin awiꞌ chipan, Dios na nchaꞌo awxin caniꞌ xuban tre ja Aarón ojer.

1 Pedro 1:10

Ja totajem xin Dios ja rewilon jariꞌ ja rutzil ja rtzujunto ja Dios ojer in tzꞌibtal can cumal ja rojer tak profeta. Ejeꞌeꞌ congana quecoj quiꞌ pa chꞌaꞌoj chi rchꞌobic nak rbanic.

2 Pedro 2:1

Pro ecꞌoli ja profeta ojer chakajaꞌ chiquicojol ja tinamit Israel ja ma Dios ta takyonto quixin in queriꞌ chewe ixix chakajaꞌ newinakar na checojol juleꞌ maestro pro ma katzij ta chi tijonem xin Dios ja nqueyaꞌ. Ejeꞌeꞌ pan awatali xtiquecoj ja ritzel tak tijonem chicojol ja rtzobal Dios, ja cꞌariꞌ tijonem xtiqueyaꞌ xa nyojtaji ja recꞌaslemal rmal. Ejeꞌeꞌ riꞌ winak matiquinimaj chic chi ja Jesucristo xutoj ja quil quemac. Jariꞌ jun nimlaj juicio nquisiqꞌuij chiquij pro mta quinaben ja tok xtikaj chiquij.

2 Pedro 2:3

Ejeꞌeꞌ riꞌ ja ritzel tak maestro xa pwok nquiyarij in rmalariꞌ congana xquixquekꞌol, xtiquibij buen tak tzij chewe ja nquiwasbej ja pwok chewe. Pro ja Dios ojer cꞌo jun juicio rchominto quixin, ejeꞌeꞌ nequilaꞌ na jun kꞌij tok xqueꞌekaj chwach ja rpokonal.

1 Juan 4:1

Chakꞌlaj wachꞌalal, teyaꞌaꞌ ewxquin tre ja xtinbij chewe riꞌ. E qꞌuiy ja winak quipaxin quiꞌ chwachꞌulew ejeꞌeꞌ nquibij chi tijonem xin Dios ja nqueyaꞌ. Pro xa quipayil ja nquibij, ma katzij ta. Rmalcꞌariꞌ tok nbij chewe, ma queꞌenimaj ta canojel ja winak ja nebini chi Espíritu xin Dios ecꞌayon. Pro ja neban, bien teyaꞌaꞌ cuenta chique janiꞌ netzijoni ja wi katzij chi Espíritu xin Dios ecꞌayon owi mani.