San Juan 1:9 - Tz'utujil (Ja Cꞌacꞌa Chominem)

⁹ Jariꞌ luz ja kas mero luz xin Dios pi waweꞌ chwachꞌulew, arjaꞌ ja nsakirsani quewiꞌ canma ja winak canojelal.

Tz'utujil NT

⁹ Je ktzitzij luz rxin Dios xpeta wawe' chwech ruch'lew, arja' nsakersana canm conjelal wnak.

San Juan 1:9 Iomraidhean Croise

San Mateo 6:23

Pro ja cꞌa wi yojtajnak jariꞌ pa kꞌekuꞌm cꞌa cꞌo wariꞌ ja recuerpo pro ni chi jun. In queriꞌ cꞌa tre ja luz ja yatajnak chewe pa tak ewanma, ja wi nchupi jariꞌ congana jun nimlaj kꞌekumal nixqꞌuejeꞌ wiꞌ.

San Lucas 11:36

Ja wi pa luz atcꞌo wiꞌ pro ni chi at jun, ja wi majun kꞌekumal awcꞌan jariꞌ nnojsaxi ja luz pan awiꞌ pan awanma caniꞌ nuban jun candil natruyaꞌ pa sak, neꞌe ja Jesús chique ja winak.

San Juan 1:4

Arjaꞌ Yoꞌl cꞌaslemal in ja cꞌaslemal nuyaꞌ jariꞌ caniꞌ jun nimlaj luz. Jariꞌ luz ni rsakirsanto wiꞌ quebey ja winak ojer

San Juan 1:7

Ja samaj ja yataj tre ja Juan chi nuyaꞌ rbixic nak rbanic ja Ralcꞌwalaxel ja nsakirsan quebey ja winak utzcꞌa chi canojel ja winak tok xtiquicꞌaxaj nyukeꞌ quecꞌuꞌx ruqꞌuin ja Ralcꞌwalaxel.

San Juan 12:46

Anin inpenak waweꞌ chwachꞌulew chi nsakirsaj quebey ja winak chiquewach utzcꞌa xa nak ta chi winakil ja xtiyukeꞌ quecꞌuꞌx wqꞌuin ejeꞌeꞌ maqueqꞌuejeꞌ más chipan ja kꞌekumal.

San Juan 14:6

—Pro anin cꞌa ja rin bey, wqꞌuin anin niltaj wiꞌ nojelal ja ni katzij wiꞌ ja ni majun engaño rcꞌan in anin ninyowi ja utzlaj cꞌaslemal ja mta qꞌuisic trij. Mta jun nak ta xtekaj ta ruqꞌuin ja Tatixel ja maquita yukul rucꞌuꞌx wqꞌuin.

San Juan 15:1

Cꞌacꞌariꞌ xcꞌambej tzij chiquewach, quewaꞌ xbij chique riꞌ: —Wqꞌuin anin nelto wiꞌ ja cꞌaslemal ja katzij chi cꞌaslemal, anin in junan ruqꞌuin ja rkan jun mocaj uva. Ja cꞌa Nataꞌ arjaꞌ junan ruqꞌuin ja nbano cuenta ja uva in njoskꞌij.

San Juan 6:32

Bix chic chique rmal ja Jesús: —Ni katzij wiꞌ ja xtinbij chic chewe riꞌ, ja way ja pi chicaj ma ja ta Moisés yowi, ja nataꞌ Dios arjaꞌ yowi in ja way xin chilaꞌ chicaj ja ni katzij wiꞌ chi way ni ja wiꞌ nataꞌ Dios nyowi chakajaꞌ.

San Juan 7:12

E qꞌuiy ja winak chipan ja nmakꞌij quimajon tzij tre ja Jesús pro kas pan ekal netzijoni. Ecꞌoli chique quewaꞌ nquibij riꞌ: —Congana utzlaj achi ja Jesús, necheꞌe, pro junwiꞌ chi na nquibij juleꞌ chic chique: —Xa neruyoj ja winak, xa neruban engañar, necheꞌe.

1 Juan 1:8

Ja wi nkabij chi mta ja il mac kabanon jariꞌ xa nkaban kaj engañar kiꞌ kayon in ma katzij ta ja nkabij.

1 Juan 2:8

Pro nkabij tre chakajaꞌ chi cꞌacꞌa mandamiento como ja rcꞌaslemal ja Jesucristo nucꞌut chikawach nak rbanic ja nawajoꞌ awiꞌ in queriꞌ tre ja recꞌaslemal ixix chakajaꞌ janiꞌ chi la newajoꞌ ewiꞌ. Queriꞌ nkabij como ja rajoben riꞌil ja rcꞌamonto ja Jesucristo ni katzij wiꞌ chi ruqꞌuin Dios penak wiꞌ, okryaꞌon chic pa sakil caniꞌ nuban kꞌij tok npi rsakaric, ja cꞌa kꞌekumal xin ojer ntajini nqꞌuisi.

1 Juan 5:20

In kotak chakajaꞌ chi ja Jesús ja Ralcꞌwal Dios peti waweꞌ chwachꞌulew in xuyaꞌ chake chi kotakij rwach ja Dios ja katzij chi Dios. In ajoj xa jun kabanon ruqꞌuin ja Dios ja katzij chi Dios in xa jun kabanon ruqꞌuin ja Jesucristo ja Ralcꞌwal, ruyon arjaꞌ ja Dios ja katzij chi Dios, ruyon arjaꞌ nyowi ja utzlaj cꞌaslemal ja mta qꞌuisic trij.