San Juan 1:6 - Tz'utujil (Ja Cꞌacꞌa Chominem)

⁶ Cꞌo cꞌa jun achi tak rmal ja Dios, Juan rubiꞌ.

Tz'utujil NT

⁶ C'o c'a jun acha xta'k ta rmal Dios, Juan rubi'.

San Juan 1:6 Iomraidhean Croise

San Mateo 11:10

Queriꞌ nbij chewe como ja Juan arjaꞌ chomarsani ja bey rxin ja Cristo ja caniꞌ tzꞌibtal can chipan ja rtzobal Dios quewariꞌ: —Anin ntakel ja ntajkoꞌm chi nnabeyaj chawach utzcꞌa chi arjaꞌ nerchomarsaj ja rabey. Queriꞌ bitajnak can rmal ja Dios tre ja Cristo.

San Mateo 21:25

Camic tebij chwe, ja Juan Bautista ¿nak yoꞌ tre ja rsamaj chi neruban bautizar ja winak, la jaꞌ Dios ja cꞌo chilaꞌ chicaj ja yoꞌ tre owi xa winak? xecheꞌxi rmal ja Jesús. Ja cꞌa rejeꞌeꞌ quemaj tzij chibil tak quiꞌ: —Ja wi xtikabij tre chi Dios yoꞌ tre, arjaꞌ nbij chake: —Ja wi queriꞌ ¿nak cꞌa tre tok ma xenimaj ta? neꞌ alaꞌ chake.

San Lucas 1:13

Pro ja ángel quewaꞌ xbij tre riꞌ: —Zacarías, ma taxbej ta awiꞌ como ja Dios arjaꞌ rcꞌaxan ja raworación, ja cꞌa rElisabet ja rawixjayil arjaꞌ cꞌo jun ti ral talaꞌ nqꞌuejeꞌ na chwirukꞌaꞌ. Ja cꞌa tok xtalaxi ja talaꞌ Juan rubiꞌ xtabinaꞌaj tre

San Lucas 1:76

—Ncꞌajol, atat xtibinaꞌax chawe chi at profeta rxin ja nimlaj Dios como atat natnabeyaj na chwach ja Cristo ja kajaw utzcꞌa chi nachomarsaj na rubey chwach ja tok xajalal majaꞌn tumaj ja rsamaj.

San Juan 1:33

Pro ja nabey mta nnaben chi arjaꞌ ja Toꞌonel ja takonto rmal ja Dios pro jariꞌ kꞌalasax chinwach rmal ja Dios. Ja cꞌa Dios arjaꞌ intakyonto chi nenuban bautizar ja winak tre yaꞌ in quewaꞌ xbij chwe riꞌ: —Ja tok xtatzꞌat ja rachi ja xtikajto ja rEspíritu Santo trij in xtiqꞌuejeꞌ ruqꞌuin, arjaꞌ cꞌariꞌ xtibano bautizar quixin ja winak tre ja rEspíritu Santo. Queriꞌ xbij chwe,

San Juan 3:28

Ixix bien xecꞌwaxaj ja tok xinbij chique ja winak chi ma anin ta ja rin Cristo xarwariꞌ intakonto chi nyaꞌ rbixic ja Cristo chi npi na.

Hechos 13:24

Ja Jesús tok majaꞌn tumaj ja rsamaj majtajnak chic rchomarsaxic rubey rmal ja Juan Bautista como ja Juan quewaꞌ nbij chique canojel ja winak ja raj Israel: —Teqꞌuexaꞌ ja renaꞌoj, teyaꞌaꞌ can ja ritzelal in quixban bautizar, neꞌ chique.