San Juan 1:41 - Tz'utujil (Ja Cꞌacꞌa Chominem)

⁴¹ Be chanim ja rAndrés ruqꞌuin ja Simón ja rchꞌalal in quewaꞌ xbij tre riꞌ: —Camic kawil ja Mesías, neꞌ tre. (Mesías tibij tzij Cristo.)

Tz'utujil NT

⁴¹ Ja' Andrés xba alnak ruq'uin rch'alal Simón y cawra xbij tzra: —Camic xkawil Mesías, cara' xbij tzra. (Mesías nbij tzij Cristo.)

San Juan 1:41 Iomraidhean Croise

San Mateo 1:23

—Bien tecꞌwaxaj ja wariꞌ, cꞌo jun kꞌapoj xtan nyawaj na in rmalariꞌ tok nqꞌuejeꞌe jun ti ral talaꞌ. Jariꞌ talaꞌ Emanuel xtibinaꞌax tre. Queriꞌ ja tzꞌibtal can. Emanuel tibij tzij Dios cꞌo kuqꞌuin.

San Lucas 2:17

Ja tok quetzꞌat ja ti yaquiꞌ cꞌacꞌariꞌ quemaj rcholic chiquewach ja winak ja bin can chique rmal ja ángel trewaꞌ ja jun tacꞌal riꞌ.

San Lucas 2:38

Ja cꞌa ti yaquiꞌ Jesús chꞌelen rmal ja Simeón in ni jariꞌ hora peti ja Ana, xmaltioxij tre ja Dios ja cꞌo chic ja Toꞌonel in xlasaj rbixic ja tacꞌal chique canojel ja winak ja quimajon raybexic ja totajem xin Dios triꞌ ja pa Jerusalén.

San Juan 1:45

Be ja Felipe ruqꞌuin ja Natanael in quewaꞌ xbij tre riꞌ: —Camic kawilon chic ja Toꞌonel ja tzꞌibtal can chi npi na, ja tzꞌibtal can chipan ja ley xin Dios rmal ja Moisés in tzꞌibtal can chakajaꞌ cumal ja juleꞌ chic profeta. Ja waꞌan ariꞌ ja Jesús ja raj Nazaret ja rcꞌajol ja José, neꞌ tre.

San Juan 4:25

—Anin wotak chi npi na ja Mesías chi nurchꞌoboꞌ chikawach nojelal nak rbanic, neꞌe ja rixok. (Mesías tibij tzij Cristo.)

Hechos 10:38

Bien ewotak nak xuban ja Jesús ja raj Nazaret chi Dios chaꞌo rxin, xutakto ja rEspíritu Santo ruqꞌuin in congana poder xuyaꞌ tre. Bien ewotak chi be nat nakaj ja Jesús cuqꞌuin ja winak, solo utzil nuban chique in nertzursaj ja quitijon pokon pa rukꞌaꞌ ja diablo. Queriꞌ xuban como ja Dios cꞌo ruqꞌuin.

Hechos 4:27

In ni queriꞌ bantaji ja caniꞌ abin can ojer. Como ja Herodes rachbil Poncio Pilato ejeꞌeꞌ quecꞌam quiꞌ waweꞌ pa Jerusalén chi rcamsaxic ja Jesús ja Santilaj Awalcꞌwal ja racojon como Toꞌonel kaxin ja rok winak. Queriꞌ queban e cachbil ja winak tanto chique ja ma e aj Israel ta in chique ja raj Israel chakajaꞌ.

1 Juan 1:3

Ja katzꞌaton in ja kacꞌaxan jariꞌ nkayaꞌ rbixic chewe utzcꞌa chi ixix jun nixquicot kuqꞌuin rmal como xa jun kabanon ruqꞌuin ja Dios ja Tatixel in chakajaꞌ xa jun kabanon ruqꞌuin ja Jesucristo ja Ralcꞌwal.