San Juan 1:33 - Tz'utujil (Ja Cꞌacꞌa Chominem)

³³ Pro ja nabey mta nnaben chi arjaꞌ ja Toꞌonel ja takonto rmal ja Dios pro jariꞌ kꞌalasax chinwach rmal ja Dios. Ja cꞌa Dios arjaꞌ intakyonto chi nenuban bautizar ja winak tre yaꞌ in quewaꞌ xbij chwe riꞌ: —Ja tok xtatzꞌat ja rachi ja xtikajto ja rEspíritu Santo trij in xtiqꞌuejeꞌ ruqꞌuin, arjaꞌ cꞌariꞌ xtibano bautizar quixin ja winak tre ja rEspíritu Santo. Queriꞌ xbij chwe,

Tz'utujil NT

³³ Per nabey majo'n wutkin ta chja' To'onel je tkon ta rmal Dios per Dios xk'alsaj chenwech. Dios enretkon ta chquenuban bautizar je' wnak tzra ya' y cawra rbin chwa: —Tak xtatz'et acha tak xtkaj ta Espíritu Santo ruq'uin, y Espíritu junlic nec'je'a ruq'uin, ja c'a ra' xtebnowa bautizar cxin je' wnak tzra Espíritu Santo. Cara' xbij chwa.

San Juan 1:33 Iomraidhean Croise

San Mateo 3:11

Anin, yaꞌ ncoj ja nixnbanbej bautizar in tok nixban bautizar jariꞌ retal chi echꞌobon chic chi neqꞌuex ja renaꞌoj in neyaꞌ can ja ritzelal. Pro cꞌo chi na jun penak ja xajalal majaꞌn tumaj ja rsamaj, arjaꞌ más chi na nim ja poder cꞌo pa rukꞌaꞌ chinwach anin. Anin ma yatal ta chwij xquintiloc ta ruqꞌuin nixtacꞌa chi rucꞌaxic ja rxajab. Arjaꞌ nixruban bautizar pro Espíritu Santo in kꞌakꞌ ja nixrbanbej bautizar.

San Lucas 3:16

Rmalcꞌariꞌ ja tok quewaꞌ xbij ja Juan chique canojelal: —Anin, yaꞌ ncoj ja nixnbanbej bautizar pro cꞌo chi na jun penak ja xajalal majaꞌn tumaj ja rsamaj, arjaꞌ más chi na nim ja poder cꞌo pa rukꞌaꞌ chinwach anin. Anin ma yatal ta chwij xquintiloc ta ruqꞌuin nixtacꞌa chi rquiric ja rxajab. Arjaꞌ nixruban bautizar pro Espíritu Santo in kꞌakꞌ ja nixrbanbej bautizar.

San Juan 1:31

Anin nabey mta nnaben chi arjaꞌ ja Toꞌonel ja takonto rmal ja Dios pro rmal arjaꞌ tok inpenak camic, rmal arjaꞌ tok nmajon quibanic bautizar ja winak tre yaꞌ. Queriꞌ nmajon rbanic utzcꞌa chi ajoj ja rok aj Israel nkotakij chi arjaꞌ ja Toꞌonel ja takonto rmal ja Dios, neꞌe ja Juan chique.

San Juan 14:26

Pro ja cꞌa tok ma incꞌo chi ta checojol tokocꞌariꞌ cꞌo chi na jun nta̱kpi na ewqꞌuin chi etoꞌic jariꞌ ja rEspíritu Santo. Arjaꞌ nta̱kto na rmal ja Nataꞌ in pa nubiꞌ anin tok xtitakto. Arjaꞌ xticꞌutu chic chewach nojelal, arjaꞌ nnatan chic chewe nojel ja nbin can chewe.

San Juan 3:34

Dios takyonto rxin ja Ralcꞌwalaxel in como ruqꞌuin ja Dios penak wiꞌ chewiꞌ tok tzij xin Dios ja nbij. Queriꞌ nuban como ja Dios nutakto ja rEspíritu Santo ruqꞌuin in ni nojnak wiꞌ ja rEspíritu Santo pa ranma, majutij ja maquita ucꞌan rmal.

San Juan 3:5

Ja cꞌa Jesús xbij chic tre: —Ni katzij wiꞌ ja xtinbij chawe riꞌ, rjawaxic chi natalax tre yaꞌ in tre ja rEspíritu nowi ma queriꞌ ta naban jariꞌ macatcowini natoc chipan ja gobierno xin Dios.

San Juan 7:39

Queriꞌ xbij chique como jariꞌ nnatbej rxin ja rEspíritu Santo ja nyataj na chique ja winak ja yukul quecꞌuꞌx ruqꞌuin ja Jesús. Pro ja rEspíritu Santo majaꞌn titakto triꞌ como ja Jesús majaꞌn tibe ruqꞌuin ja Tatixel pa gloria.

Hechos 1:5

Ja Juan Bautista arjaꞌ yaꞌ xucoj chi quibanic bautizar ja winak pro ja rixix xajalal majaꞌn terilaꞌ ja tiempo ja tok nixban bautizar tre ja rEspíritu Santo, neꞌe ja Jesús chique.

Hechos 2:4

Cꞌacꞌariꞌ noji ja rEspíritu Santo pa tak canma canojelal in quemaj tzij chipan chic juleꞌ tzobal ja caniꞌ yataj chique chiquijujunal rmal ja rEspíritu Santo.

1 Corintios 12:13

Queriꞌ nbij chewe como xa jun mismo Espíritu Santo xokbanbex bautizar kanojelal, xa jun cuerpo ban chake chi ok aj Israel chi ma ok aj Israel ta, chi ok esclavo chi ok libre, xa jun mismo Espíritu Santo ja xoc pa tak kanma chi nimlaj kanojelal.