San Juan 1:29 - Tz'utujil (Ja Cꞌacꞌa Chominem)

²⁹ Ja cꞌa chi rcab kꞌij ja Juan xutzꞌat pon ja Jesús chi xajalal majaꞌn turkaj ruqꞌuin in quewaꞌ xbij chique ja winak riꞌ: —Tetzꞌataꞌ mpeꞌ ja rachi leꞌ, arjaꞌ noc na caniꞌ jun carnelo ja nba̱n sacrificar chwach ja Dios, arjaꞌ takonto waweꞌ chwachꞌulew rmal ja Dios chi nurchupuꞌ kaj ja kil kamac kanojelal ja rok winak.

Tz'utujil NT

²⁹ Rcab k'ij chic Juan xutz'et pona Jesús per q'uemja'na terkaja ruq'uin y cawra xbij chca wnak: —Tetz'ta' mpa' jala acha, ja c'ala' noca ajni' jun carne'l je nba'na sacrificar chwech Dios, arja' tkon ta rmal Dios wawe' chwech ruch'lew che nerechpu' njelal quil quemac conjelal wnak.

San Juan 1:29 Iomraidhean Croise

San Mateo 1:21

Ja María arjaꞌ nqꞌuejeꞌ na jun ti ral talaꞌ in ja rubiꞌ xtabij tre, Jesús xcatcheꞌ tre. Como ja biꞌaj Jesús tibij tzij Toꞌonel queriꞌ cꞌa ja rubiꞌ xtabij tre como arjaꞌ ntoꞌowi ja rtinamit chipan ja quil quemac, neꞌe ja ángel tre ja José.

San Mateo 20:28

Caniꞌ xuban ja Ralcꞌwalaxel ja xoc alaxic cuqꞌuin ja winak, arjaꞌ pi waweꞌ chwachꞌulew pro ma rmal ta chi nilix cumal winak pro jariꞌ peti chi arjaꞌ noc jun ilinel quixin ja winak. In peti chakajaꞌ utzcꞌa chi arjaꞌ nuyaꞌ riꞌ pa camíc in ja rcamic e janila ja winak nerlokꞌbej chipan ja quil quemac. Queriꞌ xbij ja Jesús chique.

San Juan 1:35

Ja cꞌa chi rcab kꞌij cꞌo chic jutij ja Juan chipan ja lugar e rachbil e caꞌiꞌ rdiscípulo.

San Juan 1:36

Peti ja Jesús, kꞌax cuqꞌuin ja winak. Ja cꞌa Juan tok xutzꞌat ja Jesús quewaꞌ xbij chique ja winak riꞌ: —Tetzꞌataꞌ mpeꞌ ja rachi leꞌ, arjaꞌ noc na caniꞌ jun carnelo ja nba̱n sacrificar chwach ja Dios. Queriꞌ xbij chique.

San Juan 1:43

Ja cꞌa chi rcab kꞌij chic ja Jesús nuchꞌob chi nbe chipan ja departamento Galilea. Cꞌacꞌariꞌ be ruqꞌuin ja Felipe in xbij tre: —Joꞌ, cattreꞌel chwij, neꞌ tre.

San Juan 2:1

Ja cꞌa chi rox kꞌij cꞌo jun cꞌulbic bantaji, ja cꞌa ruteꞌ ja Jesús cꞌo triꞌ. Jariꞌ cꞌulbic bantaj chipan ja tinamit Caná ja cꞌo pa rcuenta Galilea.

San Juan 3:16

Ja Dios congana nerajoꞌ canojelal ja winak rmalcꞌariꞌ tok xutakto waweꞌ chwachꞌulew ja Ralcꞌwal, xarariꞌ jun. Queriꞌ xuban utzcꞌa chi canojelal ja winak ja xtiyukeꞌ quecꞌuꞌx ruqꞌuin ejeꞌeꞌ maquetakel chipan ja rpokonal, nyataj na chique jun utzlaj cꞌaslemal ja ni mta wiꞌ qꞌuisic trij.

San Juan 4:42

In quibij tre ja rixok: —Ja nabey yukeꞌ kacꞌuꞌx ruqꞌuin ja Jesús rmal ja xabij chake pro ja camic más chi na yukul kacꞌuꞌx ruqꞌuin como kacꞌaxaj ja xbij chake in bien kotak chi arjaꞌ ja Cristo ja Toꞌonel kaxin kanojelal ja rok winak, xecheꞌ tre.

San Juan 6:51

Ja way ja nyowi cꞌacꞌa cꞌaslemal, ja way ja kajnakto chilaꞌ chicaj, anin cꞌariꞌ. Jawaꞌ way ja cꞌa xinbij kaj chewe riꞌ, xa nak ta xtitijo rxin jariꞌ ncꞌaseꞌe pro ni chijutij. Cꞌoli way ja xtinyaꞌ chique ja winak waweꞌ chwachꞌulew utzcꞌa chi cꞌo jun cꞌacꞌa cꞌaslemal nyataj chique. Ja way xtinyaꞌ jariꞌ ncuerpo anin. Queriꞌ xbij ja Jesús chique.

Hechos 13:39

Xa nak ta nyukeꞌ rucꞌuꞌx ruqꞌuin ja Jesucristo jariꞌ nwasaxel libre chipan ja ril rumac. Pro ja ley xin Dios ja tzꞌibtal can rmal ja Moisés jariꞌ mta poder rcꞌan chi xcatrlasajel ta chipan awil amac.

Hechos 8:32

Ja rtzobal Dios ja rmajon rsiqꞌuixic ja rachi quewaꞌ nbij riꞌ: —Queriꞌ ban tre ja caniꞌ nba̱n tre jun carnelo ja tok ncꞌamarel chi rcamsaxic. Arjaꞌ ni majun nbij chique ja nebano pokon tre caniꞌ nuban jun ti carnelo ni majun nbij ja tok nchupuxi ja lana rcꞌan.

1 Corintios 15:3

Ja xinchꞌob chewach nabey jariꞌ ja kꞌalasan chic jeꞌe chinwach anin in quewaꞌ rbanic riꞌ. Cami ja Cristo pro rmal kil kamac ja tok cami in ni tzꞌibtal can wiꞌ ojer chipan ja rtzobal Dios chi arjaꞌ ncam na pa kacuenta.

2 Corintios 5:21

Quirtariꞌ neban jutzꞌit como ja Dios arjaꞌ trij ja Cristo xuyaꞌ wiꞌ ja kil kamac ja rok winak pro kumal ajoj tok xuban queriꞌ tre como ja Cristo ni majun ril rumac arjaꞌ. Queriꞌ xuban utzcꞌa tok xa jun kabanon ruqꞌuin ja Cristo jariꞌ utz chic nokrutzꞌat in nuban chic chake caniꞌ mta kil kamac kabanon.

Gálatas 1:4

Ja Jesucristo arjaꞌ xuyaꞌ riꞌ pa camíc, camsax rmal ja kil kamac. Queriꞌ xuban jariꞌ xokrtobej pa rukꞌaꞌ ja ritzelal ja cꞌo chipan awaꞌ tiempo ja rokcꞌo wiꞌ riꞌ in tok xuban queriꞌ jariꞌ ni rvoluntad wiꞌ ja katataꞌ Dios ja xuban.

Gálatas 3:13

Ja nabey cꞌoli ja maldición kajnak chakij rmal ja ma xkaban ta cumplir nojelal ja nbij ja ley chi nkaban pro ja Cristo arjaꞌ xutoj ja kil kamac, xlasaj chakij ja maldición, arjaꞌ xoc chuxeꞌ ja maldición pa kaqꞌuexwach. Ja tok camsaxi ja Cristo chwach cruz cꞌoli ja maldición qꞌuejeꞌ trij caniꞌ tzꞌibtal can chipan ja rtzobal Dios quewariꞌ: —Jun winak xa nak ta chi winakil ja wi njecbax chwach jun cheꞌ chi ncamsaxi jariꞌ retal chi cꞌo maldición trij, neꞌe.

1 Timoteo 2:6

Arjaꞌ xujach riꞌ pa quekꞌaꞌ ja winak chi camsaxi jariꞌ xokrlokꞌbej kanojelal ja rok winak. Ja xuban ja Jesús, Dios ni rchominto wiꞌ ja kꞌij rxin in yaꞌon chic rbixic.

Tito 2:14

Kumal ajoj tok xujach riꞌ pa quekꞌaꞌ ja winak chi camsaxi, xokrutoꞌ chipan ja kil kamac utzcꞌa chi arjaꞌ nchꞌachꞌojirsaj ja kacꞌaslemal. Queriꞌ xuban utzcꞌa chi nokoc tinamit rxin utzcꞌa chi nel kacꞌuꞌx trij ja banoj utzil.

Hebreos 1:3

Caniꞌ tre ja ruchꞌaꞌ kꞌij ruqꞌuin nkatzꞌat wiꞌ nak rbanic ja kꞌij in queriꞌ cꞌa tre ja Ralcꞌwal Dios chakajaꞌ ruqꞌuin nkatzꞌat wiꞌ chi janila nim rukꞌij ja Dios. Ja Dios in ja Ralcꞌwal ni junan quinaꞌoj chi e caꞌiꞌ, ni majun nak ta rjalben ta riꞌ. Ja Ralcꞌwal Dios mta nak ta ja winakarsan jeꞌe ja maquita arjaꞌ chapyon rxin utzcꞌa chi matichictaji in matiyojtaji, ja cꞌa nchapbej jariꞌ ja rtzobal como ja tzij nbij congana poder rcꞌan. Ja cꞌa xuban nabey peti, xokurchꞌachꞌojirsaj chipan ja kil kamac cꞌacꞌariꞌ be chilaꞌ chicaj, xetzꞌabeꞌ pa riquikꞌaꞌ ja nimlaj katataꞌ Dios.

Hebreos 2:17

Rmalcꞌariꞌ tok rjawaxic chi arjaꞌ xoc kach winak, ni junan kabanic ruqꞌuin ja rok rchꞌalal. Chewiꞌ cꞌa tok ncowini nokrucoj chwach ja Dios. Chewiꞌ tok xoc jun lokꞌlaj sacerdote, ncowini npokonaj kawach in ni nuban wiꞌ cumplir ja samaj xin Dios. Queriꞌ xuban utzcꞌa chi cowini xchomij ja kil kamac chwach ja Dios.

Hebreos 9:28

Queriꞌ cꞌa tre ja Cristo chakajaꞌ ma qꞌuiylaj mul ta cami ja tok camsax pa kacuenta. Xa jutij cami pro ok qꞌuiy ja xokrutoꞌ, ma jun ta, xrijkaj ja kil kamac chwach ja Dios in xuchup. Arjaꞌ npi chi na jutij pro ma rmal chi ta chi nrijkaj chic jutij ja kil kamac, npi chi na utzcꞌa chi nokrutoꞌ chijutij kanojel ja nokquicoti chi raybexic.

1 Pedro 1:19

Pro ja lokꞌlaj rquiqꞌuel ja Cristo jariꞌ xixlokꞌbexi. Ja cꞌa Cristo arjaꞌ camsaxi, ban sacrificar ja caniꞌ nba̱n tre jun carnelo ja ni majun nak ta falta tre.

1 Pedro 2:24

Ja Cristo arjaꞌ xrijkaj ja kil kamac chwach cruz. Queriꞌ xuban utzcꞌa chi nokel libre pa rukꞌaꞌ ja il mac in matikaban chic, utzil chic nrajoꞌ chake chi nkaban. Arjaꞌ soctaj pan ecuenta rmalcꞌariꞌ tok xixtzuri.

1 Pedro 3:18

Ja Cristo arjaꞌ ban pokon tre chakajaꞌ, camsax rmal ja kil kamac, xa jutij cami, mchita ja camíc trij. Arjaꞌ ni majun ril rumac pro cam pa kacuenta ja rok ajꞌil ok ajmaquiꞌ. Ja tok queriꞌ xuban jariꞌ xjakbej kabey chikawach chi nokekaj na ruqꞌuin ja Dios. Arjaꞌ camsaxi como winak pro cꞌastaji como espíritu.

1 Juan 2:2

Arjaꞌ chomarsbal rxin ja kil kamac in ma ruyon ta chake ajoj nuban wiꞌ queriꞌ, canojel winak ja nuban queriꞌ chique.

1 Juan 3:5

Ixix bien ewotak chi peti ja Jesucristo waweꞌ chwachꞌulew chi rchupic ja kil kamac in arjaꞌ ni mta wiꞌ jun ril rumac rbanon.

1 Juan 4:10

Ja Dios ma ajoj ta xokajoꞌn rxin nabey, arjaꞌ xajoꞌn kaxin nabey como xutakto ja Jesucristo ja Ralcꞌwal chi arjaꞌ xoc chomarsbal rxin ja kil kamac chwach ja Dios. Triꞌ nkatzꞌat wiꞌ ja kas mero rbanic ja rajoben riꞌil.

Apocalipsis 1:5

in xtecochij ta tre chakajaꞌ ja Jesucristo, arjaꞌ ocnak testigo xin Dios in ni katzij wiꞌ ja testigoꞌil nuyaꞌ, arjaꞌ ja Ralcꞌwalaxel nabey winak ja cꞌastaji chiquicojol ja camnakiꞌ, arjaꞌ cꞌo rukꞌaꞌ chique ja rey xin rwachꞌulew chi neruban mandar. Arjaꞌ janila xokrajoꞌ, xuchꞌaj ja kil kamac tre ja rquiqꞌuel

Apocalipsis 12:11

Pro ja rejeꞌeꞌ quechꞌec ja Diablo, ja quichꞌecbej rxin jariꞌ ja rquiqꞌuel ja Carnelo in chakajaꞌ ja testigoꞌil queyaꞌ tre ja Jesucristo in ma xquipokonaj ta queyaꞌ quiꞌ pa camíc rmal.

Apocalipsis 13:8

In canojel ja recꞌo chwachꞌulew xexuqueꞌ chwach, queriꞌ queban canojel ja mta quebiꞌ tzꞌibtal chipan ja libro ja bar tzꞌibtal wiꞌ quebiꞌ ja yatajnak chique ja utzlaj cꞌaslemal ja mta qꞌuisic trij. Jariꞌ libro rxin ja Carnelo ja xoc jun sacrificio, ja camsaxi, in tok majaꞌn titzꞌucarsaxi ja rwachꞌulew ni chominto chi wiꞌ triꞌ chi queriꞌ nba̱n tre.

Apocalipsis 14:1

In cꞌa cꞌo na más ja xintzꞌat, chaka jalal tok xintzꞌat ja Carnelo, arjaꞌ paꞌl parwiꞌ ja jayuꞌ ja binaꞌan tre Sión e rachbil jun ciento cuarenticuatro mil winak. Ejeꞌeꞌ riꞌ winak cꞌo jun quetal tzꞌibtal chi quipalaj, ja quetal jariꞌ rubiꞌ ja Carnelo in rubiꞌ ja Rtataꞌ chakajaꞌ.

Apocalipsis 14:10

ejeꞌeꞌ congana lawuloꞌ nba̱n chique, npi ryewal ja Dios chiquij pro ni ma jutzꞌit ja ryewal ja maquita nucoj chiquij. Congana nquetij na rpokonal pa kꞌakꞌ, cꞌoli caniꞌ kꞌol rmajon cꞌatem neqꞌuejeꞌ chipan pro ni chiquewach ja santilaj ángel in chwach ja Carnelo tok xtiban queriꞌ chique.

Apocalipsis 14:4

Ejeꞌeꞌ riꞌ ja ma emacunnak ta cuqꞌuin ixokiꞌ como ejeꞌeꞌ chꞌajchꞌoj ja quicꞌaslemal. Ejeꞌeꞌ ja ni netreꞌ wiꞌ trij ja Carnelo xa bar ta triꞌ nbe wiꞌ. Xelokꞌi xetotaji chiquicojol ja winak, eꞌocnak e caniꞌ nabey tak cosecha ja ntzujux tre ja Dios in tre ja Carnelo.

Apocalipsis 15:3

Ejeꞌeꞌ quimajon rbixaxic ja bix rxin ja Moisés ja rajsamajel rxin ja Dios in ja bix rxin ja Carnelo chakajaꞌ, quewaꞌ nquibij riꞌ: —Kajaw Dios, janila ja poder cꞌol awqꞌuin, ni majun ja maquita natcowini naban, ja samaj naban jeꞌe congana nimak rukꞌij in congana cꞌascꞌoꞌi ntzꞌati. Atat at Rey quixin ja ratinamit, nojel ja naban ni rubey wiꞌ in ni katzij wiꞌ chakajaꞌ.

Apocalipsis 17:14

Ejeꞌeꞌ nechꞌojin na ruqꞌuin ja Carnelo pro ja cꞌa Carnelo arjaꞌ nchꞌocmaji. Nchꞌocmaji como arjaꞌ ocnak Jefe quixin nimak tak jefe, arjaꞌ ocnak Rey quixin nimak tak rey. Ja cꞌa rachbil ejeꞌeꞌ esiqꞌuin echaꞌon rmal ja Dios in ni yukul wiꞌ quecꞌuꞌx ruqꞌuin. Queriꞌ xbij ja ángel chwe.

Apocalipsis 19:7

Koquicoti pro congana koquicoti, kayaꞌaꞌ rukꞌij como ja cꞌulbic rxin ja Carnelo xurwilaꞌ ja tiempo chi nbantaji in ja rixok ja noc rxjayil arjaꞌ rwekon chic riꞌ chi ncꞌuleꞌ ruqꞌuin.

Apocalipsis 19:9

Cꞌacꞌariꞌ ja ángel arjaꞌ xbij chwe: —Ja xtinbij chawe riꞌ tatzꞌibaj quewariꞌ, congana quiꞌil chique ja winak ja rebanon invitar tre ja nimlaj waꞌim xin cꞌulbic ja nbantaji ja tok ncꞌuleꞌe ja Carnelo. Queriꞌ ja natzꞌibaj, neꞌ chwe. In xbij chic chwe: —Jawaꞌ ja xinbij chawe riꞌ Dios nbini in ni nbantaj wiꞌ cumplir, neꞌ chwe.

Apocalipsis 21:14

Ja tabia ja rsutin riꞌ trij ja tinamit cꞌo cablajuj rsimientoꞌil rtzꞌulben in ja jujun rsimientoꞌil cꞌo jujun biꞌaj tzꞌibtal chwach, jariꞌ quebiꞌ ja cablajuj apóstol rxin ja Carnelo.

Apocalipsis 21:27

Pro ni majun nak ta ja xta itzel xtoc ta chipan. Ja banol tak itzelal e cachbil ja tzꞌakol tak tzij ni majun chique xqueꞌoc ta chipan. Ja neꞌoc chipan xa queyon ja cꞌo quebiꞌ tzꞌibtal chipan ja libro rxin ja Carnelo, jariꞌ libro ja bar tzꞌibtal wiꞌ quebiꞌ ja nyataj chique ja utzlaj cꞌaslemal ja mta qꞌuisic trij.

Apocalipsis 21:9

Cꞌo cꞌa jun chique ja wukuꞌ ángel ja cucꞌan ja wukuꞌ vaso ja nojnak chipan ja wukuꞌ qꞌuisbal tak rpokonal, arjaꞌ xurkaj wqꞌuin in quewaꞌ xbij chwe riꞌ: —Catajoꞌ waweꞌ, anin nwajoꞌ ncꞌut chawach ja rixok ja ncꞌuleꞌe, ja noc rxjayil ja Carnelo, neꞌ chwe.

Apocalipsis 5:6

In chaka jalal ja tok cꞌo jun Carnelo xintzꞌat, arjaꞌ chacali, mero pa nicꞌaj cꞌo wiꞌ tre ja trono in chique ja re quijiꞌ in chique ja ranciano. Ja ncaꞌyi caniꞌ ncaꞌy jun carnelo ja soctajnak ja rocnak jun sacrificio. Wukuꞌ rucꞌaꞌ in wukuꞌ parwach. Ja cꞌa wukuꞌ parwach jariꞌ ja wukuꞌ espíritu xin Dios ja retakonel nat nakaj nojel chwach ja rwachꞌulew.

Apocalipsis 5:8

Ja cꞌa tok cꞌamtaj rmal ja cꞌa re quijiꞌ cachbil ja veinticuatro anciano ejeꞌeꞌ xexuqueꞌ chwach, cucꞌan jujun instrumento arpa rubiꞌ, in chakajaꞌ cucꞌan juleꞌ incienso ja nojnak pa tak rcꞌolibal in ja rcꞌolibal jariꞌ oro ocnak. Ja rincienso jariꞌ ja roración ja nqueban ja tinamit xin Dios.

Apocalipsis 6:1

In xintzꞌat ja Carnelo tok xlasaj jun tre ja wukuꞌ rkan sello in pi jun chique ja re quijiꞌ, cꞌoli xbij xincꞌwaxaj caniꞌ rukul quiakolijay: —Catajoꞌ, tatzꞌataꞌ mpeꞌ leꞌ, neꞌe.

Apocalipsis 6:16

In quewaꞌ quibij riꞌ: —Camic, ta titzakpi chakij ja jayuꞌ, ta titzakpi chakij ja nimak tak abaj, korwawaj chwach ja tzꞌubul chipan ja trono utzcꞌa chi matikatzꞌat rwach in korwawaj chwach ryewal ja Carnelo.

Apocalipsis 7:14

—Señor, jariꞌ atat atotakyon, xincheꞌ tre. In xbij chic chwe: —Ejeꞌeꞌ laꞌ ja rekꞌaxnakto chipan ja nimlaj rpokonal. Ja quitziak sak como quichꞌajon chipan ja rquiqꞌuel ja Carnelo.

Apocalipsis 7:17

Queriꞌ xtiqueban como ja Carnelo ja cꞌo mero pa nicꞌaj ja bar cꞌo wiꞌ ja trono arjaꞌ xtiyukꞌun quixin. Arjaꞌ xquerucꞌaj ja bar cꞌo wiꞌ tzꞌuquel tak yaꞌ pro jariꞌ yaꞌ rcꞌamonto ja utzlaj cꞌaslemal. Ja cꞌa Dios arjaꞌ xtisuꞌuwi ja riyaꞌl quewach pro ni nojelal in ni mchita wiꞌ okꞌej xtiqueban. Queriꞌ xbij chwe ja ranciano.