San Juan 1:12 - Tz'utujil (Ja Cꞌacꞌa Chominem)

¹² Pro kanojelal ja xokniman rxin, kanojelal ja yukeꞌ kacꞌuꞌx ruqꞌuin, arjaꞌ xuyaꞌ chake chi xokoc ok ralcꞌwal Dios,

Tz'utujil NT

¹² Per konjelal ajoj je xkac'ul pkanm y xeyke'a kac'u'x ruq'uin, arja' xuya' chka che xok-oca rlec'wal Dios.

San Juan 1:12 Iomraidhean Croise

San Mateo 10:40

Ja winak ja necꞌulu ewxin, anin cꞌariꞌ ja ninquecꞌul in ja winak ja necꞌulu wxin, Nataꞌ cꞌariꞌ ja takyonto wxin ja nquecꞌul.

San Mateo 12:21

Arjaꞌ nekaj na rbixic cuqꞌuin ja winak ja ma e aj Israel ta in ejeꞌeꞌ nyukeꞌ na quecꞌuꞌx ruqꞌuin, neꞌe ja Dios.

San Mateo 18:5

Ja tak acꞌalaꞌ ja re quitakawaꞌ xa nak ta xticꞌulu jun chique in wi pa nubiꞌ anin tok nucꞌul tibij cꞌa tzij ariꞌ chi anin ja ninrucꞌul.

San Juan 1:11

Xurqꞌuejeꞌ chiquicojol ja rtinamit pro ejeꞌeꞌ ma xquinimaj ta.

San Juan 1:7

Ja samaj ja yataj tre ja Juan chi nuyaꞌ rbixic nak rbanic ja Ralcꞌwalaxel ja nsakirsan quebey ja winak utzcꞌa chi canojel ja winak tok xtiquicꞌaxaj nyukeꞌ quecꞌuꞌx ruqꞌuin ja Ralcꞌwalaxel.

San Juan 11:52

Pro ma queyon ta ja raj Israel ncam pa quicuenta, arjaꞌ nerumol na chakajaꞌ canojel ja winak ja neꞌoc na e ralcꞌwal Dios ja recꞌo nojel rwachꞌulew utzcꞌa xa jun nuban chique canojelal.

San Juan 2:23

Ja cꞌa tok majtaji ja waꞌim rxin ja nmakꞌij pascua chipan ja tinamit Jerusalén triꞌ qꞌuejeꞌ wiꞌ ja Jesús in e qꞌuiy chique ja winak yukeꞌ quecꞌuꞌx ruqꞌuin rmal ja milagro ja xuban jeꞌe chiquewach.

San Juan 20:31

Pro cꞌoli ja xintzꞌibaj chipan awaꞌ jun libro riꞌ utzcꞌa chi nenimaj ja Jesús chi arjaꞌ ja Cristo ja Ralcꞌwal Dios in tok queriꞌ nenimaj jariꞌ nyataj chewe ja utzlaj cꞌaslemal ja mta qꞌuisic trij como jariꞌ nyataj chake ja tok xa jun nkaban ruqꞌuin.

San Juan 3:18

Canojelal ja winak ja nyukeꞌ quecꞌuꞌx ruqꞌuin ja Ralcꞌwal Dios ejeꞌeꞌ mchita kꞌetoj tzij xin Dios chiquij pro ja cꞌa matiyukeꞌ quecꞌuꞌx ruqꞌuin ejeꞌeꞌ kꞌeton chic tzij chiquij rmal ja Dios chi neta̱kel chipan ja rpokonal. Como matiyukeꞌ quecꞌuꞌx ruqꞌuin ja Ralcꞌwal Dios chewiꞌ tok nba̱n queriꞌ chique.

Hechos 3:16

Camic emajon rtzꞌatic ja rachi riꞌ ja tzuri in bien ewotak rwach. Pa rubiꞌ ja Jesús tok tzuri. Ja Dios arjaꞌ tzursan rxin como ajoj cꞌo yukulbal kacꞌuꞌx ruqꞌuin ja Jesús. Ja Jesús arjaꞌ ryaꞌon chake chi cꞌo yukulbal kacꞌuꞌx ruqꞌuin in rmal ja yukulbal kacꞌuꞌx ruqꞌuin ja Jesús chewiꞌ tok utz chic ja rachi, mchita ntiꞌon tre in ni chewach ja tok tzuri.

Romanos 8:14

Queriꞌ rbanic como kanojel ja rokucꞌan rmal ja rEspíritu Santo ajoj cꞌariꞌ ok ralcꞌwal Dios.

Romanos 8:16

Chꞌobtajnak chic kumal chi ok ralcꞌwal Dios in ja rEspíritu Santo arjaꞌ mismo nuyaꞌ kaseguro chi ok ralcꞌwal Dios.

Romanos 8:19

Ja cꞌa chicop in tijcoꞌm jeꞌe e cachbil chakajaꞌ xa nak ta ja retzꞌucarsanto rmal ja Dios ejeꞌeꞌ caniꞌ kas tzꞌel pon quewach trij ja kꞌij ja xtikꞌalajin wiꞌ ja nimlaj gloria xin Dios ja xtichꞌaꞌan chakij ja rok ralcꞌwal Dios.

Gálatas 3:26

Como xa jun ebanon chic ruqꞌuin ja Cristo Jesús tibij cꞌa tzij ariꞌ chi ix ralcꞌwal Dios ewanojel pro xa rmal ja yukulbal ecꞌuꞌx ruqꞌuin tok banon queriꞌ chewe.

Gálatas 4:6

Como ix alcꞌwalaxelaꞌ chic chewiꞌ tok Dios rtakonto ja rEspíritu Santo rxin ja Ralcꞌwal pa tak ewanma: —Nataꞌ, Padre, neꞌ kaj ja rEspíritu Santo pa tak ewanma.

Colosenses 2:6

Rmalcꞌariꞌ nbij chewe, caniꞌ xeban ja kas nabey xa jun xeban ruqꞌuin ja kajaw Jesucristo ni ta quirwariꞌ neban, ni ta jun wiꞌ neban ruqꞌuin chijutij xa nak ta neban chipan ja recꞌaslemal.

2 Pedro 1:4

Queriꞌ rbanon, cꞌoli ja rtzujun jeꞌe chake caniꞌ jun nimlaj mebaꞌil in congana nimak rukꞌij. Rmal cꞌa ja rtzujunto chake rmalariꞌ tok nokcowini nkatoꞌ kiꞌ chipan ja ritzelal xin rwachꞌulew como ja rwachꞌulew xa yojtajnak rmal ja ritzel tak yarinem ja cꞌo pa tak canma winak. Queriꞌ xuban ja Dios chake utzcꞌa chi nkaqꞌuex kanaꞌoj in ni jaꞌ chic rnaꞌoj ja Dios nkucꞌaj.

1 Juan 3:1

Janila nokrajoꞌ ja Dios ja Tatixel. Arjaꞌ nbij chake chi ok ralcꞌwal, triꞌ cꞌa nkatzꞌat wiꞌ chi congana nokrajoꞌ in ni katzij wiꞌ chi ok ralcꞌwal. Ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ matichꞌobtaj cumal janiꞌ rnaꞌoj ja Dios in rmalariꞌ matichꞌobtaj cumal nak kabanic ajoj chakajaꞌ.

1 Juan 3:10

Waweꞌ nkatzꞌat wiꞌ echinatak ja ralcꞌwal Dios in echinatak ja ralcꞌwal diablo, ja wi ma utz ta ja nqueban in wi maquecajoꞌ ja cachꞌalal ma e ralcꞌwal Dios ta cꞌariꞌ.

1 Juan 3:2

Chakꞌlaj wachꞌalal, anin nbij chewe chi ok ralcꞌwal chic ja Dios camic. Majaꞌn tikꞌalasax chikawach nak kabanic ja tok xkoqꞌuextaji pa jun kꞌij xarwariꞌ kotak chi ja tok xtipi chic jutij ja Jesucristo ajoj nij ok queriꞌ chic triꞌ ja caniꞌ arjaꞌ. Nkatzꞌat na chi utz triꞌ janiꞌ ja kas mero rbanic ja Jesucristo chewiꞌ tok nokoqui ja caniꞌ arjaꞌ.

1 Juan 3:23

Ja rmandamiento ja Dios quewaꞌ nbij chake riꞌ, tiyukeꞌ kacꞌuꞌx ruqꞌuin ja Jesucristo ja Ralcꞌwal in tikajoꞌ kiꞌ ja caniꞌ bin can chake rmal.