San Juan 1:11 - Tz'utujil (Ja Cꞌacꞌa Chominem)

¹¹ Xurqꞌuejeꞌ chiquicojol ja rtinamit pro ejeꞌeꞌ ma xquinimaj ta.

Tz'utujil NT

¹¹ Xerc'je'a chquecjol rtnamet per j-e' majo'n xquec'ul ta.

San Juan 1:11 Iomraidhean Croise

San Mateo 15:24

In bix chique rmal ja Jesús: —Ja Dios xa ruyon cuqꞌuin ja tinamit Israel inrtakonto wiꞌ, ejeꞌeꞌ e caniꞌ tak carnelo etzaknak, xecheꞌx rmal.

San Lucas 19:14

Pro ja rachi arjaꞌ xa itzel ntzꞌa̱t cumal ja rach aj tinamit rmalcꞌariꞌ tok ejeꞌeꞌ quetakel rbixic chipan ja nación ja bar xtijachto wiꞌ pa rukꞌaꞌ ja gobierno: —Ajoj ni majun kagana ruqꞌuin alaꞌ ja jun achi leꞌ chi xtoc ta rey pa kawiꞌ, xecheꞌel.

San Juan 1:10

Xurqꞌuejeꞌe ja Ralcꞌwalaxel waweꞌ chwachꞌulew in masqui arjaꞌ tzꞌucarsani ja rwachꞌulew pro ja winak ja recꞌo chwach ja rwachꞌulew ma xquinimaj ta chi arjaꞌ ja luz xin Dios.

San Juan 1:12

Pro kanojelal ja xokniman rxin, kanojelal ja yukeꞌ kacꞌuꞌx ruqꞌuin, arjaꞌ xuyaꞌ chake chi xokoc ok ralcꞌwal Dios,

San Juan 19:27

Cꞌacꞌariꞌ xbij tre ja rdiscípulo: —Ja nuteꞌ leꞌ jalaꞌ noc chic ateꞌ atat, neꞌ tre. Ja cꞌa discípulo tok meloji xucꞌamel ja ruteꞌ ja Jesús in xucꞌul chijutij pa rochoch.

San Juan 3:32

Ja rtzꞌaton in ja rcꞌaxan chilaꞌ chicaj jariꞌ rmajon rbixic pro ja winak xa matiquinimaj ja nbij.

Hechos 13:26

Ixix ja rix kach tak aj Israel ja rix riy rumam can ja kamamaꞌ Abraham in ixix chakajaꞌ ewanojelal ja nexbej ewiꞌ chwach ja Dios, camic nbij chewe chi ewxin ixix ja utzlaj tzij ja kamajon rbixic chewe ja rcꞌamonto ja totajem xin Dios.

Hechos 13:46

Ja cꞌa Pablo in Bernabé ejeꞌeꞌ matiquixbej quiꞌ chiquewach, quewaꞌ quibij chique riꞌ: —Ni rjawaxic wiꞌ chi chewe ixix kabij wiꞌ ja rtzobal Dios nabey pro como mta egana ruqꞌuin jariꞌ nekꞌalasbej chi ma yatal ta chewe chi newil ja utzlaj cꞌaslemal ja mta qꞌuisic trij. Rmalcꞌariꞌ ja tok nokbe chic cuqꞌuin ja winak ja ma e aj Israel ta.

Hechos 21:6

Ja tok tzuri ja roración kumal xokqueban despedir. Cꞌacꞌariꞌ xokoc chipan ja lancha, ja cꞌa rejeꞌeꞌ xemeloji chi tak cochoch.

Romanos 15:8

Quewaꞌ rbanic riꞌ ja nmajon rbixic chewe, peti ja Jesucristo waweꞌ chwachꞌulew, xurbanaꞌ ja samaj xin Dios chiquicojol ja raj Israel. Queriꞌ xuban utzcꞌa chi nkatzꞌat chi ja Dios arjaꞌ ni nuban wiꞌ cumplir ja ntzujuj. Xurbanaꞌ ja samaj utzcꞌa chi jariꞌ xbanbej cumplir ja rtzujun can ojer ja Dios chique ja rAbraham ja rIsaac in Jacob.

Romanos 9:1

Pro ja wach tak aj Israel ejeꞌeꞌ maticajoꞌ nquinimaj ja Jesucristo in congana npokonaj quewach, ni matel wiꞌ ja bis chwe cumal. Ni katzij wiꞌ ja nbij chewe chi congana ninbison cumal como ja Cristo cꞌayon wxin, ma npayil ta ja nbij chewe. Como ja rEspíritu Santo cꞌo pa wanma chewiꞌ wotak chi ni katzij wiꞌ ja nbij chewe. Ja wixta rubey na ja xquinwasaxel ta pa rukꞌaꞌ ja Cristo in xquintakel ta chipan ja rpokonal chi quitoꞌic ja wach tak aj Israel in conforme ta chi queriꞌ nba̱n chwe.

Romanos 9:5

Makanaꞌ maquita e quijaꞌtzul can ja rAbraham ja rIsaac in Jacob, makanaꞌ maquita cach aj Israel ja Cristo tok xoc kach winak waweꞌ chwachꞌulew. Ja Cristo arjaꞌ Dios in majun ja maquita cꞌo rukꞌaꞌ tre, kas ta xtiyaꞌ rukꞌij camic, chwak in chijutij. Amén.

Gálatas 4:4

Pro ja Dios tok tzꞌakati ja tiempo ja chomarsanto rmal tokocꞌariꞌ xutakto ja Cristo ja Ralcꞌwal. Xalaxi ja Ralcꞌwal Dios chwirukꞌaꞌ jun ixok in qꞌuejeꞌ na pa rukꞌaꞌ ja ley ja yaꞌon can tre ja Moisés ojer rmal ja Dios.