Gálatas 6:3 - Tz'utujil (Ja Cꞌacꞌa Chominem)

³ Pro wi cꞌo jun nuchꞌob kaj chi mta ril in wi kas nim nunaꞌ kaj pro como xcꞌa winak jariꞌ xa nuban kaj engañar riꞌ ruyon.

Tz'utujil NT

³ Per wc'ola jun nuch'ob kaja chmajo'n ril y kas nim nuna' kaja, per com xe wnak jara' nuban kaja engañar ri' ruyon.

Gálatas 6:3 Iomraidhean Croise

San Lucas 18:11

Ja cꞌa tok xeꞌekaj chipan ja templo ja fariseo arjaꞌ peꞌi in xumaj rbanic jun oración pro xa yaꞌbal rukꞌij arjaꞌ xuban kaj ruyon, quewaꞌ ja roración ja xuban riꞌ: —Anin nmaltioxij chawe Dios ja ma in junan ta cuqꞌuin ja juleꞌ chic achiꞌiꞌ caniꞌ chique alakꞌomaꞌ in chique ja matiquinimaj ja ley in chique ja nebano rij tak quewiꞌ ja quixjayilal. Nmaltioxij chawe chakajaꞌ ja ma in junan ta ruqꞌuin alaꞌ jun achi ja molol impuesto leꞌ.

Hechos 5:36

Turkaj chewe nak bantaji ja tok cꞌo jun achi yictaji Teudas rubiꞌ, arjaꞌ xucoj riꞌ ruyon como jun nimlaj achi in ecꞌo la quijiꞌ ciento ja rachiꞌiꞌ ja quecoj quiꞌ ruqꞌuin. Pro ja Teudas arjaꞌ camsaxi in xeꞌanmaji ja rachbil canojelal. Queriꞌ queban, pan ekal xeqꞌuisi, mta nak ta queban.

Romanos 12:16

Xta jun neban ewanojelal, xta jun nechꞌob. Maxta congana ix nimak tenaꞌ kaj pro ja neban, kas tel ecꞌuꞌx chiquij ja re tak sencillo chi neꞌewachbilaj. Maxta xa ix kꞌolaꞌ, maxta techꞌob chi congana ewotak.

Romanos 12:3

Como ja Dios ryaꞌon chwe chi inocnak apóstol rxin ja Jesucristo chewiꞌ tok cꞌo jun paxbanem nyaꞌ chewe riꞌ chejujunal. Maxta congana ix nimak tenaꞌ kaj pro kas techꞌoboꞌ chi utz nak ja kas mero ebanic chejujunal. Bien techꞌoboꞌ chi Dios yoyon chewe ja yukulbal ecꞌuꞌx in xa chewiꞌ tok nixcowini neban ja samaj xin Dios.

1 Corintios 13:2

In jun chic, wixta yatajnak chwe chi inocnak jun profeta pro jun profeta ja ni ta majun ja maquita kꞌalasan chwach ja wawan chiquewach winak rmal ja Dios, jun profeta ja ni ta majun ja maquita rotak pro wi mta ja rajoben riꞌil xin Dios nsamaji pa ncꞌaslemal jariꞌ ni majun inocnak wiꞌ. Ja wixta majun falta tre ja yukulbal nucꞌuꞌx ruqꞌuin ja Dios in rmaltariꞌ xtinbij ta tre jun jayuꞌ chi nkꞌax cha jun lugar chic in xquinrnimaj ta pro wi mta ja rajoben riꞌil xin Dios nsamaji pa ncꞌaslemal jariꞌ ni majun inocnak wiꞌ chakajaꞌ.

1 Corintios 3:18

Maxta teban kaj engañar ewiꞌ eyon. Ja wi cꞌo jun chewe wi nuchꞌob kaj chi congana nimak tak naꞌoj xin rwachꞌulew rotak, mejor ja nuban, tibanaꞌ como caniꞌ jun ti nacnic. Quirtariꞌ nuban utzcꞌa chi xtiyataj tre ja naꞌoj xin Dios.

1 Corintios 8:2

Ja wi cꞌoli awotak in wi kas nim nanaꞌ kaj rmal jariꞌ majaꞌn tawotakij chi mta noc wiꞌ ja rawotak ja wi ma rachbil ta ja rajoben riꞌil.

2 Corintios 12:11

Ja nbanon chewach camic caniꞌ nuban jun achi ja xa ma chꞌobol ta nuban como xinyaꞌ nukꞌij chewach. Pro emac ixix ja tok puersa xinban queriꞌ. Queriꞌ nbij chewe como ja kas rubey, ixix ta nariꞌ xeyaꞌ ta nukꞌij chiquewach ja juleꞌ chic winak ja nquenaꞌ kaj chi congana e nimak tak apóstol. Ja ranin masqui nnaꞌ kaj chi ni ma incꞌo ta pro ejeꞌeꞌ ni ma nimak ta wiꞌ quekꞌij chinwach.

2 Corintios 3:5

Pro ja wixta xa kayon jariꞌ ni ta majun nak ta nokcowini nkaban, mta moda xtikabij ta chi cꞌo jun samaj xin Dios kawinakarsaj nojoj kayon pro jariꞌ solo ruqꞌuin ja Dios npi wiꞌ nojelal ja nokcowini nkaban.

Gálatas 2:6

Xoktzijon cuqꞌuin ja kachꞌalal ja más na nimak quekꞌij netzꞌa̱t cumal ja juleꞌ chic pro ja chwe anin xa junan wi nimak quekꞌij owi ma nimak ta quekꞌij como ja Dios arjaꞌ ma jun ta utz nutzꞌat in ma jun ta itzel. In tok xoktzijon cuqꞌuin ni majun nak ta quibij ta chwe ja majaꞌn tikꞌalasax chic chinwach triꞌ rmal ja Dios.

Gálatas 2:9

Ja Jacobo, ja Pedro in Juan ejeꞌeꞌ xetzꞌati chi epaꞌl chiquij ja kachꞌalal in tok chꞌobtaj cumal nak rbanic ja samaj ja xincochij tre ja Dios cꞌacꞌariꞌ quechap kakꞌaꞌ ok caꞌiꞌ ruqꞌuin ja Bernabé jariꞌ quicꞌutbej chi xa jun chic kabanon cuqꞌuin. Xa jun kachꞌob cuqꞌuin, ajoj nokesamaj chiquicojol ja ma e aj Israel ta in ejeꞌeꞌ nesamaj chiquicojol ja raj Israel.

2 Timoteo 3:13

Pro ja ritzel tak winak in ja banol tak engaño ejeꞌeꞌ xa janiꞌ neyojtaj más, nequeban engañar ja winak in queriꞌ chique ejeꞌeꞌ chakajaꞌ neba̱n engañar.

Santiago 1:22

Pro ja utzlaj tzij maxta chaka tecꞌwaxaj, tebanaꞌ cumplir ja nbij. Ja wi chaka necꞌwaxaj jariꞌ xa eyon neban kaj engañar ewiꞌ.

Santiago 1:26

Ja wi nachꞌob chi congana animan ja Dios pro wi matakꞌil pan achiꞌ jariꞌ xa naban kaj engañar awiꞌ ayon, jariꞌ majun noc wiꞌ ja rareligión, mta noc wiꞌ ja chaka nabij chi animan ja Dios.

1 Juan 1:8

Ja wi nkabij chi mta ja il mac kabanon jariꞌ xa nkaban kaj engañar kiꞌ kayon in ma katzij ta ja nkabij.