Gálatas 5:3 - Tz'utujil (Ja Cꞌacꞌa Chominem)

³ Camic nbij chic jutij chewe, jun achi xa nak ta chi achiꞌal wi xtiban circuncidar in wi nyukeꞌ chic rucꞌuꞌx ruqꞌuin ja circuncisión jariꞌ puersa nuban na cumplir nojel ja tzꞌibtal can chipan ja ley.

Tz'utujil NT

³ Camic quenbij chic jmul chewa, jun acha chka bechnak opech acha, we xtba'n circuncidar y neyke'a ruc'u'x chic ruq'uin circuncisión jara' npors nuban na cumplir njelal jtz'ibtanak cana chpam ley.

Gálatas 5:3 Iomraidhean Croise

San Mateo 23:16

Congana lawuloꞌ chewe como ixix ix cꞌamol tak bey quixin ja winak pro xa ix moyaꞌ como ixix quewaꞌ ja tijonem neyaꞌ chique riꞌ: —Ja tok naban jun juramento wi nanataj ja nimlaj templo xin Dios chi rbanic cumplir jariꞌ ma rjawaxic ta chi naban cumplir ja nabij pro ja wi nanataj ja oro ja cꞌo chipan ja templo jariꞌ puersa naban cumplir ja nabij, takaꞌan nixcheꞌe.

San Mateo 23:18

In jun chic ja nebij chakajaꞌ quewariꞌ: —Ja wi nanataj ja raltar chi rbanic jun juramento jariꞌ ma rjawaxic ta chi naban cumplir ja nabij pro ja wi nanataj ja rofrenda ja nya̱ꞌ parwiꞌ ja raltar jariꞌ puersa naban cumplir ja nabij, takaꞌan nixcheꞌe chakajaꞌ.

San Lucas 16:28

Como e joꞌoꞌ ja wachꞌalal ja recꞌo triꞌ in nwajoꞌ nbe ta jutzꞌit ja Lázaro cuqꞌuin chi nerchꞌoboꞌ chiquewach nak rbanic ja waweꞌ utzcꞌa chi maquepit ejeꞌeꞌ waweꞌ chakajaꞌ chipan awaꞌ jun lugar xin tijoj rpokonal riꞌ, neꞌ tre ja rAbraham.

Hechos 15:1

Ecꞌo cꞌa juleꞌ achiꞌiꞌ eꞌelnakel chipan ja departamento Judea, ebenak pan Antioquía. Ja cꞌa tok xeꞌekaji quemaj quitijoxic ja kachꞌalal, quewaꞌ quibij chique riꞌ: —Ja wi ma quixban circuncidar ja caniꞌ bin can chake rmal ja Moisés chi nkaban jariꞌ mta moda xtewil ta ja totajem xin Dios. Queriꞌ quibij chique.

Hechos 2:40

Jawaꞌ tzij xbij ja Pedro chique ja winak in juleꞌ chic paxbanem xuyaꞌ chique chakajaꞌ, quewaꞌ xbij chique riꞌ: —Quixtotaji, maxta teban ja ritzelal ja caniꞌ nqueban ja ritzel tak winak trewaꞌ tiempo riꞌ, neꞌ chique.

Hechos 20:21

Xixnpaxbaj ewanojel chi ix wach tak aj Israel chi ma ix aj Israel ta, xinbij chewe chi rjawaxic neqꞌuex ja renaꞌoj in nenimaj ja Dios in nyukeꞌ ecꞌuꞌx ruqꞌuin ja kajaw Jesucristo.

Romanos 2:25

In caniꞌ tre ja tok neba̱n circuncidar jariꞌ retal chi e tinamit xin Dios in cꞌoli rcꞌamonto chique pro wi nquinimaj ja nbij ja ley xin Dios chake chi nkaban. Pro ja cꞌa wi matiquinimaj xcꞌa junan ariꞌ ruqꞌuin ja caniꞌ ma e rtinamit Dios ta masqui ebanon chic circuncidar.

Gálatas 3:10

Pro canojel ja winak ja yukul quecꞌuꞌx ruqꞌuin ja nqueban kaj ejeꞌeꞌ queyon chi rbanic cumplir ja ley ejeꞌeꞌ cꞌo maldición cꞌo ryewal ja Dios chiquij. Caniꞌ tzꞌibtal can chipan ja rtzobal Dios quewaꞌ nbij riꞌ: —Rjawaxic chi ni naban wiꞌ cumplir nojelal ja tzꞌibtal chipan ja libro xin ley. Ja winak xa nak ta chi winakil wi matiqueban cumplir nojelal ja nbij ja ley chi nqueban jariꞌ cꞌo maldición cꞌo ryewal ja Dios chiquij.

Gálatas 5:2

Teyaꞌaꞌ ewxquin tre ja xtinbij chewe riꞌ, ja wi xquixban circuncidar in wi nyukeꞌ chic ecꞌuꞌx ruqꞌuin ja circuncisión jariꞌ majun nak ta rcꞌamonpi ta ja Cristo chewe.

Gálatas 5:6

Ja tok xa jun naban ruqꞌuin ja Cristo Jesús jariꞌ macatrutoꞌ ja natban circuncidar in macatrutoꞌ chakajaꞌ ja macatban circuncidar. Pro ja ntoꞌo awxin jariꞌ tok nyukeꞌ acꞌuꞌx ruqꞌuin ja Jesucristo, tok nsamaji ja yukulbal acꞌuꞌx chi rwinakarsaxic ja rajoben riꞌil xin Dios pan acꞌaslemal.

Efesios 4:17

Ja cꞌa xtinbij chic chewe riꞌ congana nban recomendar chewe pa rubiꞌ ja kajaw Jesucristo, maxta tewcꞌaj chic jun cꞌaslemal ja caniꞌ quicꞌaslemal ja juleꞌ chic winak ja ma e aj Israel ta como ja quinaꞌoj ejeꞌeꞌ mta noc wiꞌ.

1 Tesalonicenses 4:6

Trewaꞌ ja xintzꞌibaj chewe riꞌ maxta teban itzel tre jun kachꞌalal, maxta teban engañar como ja nebano queriꞌ ni cꞌo wiꞌ rtojbalil nya̱ꞌ chique rmal ja Dios. Jariꞌ kabin chic chewe.

1 Juan 4:14

In ajoj chakajaꞌ katzꞌat rwach ja Jesucristo ja Ralcꞌwal Dios in nkayaꞌ rbixic chi arjaꞌ takto rmal ja Tatixel, xoc Toꞌonel kaxin kanojelal ja rok winak.