Gálatas 4:5 - Tz'utujil (Ja Cꞌacꞌa Chominem)

⁵ Queriꞌ xuban ja Dios utzcꞌa chi xokrwasajel libre ja xokqꞌuejeꞌ pa rukꞌaꞌ ja ley in rmalariꞌ tok nuban chic chake ok caniꞌ chakꞌlaj ralcꞌwal.

Tz'utujil NT

⁵ Cara' xuban Dios ch-utz c'ara' xokrelsaj libre jxokoc'je'a pruk'a' ley y rmal c'ara' nuban chka ok quilaj rlec'wal.

Gálatas 4:5 Iomraidhean Croise

San Mateo 20:28

Caniꞌ xuban ja Ralcꞌwalaxel ja xoc alaxic cuqꞌuin ja winak, arjaꞌ pi waweꞌ chwachꞌulew pro ma rmal ta chi nilix cumal winak pro jariꞌ peti chi arjaꞌ noc jun ilinel quixin ja winak. In peti chakajaꞌ utzcꞌa chi arjaꞌ nuyaꞌ riꞌ pa camíc in ja rcamic e janila ja winak nerlokꞌbej chipan ja quil quemac. Queriꞌ xbij ja Jesús chique.

San Lucas 1:68

—Kas ta xtiyaꞌ rukꞌij ja kajaw Dios ja Dios kaxin ja rok aj Israel como arjaꞌ xoknataj rmal in camic okrwasanel libre ja rok tinamit rxin.

San Juan 1:12

Pro kanojelal ja xokniman rxin, kanojelal ja yukeꞌ kacꞌuꞌx ruqꞌuin, arjaꞌ xuyaꞌ chake chi xokoc ok ralcꞌwal Dios,

Hechos 20:28

Rmalcꞌariꞌ ja tok nbij chewe, tebanaꞌ cuenta ewiꞌ in queꞌechajij ja kachꞌalal canojelal como yatajnak chewe rmal ja rEspíritu Santo chi neꞌechajij. Queꞌetzukuꞌ tre ja rtzobal Dios como ejeꞌeꞌ e iglesia xin Dios, e rxin chic ja kajaw Jesucristo como arjaꞌ xutix rquiqꞌuel chwach cruz jariꞌ xerlokꞌbej.

Romanos 10:4

Pro xa ma chꞌobtajnak ta cumal nak rbanic ja ley como ja ley jariꞌ yaꞌonto rmal ja Dios utzcꞌa chi nokurjachaꞌ can pa rukꞌaꞌ ja Cristo. Queriꞌ cꞌa rbanic utzcꞌa utz nutzꞌat ja kacꞌaslemal ja Dios kanojel ja yukul kacꞌuꞌx ruqꞌuin ja Cristo.

Romanos 8:14

Queriꞌ rbanic como kanojel ja rokucꞌan rmal ja rEspíritu Santo ajoj cꞌariꞌ ok ralcꞌwal Dios.

Romanos 8:15

Caniꞌ chewe ixix wachꞌalal, tok xecꞌul ja rEspíritu Santo pa tak ewanma jariꞌ ma xuban ta ja Dios chewe ix caniꞌ ta juleꞌ moso ja xa lawuloꞌ nqueban rumac xben riꞌil caniꞌ xebanto nabey pro ja xuban chewe ix caniꞌ chakꞌlaj tak ralcꞌwal. Xa chewiꞌ tok noktzijon ruqꞌuin ja Dios: —Aba, Nataꞌ, nokcheꞌ tre.

Romanos 8:19

Ja cꞌa chicop in tijcoꞌm jeꞌe e cachbil chakajaꞌ xa nak ta ja retzꞌucarsanto rmal ja Dios ejeꞌeꞌ caniꞌ kas tzꞌel pon quewach trij ja kꞌij ja xtikꞌalajin wiꞌ ja nimlaj gloria xin Dios ja xtichꞌaꞌan chakij ja rok ralcꞌwal Dios.

Romanos 8:23

In queriꞌ chake ajoj chakajaꞌ, congana lawuloꞌ kabanon rumac ja tijoj rpokonal. Lawuloꞌ kabanon masqui cꞌo chic ja rEspíritu Santo pa tak kanma, masqui arjaꞌ ocnak kaseguro chi nekilaꞌ na nojelal ja tzujun chake rmal ja Dios. Pro congana rmajon tiꞌonem ja kanma chi raybexic ja kꞌij ja tok xkorkꞌalasaj na chi utz ja Dios chi ok ralcꞌwal tokoriꞌ tok xtuqꞌuex ja kacuerpo in nuban cꞌacꞌa tre.

Romanos 9:4

Pro makanaꞌ maquita e aj Israel, makanaꞌ maquita xerucoj ja Dios como e ralcꞌwal. In chakajaꞌ chꞌaꞌan jeꞌe chiquicojol ja gloria xin Dios. Ja cꞌa Dios cꞌo jeꞌe chominem xchomarsaj cuqꞌuin in chique xuyaꞌ wiꞌ ja ley in xuchꞌob chiquewach nak nqueban chi nquiyabej rukꞌij ja Dios in qꞌuiy rwach ja xtzujuj chique.

Gálatas 3:13

Ja nabey cꞌoli ja maldición kajnak chakij rmal ja ma xkaban ta cumplir nojelal ja nbij ja ley chi nkaban pro ja Cristo arjaꞌ xutoj ja kil kamac, xlasaj chakij ja maldición, arjaꞌ xoc chuxeꞌ ja maldición pa kaqꞌuexwach. Ja tok camsaxi ja Cristo chwach cruz cꞌoli ja maldición qꞌuejeꞌ trij caniꞌ tzꞌibtal can chipan ja rtzobal Dios quewariꞌ: —Jun winak xa nak ta chi winakil ja wi njecbax chwach jun cheꞌ chi ncamsaxi jariꞌ retal chi cꞌo maldición trij, neꞌe.

Gálatas 3:26

Como xa jun ebanon chic ruqꞌuin ja Cristo Jesús tibij cꞌa tzij ariꞌ chi ix ralcꞌwal Dios ewanojel pro xa rmal ja yukulbal ecꞌuꞌx ruqꞌuin tok banon queriꞌ chewe.

Gálatas 4:21

Camic cꞌoli nwajoꞌ ncꞌwaxaj chewe ixix ja cꞌol egana nixqꞌuejeꞌ pa rukꞌaꞌ ja ley ¿la ma ewotak ta cꞌa nak rbanic ja ley?

Gálatas 4:7

Rmalcꞌariꞌ tok ma ix caniꞌ chi ta moso, ix alcꞌwalaxelaꞌ chic chewiꞌ tok cꞌo chic ekꞌaꞌ tre ja herencia xin Dios pro rmal ja Cristo tok banon queriꞌ chewe.

Efesios 1:5

Arjaꞌ ni nokrajoꞌ wiꞌ, ni rchominto wiꞌ chi nokoc na ok ralcꞌwal, ni rchominto wiꞌ chi rumac ja Jesucristo chewiꞌ tok nokoc ok ralcꞌwal. Como nijawariꞌ rvoluntad chewiꞌ tok xuban queriꞌ chake.

Efesios 1:7

Ja tok xa jun kabanon ruqꞌuin ja Jesucristo jariꞌ okwasanel chic libre pa rukꞌaꞌ ja il mac como arjaꞌ xutoj ja kil kamac tre ja rquiqꞌuel. Ja tok xa jun kabanon ruqꞌuin jariꞌ cuytajnak chic ja kil kamac. Ja Dios tok xuban queriꞌ chake jariꞌ caniꞌ jun nimlaj mebaꞌil xsipaj chake.

Efesios 5:2

In tewajoꞌ ewiꞌ caniꞌ xuban ja Cristo chake como arjaꞌ xokrajoꞌ, xuyaꞌ riꞌ pa camíc kumal. Ja tok cam pa kacuenta ja Cristo jariꞌ jun ofrenda, jun sacrificio chwach ja Dios in xel rucꞌuꞌx ja Dios trij.

Tito 2:14

Kumal ajoj tok xujach riꞌ pa quekꞌaꞌ ja winak chi camsaxi, xokrutoꞌ chipan ja kil kamac utzcꞌa chi arjaꞌ nchꞌachꞌojirsaj ja kacꞌaslemal. Queriꞌ xuban utzcꞌa chi nokoc tinamit rxin utzcꞌa chi nel kacꞌuꞌx trij ja banoj utzil.

Hebreos 1:3

Caniꞌ tre ja ruchꞌaꞌ kꞌij ruqꞌuin nkatzꞌat wiꞌ nak rbanic ja kꞌij in queriꞌ cꞌa tre ja Ralcꞌwal Dios chakajaꞌ ruqꞌuin nkatzꞌat wiꞌ chi janila nim rukꞌij ja Dios. Ja Dios in ja Ralcꞌwal ni junan quinaꞌoj chi e caꞌiꞌ, ni majun nak ta rjalben ta riꞌ. Ja Ralcꞌwal Dios mta nak ta ja winakarsan jeꞌe ja maquita arjaꞌ chapyon rxin utzcꞌa chi matichictaji in matiyojtaji, ja cꞌa nchapbej jariꞌ ja rtzobal como ja tzij nbij congana poder rcꞌan. Ja cꞌa xuban nabey peti, xokurchꞌachꞌojirsaj chipan ja kil kamac cꞌacꞌariꞌ be chilaꞌ chicaj, xetzꞌabeꞌ pa riquikꞌaꞌ ja nimlaj katataꞌ Dios.

Hebreos 9:12

Arjaꞌ xajutij xoc chipan ja santilaj lugar chilaꞌ chicaj, rcꞌan ja quicꞌ ja ntzujuj chwach ja Dios pa kacuenta pro ja quicꞌ ma quiquiqꞌuel ta qꞌuisicꞌ, ma quixin ta wacax ja tak ternero, puro rquiqꞌuel arjaꞌ. Queriꞌ xuban chake, xajutij xokrutoꞌ pa rukꞌaꞌ ja il mac, nixtacꞌa cꞌo ta qꞌuisic trij ja totajem nuyaꞌ.

Hebreos 9:15

Rmalcꞌariꞌ tok yatajnak tre ja Cristo chi arjaꞌ cꞌamyonto ja cꞌacꞌa chominem ja nercojbej ja winak chwach ja Dios. Rmal cꞌa ja rcamic ja Cristo tok cuytajnak chic ja il mac ja bantaji chipan ja chominem ja cꞌoli nabey. In camic ja roksiqꞌuin rmal ja Dios nokcowini nkawil ja rutzil ja tzujunto ojer rmal, jariꞌ ja herencia xin Dios ja ni mta wiꞌ qꞌuisic trij.

1 Pedro 3:18

Ja Cristo arjaꞌ ban pokon tre chakajaꞌ, camsax rmal ja kil kamac, xa jutij cami, mchita ja camíc trij. Arjaꞌ ni majun ril rumac pro cam pa kacuenta ja rok ajꞌil ok ajmaquiꞌ. Ja tok queriꞌ xuban jariꞌ xjakbej kabey chikawach chi nokekaj na ruqꞌuin ja Dios. Arjaꞌ camsaxi como winak pro cꞌastaji como espíritu.

Apocalipsis 14:3

quimajon rbixaxic jun cꞌacꞌa bix. Ja lugar ja bar nebixanoc wiꞌ, chwach ja trono rxin ja Dios in chiquewach ja re quijiꞌ in chiquewach ja ranciano. Majun nak chi ta xecowin ta xeꞌotakin ta ja cꞌacꞌa bix ja quibixaj, xa queyon ja jun ciento cuarenticuatro mil winak xeꞌotakini, ejeꞌeꞌ riꞌ ja xelokꞌi xetotaji chiquicojol ja winak ja recꞌo chwachꞌulew.

Apocalipsis 5:9

In cꞌo jun cꞌacꞌa bix nquibixaj tre ja Carnelo quewariꞌ: —Atat ni yatal wiꞌ chawe chi nacꞌam ja wuj in nawasaj ja sello rcꞌan. Queriꞌ nkabij chawe como atat xatcamsaxi in ja raquiqꞌuel jariꞌ xokalokꞌbej chi xokoc pa rcuenta ja Dios. Queriꞌ abanon chake xa nak ta tribu ja rokcꞌo wiꞌ, xa nak ta katzobal, xa nak ta katinamit, xa nak ta kanación.